اعلان 1 اعلان 1 اعلان 1 اعلان 1 اعلان 1 اعلان 1


مسجات وقصايد راح تعجبكم اكيد كلمات ليست كالكلمات

الموضوع في 'الملتقى العام' بواسطة معلم من الخبر _ 1417, بتاريخ ‏2010-01-20.


  1. معلم من الخبر _ 1417

    معلم من الخبر _ 1417 تربوي جديد عضو ملتقى المعلمين

    3,218
    0
    0
    ‏2009-10-05
    معلم
    أنصحك

    أنصحك

    أنصحك
    اللي طول عمره يداويك
    ممكن في لحظة يجرحـــــك


    أنصحك

    أنصحك

    أنصحك

    لاتندفع

    اللي طول عمره يكتبك
    في أي لحظة يمسحــــــــك
    تساوي من بكى مع من ضحك
    دام اللي يسترك هو اللي يفضحك



    دخلت بالحب تصنيفه ورد إعتبار
    وأجتزت كل المراحل مرحله مرحله
    غلطان توي عرفت إن المحبة دمار
    تأثر على حاضر العاشق ومستقبله
    سويت مثل العرب الأفغان في قندهار
    إن حاربوا مشكل وإن عودوا مشكله
    ـــــ

    في زمانك محد يشيل همك
    لاحبيبك لا أخوك لا رفيقك
    ماتهم اللي يهمك
    لو بغيت تعيش صح
    صل فرضك وأقضب أرضك
    وخلها للي عيونه ماتنام ونام
    ـــــ

    صرت أنا للحب والدمعة أسير
    في حياتي يوم راحة ماظهر
    مظهري جنه ومضموني هجير
    مرقدي تمثيل والواقع سهر
    جيت يمك وأنت عزمت المسير
    صرت ضدي مع صواديف الدهر
    الوداع فراق والموقف مرير
    والعزى ماضيك والحاضر قهر
    ـــــ

    الصاحب اللي ينتهض لانخيته
    ياحظ منهو يا(الأسم)له حزام
    وشرواك يالطيب يكفيه صيته
    ولا الردي ماينفعه مدح الأقلام
    ودرب تبي تاطاه رجلك وطيته
    ماني محسب للخسارة والأيام
    ـــــ

    وعذابي كان لي نفس صحيحه
    خيرت مابين صدك والمنيه
    أن نويت البعد ضاقت بي الفسيحه
    وأن بغيت القرب خان القرب فيه
    كيف بخفي الحب وجروحي صريحه
    كيف أحجب الشمس ياخلي بيديه
    كيف أداوي علة النفس الجريحه
    وين أودي دمعة العين الشقيه
    ـــــ

    من مواني الليل لعيونك سريت
    ودمعتي تحلف علي أهلها
    كم بكيت بداخلي لو مابكيت
    كبرت همومي وقلبي شلها
    كم تناسيتك ولكن مانسيت
    لو تغيب الشمس يبقى ظلها
    بأنتهي بك مثل مافيك أبتديت
    وماسوت عزة زماني وذلها
    ـــــ

    أنا بدوي وبعيشتي ماتنعمت
    ورمز البداوه سيف وللكيف دله
    محبوبتي صحراي في حبها همت
    أعشق سهلها والرجوم المطله
    يكفي إني من البداوه تعلمت
    إن الركوع لغير ربي مذله
    ـــــ



    أنا الذي من شوف الأحباب محروم
    والله يكافي شر زلات الأقدام
    قبل أمس مع ربعي سواليف وعلوم
    واليوم طاويني هواجيس وهيام
    أضحك ضحى قبل أمس وأبكي ضحى اليوم
    ياسرع دورات الليالي والأيام
    ـــــ

    لو هو على زينك بنلقى صبايا
    المشكلة في الحب تعمى البصاير
    أولاد ناس ولا نحب الوصايا
    كلن يرى مفسه يعادل عشاير
    ـــــ

    شكواك للي طالبه مابعد خاب
    ودعواي لك يالله تطول سنينه
    كم واحد من الحب منصاب
    الحب قاتل ماأحد يقدر يدينه
    يادمع عيني لمن تغرب ومن غاب
    ياشيب عيني لمن يفارق ضنينه
    قلبي عذلته لكن القلب ماتاب
    والحب تلعن ساعته وسنينه
    ـــــ

    أبشتكيلك دامك أعز الأصحاب
    شكوى جريح يبتسم من ونينه
    القلب ياخلي جريح ومنصاب
    خلا دموع العين تنزف حزينه
    على هنوف صكوا دونها الباب
    من عقب ماحنا ظنين وظنينه
    حلفت ماأنساها ولو فوقي تراب
    وأنا بوسط القبر لأقول وينه
    ـــــ

