اعلان 1 اعلان 1 اعلان 1 اعلان 1 اعلان 1 اعلان 1


إليزابيث القصيم مفاجأت الجزء الأخير<<<<بقلمي

الموضوع في 'ملتقى إستراحة الأعضاء' بواسطة أبلة إنجليزي, بتاريخ ‏2010-01-17.


  1. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    هذي قصة بقلمي ..أردت أن أنزلها هنا على اجزاء
    وذلك لتناسب موضوعها الفكاهي مع إستراحتناااا

    وللقصة مناسبة في الكتابة ..فقد كتبتها لمسابقة تحدي بيني وبين كاتب في الساحات العربية المفتوحة ..وكانت الشروط هو توحيد العنوان مع أبطال القصة ولازالت القصة موجودة في ملف في جهازي وأردت أن أنزلها في قسمي (( الإستراحة)) وأتمنى تواجدكم وتفاعلكم


    الجزء الأول
    تعد الدراهم محوووور هاااام في حياتنا
    منا من يولد حافي منتف<<ومنا من يولد في فمة مصاصة ذهب
    ولكن هيهات أن يدووووم الحال
    موضي فتاة جميلة الملامح جلفة الأسلوب مسترجلة لديها أطنان من البثارة والدفاااشة..
    بنت فقررر من جات مات أبوهااا
    وبعدهاااا بمدة لحقتة أمهااا
    وكملت بكذا صفاتها اللي مادري وش تبي؟؟
    عاشت حياتها يتمية بين أختين أكبر منها الكبرى حصة واللي بعدها سعاااد وهن ليسن بببعيدات عن مويضي وأخلاقها وصفاتها
    وأخ يدعى فلاااااح <<هاج عن خواته من فعايلهن وسواياهن فقط يدير حياتهن إدراة من بعيد..
    كان الفقر محاوط هذي العائلة من جميع النواحي
    الجميع في حي بسيط حولهم نفس الطبقة..كانت مويضي وشخصيتها القيادية أحد أبرز زعمـاء شلل حارتها
    لأنها ماتغطت غير في صف ثالث متوسط <<وبالطقااااق بعد وإلا هي ماهيب ناوية
    المووووهيم لها مغامرات
    شيلات حطات
    مع بنات وعيال حارتها
    ولاجاء الليل قعدت تصيح ماحلت واجباتها وبعدين ترحمها سعاد اللي كانت مثل خواتها بس حنينة الأخت شوي؟؟
    وتقوم سعاد تحل الواجبات لها وهي تشخررررر في سابع نومة
    محد يلومها من تطب رجلها عتبة المدرسة خروجآ وهي تهج في ملك الله ساع في حارة ابيض واسود
    وساع في حارة أم نقيزة
    ومرات في حارتهم تبيع طراطيع :)
    كنها بليلة عيد

