اعلان 1 اعلان 1 اعلان 1 اعلان 1 اعلان 1 اعلان 1


قصتي مع أبو فلاح .. ورحلة البحث عن زوجة .. من التراث الصحراوي

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2008-09-06.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    يامرحبا بالي لفانا ... ودخل بالمااااااضوع هنيا ... شف طال عمرك .. أنت الحين دخلت المااااااااضوع .. ولازم ترد
    حركات نص كم مانبيها ( ودي أعرف وش معنى حركات نص كم ) ياتقرأ الماااضوع وترد ولا الله يستر عليك من الحين << أمحق استقبال

    يالربع لا تشرهون علي وش أسوي عزوبي وطفشان ولا حصلت لا زواج شرعي ( عشان المصاريف الزايده ) ولا حصلنا حتى زواج مسيار الي أزعجونا فيها الناس

    حتى الي بالبر جيت بكحلها وأعميتها ... بعلمكم بالقصة ولا ني مخبي عليكم شئ كلكم تمووونون علي ... صدق والله تموونووون بالحيييييييييل ... بس لا يجي أحد ويقول ( سلفني ) تراني طفران زود على الطفش الي فيني

    عاد بعلمكم بلي صار ..... قابلت واحد من الجماعة راعي سوالف ورجل حبيب ( شرواكم ) علومه غانمه ... وقلت له ...

    جائني أبو فلاح صديقي بالبيت وقلت له يا بو فلاح ماتخبر أحد من ربعك بالبر يزوجني ...

    قالي ماشاء الله بتعرس ... أنت وخشتك قلت أي والله يابو فلاح العزوبية شينة وتبي الصراحة ابي اشوف عيالي وعيال عيالي بكثر النسل حقنا << أمحق نسل عز الله

    قالي طيب ماحصلت أحد أنتي هنيا ... من ربعك القريبين ....قلت لالالالالا يابن الحلال ما ابي من هنيا ... أبي وحده من البر ... ماتعرف شئ غير الغنم والأبل وبس ...

    قالي أفااااا ... وراك خالفت السنة يا ولد ... وش فيهن الي هنيا ....قلت أي سنة وأي شيعة الله يرحم شيبانك .... كل واحد وهواه والي يبيه ... ماهوب لازم اتزوج من هنيا

    قالي اللهم آآآمين ... طيب طيب ولا يهمك ... على راحتك ورغبتك ... فيه ( أبو ناصر ) عنده بنتين ماشاء الله عليهن راعيات بيت ( قصدة راعيات خيمه ) ويعرفن كل شئ للغنم والأبل وذربات يعجبنك ...

    قلت ياسلام عليك يا ابو فلاح , ايييه هذب العلوم الي توسع الصدر .. طيب ما ودك نروح نخطب من عنده مادام انك تعرفه قالي أبشر ... ياسنايدي ولا يهمك متى تبينا نروح ...

    قلت خير البر عاجله نروح الحين وش رايك ..قالي منهبل أنت ( عادي يموون ) وش الحين .. نروح في الليل خلنا نصبح وبعدين نتفاهم ..

    قلت وش نتفاهم بعدين الا الحين نتفاهم وبعدين قصدي الصبح نروح له ...قالي وراك مطيور أنت أركد كل ذي عجله .. يادافع البلا ... قلت أبشر طال عمرك الي تشوفه << ما ابي اقوله شئ ثم يهون

    قالي أسمع ... بكرة الصباح الساعة 6 خلك جاهز وجهز الفطور والقهوة وانا بجيك وبنروح للرجال ...

    قلت فطور بس ابشر بالفطور والقهوة لو تبي ميز كامل جبته ( لأجل عين تكرم مدينة )

    قال افاااا بتفطرني بيز .............! شايفني عنز قدامكرديت عليه لحووووووووووول لا يابن الحلال ماهوب بيز الي يمسكون فيه الدله ولا الشئ الحال ميز يعني فطور مطور فيه كل شئ حتى فيه عصيرات ..

