اعلان 1 اعلان 1 اعلان 1 اعلان 1 اعلان 1 اعلان 1


ماهوب كفـــو الوقت حبك يمحيـــه

الموضوع في 'ملتقى بــوح الأقــلام' بواسطة السامــــــــر, بتاريخ ‏2010-05-24.


  1. السامــــــــر

    السامــــــــر تربوي جديد عضو ملتقى المعلمين

    166
    0
    0
    ‏2010-02-13
    http://www.youtube.com/watch?v=cOwGaekfoiw


    بسم الله الرحمن الرحيم



    السلام عليكم ورحمة الله وبركاته



    قصيده جميله جداً من جديد الشاعر الكبير
    محمد بن فطيس المري





    ماهوب كفو الوقت حبك يمحّيه

    ياللي تخاف صروف الايام تمحاه




    ارتاح دام ان المواصل يقويه

    انت . انت وانا . انا وقلبي هو إياه




    حتى ولو بتغيب ذكراك تكفيه

    ياواحدٍ تكفي عن الناس ذكراه





    حُبك على رملة خفوقي مواطيه

    ورياح عذلي عَنك ماتمسح خطاه



    واللي يعذل القلب عن درب غاليه

    ( يالله عسى اللي يبلا المواليف يبلاه )




    اخفيه يابلفيت والحال يبديه

    ادناة واحد ينظر الحال يقراه



    اخفيه فيه ومعتنيٍ به وحاميه

    عن كل عينٍ ودها تنزل حماه





    قلبٍ يحبك والهوى الذرب ماليِه

    كانك مكذبني بعينك تحلاه




    شرط . ان تشوفك فيه منت بحواليه

    ويمكن تشوف ديار واماكن رعاه




    وشوف به تمثال والوقت هاريه

    وبتشوف زرعٍ ميتٍ واقفٍ ماه




    وبتشوف جرحٍ فيه سكين راعيه

    راح ونسى السكين والجرح ينخاه



    وبتشوف حصنٍ عجّ الاقدار سافيّه

    وبتشوف باقي بيت . راعيه خلاه



    لاتنزعج . هذا خفوقي وباقيه

    ولاتضايق من تصّدع زواياه



    قَد زلزله فرقا وهزة عراويه

    والله ستر والحظ عانه وعافاه



    كانه صلح لك واعجبك . زيد تبينه

    ابنه وجهزّ للمقابيل مبناه


    ابغيك بس من المفارق تداريه

    وازهل من ايداري شعورك ويدراه




    وحلل وحرّم فيه . ياأبرك بلاويه

    وحله وراع ارضاي ورضاك وارضاه


    جعلك بعد بعض الوجيه . امحق وجيه

    ناسٍ مراتعها الرفيق بتقفاه


    انواع . واخطر نوع مانيب ناسيه

    نوعٍ على تفريق الاثنين مسعاه



    تلقاه دوم . وكل يومٍ تلاقيه

    واذا بغيت الصدق ماعاد تلقاهـ



    وإلا انت . ردك كُل مادعيك لبيه

    انشهدٍ منتوا بفي عيني اشباه




    ما انت بمع العالم . ولا تقولي ليه

    انت ادرى مني وفي جوابي وفي احواه



    كذيه ومن الله يازين وإليه

    واغلى طروش القلب ودواه من داه


    الحلم ياتيني بزولك واراعيه

    وفي كل حلم اقوم قبل اتحفاه




    واعشق سميك في البزارين وادعيه

    واقبل خطاه الى اخطى واتلقاه


    واسمك يروعني اذا مرّ طاريه

    واحب ملقوفٍ يسولف وطراه




    وامرّ بيتك من بعيدٍ ولا اجيه

    وانا لو انه في يدي ماأتعداه


    حتى تواير موتري تلتفت فيه

    تبغي تلفّ ويستحي العقل والجاه



    وصلك يخيط الصدر والبعد يفريه

    ويابري حالي كان صديت برياه



    ويلي على ادري حبنا ويش تاليه

    وويلي على ادري وش ورى الغيب ويلاه

    عشان اشوف اذا محبتك ترفيه

    والله لاقفي عنك . استغفر الله



    وسلامتكم...
     
  2. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    الله يسلمك ويبارك فيك
    السَّــــــــامِر
    شُكراً على إختيارك الراقِـــــــي ..سَلِمت ولا هِنت
     
  3. السامــــــــر

    السامــــــــر تربوي جديد عضو ملتقى المعلمين

    166
    0
    0
    ‏2010-02-13

    القلم الصريح

    العفـــو
    الشكر كل الشكر لك على مرورك وتواجدك الجميل والنير
    أرقا التحايا
     
  4. ابن الزبير

    ابن الزبير تربوي جديد عضو ملتقى المعلمين

    196
    0
    0
    ‏2009-04-22
    معلم
    محمد بن فطيس
    شاعر وجداني فريد من نوعه
    ألمس في معظم قصائده إنبعاثها من ( تجربه )

    //
    السامر أهنئك على ذائقتك ..
    ولاخلا ولاعدم
     
  5. عـزف منفرد

    عـزف منفرد عضوية تميز عضو مميز

    6,697
    0
    36
    ‏2009-10-01
    مُـعلـِّمـةٌ

    يكفينا ورود ابن فطيس كقائلٍ لها ..حتى نحبها قبل قراءتها..

    السامر .. ذوقٌ فِي روعته يسود.. و في كل مرة يهدينا الأجمل..

    سلمت و دمت..