اعلان 1 اعلان 1 اعلان 1 اعلان 1 اعلان 1 اعلان 1


معاريف الرجال ديون وديون الرجـال ثقـال ..!

الموضوع في 'ملتقى بــوح الأقــلام' بواسطة }{ الصَّرريحـة }{, بتاريخ ‏2010-05-04.


  1. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    معوّض خير ياحيٍ تهقوى في الزمـان ومـال
    سنينك لو رقيـت بعدلهـا يطرحـك مايلهـا



    تعلّم وإعرف إن الدرب قدامك سهـل وجبـال
    جبـال تطولهـا وجبـال بعيونـك تخايلـهـا



    ومعوّض خير ياحيٍ وردت الماء بدون حبـال
    يطول بك الوقوف وشربة المـاء ماتحصّلهـا



    وقوفك عند راس البير مايسقيك لـو فنجـال
    ولاينفعك شوف الجمـه اللـي منـت طايلهـا



    ومعوّض خير ياحيٍ خدعك من الرجال أشكـال
    تشوف أشكالها وتحطها أرفـع مـن منازلهـا



    تعلّم من زمانك لاتصير مـن أجهـل الجهـال
    ترى في كل يـوم تجيـك عبـره لاتجاهلهـا



    إذا ربي وهب لك عقل تلقى في الرجال رجـال
    تعرف اللـي يطلّـع قيمتـك واللـي ينزلهـا



    ترى من بعض مايندي الجبين ويحرج الرجال
    لياسـاق الميانـه فـي نفـوسٍ ماتقبّلـهـا



    ومهما شفت في صاحبك من نخوه وطيبة فال
    ترى بعض السجايـا كثـرة الإلحـاح يقتلهـا



    معاريف الرجال ديون وديون الرجـال ثقـال
    لياصرت متعافي ليش تغـرق فـي جمايلهـا



    رصيدك في حياتك سمعتك مع طيبيـن الفـال
    رجال الطيب والمعروف بالمعـروف عاملهـا



    ولاتبدي بجاهـك فـي مقـامٍ مايسـر الحـال
    ولاتشفـع لنـاسٍ ماتنومـسـك بفعايلـهـا



    لياجاتك تعذّرهـا مـدام العـذر لـه مدخـال
    ووقت الجد قول لهـا الصحيـح ولاتجاملهـا



    وخذ منـي نصيحـه لاتصـدق كـل ماينقـال
    يجـرك للنميمـه ليـن يطرحـك بحبايلـهـا



    يجيلك ناقـل النمّـات بهـروجٍ تغـث البـال
    سوالف في قفاك وحظك أطيب يـوم تجهلهـا



    يبـرر بالحميـه والصداقـه شينـة الأفعـال
    يجمّـل صورتـه بعلومـه اللـي ماتجمّلـهـا



    ولو كانت حميه فيك رد المخطيه فـي الحـال
    ولاكان إستمعها فـي قفـاك وجـاك شايلهـا



    ترى من جاب لك ودّى وهذي عـادة النقـال
    يحاول يقتنص من فمك كلمـه لأجـل ينقلهـا



    ومثل ماقال عندك راح عنك وعند غيرك قـال
    وزوّد عشر فوق الكلمه اللـي كنـت قايلهـا



    تجنّب مجلسه لاتجلس إلا مع كريـم خصـال
    تحمّـل ميلتـه وإن ملـت ميلتـك يتحمّلهـا



    ولاتصبر على الجار الردي لوهي ثلاث ليـال
    تضـرك جيرتـه لوكـان بيبانـك تقفلـهـا



    وبيع الدار بأول سومةٍ تعرض علـى الـدلال
    ورزقـك عنـد ربٍ كاتـب اللقمـه وكافلهـا



    وبنتك لاتزوجها الردي لوهـو كثيـر المـال
    تربيهـا علـى الطـالات وتشـوّه سلايلهـا



    وكم من لاش يرمي خيبة إبنه فوق راس الخال
    لوإن الخال من روس الرجال ومـن دلايلهـا



    ليامنك عرفـت تميّـز الطيّـب مـن البطـال
    وفادتك التجارب في الحيـاة وفـي مسايلهـا



    وكشفت الفرق مابين الصحيح وحيلة المحتـال
    وتعلمت الفراسه في الوجيـه اللـي تقابلهـا



    بعد هذي ترى مالك غنى عن صحبة العقّـال
    يدلونـك بـرايٍ ينقـض الدعـوه ويفتلهـا



    يقولون الرجال اللي سوالفهـم حِكـم وأمثـال
    ليامن ضاعت الحيلـه يـدل القـوم عاقلهـا



    نصيحة واحدٍ جرّب وشاف من الزمان اهـوال
    يقدّم لـك خلاصـة هجـرةٍ جـرّب هوايلهـا

    عبدالله الطلحي
     
  2. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    رااائع انتقاااءك .. وكلك ذوق شااعري

    ارق التحااايا النديه
     
  3. طالبة حق

    طالبة حق تربوي جديد عضو ملتقى المعلمين

    321
    0
    0
    ‏2010-02-20
    أكيد في سلك التعليم بس مش معلمة ولله الحمد
    صدق الشاعر صدق
    وما قال إلا الصحيح
    ولا هنتي يا الصريحة
    على اسمك ما تختارين إلا الصحيح الصريح
    سلم لنا ذوقك
     
  4. أمير الليل

    أمير الليل قَيدُ.. لَم يُكـسْر~.. عضو مميز

    2,295
    6
    38
    ‏2009-07-04
    ذكر
    صح لسان الشاعر..
    حكم ونصاااائح رااائعة.. شكراا للقلم الصريح
     
  5. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    العذب لاينتقي الا عذب ولا يسمح لذائقته الا ان تنهل من ماء عذب قراااح
    ليس بمستغرب طيب مانقلت دمت بود ايها القلم الصريح
     
  6. شقـران

    شقـران تربوي جديد عضو ملتقى المعلمين

    873
    0
    0
    ‏2010-05-04
    معم
    اختيار رائع الله يعافيك
     
  7. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    القلم الصريح ابدعتي في الاختياار

    ونعم الشااعر ونعم النصيحة

    داام عزك
     
  8. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    هلا بك يالهدوووء .. نورتِ متصفحي ..الذوق ذوقك
    أسعدكِ الله وعافاك
    لكِ ورررررردي قبل رددددددددي
     
  9. عوض الحارثي

    عوض الحارثي عضو مجلس إدارة الموقع عضو مجلس الإدارة

    4,918
    0
    36
    ‏2008-01-13
    معلم
    صح لسان القائل وسلمت يدك أختي القلم الصريح على هذا الاختيار الرائع
     
  10. شقـران

    شقـران تربوي جديد عضو ملتقى المعلمين

    873
    0
    0
    ‏2010-05-04
    معم
    الله معاريف الرجال اختيار راقي يعطيك العافيه
     
  11. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد


    مرحبا بكِ أخيتي الحبيبة سعيدة بإطلالتكِ من هنا ..
    شكرا لحُسن ردك سلمتِ ولاهنتِ
    وسلم ذوقك وحضورك .. لاحرمت من عطر حرفك
     
  12. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    مرحبا بك أخي بقاياا وشكرا لك لحضورك هنا
    دمت في خير
     
  13. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    شكرا لطيب كلماتك أخي أبو لمــــــــــى
    ومرحبا بحضورك الكريم .. أصدق الدعوات لك
     
  14. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    عافاك الله أخي نوري وأشكر لك حضورك الكريم وفقك الله