    عاشن البنات حياتهن في خرررربطة
    وقلة حيلة
    ودهن يكون عندهم رسيفر يفك كل القنوات مثل عيال خالة جارتهم منيرة <<منيرة هذي مثل حالة مويضي بس خالتها عيال نعمة
    ويبن بعد لاب توب لكل وحدة مثل اللي عند عيال خالة منيرة<<ياهذولا الناس مسببين قلق
    ومويضي هذي براسها علووووم ودها تسوووق
    ودها تدرس برى<<عساها تفلح في الكفاءة وتاخذها
    بس هم كذا لاشطحوا ..نطحوا
    وودها بعد تزيد مهاراتها القتالية وتتعلم كونفو :)<<أمحق كونفو مرة وحدة لايفوتكم
    بس لها هدف
    ودها تمرقع وجه أخوها فلاااح وزوجتة اللي دوم تسميها الغبية :)<<ماتنلام من اللي تشوفة
    في مرة من المرررارريت كان فلاح جايهم زيارة ومعه ولدة الصغير حمد على أسم أبوهم
    سلم على خواتة
    وسأل عن موويضي
    ..قال حمد:يبة لا لا ما أحبها تروعن
    لا تناديها
    وكانت مويضي جاية وسمعت وش قال حمد..وحمرت عيونها فية وقالت خوووواف مثل أبوك
    مادرت إلا وهاك المركا على راسها من حصيصة <<قلك تبي تسكتها المسكينة أنعمت من الضربة
    هذي حياتهم رجة في رجة
    تلاسنت مع حمد<<الحمدلله والشكر ترد عقلها لورعااان
    وكانت تسوي حركات تفجعة بس محد يشوفها لين نام الورع من الخرعه
    قالت مويضي لفلاح.. أسمع يالطيب<<أسلوووووب
    ترى أنا عزمت أسوي حفلة نجاحي
    قالها<<والنعم والله وين تبينها في الإنتر وإلا المـاريوت
    قالت:لا في بيتنا
    قال :أحلى يامتواضعة
    وهالحفلة مالها ترتيبات مالها مستلزمات
    مايبي لها فلووووس<<جاء على الجرح
    قالت إلا بس أنا بأخذ منك :)
    قال لها أعقلي أعقلي وأقضبي أرضك
    أن عندي دراهم وفرتها لكن ولمصروفكن
    خرج وهو شايل حمد على كتفة وهي ودها تمووت قهر وصياااح
    يااااااربي متى بنعيش مثل باقي الناس
    متى أسوي حفلة مثل عيال خالة منيرررررة<< ياهذولا عيال خالة منيرة مهبلين فيها
    وقعدت تخطط وترسم وتفكر لدرجة أنها سوت الحفلة من جد
    بس في خيالها :)
    نقزت بسرعة
    ونادت سعاد وحصيصة اللي كانن ينظف المطبخ وقالت لهن:******




    أنتظروا الجزء الثاني ...والله هالله بالردود والمتابعة
    بقلم /أبلة إنجليزي:36_3_19[1]:
     
    آخر تعديل: ‏2010-01-27
  2. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر
    ههههههههههههههههه

    يااازين اياام حصيصة وسووواااالفها

    ابلتنا يالله ترااانا دخلنا جو وقربنا الفشااار والكولاااااا

    بنشوووف وش صااار معهااااااااااا ووش قااالت لهن


    شكلهااا خوووش حفله
     
  3. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    للحظة أحسست بتهور عند طرح هالقصة
    وكنت على وشك حذفها
    ولكن من شفت أول رد ..أرتحت
    حآك موووشريفنااا
     
  4. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    ورجعت بنا الذاكرة لعهد مذكراتك ورواياتك السابقة


    استمري

    فلك اسلوبك الخاص وجمهور متعطش لكتاباتك

    بانتظاااااااار باقي الفصول


    بالتوفيق،
     
  5. روح الملكـ

    روح الملكـ تربوي جديد عضو ملتقى المعلمين

    923
    0
    0
    ‏2009-09-04
    الاخت ابلة انجليزي
    بصراحه عيني عليكـ بارده وليش مبتعده عن الوسط الفني يؤ اقصد وسط المعلمين والمعلمات
    بصراحه ابداع وعيني عليكـ بارده
    بانتظار الجزء الثاني
    وانا بروح انزل موضوع عن مديرة مدرسه خخخخخخخخخخ
     
  6. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب


    لم اقرأ الجزء الأول حتى تكتمل الحلقات فلا أحب الروايات المجزأة وافضلها مكتملة الفصول

    جئت مؤيداً ومباركاً هذه العودة لقلمك الجميل فلنا معه جولات سابقة وممتعة

    استمري أخت مي بقلمك الساخر فكلنا شغف للقراءة حين اكتمال العقد

     
  7. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    يا حيااا الله
    .............
    قلم الأبلة / مــــــــــــــــــــــي

    و عادة لنااا بكتااابتها و روايااااتها الشيقة
    التي تجعل من الزائر و عضو الملتقى
    الشااامخ با أعضااائة و مشرفيه و مراقبيه
    التفاااعل و المشاااركة با المووضووع الطيب
    و نحن با أنتظااار اجزاءه المتبقية........!:36_1_11[1]:
     
  8. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    مسترسل في القراءة ومفهي

    الصرااحة العنوان يوحي بنهااية سعيدة

    الحمد لله على السلامة موشرفتنا القديرة
     
  9. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    حيآآآكـ يابو عبدالرحمن
    أنتظروني أن شاء الله قريبآ في الجزء الثاني
     