    يامرحبا أعداد ما لاحت بروق
    ترحيبة المؤمن بحكم الشريعه
    رسالتن جتني من أعز مخلوق
    ومن كان مثلك طيب مانبيعه
    ياطيب الجدان من جذر وعروق
    أفعالهم كل الخلايق تذيعه
    ـــــ

    من يوم ماذوقتني حر فرقاك
    واليأس والحزن في حياتي غرسته
    شريت لي ثوب على شان لقياك
    والثوب راحت موضته ما لبسته
    وشريت عطر مازهاني بلياك
    أربع سنين بعلبته ما لمسته
    ـــــ

    أرسلك المرسول يامعرب الجد
    من ساس قوما"يحتمون المظله
    يحمل تحياتي بها الود ممتد
    من ضامري ماهي سواليف شله
    البعد ماعنه الرجاجيل تنحد
    لو حال من دونه سماء نجد كله
    والحر مهما راح لابد مايرد
    للنايف اللي كل حر فطن له
    ـــــ

    الليالي شرهتني ودنياي أمحقاء
    بين كتمان الحقايق وشرهات الرفيق
    والله أني ماتوقعت مدري ماهقاء
    ينخدع فيني صديق وغيره في حريق
    مستعد أقضي العمر من دون أصدقاء
    بس ماأخون الصداقه ويجفاني صديق
    ـــــ

    مافيك عيب إلا قلبك متيني
    وتصد عني والصدود القطيعه
    إن كان واصلني فهذي يميني
    مبسوطه لك والمواصل شريعه
    وإن كان قاطعني يبالله يعيني
    مر الفراق ولا حلاوة خديعه
    لكن صبري والرجاء واليقيني
    وسيلتي عن كل بلوى وجيعه
    ـــــ

    كان ودك ماتزيد الصدر ضيقه
    لاتسمع للدعاوي والشكاوي
    وش يهمك وش صديق من صديقه
    مامشالك بالمحاسن والمساوي
    رافق اللي فاهم واجب رفيقه
    لانخيته جاوبك راعي نخاوي
    ـــــ

    غربة عمر منها المشاعر عطيبات
    ولجل الرجاء جربت كل الطرايق
    ورد الامل في زحمة اليأس مامات
    يحيه دمعن به رموشي غرايق
    بصوتي أجاوب صرخة العمر بآهات
    مدام حظي من عناء الوجد عايق
    ـــــ

    وش حيلة اللي علته داخل الجوف
    نار الفراق بوسط صدره تصلى
    وش حيلتي ياناس والحال منصوف
    منصوف نصفين على اللي تغلى
    نصفه يقول أصبر يمكن يحن ويروف
    ونصفه يقول اللي تغلى يخلى
    ـــــ

    يازين حبك رج قلب العناء رج
    شف له طريقه قبل توقف عروقه
    أما تدور له عن الحب مخرج
    ولابعد حرقه تداوي حروقه
    هذي سنه وخيول حبك تسرج
    من فوق قلبي لين بانت فتوقه
    أما أنتصافا بالهوى ونتهرج
    ولانكب الحب ونكب سوقه
    ـــــ

    زينه على كل المخاليق غطى
    عقل وجمال وخف دم مخلوطي
    عمره صغير وجاهل توه ماتغطى
    ولاغيره أحد يخيط قطوطي
    غرون على عرش البنات أيتوطى
    قطع على الزينات كل الخطوطي
    ياليل قلبي على قلبي أخطى
    حط القدر بيني وبينه شروطي
    ـــــ

    مات حبك والبقية في حياتك
    في حنايا خافقي لاقى مصيره
    خذ مع الجثمان باقي ذكرياتك
    تجربه حبي معك كانت مريره
    مايعرف الحب من سوى سواتك
    يجهل الإخلاص من ضيع ضميره
    غرني ياصاحبي ظاهر صفاتك
    غلطتي يا للأسف كانت كبيره
    ـــــ

    شخص يضرك جعل ربي يشله
    أصعب شلل يكون مايوجد دواه
    ولابرص يضفي على الجسم كله
    يبدأ بوجهه ثم يمشي على عضاه
    ولا مرض طاعون حتى يغله
    يسمع علاجه بس من دون يلقاه
    ويصاب بالسكر حتى يحله
    حتى المشي بالرجل ماعاد يقواه
    ـــــ

    صديقنا الصادق بروحي فديته
    وعدونا يخذل ويقهر وينظام
    وللاش ولد اللاش لامن لقيته
    مع كلاب الضير نرمي له عظام
    وأنا معك بمشي بدرب مشيته
    سوا سوا لاقلت قدام قدام
    ـــــ

