اعلان 1 اعلان 1 اعلان 1 اعلان 1 اعلان 1 اعلان 1


أرجوا الدخول الموضوع خطير جدا شوف الاجانب وش جالسين يسون

الموضوع في 'الملتقى العام' بواسطة خاطف القلوب, بتاريخ ‏2010-05-18.


  1. خاطف القلوب

    خاطف القلوب تربوي جديد عضو ملتقى المعلمين

    112
    0
    0
    ‏2010-05-05
    لا أعلم ولا أدري من أين أبدأ هذه القصه المفجعه التي بدأنا نسمع عن مثيلاتها في مجتمعنا السعودي المحافظ فوالله كم هالتني وأفجعتني هذه القصـــــه الغريبة والخطيره لن أطيل ولنترك هذا المسئول يحكي لنا ملابساااات هذه الفاجعة ولكن قبل أن يبدأ قصته هذه اريد أن أخبركم بقصه لها ضلع في الموضوع وهي::::: في يوم من الأيام وقف صاحب الليموزين باكستاني الجنسيه لزبونه خارجه من أحدى الأسواق أركبها معه في الليموزين ولم تدري بنفسها الا وهي مع ثلاثة رجال باكستانيين في احدى البراري القريبة من مدينة الرياض وهمو بإغتصابها تقول الفتاة والله لو قال لي قبلي باطن رجلي على أن أتركك لقبلتها لكن هيهات هيهات وبعد المحاولات المضنيه من هذه البنت البكر لكي يتركوها وهم مصممين على فعل
    فاحشة الزنا بها أسعفها الله بأمرأة عجوز كانت تمشي في هذه الصحراء فلما رأها هؤلاء الرجال تركوا البنت وفرو هربا إعتقادا منهم أن هذه العجوز جنيه إقتربت العجوز من البنت خافت البنت وذكرت الله وقالت بسم الله انتي جنيه ولا انسيه قالت العجوز لا والله انا ليتني جنيه فلربما لو كنت جنية لما تركني ولدي في هذه الصحراء لعيون زوجته اخسأه الله وكان التعارف بينهما الى ان أرسل الله لهم سياره يستقلها رجل في الأربعينيات في أول الأمر خاف الرجل لما رأى من المنظر أمرأتان في صحراء في وقت الليل ولكنه رجع ونظر في أمرهما وعندما علم بالقصه اركبهم معه وذهب بهم الى أقرب قسم للشرطه وأستدعي ولي أمر البنت وأخذت أقوالها سألها الشرطي سؤالا هل تعرفينه لو رأيتي صورته قالت كيف لا أعرفه ولقد
    كنت أتوسل اليه ولو قال لي حينها قبلي باطن قدمي على ان يتركني لقبلتها فأمر الشرطي ان تذهب الى بيتها وفي كل يوم كانت المباحث
    تطلب من شركات الليموزين صور مكفوليها لعلها تجد الشخص الخائن أما العجوز سأترك الكلام عنها الى أن يقص علينا هذا الشاب قصته
    فلنترككم معه فهو بالحديث أصدق وأجدر يقول هذا الشاب:::
    أنا شاب وسيم أبيض أفضل لبس الجينز والبنطلونات على لبس الثياب لذا لو رأيتني في البنطلون والجنينز يوحى اليك من أول نظره أنني من
    بلاد الشام يقول كنت كعادتي في كل يوم خارجا من الاستراحة الساعة الثانية والنصف ليلا تقريبا وسأذهب الى البيت..
    وفجأة تعطلت بي السيارة
    في أحدى طرق الرياض وبينما أنا واقف لا أدري ماذا أعمل خطر ببالي ان أدع السياره في مكانها وأركب أقرب ليموزين وأذهب الى
    البيت وبكره يحلها حلال..
    -اهه هذا ليموزين اشرت لليموزين وقف باكستاني الجنسيه ركبت معه ومن صفاتي أنني لا أتكلم يعني هادئ في طبيعتي لست بالثرثار وفي ما أنا مع صاحب الليموزين بادرني سائق الليموزين بالسؤال التالي :هل أنت سوري الجنسيه أم لبناني؟
    هي لحظة تفكير وبعدها رددت عليه لا لبناني
    وأخذ الباكستاني يسأل أين تعمل قلت في محل ملابس.. الباكستاني يسأل كم راتبك؟ رددت عليه الف ومائتين ريال طبعا أنا كنت أجاريه ولا أعلم لماذا كذبت في البدايه لكن هي اقدار الله ولنقل لطفه ورحمته..