  10. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    حيآآكـ أخي روح الملكـ
    وراح تنبسطون بإذن الله
    تابعوني
     
  11. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    الله يسلمكـ
    ويباركـ فيكـ
    تابعنااااا
     
  12. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي

    الله يسلمكـ قهووووة
    تابعناااا
     
  13. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    الله يسلمكـ مشعل
    تابع قراءة بس لاتفهي خلك مركز
    حيآآآك
     
  14. أيمن السلمي

    أيمن السلمي مبدع ومتميز عضو مميز

    5,404
    1
    0
    ‏2008-10-30
    معلم متأهل
    عفــواً وإن جاء ردي متــاخــر

    عـــوداً حميــداً لقلمك أبلة عنجليزي

    [​IMG]

    بعودته عادة الدماء إلى عروقها
    واتبهجت أركان الإســتراحة بقدومه الميمون
    سر إلى الأمام قدمـاً أيها القلم

    أنتظر الجــزء الثاني بكل شغف
     
  15. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر
    ووووووووووووووينك ننتظر الجزء الثاااني :)
     
  16. عـزف منفرد

    عـزف منفرد عضوية تميز عضو مميز

    6,697
    0
    36
    ‏2009-10-01
    مُـعلـِّمـةٌ
    قرأتها بنهم.. و أنتظر البقية..

    شكراً على ماتع الحرف.. وعلى الابتسامة :)
     
  17. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي

    حيآآكـ الله
    أنتظرنااا
     
  18. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    أنتظروووا قريبآ

    كان بودي أنزل اليوم جزء
    بس شفت المتابعة مآآآش قلت بأنتظر كم يوووم
    :36_1_50[1]:
     
  19. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    بنهم هذي بلحالها تخليني أغير رأيي وأنزل الجزء الثاني الليلة :)
     
