اعلان 1 اعلان 1 اعلان 1 اعلان 1 اعلان 1 اعلان 1


يالبيه .. يالربيع .. طول عمرك .. وأنت أحسن واحد ..!!

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2010-02-28.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    السلام عليكم الرحمن الرحيم ..!!



    أحبتي ومهجة معاليق فؤادي ..!!


    وجمهور الملتقى المتابعين خلف الشاشات ..!


    مرحبا بكم .. ترحيبه لو حسبنا طولها هقوتي أنها بتصير


    أطول من طريق الرياض السريع ..!!


    الموهيم ..!



    هذا يا طويلين العمر



    اليوم الصباح و أنا في البوفيه احاسب على الفطور الا اخذتلي كوكاكولا


    شوي الا الهندي يقولي بريال ونص !!


    قلتله:نعممممممم!! صايدني يبو الشباب ؟


    هذا كولا موببسي!!


    قالي:سديق هذا امس يجي ريال ونص سيم سيم ببسي



    قالها وهو يلصق خطاب الشركه في خشمي !!


    و أنا اللي تقفل معي واخذ الكولا بارجعه الثلاجه


    وقلت والله لو باشرب مويه الردايتر مع الفطور اني ما أخذه بريال ونص وأنا ارجع الكولا لمحت بطرف عيني الثلاجه الصغير اللي جنب ثلاجه الكوكارإلا اشوف عصير مابقي منه الا 3 حبات أركز شوي الا هو عصير الربيع برتقال !! وانا اللي اطالع الهندي بنص عين ..!!
    وأقوله : وش أخبار الربيع وصل الى خمسه ريال ولا بعد

    قال : لابابا هادا واحد حبه ريال


    طالعت في عصير الربيع وابتسمت بحنان


    وبغيت أضم القوطي لولا اني خفت الهندي يقول عني مجنون وانا اللي اضف أخر 3 قواطي في الثلاجه واحاسب الهندي وأطلع اول ما ركبت السياره وانا اللي افتح قوطي الربيع (وأطعنه)بالمزاز وامزلي ذيك المزه


    الللللللللللللللله ياهي مزه !!! (بفتح الميم وليس بضمها..منعاً لسوء التفاهم)


    الله يا جماعه الخير يوم ذقته اني احس اني رجعت 12 سنه لورى


    تذكرت ايام الطفوله


    وأيام المدارس والفسحه بعد الحصه الثالثه


    تذكرت أيام الاختبارات


    تذكرت إذا أبوك عطاك ريال وقالك اشترلك عصير مفيد بدل الببسي والله ما كنت اخذ غيره


    يالله على ذيك الأيام والله ان الريال فيها كان بركه


    كان البزر فينا اللي معه5 ريال يعتبر كأنه الوليد بن طلال بيننا!!


    أيام كان الريال الواحد تخطط له وين بتصرفه وكم حبه علك بتشتري فيه !!


    والله من زود الحنين قمت أسولف مع القوطي وكان الحوار كالتالي:



    تصور يا(ربيعي العزيز) ان الببسي كبر راسه قبل كم يوم؟!


    وما صار يرضى يطلع من الثلاجه الا بريال ونص ؟؟



    شاف نفسه الخايس !!


    بعد كل اللي سويناه ليه

    أهلنا يحذرون منه وطنشناهم

    الدكاتره يقولون لا تقربونه وطنشناهم



    وقلنا هذا ببسينا الغالي


    وهذي اخرتها حبيناه الى ما كبر راسه علينا


    على بالك همنا يالربيع؟!! لا وغلاتك ما هز فينا شعره !!



    وقلنا له بلعنه ما نبغاك عندنا ولد عمك الكوكا كولا


    للحين حبيب ويجي معنا بريال زي الحلاوه


    بس والله يالربيع طلع قليل خاتمه مثل ولد اخوه !!



    ما مر عليه يومين الا هو الثاني صار يتغلى وصار بريال ونص !!



    تخيل يالربيع !


    طول عمرنا نشتريه بريال؟



    وش اللي جد في الموضوع ؟



    تقولي السكر ارتفع؟



    بالله خلهم يلعبون غيرها !!



    طيب ليه ما ارتفعت اسعار الكيك والعصائر والمربي....مع انها فيها سكر هي الثانيه !!


    والسؤال الأهم انت يالربيع ليه ما ارتفع سعرك؟ ليش انت ما فيك سكر ؟



    انا أقولك ليه............ لأنك وفي!!



