اعلان 1 اعلان 1 اعلان 1 اعلان 1 اعلان 1 اعلان 1


الشايب والوايت

الموضوع في 'الملتقى العام' بواسطة مذهله, بتاريخ ‏2010-01-08.


  1. مذهله

    مذهله مراقبة عامة مراقبة عامة

    7,201
    0
    36
    ‏2009-02-12
    معلمة
    يسولفون عن شايب نوى يشتري له وايت علشان يسقي الحلال , وذالشايب متقاعد
    وشاريله رعية غنم
    وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال
    فقام و توكل على الله وعزم يروح يدور له وايت.
    صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.
    عجب خوينا
    الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح
    أوصلهم وأشوف كم هو واصل سومه و إذا هم حادينه اشوف كم هو عليه.
    وصل عندهم الشايب ووقف يسمعهم يحرجون , وأستانس بالحيل لأنه ماهو بغالي.
    ولا ذاك الرجال
    ماسك الميكروفون ويحرج 50,,52,,55,,ومن قال زود ,
    قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.
    وخش معهم بالحراج ,,,56,,,ويزودون...ويزود...ويزودون...ويزود.
    المهم وصلوه 75,,,قام خربها وقالهم ,,,80
    هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!
    يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب
    وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك
    بمليون ريال ذالحين ,,ذالحزه
    بس مانشوف وجهك واقف معنا بالحراج .
    انصدم الشايب ..أفتر راسه شوي وقال هااااا..وش السالفة..؟؟؟
    مليون ريال ..وليه..؟؟
    قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.
    وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري
    وش السالفه!!!.
    طيب وش العلم علمني ..؟؟
    علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي
    جايبينه يرشون به الأرض علشان يحرجون.
    والحراج من اليوم بــ 56 مليون و 75 مليون..وابو الشباب (الشايب) خش عليهم عرض
    ولايدري وش العلم.
    وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..
    وهو ماصدق. طاير من الفرحه,,مليون,,ويقول بخاطره
    عجزت وأنا اجمع خمسة وثمانين ألف ويجيني ذا الرزق من الله
    فسبحان الله مقسم الأرزاق على عباده.
    الرزق مثل الأجل يتبعك
    ******
    الله يرزقنا بمخطط بالغلط.
    ماحولكم وايت للبيع هههههههههه....
     
  2. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    فيه وايت للبيع

    اذا ودك تشترين
     
  3. سريع2

    سريع2 تربوي مميز عضو مميز

    1,169
    0
    0
    ‏2008-08-12
    معلم
    ههههههههههههههههههههههه
    سبحان مقسم الارزاق
    مذهله تقبلي مروري واحترامي
     
  4. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    هههههههههههههههههه

    الإنسان مسيّر وليس مخيّر

    رزق انكتب له وساقه ربي إلى عنده
    تقبلي مروري مذهلة
     
  5. روح الملكـ

    روح الملكـ تربوي جديد عضو ملتقى المعلمين

    923
    0
    0
    ‏2009-09-04
    هههههههههههههههاي
    حلوه بصراحه
    يابخته والله
     
  6. $الحنين$

    $الحنين$ عضو مجلس إدارة الموقع عضو مجلس الإدارة

    6,725
    0
    36
    ‏2009-01-19
    معــــــلم
    والله حاله جاي يبي وايت

    وطلع بمليون الي يجيبه

    وايت وديانه وونيت
     
  7. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    كنت اقرأ عن قصص من نسج الخيال ولكنها واقعية


    وأظن هذا الموضوع يندرج تحتها



    يالله يا شائب ....
    ابسط يا عم
    واشتري بدل الوايت اثنين

    اكيد بيطق الثانية ما فيها
    هذا هم الرجال لا اغتنوا اعرسوا


    اكيد بيصير له قصة وهو يبحث عن زوجة المستقبل
    محظوظ هالشايب

    بيتزوج وحدة غنية وارثة 56 مليون وتموت بحادث انقلاب بالوايت ويصير الشايب الوارث الوحيد


    ........ الخ


     
  8. مذهله

    مذهله مراقبة عامة مراقبة عامة

    7,201
    0
    36
    ‏2009-02-12
    معلمة
    شكرا على مروركم اسعدتموني
    تحياتي
     
  9. أم الفهود

    أم الفهود طاقم الإدارة مراقبة عامة

    2,624
    0
    0
    ‏2009-11-06
    مشرفة تربويه في قسم رعاية الموهوبات
    ربي له حكمة وانت مشاء الله ما قصرت كملت قصة الشايب الله يكفينا شر فالك على طول يتزوجها المسكينة وتموت
    <<<<<< داخلة جو مع قصة الشايب اللي معرس بالغنية ونست قصة الوايت
     
  10. الرويس

    الرويس مشرف سابق عضو مميز

    1,082
    0
    36
    ‏2009-01-01
    معلم
    انا ما ابغى وايت ابي دنة شاص طويل
    هي ما تكفيني بس تمشي الحال
     
  11. أبو سامي

    أبو سامي تربوي جديد عضو ملتقى المعلمين

    105
    0
    0
    ‏2009-12-20
    أرزاق أرزاق
    يعطيك العافية أخوي
     
  12. ۝ مرافئ ساكنــــه ۝

    ۝ مرافئ ساكنــــه ۝ تربوي جديد عضو ملتقى المعلمين

    136
    0
    0
    ‏2009-09-07
    ياسلام لو نكمل القصه وتصير مرافئ زوجة هاللي باع المخطط
    بموت مابعد كملت عد هالملايين [​IMG]