  20. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    الجزء الثاني

    الجزء الثاااااااني


    نقزت موضي بسرعة
    ونادت سعاد وحصيصة اللي كانن ينظف المطبخ وقالت لهن:*******
    هماكن تبن تحتفلن بعد مثل حفلة عيال النعمة أهل منيٍر جارتنااا
    قالت حصة بفغاااارة: أي
    وعقب بعشرطعش دقيقة ردت سعاد<<<ام الفهاااوة ..أيي أي أي وعلقت عليها مع هزة راس غبية جدن ن ن ن
    خبطت الذيبة على صدرها خبطة كحت بعدها سبعة وأربعين كحة
    قالت اجل أنا عرفت وشلون بنسويها
    قالت حصيصة: تلعبين علينا أن كان فلاااحووووه ماقدر أنتي تبين تسوينهااااا كيف يالفالحة؟؟
    وتعصب مويضي وتحاول تضرب حصيصة <<على طريقة الهجوم على الحكم عقب الكرت الأحمر...وتهديها سعاد على طريقة صالح النعيمة:)
    وتمسك يديها..<<<عايشين جو مضاربات
    قالت مويضي :أنتي هيه يالعانس ؟؟ ترى أن سويت حفلتي مايشرفن حضورتس
    قالت حصيصة :مالعانس إلا وجهتس عيب عليتس أنا اختس الكبيرة أحترمينن
    هع هع هع هع <<<ردت مويضي بسخرية وأن سويت الحفلة وش راح تسوين لي؟؟
    قالت حصيصة : اللي تبين..<<<و ليتها ماقالت
    أستغلت أبو هالكلمة مويضي
    قالت بس تخمين عني البيت أسبوع كامل وكل مايجي دوري أنتي المسعووووولة << ههههههه
    قالت حصة :قدااااام
    وتنادي مويضي أجتمـــــــــــــــــــــااااااع
    ويمشن وراها سعاد وحصة بيششوفن تاليتها مع هالمنسمة أختهم
    طلعت مويضي على المركى وحطت يدها عند فمها كأنها ماسكة مايكرفووون..
    وقالت
    بسم الله
    والحمد لله
    والصلاة والسلام على رسول الله
    أخواني أخواتي
    <<وهنا جاتها علبة كولا فاضية بين عيونها قالت لها حصة أخلصي يامال الرجة
    وين أخواني وأخواتي مؤتمر الدول ال.. ال .. ال.. وهنا ورطت ماعرفت تكمل ثقافتها نص نص
    كحت و ثمن قالت كملي يامويضي <<أم المواقف اللي كذا :)
    قالت لهم الحفلة مسوينها مسوبنها الله لا يعوق بشررر
    قالت :ماراح تكلفنا الحفلة غير فساتين لكم <<طبعآ هي ماتعد نفسها مرة تبي تلبس تكميلة رياضية للنصر وإلا للهلال :)
    قالن خواتها: وهذي محلولة
    قالت:والباقي سهل
    بنسوي حفلتنا في فيلا وأحلى فيلا بعد
    وأحلى بوفية وحلويات
    وأحلى طق ودي جي
    قالن:لابالله أنهبلتي
    قالت:إلا بتشوفون
    بس زهبن أعماركن
    وقالت وأنا بأحدد الموعد
    وأهم شيء أياني وأياكن يدري فلاح
    والله أني لأروح لجمعية الرفق بالحيوان وأتبرأ منكن
    وقصم قصمــآآآت أن مانفذتن ماأقول لأتبرأ منكن وأنا فيها صادزززززززة
    أخيرآ يا أخوات ..أسمعن وش بتسوووون
    أنا مو جالسة أفكر وأخطط وأدبر للحفلة على شان تستانسن حضراتكن وأنا أكل هواء
    لازم نتعاون فاهمين
    ردن بفغارة:فاهمين
    قالت اجل حصة راح تغسل المواعين وتخم الحوش كل يووووم بالإضافة لمهمتها الأساسية الطبخ
    وسعاد راح تغسل الملابس وتكويهن وترتب البيت
    قالت حصة : ياسلااااام وأنتي وش تسوين أن شاء الله ؟؟
    ماكملت كلمتها إلا ونفس علبة الكولا الي نطلتها على مويضي جاتها مرتدة طولية على خشمها بالتحديد
    وقالت لها أنا قاعدة أفكر وأخطط
    مشغوووووووولة أفهمن مو تبن تستانسن
    قالن كعادتهن بفهاوووة:اي
    قالت مويضي:هذي المهام الجديدة واللي ماتسمع الحكي ياويلها
    تدرووون وش عقوبتها
    قالن شووووووو
    قالت:مـــاكو حفلة
    نزلت من فوق المركى وقالت :
    خلص الإجتماع(( أوووخص يا كوفي عنان ))
    وراحت سعاد مدرعمة وماسكة علبة الكولا..وتقف قدام مويضي على طريقة المؤتمرات الصحفية
    أخت موضي ممكن نسألك
    قالت:أسفة أسفة الإجتماع كان مغلق والنتائج ستروووونها قريبآ :)
    <<<وربي أنهن فاااااااصلاااااااااااااات منتهياااااااااات عايشاااااااات جو بقوووووة

    وبعد كم يوم جاتهن بكل ثقة وقالت يالله أعزمن لحفلتكن وهذا العنوان وأكشخن تراها بكرة
    وأنا بأنام لاحد يزعجن<<,أوووخص ياشديد
    مسكتها حصيصة قالت:ماهقيتها منك يامويضي
    تسرقين
    وعلى شان شنو على شان الحفلة تهيء تهيء تهيء<<قالتها بطريقة الأفلام المصرية
    نظرت فيها مويضي وقالت : أنهبلتي أنتي
    تقلعي بس <<أوووخص يالأسلوب
    ونفذن اللي قلنا علية.................







    <<<أنتظروا الجزء القادم
    وش راح بيصير
    ومويضي تهقون من صدقها تكلم خواتها وإلا مقلب من مقالبها...؟؟
    وشلون راح تدبر مويضي أمورها؟؟
    تهقون لقت مصباح علاء الدين :)؟؟
    هل بيسوووون حفلتهم؟؟
    وكيف راح تمشي أمورهن؟؟
    أنتظروا الجزء الثالث


    مع تحيات أبلة إنجليزي
     
    آخر تعديل: ‏2010-01-19