    من يومك وانت بريال


    من يومك وأنت بارد


    من يومك وأنت تروي عطشنا



    والله لا أرجع لك لأن ثبت ان باقي المرطبات مافيها خير


    -الببسي والكوكا وكبر راسهم وصاروا بريال ونص !!! >في ستين داهيه على قوله اخوانا المصريين




    -البايسن وطلع يجيب العقم .!!
    [​IMG]





    والسن توب طلع دنماركي ..!!
    [​IMG]

    [​IMG]




    -الريدبول طعمه خايس وميزانيته ما تصلح مع اخر الشهر



    [​IMG]




    -الهولستون الرمان بعد ما حبيناه باسبوع صار ب3 ريال ونص !! يعني نسيناه قبل لا نحبه


    [​IMG]






    فديت راسك يالربيع مالنا إلا أنت فلا تتخلى عنا تكفا.....!!!



    [​IMG]


    كل هذا الحوار دار وأنا ما زلت واقف امام البوفيه


    والهندي يطالع فيني من ورى القزاز ويدق بجوال >>ضنتي انه يدق على مستشفى شهار !!


    أثرت السلامه وتوجهت لدوامي ومعي قوطيين ربيع زياده لزوم الغدى والعشى


    وخلي الكولا في ثلاجاتها


    وخلي النص ينفعك يالببسي

    [​IMG]

    [​IMG]

    [​IMG]

    وسلامتكم






    خارج النص
    محشش يسأل كويتي كم عمرك..؟؟
    قال الكويتي عمري ست تعش..!!
    وانت كم عمرك..؟؟
    قال المحشش أنا عمري سبع تغد





    خويكم

    موصاحي

    :D
     
  2. الوفى

    الوفى تربوي جديد عضو ملتقى المعلمين

    652
    0
    0
    ‏2009-03-15
    معلمه
    يا اخوي لا تكبر راسه بالمدح و يغلى هو بعد و يلحق جماعته ......
     
  3. أيمن السلمي

    أيمن السلمي مبدع ومتميز عضو مميز

    5,404
    1
    0
    ‏2008-10-30
    معلم متأهل
    ههههههههههههههههههههههههههههههه
    أنا أشهـد إنك منت بصـاحي

    كان البزر فينا اللي معه5 ريال يعتبر كأنه الوليد بن طلال بيننا!!

    وانت صـادق هاك الأيام اللي بمصروف 3 ريال كأنه ولد وزيـر
     
  4. ولد النباهين

    ولد النباهين عضوية تميّز عضو مميز

    3,387
    0
    0
    ‏2009-02-10
    معلم
    فديت راسك يالربيع مالنا إلا أنت فلا تتخلى عنا تكفا.....!!!


    [​IMG]


    الربيع وبس


    قصة مأثرة جدااا ، يحزن البيبسي ويكسر الخاطر ،

    حتى لو بتكتب بيبسي صعبة
    أما ربيع سهلة

    يعطيك العافية وما قصرت
     
  5. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر
    [​IMG] لاتذكرني بليييييز


    [​IMG] ارجوووك لا لا لا


    [​IMG] بغيت اكتب فيهـ مرثياااات .. وخواطر ورومااانصياااات


    [​IMG] مافي غيرك ياخي ملك ..

    [​IMG] ولا في غيرك متررررررررررع بعد العشااااء هع

    [​IMG] ولا في غيرك له خررررررررررررررررمه

    [​IMG] ولا في غيرك باشرب منه علبتين بااااااااااااااااااردهـ مع المشويااااااات


    [​IMG] ولا في غيرك امخمخ عليه كل يووووم

    [​IMG] كم تألمت للابتعاد عنك

    [​IMG] كم بكيت لزيااادة سعرك

    [​IMG] سأغني لك طربا كل يوم

    [​IMG] ان شاء الله ترجع لنا زي ماااكنت


    [​IMG] اوووووووووووووما انت يالربيع ولا الخريف


    [​IMG] تبطي عظم تجي مثل المتررررررررررررررررع












    مووووووووووووووووووووووووووصاحينا تشكرااااااااااااااااااات ع هيك ببس يـ هع
     
  6. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    أجهشت بالبكاء أخوي مو صاحي

    ..............

    من ذاكرة التاريخ ..
     
