اعلان 1 اعلان 1 اعلان 1 اعلان 1 اعلان 1 اعلان 1


يطيب الجرح والا ياعسى جرح الهوى ماطاب

الموضوع في 'ملتقى بــوح الأقــلام' بواسطة السامــــــــر, بتاريخ ‏2010-03-30.


  1. السامــــــــر

    السامــــــــر تربوي جديد عضو ملتقى المعلمين

    166
    0
    0
    ‏2010-02-13
    وصل ركب الرحيل لموطن الغربة ودار اجناب
    بعد طول الطريق اللي تمادى.. واتعب اركابي

    ضحك وجه المدينه للمسافر والوجيه أغرااب
    وانا عابر سبيل وضحكتي ماصـافحت نابي !!


    وقفت انظر على شط المدينه .. والجروح أسراب
    ولعنت ( أم الحنين) وسالت الدمعه على اهدابي


    هنا كنت الغريب بلا حبيب..ولا وطن ..واقراب
    حزين وماقدرت اجمع شتاتي ..واحسب حسابي

    حداني للسهر جرحٍ سجني بين ناااب .. وناااب
    وتركني بين صمت الذكريات بصفحة كتابي

    حبيبي والغلا جرحٍ ذكرته وانفتح له باب
    وانا لو ماذكرتك وانت ناسي .. ويش يبقابي

    صحى هم الفراق ..اللي فتح للذكريات ابواب
    وغفيت وماصحيت الا وطيفك يطرق ابوابي
    ؟

    حبيبي ترسم الغيمه ملامح وجهك الجذاب
    واشوفك وين مالد النظر مع كل هندابي !!!

    ذكرت اول لقاء فيه اجتمعنا بالغرام احباب
    الين آخر لقا منه افترقنا .. وآخر اتعابي

    فداك الجرح ياوجهٍ تركني للملام وغاب
    بقاله في حياتي طعنتين .. وجرح ماطابي !!

    انا اللي كنت اضيع بنظرتك شوق..ووله .. واعجاب
    واضيق بغيبتك..وتضيق بي دنياي ..وثيابي

    عطيتك قلب ..واشواق..وحنين ..وفيك ظني خاب
    احسب انك تمنى رجعتي.. واثرك تسلى بي !!

    تبعتك مثل ضحضاح السراب ..وجيت لك مرتاب
    واشوفك مثل الامس المستحيل .. وباكر الغابي ؟

    حبيبي وانت ماتسوى ملام..ولاانت قد عتاب !!
    تعداك الملامه .. والعتاب.. وشرهة ذيابي ؟!

    خطاي اني تماديت بغلاك .. وماحسبت حساب
    احسب ان الوفاء طبع البشر .. واحبابي ..احبابي

    وعزاي اني ردعت القلب ! عن باقي غلاك وتـاب!!
    وصحى في داخلي طفلٍ غرير .. وشايب اعرابي !!

    حبيبي للصبر بالٍ طويل وللجروح اسباب
    وانا مارحت ادور للجروح .. اعذار.. واسبابي


    حبيبي يوم شفت ان الزمان برجعتك كذاب
    تركتك للتجافي .. والغرور .. بزحمة اصحابي

    رحلت وقلت اسافر عنك ..واجزيك الغياب ..غياب
    واببعد واستريح من السهر.. واريح اعصابي
    !!

    هجرت ارض الجروح ابغى عن تراب الجروح..تراب
    عساي انساك ..وانسى رجعتك .. والجرحوترابي
    !!

    يطيب الجرح والا ياعسى جرح الهوى..ماطاب
    تفضل هاك جرحك..واستريح .. وجرحي اولابي
    !!


    طلع صبح الفراق بشاطيء الغربه ودار اجناب
    ولعنت ام الحنين وسالت الدمعه على اهدابي !!


    عادل بن علي الذيابي الرشيدي


     
  2. عـزف منفرد

    عـزف منفرد عضوية تميز عضو مميز

    6,697
    0
    36
    ‏2009-10-01
    مُـعلـِّمـةٌ
    أحاسيس مترفة و غنية..

    تلذذت بها حرفاً حرفا..

    و ربي أنني بعد هذا الرد سأعود لقراءتها كثيراً..و سأبحث عن نصوص أخرى لذات الشاعر..


    ذائقة نخبوية ..سلمت و دمت..
     
  3. أمير الليل

    أمير الليل قَيدُ.. لَم يُكـسْر~.. عضو مميز

    2,295
    6
    38
    ‏2009-07-04
    ذكر
    رحلت وقلت اسافر عنك ..واجزيك الغياب ..غياب
    واببعد واستريح من السهر.. واريح اعصابي
    !!


    هجرت ارض الجروح ابغى عن تراب الجروح..تراب
    عساي انساك ..وانسى رجعتك .. والجرحوترابي
    !!

    يطيب الجرح والا ياعسى جرح الهوى..ماطاب
    تفضل هاك جرحك..واستريح .. وجرحي اولابي
    !!



    صح لسان الشاعر... أبيات رااائعة

    يعطيك العافية اخوي السامر على الاختيار المميز..
     
  4. السامــــــــر

    السامــــــــر تربوي جديد عضو ملتقى المعلمين

    166
    0
    0
    ‏2010-02-13

    مرور جميل وإطراء أجمل
    أرف شكر لك على تواجدك النير والذي لا غنى لمتصفحي عنه
    وأشكرك لإنارة هذه القصيده في كل حين والتي ستسعد حين تراك من الباقون ولستي من المارون



    أرفا التحايا
     
  5. السامــــــــر

    السامــــــــر تربوي جديد عضو ملتقى المعلمين

    166
    0
    0
    ‏2010-02-13

    الله يعافيك

    ألف شكر لك على مرورك وتواجك الجميل
    أرقا التحايا