اعلان 1 اعلان 1 اعلان 1 اعلان 1 اعلان 1 اعلان 1


اجازة المعلم فترة الاختباراااااااات.........عاجل

الموضوع في 'ملتقى حقوق المعلمين والمعلمات' بواسطة mu_ah, بتاريخ ‏2010-01-10.


  1. mu_ah

    mu_ah تربوي جديد عضو ملتقى المعلمين

    385
    0
    0
    ‏2008-02-14
    معلم
    السلام عليكم ورحمة الله وبركااااااااااااته

    اتمنى افادتي عاجلا وتزويدي بالتعميم.....
    لدي زميل يعمل في منطقة مكة ويدرس دراسة مسائية في جامعة جدة علما بانه اخذ موافقة على هذة الدراسة من ادارة التعليم بمكة،والمعروف نظاما انه اثناء فترة الاختبارات التي يؤديها المعلم في الجامعة يحق له اخذ اجازة لفترة الاختبار،وقد تغيب زميلي عن يوم السبت لكي يختبر وفوجى يوم الاحد بان مديرالمدرسة قد رصد له غياب امام اسمه(9) ولم يعترف بالأوراق الرسميه التي احضرها زميلي(جدول الاختبارات-افادة الدراسه من الجامعة-صورة الموافقة من ادراة التعليم على الدراسة).
    ويقول لايفهم النظام سواي. وقد اعطاه ورقة استفسار غياب ولايدري ماذا يكتب بها؟
    استفساراتي......
    1-هل الاجازة فترة الاختبار في الجامعة تشمل مدة الاختبارات من اول يوم الى اخر يوم-او اجازة ليوم الاختبار فقط.
    2-هل لائحة الاجازة تشمل الاختبارات المسائية.والاخذ بالاعتبار المسافة بين منطقة العمل ومنطقة الاختبار.
    3-ماعرفه من زملاء لي يدرسون الأنتساب وهم على راس العمل انهم يفرغون فترة اختبارهم في الجامعة المدة كامله ايام الاختبار والايام التي بينها لظروف الاختبارات والمذاكرة.

    اتمنى تزويدي باللوائح والتعاميم المختصة وماهي طريقة التصرف مع مثل هولأء المدراء. وشكررررررررررررررررررررررررا
     
  2. عـبدالله الســلمي

    عـبدالله الســلمي عضوية تميز عضو مميز

    1,978
    0
    0
    ‏2008-01-14
    معلم
    إن شاءالله تجد من يفيدك
     
  3. ابونايف13

    ابونايف13 تربوي جديد عضو ملتقى المعلمين

    10
    0
    0
    ‏2009-05-11
    تعديل

    ايوه له اجازه لانه نظاما ومن وزارة الخدمة المدنية برقم وتاريخ اثناء فترة الاختبارات التي يؤديها الموظف في الجامعة يحق له اخذ اجازة لفترة الاختبار... لكن مديركم معاه حق لأن المعلم ما جاب له أي اوراق من ادارة التعليم (برقم وتاريخ وتوقيع مدير التعليم بنفسه بعد) ... انا كنت كل ترم آخذ هذي الاجازه من بداية الاختبارات وحتى نهايتها ... يعني موفي نفس اليوم اللي بتختبر فيه بس ... طيب ايش تقول لزميلك يسوي ؟؟

    قول له يعمل التالي:
    1- ياخذ مشهد من الجامعه ببداية الاختبارات ونهايتها وان الطالب لدينا منتظم دراسة مسائية .(تنتهي في خمس دقايق)
    2- ياخذ له ورقه a4 ويكتب لمدير التعليم طلب اجازه .(دقيقتين)
    3- يروح لادارة التعليم ويعطي السكرتير ويقول له هذا طلب اجازة اختبارات(يرفق معه المشهد اللي اخذه من الجامعه) ... طبعاً السكرتير يعرف(عالّينه طلاب الدراسات العليا) بيدخل عند مدير التعليم يأشر عليها ثم يطبع نموذج جاهز عنده على الكمبيوتر بأنه وبحسب الماده كذا وكذا من نظام الخدمة المدنيّة فإن المعلم ... يستحق اجازه من تاريخ كذا وكذا الى تاريخ كذا وكذا وبتوقيع مدير التعليم...حسب المشهد المرفق طبعاً ..(هذي تاخذ لها كمان عشر دقايق اذا كان السكرتير مو علّه) .
    4- سيبتسم لك السكرتير ويقول لك ضف ذلحين لشؤون الموظفين.. تقوم تنط انت زي الذيب وتروح لشؤون الموظفين وتورّي مدير شؤون المدري وشهي ... يقوم هو يعطيك ورقه فيها ان مديرك مستغني عنك فتره الامتحانات .. وانه اوكل عملك لغيرك ... وان غيابك لا يضر بالعملية التعليمية في المدرسه ومن ذا الكلام ( خمس دقايق).
    5- فرّش اسنانك صبيحة اليوم التالي لتذهب للمدير وانت فاق خشتك ، وناوله الورقه بخفه بعد ان تسأله عن موقف سيارته وهل انتبه عليها من البزارين ومن ذا الهرج ... الى أن يوقع على الورقه ...( ثلاث دقايق ومع التزلّف والابتسامات قد تمتد هذه الخطوه الى عشر دقايق مع ملاحظة ان بعض ادارات التعليم لا تشترط هذه الخطوة لكن ادرجتها هنا عشان بعض ادارات التعليم تعقد الوضع شوي ونظاميه يعني)
    6- بعد ان يوقع المدير ورقتك اطلع من عنده ودووووغري على شؤون الموظفين ، بتعطيهم هالورقه ويعطونك ورقه ثانيه فيها تعهد انك تحضر مايثبت حضورك الامتحانات في الكليّه ، وقع على التعهد ويدك ترتعد وعيناك جاحظتان ، حتى تدخل الموظف جو الخوف ... ضروري هذي لاتنساها قصة الرعده والجحوظ .. لأنك لو ماسوّيتها بيحس الموظف انه سخيف وماله داعي ، وبيعطلك كمان ربع ساعه ... لكن لو سويتها ووقعت توقيع تتقاطر عليه حبات العرق من الخوف والرهبه راح تسلك أمورك.( هذي تاخذ اربع دقايق ومع التراجيديا والآكشن اللي بتسويه انت ممكن تمتد معك الى عشر دقايق).
    7- بيعطيك ورقه فيها المولود الجديد ... ويش هي يا ترى؟؟؟ .... صح الاجازه ... بس لا تفرح روح وقعها كما ن من مدير شؤون الموظفين ... ثم تروح للسكرتير حق مدير التعليم ليدخلها لمدير التعليم ليوقعها وتحصل على وسام اللي مدري وشو من الدرجة اللي مدري وش تبي ..( هذي ماتاخذ منك ولا أي وقت لأنك بتكون خارج نطاق الزمن من الفرحه يعني).
    8- تروح للمدرسه وتعطيهم نسخه من قرار الاجازه... عشان المدير ... لو مر عليه مشرف ... ولا ديوان مراقبة السلنتح والشرّاده ... تكون انت محمي بهالورقه ... الله لا يعوق بشر .
     
    آخر تعديل: ‏2010-01-10