    قال السائق الباكستاني وهل يكفيك راتبك الألف ومائتين!! وبسرعه رددت عليه والله ولا يأكل عيش.. قال الباكستاني انا لو أعلم أنني سوف أعمل بهذا المرتب لذهبت الى بلدي لم أفهم ماذا يقصــــــــــد سكت ولكنه استرسل في الأسئله الا أن قال هل تعلم أنني في الشهر أكسب من العشرة الالاف فما فوق اعتلاني الاستغراب وسألته كيف ؟ ومن أين ؟ رد الباكستاني بقوله هناك بنات ، حشيش خمر ، هل تريد ؟
    رديت عليه وقلت حشيش خمر يمكن فيه لكن بنات ومن مين من ليموزين هذا هراء لم
    يجاوبني بالكلام ولكنه أخرج من تحت المقعد البوم كامل به صور لمجموعة كبيرة أخذت الألبوم وجلست اقلب صفحاته الى أن وقعت عيني على صورة بنت والله لم ارى مثل جمالها فسبحان من صورها فقلت له هذه ما جنسيتها !قال سعودية!!
    قلت له أنت تكذب فحلف يمينا اذا كنت تريدها اتيها لك غدا...قلت نعم اريدها قال هذه بثلاثة الأف ريال وبعد محاولات كنت أعتقد أنها يائسه رد علي وقال عشان أنتا أول مره بألفين ...وافقت ذهب بي الى البيت قلت قف هنا عند هذه الفله نظر الي وقال هازا بيت انتا ؟ قلت له لاء هذا بيت الكفيل لأنني كنت أعلم لو علم أنني سعودي الجنسيه لما لبى لي طلبي لذا قلت له انه بيت الكفيل وجلست أخبره بطيبة كفيلي وأنه من النوع الشبابي على قولهم وقلت له متى تجيب
    لي البنت قال بكره قلت كيف وأين واتفقت انا وهو بأن يأتي بها في بيت كفيلي الذي هو بيتي بالطبع لم يوافق في البدايه ولكن بعد
    اقناع مني ان كفيلي شبابي وأنه لو عرضت عليه سوف يدفع وسوف نستفيد أنا وهو!
    وافق بشرط أنه لايعلم كفيلي بهذا الباكستاني ويكون إقناع كفيلي الوهمي عن طريقي فوافقت ولكن البنت ابيها بكره
    لي أنا لأن كفيلي ماراح يكون موجود لا هو ولا العائله المهم أخذ الباكستاني رقم جوالي وأخذت رقم جواله (لاحـــــــــــظ سواق
    ليموزين معاه جوال لا والكوبرا)على أيام عز جوال الكوبرا...
    بصراحه لم أنم جيدا كنت أتقلب متى يأتي غدا لكي يتحقق ما أريد ولقد كان كل تفكيري هذه البنت وأنا ما بين مصدق ومكذب الى أن أتى
    غــــــــدا الذي طال أنتظاره رجعت للبيت بعد العشاء مبكراا الأهل مسافرين فرصه جلست عند الدش أنتظر وكل شوي أقول لنفسي
    يارجال صاحب الليموزين تأخر أدق عليه ولا ما أدق الا أن قطع هذه الأفكار صووت الجوال والله هذا الباكستاني بسرعه رديت عليه الوووو وينك جبت البنت هاه بشر قال الباكستاني أول فيه فلوووس قلت ايه فيه قال الباكستاني وين أنت؟قلت في بيت الكفيل اللى أمس نزلتني عنده..
    على طووول قال لي: أفتح باب سرعه فتحت الباب والى البنت في الليموزين..
    -قال الباكستاني: أول فين فلووووس!؟
    عطيته الألفين ودخلتها البيت وبعد ما جلست البنت المسكينه نضرت اليها ما شاء الله وش الجمال هذا والله الباكستاني هذا كسبناه في صفنا الايامخليه انا والله الزبون المهم انا في أول الأمر كان كل همي أتلذذ بالنظر اليها بديت أتحسسها أتكلم معاها لكن لاحظت شئ غريييب البنت ماهي طبيعيه ساكته شكلها مغصوبه أو مكرهه اول ما تكلمت معاها قالت الله يخليك يالله خلصني خلني أمشي هذا والله شئ ثاني غريب كلامها لكنتها من نجد لا وشكلها بنت ناس وماهي محتاجه المهم قلت لها انتي بصراحه أمرك غريب وش فيك
    قالت مافيني شئ خلصني خلني أمشي بصراحه والله في هذي اللحظه ما أدري وش صار بي نسيت شئ اسمه جنس نهائيا فتفكيري في تللك اللحظه كان منصب على وش سالفت هالبنت سألتها السؤال التالي انت سعوديه وشكلك بنت ناس يعني منتي محتاجه للفلوس ؟ البــــــــــــنت ساكته ماردت
    واللي قاهرني وأكد لي أنها مكرهه أنها الى الآن كاشفه الوجه بس يعني مازالت لابسه العبايه حياء...