    قال اشوى ياخي بغيت ازعل عليك لا مادام فيه عصيرات خلاص تم ..قلت ايه يارجال تعوذ من ابليس كل شئ الا زعلك تراك غالي بالحييل << مغير اليوم بس

    قالي خلاص انا بروح الحين وبكرة إن شاء الله جايك .. الله يحييك يا ابو فلاح .. بس لا تقفل جوالك وخله على العام عشان اتصل فيك اخاف يغطك النوم << يعني تروح عليك نومه

    قال ابشر خلاص اتصل علي انت .. قلت ولا يهمك عز الله بتصل لا توصي حريص ..

    يالله نشوفك على خير ..

    ودعتك الله يا نظر عيني << لازم ادلعه وش اسوي

    يالربع تعبت من الكتابة لكن بكرة إن شاء الله نكمل ... ولا أحد يجاملني تبوني اكمل ولا أهون علموني ... عشان ما اتفشل ولا اتعب نفسي وأنزل الجزء الثاني




    خارج النص : ( صورة اللؤلؤ المكنون ) بعد حربها الي شنتها على حزب التماسيح البواسل :)

    [​IMG]

    ياربي لك الحمد والشكر بس .... ياشباب أحمدوا ربكم ... تراها خلقت للعظه والعبره ... أحمدوا ربكم


    :D


    خويكم

    موصاحي
     
  2. معلم ضغط عالي

    معلم ضغط عالي تربوي جديد عضو ملتقى المعلمين

    255
    0
    0
    ‏2008-07-08
    ههههههههههههههههههههههههه :36_1_1[1]: خخخخخخخخخخخخخخخخخخخخ


    لازم الجزء الثاني وحبذا لو تكون البطله رتانيا موجوده :36_1_12[1]:
     
  3. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    الله يعيننا على سواليفك يامو صاحي,,,,

    بس عسى خويك ,,, ابو فلاح,,,

    ما يكون ناوي يخطبلك من قبايل الجن,,,, بسم الله حولنا وحوالينا,,,,:36_1_17[1]:

    انتبه وفتح عينك واطلب النظره الشرعيه,,, عشان ما تتورط,,,,


    ضغط عالي,,,

    انت بس تبي جنازه تشبع فيها لطم,,,

    وش رايك ترافق ,,مو صاحي,,, يدورلك عروسه مزيووووونه من البر ,,,,:36_1_62[1]:

    ومصاريف الشحن ,,قصدي الزواج ,,عليه,,,


     
  4. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    ياهلا ويامرحبا بالبطل الباسل المستبسل المدري وشو بعد :36_7_8[1]:

    موصاحي

    اجل هالغيبة عشان تبي تعرس :36_3_1[1]:


    طيب وراك ماعلمتني

    وراك ماقلت لي

    افااا بس افااا

    اختك اللؤلؤ هنا وتروح لبو فلاح يدور لك حرمة سنعة مسنعة

    ابشر طال عمرك انا اللي اجيبها لك وعلى الطلبية بعد :36_1_12[1]:

    انت بس تأشر







    [​IMG]


    منك الهبال ومنها العيال :36_1_17[1]:


    :: داخل النص ::

    فديت ضحكتي بس :36_1_1[1]:
     
  5. أبو المعاناة

    أبو المعاناة عضوية تميّز عضو مميز

    689
    0
    0
    ‏2008-06-04
    على البركة بس لاتتأخر علينا بالجزء الثاني
    تراني أكره الانتظار
     
  6. فارس الزعيم

    فارس الزعيم قــلم حــر عضو مميز

    2,161
    0
    0
    ‏2008-06-15
    حكومي
    هلا والله مو اخبارك عامل ايه

    اذا تبي الزواج عندي لك وحده ماعمرها شافت التلفزيون الا بالحلم وراعيه مرجله احسن من بعض

    الرجال وابد مهرها رخيص جمس عبارتين ورشاش كلاشنكوف


    خارج النص ( صورة اللؤلؤ المكنون ) بعد حربها الي شنتها على حزب التماسيح البواسل :)

    [​IMG]

    ياربي لك الحمد والشكر بس .... ياشباب أحمدوا ربكم ... تراها خلقت للعظه والعبره ... أحمدوا ربكم


    الحمدلله والشكر وانا اقول اثرها ماتنلام الله يكون بعونها خخخخخخخخخخخخخ
     
  7. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    اهلين وسهلين ... معلم ضغط عالي ... وراك شاب ع عمرك بالضغط .. أركد يارجال

    الحين بنزل الحلقة الثانية ... مو جزء الله يهديك شايفها من قصص ألف ليله وليله ..