    من دون ماأقصد ياهوى البال مريت
    قدام بابك وأنجبرت أشتكيله
    ياباب قله في عذابي تماديت
    ومرت على فراقه سنين طويله
    شوقي فضحني في عيوني وصديت
    الدمع مايرحم وماقويت أشيله
    ـــــ

    الغلا والشوق وجروح الشقاوي
    والسهر والليل والنفس الشقيه
    والجفاء والحزن ودموع الهواوي
    والعناء والويل ودق الهاشميه
    والرجاء والحلم ودرب الحراوي
    والوله والبعد والميسم وكيه
    (كلها سبتك ياعين المهاوي)
    ـــــ

    العام رجلي بالطويله تعدي
    واليوم كني مكتف الرجل تكتيف
    ضيعت عمري في أسترح وأستعدي
    نوب جزاء ونوب أنقريه وتنظيف
    يارجل سجي وياعين لدي
    لديار نجد وعاليات المشاريف
    ـــــ

    مني للغالي سلام وتراحيب
    مضمونها تقدير من قلب صافي
    سلام ياراعي الوفاء والمواجيب
    سلام يارجل مع الناس وافي
    أجيك لو ماأرسلت يمي مناديب
    آصلك لو أني على الرجل حافي
    ـــــ

    خانت الأيام شخص مايخون
    ولاهقيت أنه كذا طبع الزمن
    كيف أصبر وأعيش مغبون
    كيف اداف طالما الحظ أندفن
    بس ليه أشكي وأحسب للظنون
    وراس مالي تالي الدنيا كفن
    ذي بداية والنهاية وش تكون
    هو يزول الهم عني ما أظن
    ـــــ

    سافر حبيبي مابقى غير تذكار
    تذكار عين للمحبة سهيره
    سافر وقلبي من عنا البعد صبار
    مبعد من عيوني وقلبي يديره
    أجامل الضحكة وقلبي على نار
    والجمر في جوفي تزايد سعيره
    ـــــ

    عرفت بحياتي لوعت الوقت والحرمان
    وعرفت العذاب وتعبت أميز ألوانه
    وجلست أذكر الماضي على قول كان وكان
    غرام حفظته ياعسى صاحبي صانه
    تراك بحياتي نابض القلب والشريان
    ودونك حياتي ياهوى البال خسرانه
    ـــــ

    سلام ياشيخ تربى على الطيب
    سلام يارجل عزيز وغالي
    تعيش ياحر تعلى المراقيب
    حر ولد حر على الرجم عالي
    يحتار فيه الشعر تشريق وتغريب
    رجل عزيز النفس ماله مثالي
    رجل الوقفات راع المواجيب
    صلف على الصكات مابه جدالي
    ـــــ

    أوقات أصير وبعض الأوقات ماأصير
    عشان أبعطي بس فرصه لغيري
    غيري يبيها وأحمد الله أنا غير
    مادامني خابر مطاليع طيري
    ـــــ

    لبيك حاضر
    وش اللي تبي تطلبه قلي
    قلي وش اللي تبي وأبشر بمطلوبك
    بس أنتبه !
    لاتناديني وأنا أصلي
    أترك صلاتي وألبي
    وألتفت صوووووووبك !
    ـــــ

    غايتي ومناي بالدنيا رضاك
    لو يقولون العرب صابه جنون
    لو جفوني من نهوني عن هواك
    لو رضيت فراقهم عندي يهون
    لو تغيب سنين قلبي مانساك
    لو تعذبه المواجع والطعون
    حالف ماأنساك لو بعدك هلاك
    ومن حفظ عهد المحبة مايخون
    ـــــ

    هذي رسالة تاصلك في قصيدة
    فيها بأعبر لك من القلب بإحساس
    أببتدي وياك صفحة جديده
    ولا أتركك وأتوب ياشمعة الناس
    لا تبتعد عني بديره بعيده
    كيف يتحمل غيبتك قلب حساس
    ـــــ

    وصلك مثل غيم الربيع أستخيله
    وأنا على باب المحبة رجاوي
    حاولت قربك مالقيت الوسيله
    أنا أشهد أني بالمحبة شقاوي
    مالي على مايجري اليوم حيله
    ولاني على بعد المحبين قاوي
    ـــــ

    ولعتني يانور عيني وصديت
    وخليتني من طول هجرك أعاني
    مدري جفاء مدري علينا تغليت
    ولا دخل في جوكم شخص ثاني
    وأنت الذي في وسط عيني تعليت
    وليا ذكرتك داعي الشعر جاني
    ماطاب لي زاد ولا مقعد البيت
    حتى لذيذ النوم راح وجفاني
    ـــــ