    سألتها الســــــــؤال الثاني شوفي يا بنت الناس أنتي شكلك مكرهه على الشئ هذا وبصراحه أنا أشك أنك تخفين علي قصه وش سالفتك أنت؟ ما ردت البنت ولكن حسيت إنها ارتاحت لي شوي يعني أحس ودها تتكلم لكن فيه شئ خايفه منه أو أو رديت عليها وحلفت لها لو قالت سالفتها لي والا وش اللي مكدر خاطرها والله يكون بيني وبينها والوجه من الوجه ابيض وأنا على استعداد إني اساعدها بعد ما أدري الا البنت تطيح على حجري وتبكي والله العظيم الله يعلم أني ساعتها بكيت من بكائها وأخذتني الشهامه ...
    لم أتحمل الموقف لكن صبرت نفسي وصرت أهدئ البنت الى أن هدأت وقلت لها هاه هاتي قصتك وأنا على ماوعدتك به ويشهد علي ربي..فبدأت البنت قصتها ....
    تقول البنت ::: شفت الباكستاني اللي جابني لك قلت ايه وش فيه قالت هذا
    ابن ال*** يعرف من هم على شاكلتي كثير ما هو أنا فقط رديت عليها واضح أنه يعرف لأني يوم كنت معه راكب وراني صور لمجموعة بنات
    سعوديات وغيرهم المهم كملي وشفيه قالت انا متزوجه من ضابط وصار على زواجي سنه ونصف تقريبا المهم في يوم من الأيام زوجي كان عنده خفاره أتصلت عليه وقلت له ابروح المحل الفلاني في السوق الفلاني تسمح لي والا ما تسمح زوجي وافق على طول طبعا بما أننا تونا عروسين ولا عندنا عيال ساكنين شقه على شارع من شوارع الرياض يعني الشارع بجمبي والبقاله وكل شئ نزلت الصباح وركبت مع هذا الخاين الباكستاني وقلت له ودني للمشوار اللي ذكرته لك وما دريت عن نفسي الا وأنا في شقه عريانه والباكستاني فعل فعلته الشنعاء بي هو
    ورفيقه أصارخ وش أسوي موقف ما أدري وش لون اشرحه لك تكمل وتقول لبست بسرعه وأنا أصارخ جاني الباكستاني وقال شوف أنتي قرقر كسيييييير ما يبغى انا ودي بيت أنته ما فيه روه ليموزين تاني أوكيه ماما حلوه انا بصراحه خايفه ما أدري وش أسوي أفكر في زوجي المسكين لو درري بالأمر زواجي مستقبلي شرفي سمعتي أهلي أمي وأبوي أخواني لكن قطع الباكستاني تفكيري بصور لي وأنا عاريه على عدت
    أحوال وأشكال يهددني بها وافقت على مضض وداني البيت ولما هميت بالنزول قال الباكستاني شوف ماما أنته يدخل بيت دق تيلفون على طول انته ما يدق تليفون أنا سوي صوره سوى سوى باب طلعت ابكي دقيت عليه بعد ما أعطاني رقم جواله رد علي الباكستاني وقال شوف ماما انا ما يبغى اي حاجه أنا دق تليفون كلام أنته يجي برا سوى سوى أنا يجي مافيه يجي أنته معلوم أنا ايش فيه سوي..
    أنا في أول الأمر قلت ابسكت وما راح أرد عليه لو دق بكيفه والله ابي الستر انسي يابنت هذا مقدر ما هو بكيفك رجع زوجي هاه رحتي للسوق قلت وانا نفسي اقول له قصتي لكن خايفه من ردت فعله تكون قاسيه وخايفه من السمعه والمستقبل ان يضيع المهم رديت قلت لا ما رحت هونت اجيب العشاء رد زوجي لا أبدخل أنام مسكين دايخ من الدوام والخفاره زوجي راح
    ينام وأناعند التلفزيون صحيح كان فيه مسلسل لكن عقلي كان في مسلسل ثاني وما دريت الا الباكستاني يدق تليفون سكرت السماعه في
    وجهه أول مره دق مره ثانيه سكرت في وجهه لما دق المره الثالثه سمعته يقول ماما شوف صوره هلوه سوى سوى باب سكرت وطرت على الباب أطالع وايش اطالع صورتي وأنا عريانه في غرفة نوم سحبت الصوره قطعتها .........وأنتظرته يدق لم يطل هذا الأنتظار هاه ماما انا كلام لازم أنته يمسي كويس ما فيه دور دور قلت له وأنا خايفه زوجي يدري يا أبن الناس الله يرحم والديك أنا متزوجه خلني في حالي ما رضى أغريته بالفلوس رد على وقال ســــــــــــووف ماما أنته لو يزيب مليون ريال أنا مافيه وافق معلوم سوف بكره أنا يبغى أنته بالليل قلت له ما أقدر زوجي فيه المهم نسق معاي على أساس أطلع معاه متى ما يبغى بعد ما يكون زوجي مداوم أو في خفاره طبعا ووالله الفلوس اللي ياخذها الى الآن لي فوق الشهرين على هذه الحال المزريه ما أخذت منها ولا ريال أنتهت البنت في سرد قصتها من زود الشهامه فيني والله ما أدري كيف ضميتها لكن والله كأني