    هذي تعتبر رواية ... ومش أي روايه ...

    صراحة ... رتانيا ( أم خماس ) يبيلها موضوع كامل عنها ... والوعد بعد العيد إن شاء الله

    الحين بشهر كريم ولا أبي أجرح صيامي .. بعد العيد بتشوف العجايب ...:)
     
  8. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    هلا والله .. بأم خماس ... تحبين السوالف الي فيها نسوان ... هاااااااااااااه :36_1_1[1]:

    لالا وش جنيه .. بنوته شقرديه .. أنتي تابعي القوووصه وتعرفين من أي نوع هالبنت :)
     
  9. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    المهلي ما يولي ... أي والله نبحث عن شريكة الحياة .. لكن أبيها غير عن كل البنات ..

    بعدين من شاف صورتك ... مارجاء من وراك شئ ... :36_1_1[1]:

    ياربي لك الحمد والشكر ... باللهي عليك هذي جبهه ولا شاشة لاب توب ... اللهم لا شماته

    هههههههههههههههههههههههههههههههههههههههههههههههه

    وحاطه صورتك وانتي صغيره .. ليه .. محتفظه فيها للحين ... ع بالك ذكريات ... الا معاناة أليمه

    وش هالشوشه المنفوشه ... حشا ... جنيه ذي مو أدميه ....
     
  10. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الله يبارك فيك ... الحين يارجال ... وسع صدرك بس :)
     
  11. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    هلا وغلا بصقيقي .. فارس ... صديق سابقا :36_1_1[1]:

    العلوم زينه وعال العال ..

    الاوش هالبنت ذي ... أنا بتزوجها ولا بحارب معها ... أخاف إذا زعلت مني ترميني

    ومن ناحية اللؤلؤ .. أحمد ربك بس ... :36_7_8[1]:
     
  12. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الحلقة الثانية << تكفى يامسلسل باب الحارة :D

    بعد ما راح أبو فلاح من عندي جلست لحالي بالمجلس وأنا أفكر وش بيصير بكرة هم بيوافقون ولا لا ... البنت بترضى تسكن معي وبتترك أهلها وأنا الي أعرفه أن بنات البر مايتركن أهلن أبد ..

    وبما أني عزوبي ولا أحد سأل فيني ... نمت بمكاني يعني بالمجلس لا فراش ولا لحاف ... الله يكون بالعون بس ... ولا صحيت الا وأمي الله يشفيها ويطول بعمرها تصحيني لصلاة الفجر ... وهي تقول قم ياولدي الله يوفقك قم صل تراه على وش يقيم ... المهم قمت وتوكلت على الله .. وتوضيت وصليت .... وبعد الصلاة .. قمت بتجهيز الفطور والقهوة طبعا مع أهلي .. وكله عشان عيون ( مرسول الحب ) أبو فلاح ...

    وقبل لا تجي الساعة 6 أتصلت على أبو فلاح .. الا هو صاحي .. قلت وينك قال جايك بالطريق الفطور جاهز ... قلت الله الله .. كلش جاهز ... اخلص أنت بس ...

    جاء أبو فلاح .. جعله بالصلاح الساعة 6:22 تأخر علي الله يهديه ... المهم قلط وصبيت له خمسة طعش فنجال ( لو بطنه قربة قد ملاها ) لا والله مغير ثلاثة مدير اربعة فناجل .... وبعدها جبت له الفطور .. الي يحبه قلبه .. القرص المدهون بالعسل الطبيعي الأصلي .. وبراد الحليب .... ماغيرها شئ .. وهو يأكل لين طقطقت أذانيه ( جعل والله فيه العافية يا بو فلاح ) ..

    قال ماودك نمشي ... قلت تسألني بعد أنا لو الود ودي .. كان مفطرين بالسيارة .... قال .. يادافع البلا وش العجلة فيك .. عين خير .. كل مطرود ملحوق .... قال أركب بس ... والله وأروح لأمي وأسلم عليها ... وأستأذن منها ..وأطلب منها تدعيلي أنهم يوافقون ...

