اعلان 1 اعلان 1 اعلان 1 اعلان 1 اعلان 1 اعلان 1


علموها ؟ ما بقى لـي غيـر .....

الموضوع في 'ملتقى بــوح الأقــلام' بواسطة عطر الكون, بتاريخ ‏2010-01-30.


  1. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد


    الهنوف اللي سرت من نجد وامست بالحويه
    ضيقت صدر الرياض وسافر الطايف وجاها

    وانثنى غيم الحجاز...وخـد نجـد النرجسيـه
    يوم جاته من زعلها كنـها تقصـر خطاهـا

    زعلوها وازعلت واخلت قصـور الفاخريـه
    والحقتني شرهة الزعلان واخطاني رضاها

    سافرت... والله ماخبر.... اللـي يزعلهـا عليـه
    واستباحت... يالله الخيره سهر عينـي وماهـا!!!!!!

    ليتها... يوم... استباحت دمعـة العيـن الشقيـه
    استباحت... دم قلبي.... من خلاهـا فـي خلاهـا

    سامح الله... ظلمها وطعونها الخضـر النديـه
    والله يسامح... خناجرها.... ويعفو عـن خطاهـا

    عرضتني للهبايـب والظمـا والمهمهيـه!
    وتركتني للزعل والشوق والكبـر وغلاهـا !

    الغـلا ماهـو فـي يديهـا! .... ولاهو فـي يديـه
    الغلا شي(ن) من الله... واشهد ان الله عطاهـا ....!

    ومن غلاها؟ لو توردني على حـوض المنيـه !
    كنها تسقيني الشهـد المصفـى مـن شفاهـا !!

    ومن حلاها ما توصفها الحـروف الابجديـه !
    كيف توصف وردة(ن)يبري من العله شذاها !

    الورود تغـار منهـا مزهريـه مزهريـه
    وان تباهت عذرها معها يحق لهـا تباهـا !

    مـا يشابههـا شبيـه... ولا يحاليهـا حليـه
    جل رب (ن) يوم صورها ..........فرقها عن سواها

    لا اقبلت هيجنت ..... ولا اقفت جذبت السامريـه !
    وا عذابي ان عطتنـي وجههـا والا قفاهـا !!

    ان بدا لي وجهها يشبـه صبـاح اليوسفيـه
    وان غشتني نفحة(ن) من ليلها يسعد لي مساها

    درة(ن) ... بالمـوت محروسـه...... والبحـر محميـه !
    البحر من دونها ..... والموت الاحمر من وراها

    دونها ما اغليت؟ ...... واسمح لي ولا شداد المطيـه!
    مرخص(ن) بالقاع عمري.... والثريا فـي سماهـا

    لايمي ؟ ..... يبلى بحب الحضر في عيون بدويـه !
    في ظروف(ن) ما يقـارن مستـواه بمستواهـا

    الله اقوى يافقير القلب ابو نفس (ن) غنيـه
    مالك الا الصبر والجنه لقاها مـن لقاهـا

    والهوى؟ اللي يطرح الرجال في يدين أجنبيه
    علـة(ن) .. بالجـوف لا تبـرى ......... ولا يلقـى دواهـا !

    والهنوف ؟ .... اللي رضت بالثار تاخذها الحميـه
    شفتها بالعين في قلبي وهي تاخـذ قضاهـا

    وشفتها تشتاق ...تطعني..... بـلا ذنـب وخطيـه
    كثر ؟ ما تشتاق لاعماقي..... وانا اشتـاق لدفاهـا !

    كل ما ؟ عرقـت بنسمهـا تحريـت لخويـه
    والحقت الميسم بميسم كـذا علـى عماهـا

    عاقبتنـي كـل يـوم تلحـق الكيـه بكيـه
    واتعبتني وادركتني والحقت نفسـي مداهـا

    وان تمادت؟؟؟ جهزو قبري..... وانا ابكتب وصيـه
    ابكتب ...... الله لا يعاقبها ويرضـى لـي علهـا !!!!!!

    العمـار تلفـه الايـام والدنـيـا مـديـه
    والسنين تلف بي والنار تحرق من وطاهـا

    علموها؟ تلحق الباقي ......مـادام الشمـس حيـه !
    ..و ..تغانم ما بقـى منـي ومـا تطلـب فداهـا

    لاتمـادى فـي جفاهـا..... والريـاح الموسميـه ؟
    ما تقدر ...... وقفت الاشجـار وتثمـن عطاهـا !

    علموها ؟ ما بقى لـي غيـر...... ادن... الهاشميـه
    كان ترضاها علي ؟ ...... والا تهون عـن جفاهـا !

    وانصحوها ؟ لا تحمل نفسهـا..... نفـس بريـه !
    وذكروهـا ؟ .... بالقبـر لاعلهـا والا عسـاهـا !

    وعلموهـا ؟ علموهـا ؟ ..... لاتطـول بالحـويـه !
    ديرت(ن)ماهي بديرتها لو اعجبهـا هواهـا !!


    للشعر المبدع ضيدان بن قضعان .
     
  2. مدى النسيان

    مدى النسيان عضوية تميّز عضو مميز

    3,561
    0
    36
    ‏2009-07-08
    ارتكاب النسيان ..
    يسلموووو ليلى ..

    قصيدة رائعة ويكفينا شرف انها من المبدع ضيدان بن قضعان العتيبي ..

    سلمت الأنامل ..
     
  3. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    الهنوف اللي سرت من نجد وامست بالحويه
    ضيقت صدر الرياض وسافر الطايف وجاها



    شكرا ليلى

    قصيدة جميلة


     
  4. ابوليليان1

    ابوليليان1 تربوي جديد عضو ملتقى المعلمين

    16
    0
    0
    ‏2010-01-19
    رائعة جدا وشكرا لمن نقلتها لنا مبدعة دائما في الاختيار
     
  5. رَذَاذ

    رَذَاذ مراقبة عامة مراقبة عامة

    7,506
    0
    36
    ‏2010-01-27
    ارشادية
    ما أجملـــ ما نثرتيـــ من درر ،،

    جميلة أنت ياليلى ،، كل الاحترام لكِ عزيزتي ،،
     
  6. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    سعدت وتشرفت بمروركم