    ضام حجر لا جنس ناعم وأنا أبكي وأحس بداخلي بركان والله لو أنفجر لأحرق العالم بما فيه من شدة الغيره والغضب المهم أتفقت أناوهي على أن نترك الأمر على ماهو عليه وأن نترك حل قصتها بيدي بشــــــرط أن تعدني أن تنفذ ما أطلب منها وافقت على أن أستــــــر عليها عاهدنا بعض وأتفقت على أن تأتيني مره ثانيه
    الساعه ثنتين الليل تقريبا دقت على الليموزين جاء وأخذها أنا بدوري مسكت الباكستاني وقلت والله أنك ملعون ايش هذا ياليت أنا
    صديق أنته من زمان انا فكر روح لبنان لكن الحين خلاص كله موجود هز رأسه هذا الخائن وقال أنته الهين معلوم رقم موبايل يبغى اي
    هاجه نزم سهره هشيش خمر بنات كتير كتير ولا أنسى مقولة الباكستاني لي أول ما بدأ نقاشه معي في يوم التعارف معه يوم كنت أرد عليه بأستغراب كيف هذا في _السعوديه تدرون ويش قال؟ ســــوف هادا نفر سعودي شباب يبغى بنت وبنت يبغى شباب أنته زيب بنت شاب سوى سوى وانته سيل فلوس كتير واهــد سنه بعدين كلاسس سفر بلد أنته..
    المهم راحت البنت بصراحـــــة جاني أرق ما نمت ابدا يارب وش أسوي سكرت الدش جلست ابكي وما عرفت البكاء الحقيقي الا ذلك اليوم بالذاات نصفه ابكي ونصفه أدعو الله لهذه المسكينه بالستر لكن
    ماباليد حيله نفسي أذبحه لكن ما يفيد البنت أمره مفضوح مفضوح والله عاملتها مثل الأخت وزياده أستغفرت الله ونذرت لله نذرا بالتوبه إذا الله دلني على طريقه ما لحل هذا الأمر...
    لو بلغت الهيئه أنفضحت البنت وكنت أعتقـــــــد أن الهيئه هي أم الفضايح طبعا شاب أفكاره ملوثه بالدش وبجلساء السوء وش رايكم يحب الهيئه اوحتى لو كان يحبها لكن الى حد معين لكن سبحان الله يهدي من يشاء الى سواء السبيل،، طلعت من البيت طبعا البيت فاضي الأهل مسافرين طلعت للشارع أفكر وحينها خطر ببالي فكره تدرون وش هي والله ما أدري وش اللي عزمني عليها لكن حصل اللي حصل الساعه ثلاث قلت تدري
    ياولد نم وبكره يصير خير طبعا ما نمت زين من التفكير وأبقول لكم بصراحه صليت الثلث الاخير من الليل وصليت الفجر في وقتها وهذه أول مره اسويها في حياتي استغفرالله وأسأله أن يثبتني جاء غـــــدا بعد طول أنتظار وهميت ابسوي الفكره اللي في بالي تدرون من رحت له رحت لرجال من رجال الهيئه المعروفين بالنزاهه ولوتدرون من هو ما تصدقون أني رحت له هو بالذات هذا الرجال كم مره مسكني أغازل سبحان الله كنت أكرهه كره!
    نفسي أشوفه مقطع قطع كنت
    أبغضه بغض المهم سلمت دورته في مركز الهيئه قالوا إنه طالع في مهمه مع الأخوان متى بيرجع ابيه ضروري الله يخليكم وصلوني به رد علي واحد من رجال الهيئه اللي في المركز انت من أنت أنا كأني شايفك والله منت غريب بصراحة كانت سمعتي مش ولا بد معروف يعني في الساحه الغزليه المهم ترجيته يوصلني بهذا الرجل وقلت الأمر فيه حياة أو موت ما قصروا دقوا عليه جوال ربع ساعه والا الرجال عند المركز نزل من الجمس السلام عليكم من...!
    ياهلا ومرحبا هاه وش سالفتك وش أنت مسوي الله يهديك ما تركته يكمل طبعا قلت له ابيك بأمر ضروري مسألة حياة أو وموت وحلها بين يديك رد علي إنشاء الله خير قلت الا الشر بعينه تعوذ من الشيطان وقال وش تبي قلت ابيك تجي معي البيت بصراحه الرجال شك في الأمر يمكن خاف اسوي به شي مثلا ما أدري والله وش كان تفكيره لكن رد وقال البيت؟ قطعت كلامه قلت اي مكان غير المركز أختر المكان أنا وانت بس وافق بعد الحاح عزمته في كفي شوب طبعا الرجال كان يعتقد ان الأمر ما يستاهل وبصراحه ما جلسنا لا في كفي ولا غيره قعدت أدور أنا وياه في السياره يوم ركب معي السياره قال تدري أنزل تعال معاي في سيارتي بصراحه سيارتي ما
