اعلان 1 اعلان 1 اعلان 1 اعلان 1 اعلان 1 اعلان 1


مدري ( تفووو ) هي مدح ولاّ شتيمـة ؟؟

الموضوع في 'ملتقى بــوح الأقــلام' بواسطة مـنـاحـي, بتاريخ ‏2008-07-29.


حالة الموضوع:
مغلق
  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    البارحة جاني مـن الحـب مرسـال

    من عقب ما بينـي وبينـه خصيمـة


    وانا ترى في الحـب مانيـب فعّـال

    ولا بعـد ولّـع بقلبـي هشيـمـه


    ولا بعد غنّيت فـي ساعـة وصـال

    ولا بعد ذقـت الفـراق وجحيمـه



    ولا جرى دمعي على الخـد همّـال

    ولابعـد جربـت مــرّ الهزيـمـة


    حتى وردنـي تالـي الليـل جـوال

    وانا على شاهي وبسكـوت ديمـة



    الرقم بايخ لكـن الصـوت قتـال

    كنه مثل صـوت المذيعـة حليمـة


    قالت مساء الخير يـا طيّـب الفـال

    قلـت ارحبـي ترحيبـةٍ مستديمـة


    بالعود والصفـري ودلـة وفنجـال

    واجبك يا بنت الأصـول الكريمـة


    ردت بضحكة ثم قالت وش الحـال؟

    قلت اشهد إن الحال عقبك سقيمـة


    من يـوم قالتهـا تزلزلـت زلـزال

    من فجعتي كنـي مسـوي جريمـة


    قلت ارفعي صوتك ترى مابه ارسال

    كـذاب لكـنّ المصيبـة عظيمـة


    قالت أقول اسمع ترى هرجنـا طـال

    ممكـن تصاحبنـي ترانـي وسيمـة



    واسمي الحقيقي أول حروفـه الـدال

    لكـن يسمّونـي البنـات الزعيمـة



    صحيح أحب الفخفخة واعشق المال

    لكـن ترانـي طاهـرة مستقيـمـة



    ما عندي امغازل ولا (لعب يهّـال)

