اعلان 1 اعلان 1 اعلان 1 اعلان 1 اعلان 1 اعلان 1


ليت وزيرالتربية يسمع كلام الاستاذ جابر

الموضوع في 'ملتقى حقوق المعلمين والمعلمات' بواسطة الشاي الأخضر, بتاريخ ‏2010-04-15.


  1. الشاي الأخضر

    الشاي الأخضر تربوي جديد عضو ملتقى المعلمين

    31
    0
    0
    ‏2009-06-12
    جلس الأستاذ جابر مدرس مادة الرياضيات في اثناء الفسحة في غرفة المدرسين واذا بإحد زملاءه يناديه اشوفك اليوم فاضي وش السالفة قال: مافيه الا خير وش تبي مادريت ان الحين فسحة
    قال اه صدقت حليلكم يامدرسي العلوم والرياضيات ماتنشافون الا بالفسح . قال جابر : اييييييييه الله يعين لو تخصصنا غير هالتخصص ماكنا حصلنا وظيفة , المشكلة والله العظيم مو من التعب فهذا رزقنا وهذاي لقمة عيشنا ولازم نخلص فيه المشكلة من القهر والغبن الي حنا فيه
    انت شايف زميلنا حمود مدرس الانجليزي قال الزميل:ايه شايفة وش فيه , قال الاستاذ جابر : اللهم لاحسد , توه متعين وراتبه احسن من راتبي قال زميله : صدق والله
    قال : والله العظيم اني صادق انا لي اربع سنوات بالتدريس
    وهذي السنه الخامسة انا متعين 1426
    وازيدك من الشعر بيت انا تربوي وخذ ترم تربية ميدانية كامل
    ومواد تربوية وجع راس
    وفي النهاية زميلنا لادرس تربية ولاهم يحزنون و متعين على مستواه المستحق وراتبه اعلى من راتبي
    قال الزميل : ماني مصدق اشرح لي
    قال وش اقول لك وش مااقول :
    دمرو ا مستقبلنا الوظيفي بالمادة 18 لابارك الله في من جابها
    كنا متأملين اننا نأخذ المستوى المستحق والفروقات