    تواجه كل ريحتها تعج بالدخان والأشرطه حدث ولا حرج ركبت معه وقلت له سالفتي بحق وحقيقه وإني كنت نفسي أزني بالبنت لكن سمعت قصتها وتأثرت جداا وقلت له كل السالفه من طقطق لسلام عليكم هو بصراحه تعرفون رجل هيئه ومسكني كم مره مهوب شك لا!؟
    لكن كأن الموضوع ما خش في مخه لكن أنا من شدت قهري ودي يصدق اني ما أبغى الا وجه الله بكيت وبعدها أخذ يهديني ويقول الله يهديك إنشاء الله وما خش
    في اي سؤال في الموضوع والله انا أشهد أنهم مهوب رجال وبس الا أذكياء وسياسيون درجه أولى تركني انا أوضح له كل شئ الى أن قلت له هاه ايش العمل ؟ قبل ما يبدأ قلت أنا أبعترف بكل شئ وأسوي لكم كل ما تبون لكن لي شرط إن وافقتوا عليه لكم ما تبون وأن ما وافقت الوجه من الوجه ابيض رد علي وش هو شرطك ؟
    رديت البنت!!
    قال لي البنــــــــــــــت وش فيها الله يهديك؟ قلت البنت ما أبيها تخش في الموضوع ابدا ابي لها الستر طبس وأن بغيتو أي معلومات اي شئ انا عندكم خذو مني اي شئ لكن البنت ما ابيها تخش في اي حاجه لا تحقيق ولا غيره تراها ان خشت في اي تحقيق او خلافه تراها بتنفضح وخصوصا أن زوجها ظابط يعني اكيد المعلومات بتوصله من بعيد والا قريب رد علي وقال ابشـــــــــر طلبك مجاب بصــــــــــراحه أنا في أول الأمر خرتني المويه يعني ما وثقت فيه لكني كنت واثق تمام الثقه في الله
    عزوجل بعدها قلت كيف أقتنع ان البنت ما تدخلونها في اي مشكله وعدني وعاهدني بالله رديت ونعم بالله لكن وش يضمن لي بصراحه سمعتكم
    أنتم يالهيئه زفت وأقولها في وجهك ابتسم وقال لي حديث والله ما أذكره الأن لكن هو حديث عن الرسول صلى الله عليه وسلم:
    ((من ســـــــــتر على مسلم في الدنيا ستر الله عليه يوم القيامه>> أو كما قال رسول الله وأخذ يسترسل في الأيات والأحاديث لكن ما صدقت الا الأن أنا ما وثقت الى أن كشح في وجهي الله يجزاه خير وقال : < من حلف له بالله فليرضى ومن لم يرضى فليس منا >
    هديت وأستعنت بالله ووريته بيتنا وخططنا على مسك الباكستاني واللي وراه وأحكمنا الخطه رجعت البيت طبعا أفكر وأفكر دق علي كم واحد من أخوياي مارديت عليهم قالو أكيد هالخبل مسكات شكله سافر الرجال ما يصبر وما يسقم عن أهله طبعا أنا ماخذ رقم البنت دقيت عليها ردت:
    الو.. وقلت لها أني ابيها تجيني في اليوم الفلاني تقدر؟! ردت وقالت أرد لك خبر وجاني الخبر بالموافقه وكانت تترجاني وأنا أقول لها أعتبريني أكثر من أخوك وأكثر بعد وعاهدتها وبصراحه ما تطمنت الا يوم قلت لها الو لحظه نسيت اقول لك لا تسكرين لحظه ردت وقالت: نعم!
    قلت لا تنسين تصلين الثلث الأخير من الليل ترى الله ينزل السماء الدنيا يقول هل من سائل فأجيبه هل من سائل فأعطيه تأثرت البنت من هذه الكلمه بكت قالت رح أنا رهن أشارتك من بعد هذه الكلمه لو طلبت مني اي شئ انا حاضره انا في ساعتها ما أقدر أتكلم خنقتني العبره سكت قالت الله يوفقك دنيا وأخره بصراحه حسيت أنها دعوه من القلب رديت والله يستر عليك ويسمح أمرك جاء اليوم المتفق عليه دقيت على الباكستاني ألو اهلين اخلين صديق كيف هال إنتا!
    والله الحمدلله أنت كيفك الهمدلله كله كويس..