    بعدها طلعت وحصلت أبو فلاح .. قد ركب بالسيارة ذيبان .. والله وأركب معه .. وهو يطلع فيني قال وش هاللبس الي عليك .. قلت وش فيه قال ياخي أنت وينك رايح .. قلت رايحين نخطب ولا زم أكشخ زين لزوم الترزز قدام الجماعة .. قال ياشين محد مدقق في شكلك ولا لبسك ... يبون رجال يستر بنتهم ..

    قلت والي معك الحين .. وش هو ماهوب رجال .. هذا أنا رجال ومالي هدومي كمان .. امشي ياقدع خلنا نوصل بدري .. المهم مشى ابو فلاح وطلعنا برا الديرة وكأنا مسافرين مشينا على الزفلت حوالي 30 كيلو ثم بدت رحلة الألف ميل وميل .. مع البر والصحاري الجرداء والقفار القاحله .. وأبو فلاح يجر الهجيني وبعض الأحيان يسولف ويعلمني يوم كان صغير بطفولته البريئة ( أمحق طفولة والله ) عاد كان يقولي كنا نرعى الغنم والأبل وحنا صغار أعمارنا على 9 سنوات و10 سنوات .. قلت يارجال قل غير هالكلام وش عشر سنوات وترعى غنم وأبل قال وأسوق السيارة بعد ... عاد تذكرت عيال هالجيل وعيال الدلع ( ماتسرحه في عنز وحده ) .. الله المستعان ...

    مشينا مسافة بعيدة ولا عاد اشوف بجميع الإتجاهات غير أرض معالمها وحده أشجار ( سرح وطلح ) لكن كلها ميته وليس فيها من الحياة غير الجذع الصامد أمام التصحر وقلة الماء ... وقلت لبو فلاح ... ألحين هالشعبان ذي ما جاها أمطار أشوف كل الشجر لونه أصفر يدل على أنه ميت ... قال ابو فلاح بعد ما طلع تنهيده تدل على شئ ما بقلبه .. قال .. هالشجر الي تشوفه كان قبل 30 سنة او أكثر كله أخضر وكانت الخباري بكل مكان وكانوا الناس مربعين ومستانسين وبخير ونعمة بفضل من الله .. لكن تغير الحال من أسوء لأسوء ... والأسباب كثيرة ... وقال حلها على ربك ... عسى الله يرزقنا بالغيث والحياء ..

    بعد ما قطعنا مسافة كبيرة .. بوسط البر ... بدت تظهر ملامح الخيام من بعيد وكان أمامنا .. أكثر من موقع وكل موقع يحتوي على ثلاثة خيام بالإضافة إلى خيمة رابعة بعيده نوع ما عن باقي الخيام ... وسألت أبو فلاح .. وش هالخيام .. قالي هذا بيت ( أبو حمود ) .. قلت طيب ورا الخيام ثلاث جنب بعض والرابعة بعيده عنهم قال هالخيام الثالث هذي لأهله .. وحده مطبخ .. والثانية للحريم .. للنوم والراحة فيها والأكل وأستقبال الحريم فيها .. والثالثة .. للرجال وضيوفهم .. أما الرابعة الي بعيد هذي للضيوف الي بينامون عندهم .. يعني خيمة ضيافة ... قلت ماشاء الله أجل فيها سرير ومكيف .. وعلى طراز خمسة نجوم .. قال تستهبل أنت مافيه غير فرش للأرض ومطارح ولحف للنوم .. عاد قلت بنفسي جعلني ما أسكن فيها ... يازين غرفتي والمكيف وكمبيوتري ... الله يعينهم على هالحياة بس

