اعلان 1 اعلان 1 اعلان 1 اعلان 1 اعلان 1 اعلان 1


سيدة صباح الخير !

الموضوع في 'ملتقى بــوح الأقــلام' بواسطة سري للغاية, بتاريخ ‏2010-02-25.


  1. سري للغاية

    سري للغاية تربوي جديد عضو ملتقى المعلمين

    305
    0
    0
    ‏2009-04-07
    معلم
    سيدة صباح الخير !


    ( صباح الخير )
    صباح المرتمي لا هو قدر ينسى طعم اول طعم لايدك غفت بيده ،
    وعاش اجمل بعد خلى معاك ايده وصار أكمل !
    ولا هو من قدر يلقى عذر يشفع لك ويشفع له المبلول من تسبيح دمعك لاتهادى كل ساعة فجر فـ بحاته وتهليله
    أو ما كان عالق من حزن حزنه بمنديلك

    كثر ما هو تمادى في سهر ليلك:
    شرب أكثر من اللازم هواك وما قدر يثمل
    سوى ما يستثيره من مواويلك معاه ويسألك دايم :
    أغني لك ؟
    ولاأسرف عليه الساقي أكثر ما عليه اسرف يباسه من كثر ماجف صوته يسألك دايم :
    أغني لك ؟
    وغنا لك بعد كل اللي حفظ من صبح فيروز ونساه وضاع منه
    رد لك فيروز :
    لكن في حزن فاخر نبيل وصرف
    على : ( ياخوفي تنساني )
    ترك ( يا خوف تلقاني وحيد ) تكسّره من داخله
    حس انه يخاف يخوض اكثر في تفاصيله معاك وفي تفاصيلك !!
    كأنه ماعرف معنى مثل هذا يعّوض فيه عن حاجة عظيمة داخله :
    يبكي عليك ويرجع اكثر حزن :
    يبكي لك !!


    ( صباح الخير)
    صباح الطير
    ترك عشه على غصنك وأكثر من دفا عشه ترك لك ريش
    سألتي ليش :
    على شان يتعلم تنبت ايامه معاك / يقاسمك خبز الحياة وطيشها والعيش
    عشان تعيش روحك في حياته :
    مو مهم يعيش !!

    (صباح الخير)
    وكنت اسمع صباح الخير
    كل يوم بشكل ثاني :
    طفل يرسم على بابه كثر ماكان يتمنى من العابه :
    طفل ثاني !


    مراكب عابره
    عشاق
    وأغاني ،
    ريحة ام وصوتها الحاني
    ايادي تشتبك مثل اشتباك الياسمين اكليل
    لا خالد ،
    ولا فاني :
    بشكل ثاني !


    صباح الخير
    كانت غير
    حالة نادرة
    تكوين انساني
    وكانت قادرة - بعد الـ ( صباح ) تقولها ما تكتمل حتى حروف الـ ( الخير) - تعيد الباهت المطفي من الوان الحياة وتزهر الواني !
    يصير البحر مثل عيونها :
    اسود
    يصير
    اخضر
    يصير اكثر عذوبة
    يشبه السكر
    يصير اكثر !!

    ويتساقط بياض ثلج
    ( لأ ) ما كان يتساقط
    انا اللي كان بامكاني اطير ابعد من حدود المكان
    لآخر ازماني !


    يا آخر (صباح الخير) اسمعها معاك بلونها
    وبشكلها اللي ماعرف مثله صباحي
    لاصباح احياه من بعدك
    ولا معناه

    صباح احتاج فيه القى حياتي بأي طريق
    بأي طريقة
    بأي مكان
    بأي زمان
    بأي قلب انسان
    تعني له حياتي مثل ماكانت ( صباح الخير )
    تعني لي وتعني لك :
    بداية صبحك وليلك
    سماك وارضك وما فاض من نيلك
    قصيدة تكتبك / تستكشفك كل يوم
    بغير الشكل وغير اللون ،
    وتتغير معاك بكثر ماكان الفرح بعيونك يغير بعيني لون هالدنيا
    وتطلع غير !!


    انا يا سيدة احلى ( صباح الخير ) في تاريخ كل الصبح والجغرافيا للخير
    على :
    ( يا خوف تنساني ) بكيت البارحة لين استباح البرد كل ارضي
    وطاح آخر غصن تفاح ،
    - بقى لي - بعد ماهد الغياب بيوتنا واستعمر الارواح

    انا يا سيدة احلى ( صباح الخير )
    وحيد ويابس ومتوسد يدي والرمل
    اعيد اجمل تفاصيلك معاي
    اتوهم الافراح
    تركت الخوف من ( يا خوف تلقاني وحيد )
    وصرت احتاج ارمم بعض روحي كل ماغنيتها
    واتعطرك واتمطّرك
    واخفض جناح الذابل المطفي
    وأدور داخلي من زيت روحي ما يكفي
    يوقد المصباح ..
    ولكن ما تصورت اني ادور للجراح بكثر مادروت ازيد الملح
    واعيش بنفس طعم آخر ( صباح الخير )
    اذا ما قلتها يمكن احس اني جدير بمثل هذا الحال
    سبب كافي يخليني رغم هذا الممات ارتاح !!

    ارتكبها الشاعر : فهد دوحان
     
  2. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    حرووف فيها من الجمال لامنتهى
    والحس المرهف اللذي تحتويه


    قبل المضي سأكون دوماً مترقبه لجديدك
    لروحك جوريه نديه
     
  3. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    كلمااات عذبه
    وأحسااااس راااقي
    يسلم نبضك
     
  4. سري للغاية

    سري للغاية تربوي جديد عضو ملتقى المعلمين

    305
    0
    0
    ‏2009-04-07
    معلم
    نورتِ

    شاكر لك طيب مرورك


    لاهنتِ
     
  5. سري للغاية

    سري للغاية تربوي جديد عضو ملتقى المعلمين

    305
    0
    0
    ‏2009-04-07
    معلم
    الله يسلمك

    شاكر لك طيب مرورك


    لاهنتِ