    شوف صديق أنتا معلوم بنت جيب أول رد الباكستاني ايوه كيف ما فيه معلوم ايس فيه أنا أبغاه اليوم الليل الساعه عشره في بيت الكفيل رد الباكستاني سوف صديق فيه بنت كتير هلو صغير رديت عليه وقلت لا أنا ابي اللي
    جبتها أول مره هلوه قال سلاسه ألف قلت تكفى يا صديق خلي رخيص أنا
    زبون هاه لا أنا سوي أول مره رخيص المهم أنا أبطمنه بس!
    لا والفلوس مقدور عليها لكن ابطمنه قلت له شوف أنا ابغاه نفس السعر الفين وابغى شووي حشيش وشو خمر بكذا انت تاخذ ثلاثه الاف والبنت تكون بألفين بعد محاولات وتكسير راس وافق هالخاين المهم خويي الرجال اللي في الهيئه زبط وضعه ونسق مع الجهات الأمنيه من
    دوريات ومباحث وخلافه دقت الساعه عشر والا الباكستاني خوينا مواعيده قرينتش يعني مزبوطه من يوم وقف عند البيت الا الليموزين محاصر من دوريات الهيئه السريه والمباحث خويي اللي في الهيئه مسك البنت على جمب ركبها مع اثنين من المطاوعه وودوها بصراحه ما أدري وين أنا الخمت وقلت وين الوعود اللي قطعها لي هالمطوع وقلت بعد ايه صدق من قال الهيئه كلهم فضايح ركبنا وأنا ساكت مع المطوع رحنا لقسم معروف في الرياض دخلنا القسم وأنا ساكت دخلو الباكستاني طبعا فتشو الليموزين لقو البوم الصور أخذو الجوال حقه ويا فيه أرقام والله بلاوي والصور حدث ولا حرج المهم دخل الظابط على اساس يبدئون يأخذون أقوالي قمت ومسكت المطوع وقلت له على جمب وين وعدك وين الأيات اللي كنت تقول لي وين الأحاديث وين أتفاقنا بصراحه كنت متسرع لكن لعله يعذرني والله بالي وفكري على مستقبل هالضعيفه رد وقال وش صار قلت وين وديتوها تفضحونها ابتسم قال اطمئن البنت في بيتها الحين قلت لا تسرحني لا تكذب وعلى طول قال تقدر تتأكد بنفسك هو ما يدري إن عندي تليفونها كان بيروح معاي لبيتها على طول أخذت الجوال ودقيت ردت البنت الو وهي خايفه على طول رديت عليها السلام عليكم البنت خايفه بقوه قلت شوفي يا بنت الناس الله يستر عليك ويستر على بنات المسلمين قضيتك أنتهت والوجه من الوجه ابيض وأنتبهي لنفسك مره ثانيه وخلاص وهي تسمع وساكته لكن فيها بكوه المهم أخر ما أتذكر اني قلته لها والمطوع
    جمبي هو والظابط أكرر أنتبهي لنفسك وصوني بيت زوجك ولا أوصيك بصلاة الليل وياليت كلما تذكرتيني تدعي لي في صلاتك بالثبات والهدياه وأتمنى تدعين لكل من ساعدك في بناء حياتك من جديد ماقدرت تتمالك نفسها بكت لكن والله مهما اشرح لكم طريقة بكائها ما تستوعبون كيف ردت علي بالدعاء لي ولوالدي ولكل من ساعدها وقبل ما تسكر قالت لي كلمه ما أنساها ابدا تصدقون ما سمعتها من إخواني وأخواتي في حياتي تدرون وش قالت؟ قالت أعتبرني مثل أختك وأكثر
    ولو حدك الزمن وبغيت شئ ترى رقبتي سداده وبعدها كان الوداع...
    وبعــــــد ما سكرت السماعه أطرقت برأسي قليلا ثم نهضت من الكرسي وألتفت والى المطوع وراي جالس يستغفر قمت والله أفعلها بكل شرف وأفتخار وأعتزاز وأقولها لكم لقد قبلت يده وقبلت رأســــــه وكان يدفعني لئلا أقبل يده ويقول الله يثبتك ويهديك الصراط المستقيم ومن زود الفرحه رحت للضابط وقبلت رأسه وهو ماله دخل لكن الفرحه
    ما كانت تسعني ضحكوا وقالوا الله يهديك الان نستكمل فتح المحضر
    وبداية التحقيق .... إنتهت قصتــــــــي مع تلك الفتاة ولكني لم أنسى الوعـــــــــد الذي قطعته مع الله في تلك