    بعد شوي وصلنا .. لخيام أبو ناصر .. وكانت نفس عدد الخيام الي شفتها قبل شوي لكن كانت فيه خيمة منهم كبيرة شوي .. وعرفت أنها خيمة أستقبال الضيوف وصلنا بحفظ الله ورعايته لمقر سكن أبو ناصر ... وقفنا سيارتنا بعيد شوي عن الخيام ونزلنا كانت الساعة حوالي 10 صباحا وكان الجو لطيف وحلو .. كنت أطالع في الوضع قدامي مواقع الخيام .. ووايت الماء وشبوك الغنم والأبل بعيدة عن الموقع شوي .. وكنت منسجم مع هالمناظر .. ولا أنتبهت ألا أبو فلاح يصيح بأعلى صوته ( ياعرب يالربع ... هنيا أحد ) طبعا موقعنا الآن قدام الخيمة الكبيرة ... ونسمع صوت حرمه تقول ( مرحبا ومسهلا ... يالله حيهم .. أقلطوا ) قال أبو فلاح صبحتي بالخير يأم ناصر.. وين المعزب ... ردت عليها قالت راح وبيجي أقلطوا .. والقهوة عندكم على جال الضو ... والله وندخل بالخيمة ونجلس وأنا أطالع فيها وفي محتوياتها الداخليه ... فرش عادي جدا ومطارح من المقاس الطويل وليس عريض .. وكل عمود خيمة عليه سراج وبعض الأكياس الي مدري وش فيها طالع فيني ابو فلاح قال قم صب لنا القهوة .. قلت ياخوي أنا ضيف مثلك .. أصبر لين يجي أبو ناصر ويقهوينا ...قال قم الرجال ماهوب جاي الحين المهم استسلمت للأمر الواقع ورحت لمكان القهوة ( حفره فيها رماد كثر وأظن فيها جمر لأنه بصراحة من كثر الرماد ما تدري هي جمر ولا رماد بس ) أخذت الدله وفنجالين وجيت لبو فلاح وهو متكي ويطالع في سقف الخيمة قلت يا بو فلاح الحين الخيمة ذي ( بناءها شعبي ولا مسلح ) طالع فيني قال صب صب قهوة بس شعبي ولا مسلح الحمد الله بس أحمد ربك أن أبو ناصر ماهوب عندنا ولا كان طردتك ولا زوجك ... قلت يارجال أمزح عليك أبيك تضحك بس ... صدقت تقهوة بس .. قالي وين القدوع التمر وينه قلت والله ما حصلت خير هالدله قام يلتفت يمين ويسار ويشوف هاك الصندوق الي بزواية الخيمة قال قم أفتح الصندوق ذاك وتحصل التمر فيه .. قلت أما افتحه هذي أنقزها عيب يارجال .. نفتش أغراض ماهيب لنا قال قم ماعليك ... اخلص علينا خلنا نتقهوى لين يجي معزبنا .. وللمره الثانية استسلم للأمر الواقع واروح للصندوق ... وافتحه ... كان فيه كذا علبة نيدو حجم صغير ... كل علبه فيها ياقهوة يا هيل يا سكر ياشاهي .. والتمر كان محطوط في علبة حديد مستديرة الشكل .. اخذتها وحطيتها عند ابو فلاح قلت اقدع ياذيبان ...

    بعد ما اخذنا كم فنجال انا وابو فلاح الا نسمع صوت السيارة جايه مسرعه ولا ندري من وين جايه صراحة خفت لا يكون ورع صغير يسوق ويدخل علينا بالخيمة من ورانا ... وكل مال الصوت يقرب وتوقف السيارة وتطفي مكانها ولا نسمع الا صوت تسكير البيبان يعني فيه شخصين ماهوب واحد وبعدها نسمع واحد يرحب بصوت عالي ( يامرحبا يامرحبا يالله حيهم .. ) والله ويقوم ابو فلاح واقوم معه ( معهم معهم عليهم عليهم ) الا يدخل علينا ابو ناصر وولده وش عرفني انه ابو ناصر عرفت لأن أبو فلاح رد عليه وهو يرحب فينا يقول تبقى وتسلم يا ابو ناصر وكان ولده عمره تقريبا 15 او 16 تو شنبه طالع ومستانس الولد يذكرني اول ما طلع شنبي كنت مسوي نفسي رجال على عيال عمي . فالليل ألعب معهم واليوم الثاني شفت الشنب بالمرايه وطنشتهم أقول وش يخليني العب مع ورعان والله ... أضحك على نفسي .. الللللللللللللللله يا ايام المراهقة بلاوي كبار صارت فيها ....