    ما عندي إلا في الشرف والحشيمـة



    بس الصراحة قلبي لشوفتـك مـال

    واصبحت وحدك جالسٍ في صميمه



    فكّر بعقلك واترك القيـل والقـال

    واحذر تطيع اهل العقـول العقيمـة



    وارسل علي الحين خمسميـة ريـال

    أشحن بهـا جـوال أختـي غنيمـة



    أو طقم غالي فيه خاتـم وسلسـال

    أروح بـه فـي عـرس ولاّ عزيمـة



    قلت الحقيقة مانيب رجـل أعمـال

    ولانـي بتاجـر والمـوارد عديـمـة



    أنا الصراحة شبـه عطّـال بطّـال

    وعلاقتـي بالفقـر جـداً حميـمـة



    والراتب الله يرحم الحـال مـا زال

    محـدود والمصـروف ربـي عليمـه



    والدين بـالآلاف والبنـك شغّـال

    ياكـل فلوسـي بالربـا والظليمـة



    والسوق طايح والغلا ضيّـق البـال

    والموت والله صايـر اكبـر غنيمـة



    قالت تحمّل بـس والحمـل ينشـال

    خلك شديد الباس صلـب العزيمـة



    ياخي تصرّف جعلك اتصيـر نشّـال

    أهـم شـي إن النوايـا سليـمـة



    لابد تفهمني علـى كـل الأحـوال

    ما دمت من أهل العقـول الفهيمـة



    قلت إيه والله فاهم اللي على البـال

    لكن تـرى هـذي علينـا قديمـة



    يا بنت هـذا صايـر اليـوم مـوال

    للي تبي تلعب علـى ابـن اللئيمـة



    يا بنت ما تدرين كـم فيـه محتـال

    يلعب على الحبلين وانتـي غشيمـة



    يا بنت كم من جاهلة دمعها سـال

    من عقب ما جات العواقب وخيمـة



    والبنت لا اقفى عرضها بيد الأنـذال

    والله مـا يبقـى لهـا أي قيـمـة



    قالت تبي ولاّ فخلّك علـى جـال

    مهوب ناقصـي نصايـح حكيمـة



    عز الله إنك للأسف منـت رجّـال

    وانك قليل الذوق ما فيـك شيمـة



    يا لعنبو اللي مـا يسطّـرك بنعـال

    حتـى يعلمـك الغـزل يـا بهيمـة



    ( تفو ) عليك وصكّت الخط في الحال

    مدري ( تفو ) هي مدح ولاّ شتيمـة



    مدرى من قايلها ... بس صح لسانه ...:D
     
  2. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    راااائعة من الروائع,,,
    صح لسانه مليوووون,,,
    مو صاحي,,,
    الله يعطيك العافية على هذا النقل الجميل,,,


     
  3. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الله يعافيك .. ويسلمك ...
     
  4. فهد العتيبي

    فهد العتيبي مراقب عام مراقب عام

    3,016
    8
    0
    ‏2008-01-13
    معلم
    بارك الله فيك ..

    عزالله انك منت بصاحي ..

    وأشكرك على الأختيار ..
     
  5. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ويبارك فيك أنت بعد ..

    والصحاوه لك عليها ... :D

    والعفو طال عمرك ... شرفت الموضوع بحضورك
     
  6. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب


    قصيدة طريفة رائعة


    أشكرك أخي الكريم على روعة إختيارك


    وصح لسان شاعرها
     
  7. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    مو صاحي أشوف مواضيعك اليوم كلها أشعااااااار ..!!

    لا تكون ناوي تقرض الشعر ...!! :36_1_12[1]:

    ترى الشعر ما عاد فيه حيل من كثر القرض في هالقنوات الشعبية والمستشعرين المنتشرين فيها ...!! :36_11_9[1]:

    صراحة ( الكصيدة ) معبرة جداً ....!!
     
  8. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    بيت عن الف بيت

    .. مو صاحي ..

    بارك الله فيك وكل الشكر لك على هذا الاختيار اللي يخلي الواحد صاحي


    :)
     
  9. فارس الزعيم

    فارس الزعيم قــلم حــر عضو مميز

    2,161
    0
    0
    ‏2008-06-15
    حكومي
    يامو شكرا ع النقل الجميل
     
  10. خفايا .. حزن ...

    خفايا .. حزن ... <font color="#008080">أديب الملتقى</font> عضو مميز

    330
    0
    0
    ‏2008-01-19



    موصاحي



    صح السان .. شاعرها ...

    والله يسلمك على نقلها .. يعطيك العافية ...

    والله يسعدك يارب ...

    لك كل الشكر ...




    صمتي .. سؤال !؟
     
  11. أبو فيصل السبيعي

    أبو فيصل السبيعي عضو مجلس إدارة الموقع عضو مجلس الإدارة

    3,554
    0
    0
    ‏2008-01-03
    معلم
    بيّض الله وجهك موصاحي الصاحي،،،

    جداً ممتازة وسلسة وجميلة ورائعة،،،

    درة غالية صح لسان قائلها وناقلها،،،،
     
  12. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    يا بنت ما تدرين كـم فيـه محتـال

    يلعب على الحبلين وانتـي غشيمـة



    يا بنت كم من جاهلة دمعها سـال

    من عقب ما جات العواقب وخيمـة



    والبنت لا اقفى عرضها بيد الأنـذال

    والله مـا يبقـى لهـا أي قيـمـة


    قصيدة جميلة يعطيك العافية
     
  13. أمير اللييل

    أمير اللييل تربوي جديد عضو ملتقى المعلمين

    303
    0
    0
    ‏2009-01-31
    يعطيك العافيه

    جميله
     
حالة الموضوع:
مغلق