    الليلة المظلمة فلقد نفذ ما كنت أريده وتم لذا قررت العوده الى طريق الهداية وأعادة ترتيب أوراقي الملخبطه ومن يومها وأنا لا أضيع اي فرض من فروض الصلوات الخمس فضلا عن أنني بدأت اصلي وأحافظ على صلاة الليل أحافظ عليها لا لسبب الا أنني لما أحترت في أحدى الليالي وعجزت في أحدى الليالي لم أجد من معين ولم أجد من ساتر ولا مجيب الا الله الذي ينزل في أخر الليل سبحانه جلت قدرته يقول هل من داعي فأجيبه هل من سائل فأعطيه فلقد سألته وأعطاني دعوته فأجابني فله الفضل كله وله الشكر والأمتنان أماصاحبنا الباكستاني فأقر على جرائم لا تحصى ويشيب منها الراس ولا يسعني الوقت ويجف القلم ولم يكمل هذه الجرائم الى ان الذي أود منكم أن تعلموه أن هذا الباكستاني سائق الليموزين اعترف بأن له أعوان كثر وحينما أكتمل التحقيق جاء الي الخبر من صاحبنا جزاه الله خيرا ووفقه أنه عن طريق هذا المجرم الخائن تم القبض على شبكه متكامله للدعاره والتغرير بنساء المسلمين وبيع الخمور
    وإنتاجها علاوه على بيع هذا السم القاتل الحشيش... قبض على هذه الشبكه المتكامله وعددها خمسه وثمانون ليموزينا أكثريتهم وأغلبيتهم من الجنسيه الباكستانيه الآن نعود الى قصة تلك الفتاة والعجوز طبعا الفتاة التي ذكرت لكم في أول القصه من أحدى جرائم هذه الشبكه اللعينه التي لم تنجح أما قصة العجوز أذكرها على عجل
    فهذه العجوز قصتها ان ابنها العاق ذهب بها الى الصحراء للتخلص منها ارضاءآ لامرأته وصاحبة الفضل عليه فهي التي تكون عونا له في هذه الدنيا لشدة ثرائها أنظروا أرضاءآ لزوجته وطمعا في مالها ترك والدته في الصحراء ولعل القدر ساق كل واحده البنت والعجوز لكي يلتقيا ويسعف كل منهما الأخر لا أنسى أن المرأه العجوز تسكن الآن مع عائلة هذه البنت البكر على الرحب والسعه مكرمة معززه أسأل الله السلامه ـ
    تنــــــــويه:أود أن أخبركم بطرق هذه الشبكه اللعينه في
    تغرير البنات وضمهم الى صفوفهم من خلال التحقيق مع أفراد هذه الليموزينات يقول بعضهم :::: أنا طريقتي هي ان استدرج زبونتي في الكلام من أول ما تركب معاي أضل أستدرجها إن كانت تريد ضممتها الى صفي بطريقة الأغراء المادي أما بعضهم فيقول كانت طريقتي مع زبونتي أن أعرض عليها خدماتي وأعطيها بعد توصيلها
    للبيت أو للسوق او اي مكان تريد أن أعطيها رقم هاتفي الجوال وإن لم يتوفر الموبايل أعطيها البيجر أو البليب وأعرض عليها خدمات
    توصيلها الى اي مكان شائت علاوه على انني أعرض عليها إحضار أغراض البيت بدون أن تتكلف في الخروج من البيت فقط ما عليها الا أن تتصل فأصل بالأغراض وبعد مرور الوقت تتم المعرفه ودراسة ومعرفة من يسكن معها وما هي حالتها ويخدمني وضعها لو كانت متزوجه وتكون في البيت لوحدها ففي أكثر المرات أفعل فعلتي اي الزنا وبعدها التصوير في بيتها حينما أدخل لها الأغراض في وسط البيت برضاها أو أغتصابا فلن يكلفني الأمر سوى فيلم وتصوير فقط وبعدها تكون في القائمه أما الثالث وهو الأخـــــــــطر:::فيقول طريقتي مميزه الا وهي أنه بمجرد أن تركب معي الزبونه اضع لها شيئا من الصرف أو السحر بحيث لا تدري بنفسها الا حينما تقع فريسه سهله!!
    السؤال هنا:::::::: سمعت بأن هيئة الأمــــــــــر بالمعروف والنهي عن المنكر أعانهم الله أصدرت مشكوره أمرا بمنع ركـوب المرأة مع اي ليموزين الا ومعها محـــرم فلماذا لايطـبق هــــذا الأمر حرصا على درء المفاتن والمفاسد أسأل الله أن يهديني ويشد على أزري ويثبتني على القول والعمل الصالح أنه عزيز قدير ....كما أسأل الله أن يســـــــتر على جميع نساء المسلمين ويهدي ضالهم من نساء وشباب كما أسأله أن يبرم لهذه الأمـــــــه أمر رشد يعز فيه أهل طاعته ويذل فيه أهل معصيته كما أسأله سبحانه ان يغفر لي خطيئتي يوم الدين ويغفر لي زلاتي وعثراتي يوم لا ينفع مال ولا بنون الا من أتى الله بقلب سـليم..