    المهم جانا ابو ناصر وسلم علينا ورحب فينا والولد ما شاء الله عليه أخذ الهقوة من قدامنا وصار يصب لنا ويقهوينا وهو يهاوش .. انا كنت افكر انه يهاوش عشانا دخلنا بيتهم وهم ماهم فيه لكن عرفت بعدين أنه من زود الترحيب والحفاوه فينا لازم يرفع صوته ... المهم تقهوينا وصار ابو فلاح وابو ناصر يسولفون مع بعض وكل واحد يسأل الثاني عن علومه وطبعا أنا جلست مع هالشقردي كل ماخلص فنجال يطالع فيني ويرفع صوته يقول تقهوى وانا على اعصابي اشرب وغصب الشيبان ما يتقهوون حاطيم فناجليهم ويسولفون والولد اشغلني تقهوى وانا خايف لأ تجيني الدله تمشي الفين وعلى الجبهه الرجال متحمس والله يكفينا شره وكل ماقلت اكرم بس خلاص قالي والله ان تقهوى وهو مطير عيونه ابشر طال عمرك .. نتقهوى لا والله البلشه .. وينا ووين هالزواج هذا الولد اجل البنت وش بتسوي اللللللللله يعين بس ..

    عاد انتبه اخينا في الله ابو ناصر للرجال الي محشور بشرب القهوة ونطق قالا كيف حالك ياولد ... قال ابو فلاح .. هذا ( فلان بن فلان ولد حياة فلان بن فلان الله يرحمه ) شوي وبيقول تفاصيل حياتي كلها ... ابو فلاح الله يهديه ... قال ابو ناصر ونعم والله يامرحبا بكم كلكم ... والرجال يقوم من عندنا قال غداكم اليوم عندي قلت انا لا يابو ناصر مايحتاج تقهوينا وخلاص قال علي بالملازيم ان تغدون قال ابو فلاح حنا مستعجلين عندنا موضوع ودنا نكلمك فيه ومستعجلين ورنا اشغال وورعان وخلها مرة ثانية قال والله ان تغدون ولا لا تعلموني وش تبون ... قلت انا لا بالله بنعلمك وبنتغدى ... ماجينا الا عشان هالعلم ... قام الرجال من عندنا وركب سيارة والولد ماسكه معه نقهووا قلت الله يرحم والديك ماعاد اقدر اشرب شئ عطنا ماء بس .. نشف حلقي من الهقوى ... قال ابشر وهو متحمس قلت الحين بروح يدخل الوايت علينا بالخمية طبعا من زود الكرم والحماس ...

    طالعت في ابو فلاح الا هو ساكت قلت وش فيك ساكت يااخ العرب قال وراك تتمم للرجال على الغداء قلت ما سمعت وش قال يقول لا تعلموني بعلمكم اذا منتم بمتغدين عندي .. لاوالله بتغدى ونعلمه وش وراك اليوم خميس وبكرة الجمعة خلنا نعتبرها رحلة برية ونستانس يارجال قال انا عندي اشغال وورعاني ماعندهم احد قلت يارجال حنا بنتغدى وبعدها بمنشي بعد العصر وحنا بالديرة الله يهديك بس .. ارفق على عمرك لا يطق فيك عرق ...

    وفجأة الا الشقردي جايب الماء في ( سحله = غضاره ) اكبر من جنط السيارة ... ويمدها علي أنا يالله شلتها وهو ماشاء الله عليه يشيلها ويمشي بعد والله تبون الصراحة نقدت على نفسي هالولد الي اصغر مني بعشر سنوات اقوى مني .. صراحة لا تستغربون .. كل أكله طبيعي ولا يعرف لا ( بروستد ولا اكلات سريعة ولا غيره ) حليب ابل وغنم وخبز بر على الجمر والسمن البري ... متعافي ماشاء الله عليه ... عطاني الغضارة وراح عند مكان النار وجلس يسوي لنا شاهي جاب البراد والشاهي والسكر من الصندوق الي طلعت منه التمر ... المهم طالعت في ابو فلاح قلت يارجال وسع صدرك الرجال عزمنا وخلاص .. قال تدري خلنا نرتاح شوي قبل الصلاة قلت كيف يعني قال يعني تمدد انسدح قلت ابك انت صاحي ولا مجنون قال ماعليك اخذ راحتك .. الرجال مدد رجليه وحط راسه وقال باخذ نعسه لين يجينا ابو ناصر ... انا جلست وطلعت جوالي لا ماحولي أي شبكة نهائيا ... قلت خلني العب لعبة الثعبان نتسلى فيها ( امحق عريس لعبة الثعبان بالبر ) وأثناء ما نيب العب وابو فلاح رايحن فيها .. الا الشقردي فوق راسي تهقوى .. ( بسم الله الرحمن الرحيم ) واطالع فيه خير يابو الشباب وراك جاي مطفي النور قالي وش تقول قلت لا ابد سم هات الشاهي قال ابو فلاح راقد ( نايم ) قلت شوفت عينك يمكن انه تعبان .. قال اجل خله يرتاح شايب ولازم يرتاح قلت صحيح كلامك ..