  7. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    لا يالوفى .. هذا الربيع .. ما يتغلى على حبايبه القدامى .. هذا ولد شيوخ ماهو مثل الببسي والكولا عيال الخواجات ..!!​
     
  8. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    صدقت أخوي أيمن .. زمان الي في مخباه 3 ريال يشوف نفسه على ابو ريال ..!:36_1_1[1]:

    زمان يافن ..!!​
     
  9. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!



    الببسي صعب بكل شئ حتى بالهضم .. لا شربت علبه .. مغير تتارع يوم كامل ..!!
    لكن الربيع لا سهل ومهضوم ..!!

    لا تخلون الربيع ثم يخليكم ..!!​
     
  10. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!


    اهااا .. يعني أنت عميل لشركة الجميح حقت مصنع الببسي ..!!

    كم دفعوا لك عشان تمدح ببسيهم ..!!

    لا يسمعك الربيع ثم يزعل عليك ..!!

    صدقني آخرتها مالك الا الربيع ..!!​
     
  11. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    يحق لك يا السبيعي تبكي على الاطلال ..!!

    وهذا يدل على حبك للربيع ..!!
    أنت انسان وفي ..!!
     
  12. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم

    فديت راسك يالربيع مالنا إلا أنت فلا تتخلى عنا تكفا.....!!!


    [​IMG]
     
  13. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    شكرا لدعمك لحبيبنا الربيع ..!!

     
  14. الماروم

    الماروم تربوي جديد عضو ملتقى المعلمين

    991
    0
    0
    ‏2010-01-23
    على هااامش الوزارة
    يسلمو موصاحي على الموضووووووع التحفة هههههههههههههه
    بس مااحب الربيع بأنواعه
     
  15. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    اهلييييييييييييييييييييين الماروم الحمدلله على السلامة ..!!
    ولييييييييييه ماتحبين الربيع ..!!
    وأنا كنت حاط الأمل فيك وأقول الماروم بصفي ..!!
    طلعتي مع الببسي وشلته ..!!​
     
  16. الماروم

    الماروم تربوي جديد عضو ملتقى المعلمين

    991
    0
    0
    ‏2010-01-23
    على هااامش الوزارة
    هلا بك يا بو قلب صاحي والله يسلمك ويعافيك
    مذاقة مو طيب الربيع هههههه ما يعجبني احب العصاير الفرررررش
    ومانيب مع شلة البيبسي مااحبه وليته يصير ب10 ريال عشان يطفر دكتور عتيبه منه ما يجي عشرة من الشهر الاهو على الحديدة هههههه قمه المنذله بكيفي خخخخخخ ه
    وش رايك بالتوقيع يمديك عليه ههههههه تهقى أفوزبأجمل توقيع
     
  17. لبوة سوسو

    لبوة سوسو تربوي جديد عضو ملتقى المعلمين

    2,353
    0
    0
    ‏2009-02-22
    00
    ههههههههههههههههههههه معاناااه حقيقيه
    جاري رفع الموضوع لكي الجميع يحسون بمعااانتك
    تيه تيه:36_1_37[1]::36_1_37[1]::36_1_37[1]:
     
  18. أم الفهود

    أم الفهود طاقم الإدارة مراقبة عامة

    2,624
    0
    0
    ‏2009-11-06
    مشرفة تربويه في قسم رعاية الموهوبات
    دائما مبدع يا الصاحي خلاص قررنا نسوي حملة معا يدا بيد لتفعيل الربيع بأنواعه
    هذا البيت اهداء لك
    أن خاب ضنك بالببسي مالك مشاريه على الكوكا كولا
     
  19. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    اهليييييييييييييييييييييييييييين الماروم ..!!
    اوووخص يا البرستيج العالي .. من يوم قلتي العصاير ماهيب العصائر وانا داري انك ماتشربين الا سن كولا ..!!:36_1_1[1]:
    خلي الفرش لأهله مالك مال الغصون الطوال << افلقيني اذا فهمتيها ..!! :36_7_8[1]:

    بس التوقيع شئ خوووررااااااافي .. مايحتاج ماعنك وعن المركز الأول بدون منافس ..!!
    بس لا تنسين الجائزة بالنص بيني وبينك .. ترا التشجيع ماهوب بلاش ..!!​
     
  20. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    لبوه سوسو < وش صار على الجنوب .. أجل نقلتي من الجنوب ..!!

    الله يرقع قدرك ويعز مقدارك ..!!

    بس برضو لازم تشربين عصير الربيع وخصوصا بنكهة الموز ..!!​