    لكن اللجنة المشكلة التي امر بها الملك حفظه الله ( حسبنا الله عليهم )
    مانصفنتا ظلمتنا وحورت الوظائف
    وسببت مشاكل لا حصر لها
    كان على املي اشياء كثيره من ضمنها البيت والزواج والسيارة
    وكان عندي امل ان ابدع في تدريس الرياضيات ان اشتري لي جهاز عرض وان اتفنن بالعربي في تدريس مادة الرياضيات
    لكن هالجنة لابارك الله فيها
    غبنتنا وخلتنا مدهوشين من الوضع ماحنا قادرين نسوي شيء
    احلامنا ذهبت ادراج الرياح قال زميله : خلاص بس بس عورت قلبي .... ليش ماتروحون عند ابومتعب تراه مايرضى الظلم
    قال جابر: ايييييييييييييييه : رحنا عند ابومتعب وقابلناه وانا اشهد انه ماقصر ( جعل والديه في الجنه ) بس ابو متعب ملك ومشاغله كثيرة وكل الامر في يد اللجنه التي ظلمتنا ولا بد نرجع له مره ثانية
    قال زميله طيب ياخي روحوا لديوان المظالم . قال جابر : وحنا مارحنا حنا وكلنا محامي ذيب مالكي الله ييسر له امره
    لكن ديوان المظالم بيني وبينك ماودي اقول ..............
    قال زميل جابر : لا لا مايسير ديوان المظالم لا زم ينصفكم
    ياخي ماخلينا جريدة ولامجلة مابينا لهم صوتنا
    لكن وزارة التربية ماهي متفاعلة مع القضية بالشكل المطلوب
    الله يكون في عونكم , اقول هذا جرس يرن شكل الحصة الربعة بدت ياعمي والله نفسيتي محطمة والله مادخل , ياخي مالي نفس
    مقهور مغبون
    خله يسوي المدير اللي يسوي واعلى مافي خيله يركبه
    لابارك الله في تعليم والمعلم مظلوم
    قال زميل جابر :
    يعني مابتروح للحصة .
    قال جابر لا ماني برايح تعال بس اعطيك من فصول معاناتنا مع التربية والعليم .
    قال جابر : ياميزان (ميزان هو البنقالي فراش في المدرسة) جيب شاهي من دون سكر
    قال صديق جابر
    سلامات من دون سكر
    قال جابر: انا نسيت ما قلت لك
    ان عندي سكر
    قال صيديق جابر : ياخي باقي بدري على السكر
    انت صغير
    قال جابر : أي بدري
    كيف مايجيك سكر وانت في رحاب وزارة التدليل عفوا وزارة التربية
    ياخي وزارة التربية مخليه الامور شختك بختك زود على ضياع حقوق المعلم المادية
    كذلك الحقوق المعنوية رايحة فيها انت ماتسمع كل يوم في الجرايد ان فيه معلم يضرب والآخر تسرق سيارته والآخر تكسر يده
    واللي ولي الامر لاطمة ومغمى عليه في العناية المركزة
    وماخفي اعظم , ياخي والله العظيم مصيبة
    التعليم عندنا رايح ٍ فيها .
    قال صديق جابر : اقول شف المدير جاء ياويلك ليش مادخلت الحصة . المسائلة في الطريق شكلها
    قال جابر : خله عندي وانا ابو هندي
    جاء المدير متبسماً قائلاً : استاذ جابر تر ى عندك حصة
    آكيد انك ما انتبهت للجدول
    الطلاب غثونا صياح وازعاج تكفى رحلهم ,
    قال جابر : يا استاذ انا تارك الحصة متعمد يا اخي ما عندي اقلام سبورة
    قال المدير لجابر : بالله عليك هذا عذر
    رح لحصتك بس لا يكثر حكيك كنت احسب ان عندك عذر سمين
    وقايل لي ما عندي اقلام
    عندها تنهد جابر وانفجر غاضباًُ قائلاً :
    نعم انا ماعندي اقلام
    ولا ني صارف من جيبي ريال واحد على الوزارة
    والوزارة ظالمتني وباخستني حقوقي 24 حصة واشراف وريادة وطابور وانتظار وما بعرف ايش
    ياخي راتبي منتقص منه مايقابل من 2000 ريال وتبغاني اصرف واكد على خلق الله بلوشي
    والله ما اسويها يحلمون
    قال احتساب قال .
    عندها قال مدير المدرسة : بس وانا اخوك هذولا الطلاب وش نسوي بهم هم امانه في اعناقنا
    ياحبيبي الوزارة تتحمل المسؤولية الكاملة امام الله
    في ظلمنا
    ثم بعدين ماهي كافيه انه تصرف مليارت على الفاضي
    ومشاريع وهمية
    وانتدابات وخرابيط وتطوير مزعوم
    جايبي لي صورة **** كبير وصغير على كتاب الرياضيات
    ومصورين المعلم على انه جحش
    وفي النهاية يقولون هذاي نسخة تجريبية
    طيب تجريبية وفيها مليار ات صرفت وقايلين لي هدر تعليمي
    حسبنا الله ونعم الوكيل
    عندها قال مدير المدرسة : يااستاذ جابر انت مدرس متميز
    وشكل اليوم اعصابك تعبانه
    خلاص بإمكانك تنصرف وتجي بكرة وان شا الله تكون حالتك النفسية احسن
    قال الاستاذ جابر : لا ياحضرة المدير انا باداوم
    واروح حصتي وهذ عملي لكن
    حسبي الله على لجنة الظلم الي قتلت فينا روح الابداع
    وخلتنا نخرج عن سيطرتنا وابداعنا
    عندها قال المدير : والله انك صادق ياجابر لكن كلنا امل في الله ثم في خادم الحرمين ابو متعب
    وكذلك وزير التربية ان يحلو مشاكل التعليم
    وهمومه وان يعيدوا هيبة المعلم التي نقصت .
    عندها قال جابر: جابر االهم انصرنا على من ظلمنا اللهم انصرنا على تلك اللجنة الظلمة
    االلهم انا نسألك ان تعيد الينا حقوقنا التي سلبت بفعل تلك اللجنة الظالمة وذهب الى حصته كأنه يساق الى السجن .
    خاطرة
    أي طلاب سوف يتخرجون واي ابداع سوف ينبت على يدي المعلم جابر
    ثم لو علمت تلك اللجنة انها بتك القرارات سوف تدمر التعليم
    اكانت وضعت تلك الحلول .
     
  2. أبونواف الفيفي

    أبونواف الفيفي عضوية تميز عضو مميز

    1,471
    0
    36
    ‏2009-01-14
    معلم
    جبر الله خاطرك وخواطرنا ياجابر
    واللهم أنصرنا على من ظلمنا
     
  3. ebr

    ebr تربوي جديد عضو ملتقى المعلمين

    73
    0
    0
    ‏2008-06-01
    معلم
    والله هذا الوضع جاب لنا الاحباط

    والله كم مبدع قتلت هذه اللجنه فيه روح الابداع حسبي الله على لجنة الظلم
     
  4. ابو عبدالله999

    ابو عبدالله999 مشرف سابق عضو مميز

    3,527
    0
    0
    ‏2008-06-19
    مدرس
    ايييييييييييييييييه ياجابر نفس الشعور لكل المعلمين ..... اللهم دمر من دمر نفسيتنا
    حسبنا الله ونعم الوكيل
    ولن نترك حقوقنا ..... ويازين الغياب الموحد في يوم ما... للجميع
    اسأل جابر وإن شاء الله أنه يوافق
     
  5. مختلف جدا 1419

    مختلف جدا 1419 تربوي جديد عضو ملتقى المعلمين

    1,130
    0
    0
    ‏2009-04-12
    معلم
    لله يعين المدرسين جميعا
     
  6. kkaa123

    kkaa123 عضوية تميّز عضو مميز

    ‏2008-06-09
    معلم
    لا حول ولا قوة إلا بالله

    الظلم ظلمالت

    وجابر غيره كثر

    ولكن هل سيتحرك ضمير من طبق ما لا يقبله عقل عاقل ...!
     
  7. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    معك كمان واحد جابر ، بس إن شاء الله تزين الأمور ، والخيرة خفية وأنا أخوك ، وشكرا لشخصك وقلمك .
     
  8. أم فدوى

    أم فدوى عضوية تميّز عضو مميز

    2,135
    0
    0
    ‏2010-03-22
    معلمه
    شكرررررررررررررررررررررررررا