    تقبلوووووووووووووووووووا تحياتي مووووووووووووووووووووووووووووون:36_7_7[1]:

     
  2. !! الـريم !!

    !! الـريم !! عطاء بلا حدود عضو مميز

    8,737
    0
    0
    ‏2010-02-23
    ماحصلش الشرف
    الله لايبلانا ويستر علينا وعلى المسلمين والمسلمات

    لدي تحفظ شديد على ماورد في الفصة واعتقد ان نصها بهارات والله اعلم

    الشكر لك اخي على النقل ونسال الله السلامه
     
    آخر تعديل: ‏2010-05-18
  3. خاطف القلوب

    خاطف القلوب تربوي جديد عضو ملتقى المعلمين

    112
    0
    0
    ‏2010-05-05
    نشكر مرورك ياريم وعلى ما اعتقد ابهاراتك اكثر من بهاراتي هههههههههههههههههههههه
     
  4. الأعرابي

    الأعرابي تربوي جديد عضو ملتقى المعلمين

    1,623
    0
    0
    ‏2009-05-10
    قووووووووووووويه شوي ، لكن العبرة تغطي على ضعف السرد والحبكة للقصة !
    الله يسترنا حنّا وجميع المسلمين .
     
  5. رَذَاذ

    رَذَاذ مراقبة عامة مراقبة عامة

    7,506
    0
    36
    ‏2010-01-27
    ارشادية
    الحكمة في أخذ العظة والعبرة من تلك القصص حتى لو التبست بالخياااال

    شكرا خاطف ..

    جورياااااااات
     
  6. ابو عبدالله999

    ابو عبدالله999 مشرف سابق عضو مميز

    3,527
    0
    0
    ‏2008-06-19
    مدرس
    لاحول ولا قوة إلا بالله
    شكراً ويعطيك العافية ..... والحذر الحذر من شياطين الإنس