    ليتك تعرف أن الهوى سهم ذباح
    وقلوب عشاق المحبة رقيقه
    وليتك تعرف أني ليا شفت رقمك أرتاح
    والقلب يسعد يوم يلقى رفيقه
    أنا الحزين وباقي الناس بأفراح
    وأنا الأسير وخلق ربي طليقه
    ـــــ

    مايبعدك عني ولا أي مخلوق
    وإن غبت يبقى في غيابك خطوره
    مثل الشجر مهما رفع هامته فوق
    يبقى مصيره مرتبط في جذوره
    حنا تخاوينا على سلم وطروق
    ياحلو خوة طيبين المشوره
    ـــــ

    أسأل وأنا كلي من أجلك إجابات
    كل الصعايب لأجل عينك سهاله
    يضيق صدري لو بقارقك لحظات
    وأصير بعدك بألف حاله وحاله
    لو كنت غايب وأبعدتك المسافات
    لك صاحب ماغبت عن خياله
    ـــــ

    أنا الذي من بدة الناس أغليك
    وأنا الذي عينه تراعي خيالك
    وأنا الذي لو تزهمه ماتعداك
    وتطلبه في كل حزه عنالك
    يالعنبو دنيا تهمك وتشناك
    موتي ولا شيء يكدر مزاجك
    هذا كلام اللي يعزك ويفداك
    ماهو كلام اللي يدور ضياعك
    ـــــ
    تل قلبي تل قير السبرماني
    سائقه هندي وعماته نخنه
    يوم تله صار لقزوزه غناني
    كن نجدات الحكومة يطردنه
    باغيات عرس في صالة بياني
    صالة عنوانها ماحددنه
    دوج الهندي إلى الساعة ثماني
    وأزعلن وكرت العزيمة قطعنه
    ـــــ

    العمر من فوق قانونه تعدى
    والشباب أقفى على ديمن وهاصي
    ياوجودي وجد مطرود يحدى
    من جموس أمن الطرق والجيب شاصي
    خايفن في حوزته سبعين شدى
    إن طرح مضمون في حكم القصاصي
    ـــــ

    الله ياوقت أجي فيه وأروح
    أمشي على شفي وغاية مرادي
    واليوم دار الوقت وأصبحت مطروح
    في العسكرية ذقت مر الهماجي
    العسكرية طوعت كل طحطوح
    خلت طويلين الشوارب دجاجي
    ـــــ

    أنا ماذبحني كود بنت عليها الكاب
    على كابها رمز الخطوط السعودية
    ألا ليتني كابتن ولاني من الركاب
    وأخاويه في الروحه وأخاويه في الجيه
    وتنزل بديره ماعلى سورها نواب
    أهلها خليطي والديانه مسيحيه
    ـــــ

    البارحة كني عن الناس معزول
    أنظر نجوم الليل لين أذبحني
    ياقلب اللي من هوى الزين متلول
    تلت جموس بالنفود أنشبني
    خمسة جموس فوقها الحمل مدبول
    ضاع الدليله والجموس أقعدني
    ـــــ

    لاصرت بالبحرين والليل ممسيك
    بالدبلومات اللي بشرق المنامه
    أشرب لين يختلف مشي رجليك
    يصير للدخان فوقك غمامه
    حتى الرفيق اللي معك يبتلش فيك
    ويصير من خوتك يبغى السلامه
    ـــــ

    ياليت عند صنهات أربع ملايين
    وأربع فلل توجد بحي العليا
    وأربع بنات ***وهن مزايين
    أرداهن اللي مثل نجم الثريا
    أبي ليا منه غدا الليل ليلين
    كلن تقول صنهات عندي هنيا

    (أمنيات شاعر بدوي)!
    ـــــ

    ياليتني في حارة الزين خباز
    أسابق المؤذن وأسوي عجينه
    أبيه لا منه صار للخبز معتاز
    أمد له خبزه وألمس يدينه
    ـــــ

    ياسيدي بالحال رد النظر
    وأرحم محب حياته بين يديك
    إلى متى يازين وأنا أنتظر
    صبري قضى والعمر منك وإليك
    الناس طلعت على سطح القمر
    وأنا معك ماقدرت أوصل إليك
    ماعاد باقي علي إلا أنتحر
    وأموت لجلك حسبي الله عليك
    ـــــ
    منقول ........................
     
  2. ناصر الرحيل

    ناصر الرحيل عضو مجلس إدارة الموقع عضو مجلس الإدارة

    ‏2009-01-16
    معلم
    تسلم يالغااالي على المسجات الرااائعه