اعلان 1 اعلان 1 اعلان 1 اعلان 1 اعلان 1 اعلان 1


بسألك كم سؤال

الموضوع في 'ملتقى بــوح الأقــلام' بواسطة دكتــ عتيبه ـوور, بتاريخ ‏2010-03-31.


  1. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر


    بسألك كم سؤال




    جاني واحد و قال : بسأل كم سؤال,,
    وقبل يسأل قلت : أنا ماني خبير !

    قال: جاوب بس , يا ولد الحلال
    وكل كلمه حِطَّهَا .. فبيتٍ صغير

    قال نبدي : شنهو تعريف المُحال..؟

    قلت :
    خَل هالكلمهـ
    فـ البيت الأخيـر ..!

    القهــر : إن شفت دمعـات الرجال..
    والوطن : ( إنسان ) .. مِتغيِّر كثير,,

    والطفل : لعبه على شاطـي الرمال..
    والأمل : إحساس في عين الضرير,,

    الوفا : [ قلبين ] .. يجمَعهُم حلال..
    والرَجُل : اللـي علـى أهلـه يغير,,

    والرجا : لا قلت : للواطـي تعال..
    والفشل : مدري .. ولكنـه مرير,,

    والشعر : في وقتنا .. بدر وطلال..
    زين وأوَّل : حيـل يعجبنـي جرير ..!

    والغلا : إحساس إلى حَـد الخيال,,
    والعِشِق : لا شفت مَعشُوقِك تطير..

    والجفا : إعكس مفاهيم / الوصال,,
    والوَصِل : يعنـي تأكَّـد فيك خير..

    والعقل : تِسْفَـه أقاويـل الجهال,,
    والجهل : إن قلت عن نفسك كبير..

    والخطر : لا صار ما عندك مجال,,
    والبلا : إن صرت معدوم الضمير..

    والعجب : لا صرت تسأل منهو قال,,
    والتعب : إن كنت تِبْحَثْ عن مصير..

    الغنى : بالنفس ما هو راس مال,,
    والفقر : من كان .. بأعماله فقير..

    يكفي يكفي .. أسئله إنهي الجدال,,
    ويالله علمني عَن .. السِّر الخطير..

    ما أبي تضرب لي في غيرك مثال,,
    قول : عنِّك وإعتبر سِرِّك في بير..

    جات طعنـه مِن جنوبك والشمال,,
    يعني وضعِك بين مِن حُولك خطير..

    صاحبـي وإن ضاقت بعينك ليال,,
    لك فرشت القلب مفروش الحرير..

    في [ بلاد الحلم ].. ممنوع العقال,,
    والمصيبه الشعب ما أختار الأمير..

    وما ألومك .. كان شدِّيت الرحال..
    دام بيتك جرح / وفراشك حصير,,

    و هذا تعريفي إلى كلمة : مُحَال..
    شي ودِّك فيه ولا يمكن يصير ..!
     
  2. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    كل الشكر دكتورنا على هذا النقل الرااائع سلمت اناملك ودمت لنا ودام قلمك
     
  3. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    شكراً لهطول مشاااعرك وروعة انتقااائك
    عبق اللافندر لروحك
     
  4. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر

    العفو ياغالي ولا هنت على مرورك الغالي​
     
  5. دكتــ عتيبه ـوور

    دكتــ عتيبه ـوور تربوي جديد عضو ملتقى المعلمين

    7,523
    0
    0
    ‏2008-12-13
    تيتشر

    العفو على مرورك الغااالي

    عبق اطايب الورود لك​
     
  6. ريناد&

    ريناد& تربوي جديد عضو ملتقى المعلمين

    366
    0
    0
    ‏2010-01-10
    في رجا خير
    ذائقه جميله دكتور

    يسلموو