    هذي نهاية الجزء الثاني ... وبنكمل لكم الجزء الاخير .. بكرة إن شاء الله .. وبتعرفون وش صار معي يوم قابلت البنت بوسط البر ...




    خارج النص : ( صورة تعبر عن نفسها ... الله لا يبلانا :D)

    [​IMG]



    خويكم

    موصاحي

    :)
     
  13. أبو المعاناة

    أبو المعاناة عضوية تميّز عضو مميز

    689
    0
    0
    ‏2008-06-04
    شوقتني للجزء الثالث والله انك مو صاحي من جد
    والصورة ههههههههههههههههههههههههههههه
    موتتني من الضحك نحن في الانتظار
     
  14. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    ياريت بس انا وحدي احب هالسوالف,,,,

    حكايه ولا أروع ياموصاحي ,,, شكلها بتقلب مسلسل مكسيكي,,,

    بس انت اكيد موفاضي تورينا صور والمسلسل الناجح لازم يكون له صور,,,

    باوفر عليك المجهود وانت ذحين في البر ومشغول بالعروسه,,,

    بانزل صور القصه,,,, بس يارب يثمر فيكم ,,,,

    نجي للشخصيات:

    هذا ابو فلاح ( مرسول الحب ) وواضحه عليه الرومنسيـــه
    7
    7
    [​IMG]

    وهذا بيت ابو ناصـــــر زي ما وصفه موصاحي
    7
    7
    7
    [​IMG]

    وهذي ام ناصر ( ام العروسه ) تجهز جهاز العروسه
    7
    7
    [​IMG]

    وهذي الفاتنه هي العروســـــــه تؤبر ألب عريسها شو حلوه
    7
    7
    [​IMG]

    عاد هذا ولدنا العريــــــــــس الفلته مو صاحــــــــــــي هايم على وجهه في الصحرا
    7
    7
    7
    [​IMG]
     
  15. فارس الزعيم

    فارس الزعيم قــلم حــر عضو مميز

    2,161
    0
    0
    ‏2008-06-15
    حكومي
    قلت خلني العب لعبة الثعبان نتسلى فيها ( امحق عريس لعبة الثعبان بالبر ) وأثناء ما نيب العب

    الله يرجك ياشيخ صار الثعبان معاد فيه اي وسيله ترفيه منقطع عن العالم الخارجي



    هذي نهاية الجزء الثاني ... وبنكمل لكم الجزء الاخير .. بكرة إن شاء الله .. وبتعرفون وش صار معي يوم قابلت البنت بوسط البر


    ننتظر الجزء الاخير بفارغ الصبر يامو



    خارج النص : ( صورة تعبر عن نفسها ... الله لا يبلانا :

    [​IMG]

    افضل حل في هذا الزمان عشان تريح مخك وتريح ضميرك
     
  16. معلم ضغط عالي

    معلم ضغط عالي تربوي جديد عضو ملتقى المعلمين

    255
    0
    0
    ‏2008-07-08
    طبعاً اخيراًوليس اخرا


    هذي صورة الحمش الولد ناصر



    7

    7


    7


    7



    7

    [​IMG]
     
  17. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ولا يهمك وأنا أخوك ... الحلقة الثالثه الحين ...

    وعسى الضحكة على محياك دووووم ...
     
  18. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ههههههههههههههههههههههههههههههه
    هههههههههههههههههههههههههههههه

    تصوير ولا أروع يارتانيا ... وين هالصور قبل لا أنزل الماااضوع ..

    كان يطلع فللللللللله ... بس ماقصرتي ..

    لكن فيه هضم لحقي بالصورة حقتي ... صرت رجل الكهف مو عريس ... يادافع البلا
     
  19. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    وش أسوي ياصقيقي ... تعرف البر .. ماعندهم أي وسائل ترفيه ... قلت نلعب الثعبان ... :)
     
  20. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الا هذا أزين من نويييصر ... الله يرجه .... :)