اعلان 1 اعلان 1 اعلان 1 اعلان 1 اعلان 1 اعلان 1


في يوم الشوفة .... أهم شيء الأخلاااااااااااااااااااااااااق

الموضوع في 'ملتقى إستراحة الأعضاء' بواسطة مواطنة, بتاريخ ‏2010-06-18.


  1. مواطنة

    مواطنة تربوي جديد عضو ملتقى المعلمين

    668
    0
    0
    ‏2008-06-13
    معلمة
    في يوم الشوفة ... أهم شيء الأخلاااااااااااااااااااااااااااق
    الحلقة 12 من يوميات معلمة صابرة
    الزمان : الخميس الساعة 10 صباحاً قبل عشر سنين ..
    المكان : غرفتها اللي هي أصلا فراش بالأرض تلفه لي قامت من النوووووووم
    فتحت عيونها وشعرت بفرحة وبرغبة كبيرة في التمغط ( حركة يسويها اللي يقوم من النوم لتمديد العضلات )
    سألت نفسها ليش هي فرحانة ؟؟:36_3_19[1]:
    جاوبت بينها وبين نفسها ( اجابات متعددة ) يمكن لأنه الخميس اجازة ومافي دوام وحصص ؟؟!! الجواب لا
    طيب يمكن عشان ما عندها تحضير الأسبوع كله اختبارات ؟؟!! برضو الجواب لا :36_1_32v[1]:
    اممممممممممممممم اهاااااااااا تذكرت اليوم جاييني عريس ؟!! :36_7_8[1]::36_7_8[1]:ونقزت من فراشها من قووووة الفرحة والنشاط الذي دب في جسمها .... وتذكرت ان لازم لها مشوار للكوفيرة عشان تفرك خشتها وتسوي لها تنظيف بثرة أقصد بشرة ..
    وخرجت تدور على اخوها يوديها وهي تصيح بصوت كأن حنجرتها صايرة مكرفون ياعللللللللللللللللللللللللللللللي علللللللللللللة !! :36_5_11[1]:
    جاء اخوها من غرفته متوهق وخرعااااااااااااااااان ( يعني يشعر بالخوف ) وحاط يده على صدره ويقول : وش فيك صابرة ؟؟؟
    ردت عليه : مابي شي بس ابي ألحق اروح مشواري ألحين .. يادوب يمديني العصر اخلص ..
    رد عليها:36_1_28[1]: وقد انتفخ وجهه وصاير لونه مووووووووووف ( طبعاً مافي أمل للشباب السعودي يصير اللون وردي ) : عمىىىىىىىىىىىى كل ذا عشان ضيوف اليوم أقول اهجدي ترينه بيشوفك ويقضب الباب ويمكن تجيه روعة زي روعتي قبل شوي من ذي الخشة بسم الله .. ويصير فقعي وجهي ان تزوجت والا حتى حلمت بالزواج :36_1_19[1]:
    ردت عليه صابرة بكل ثقة : أنت أصلاً ما تفهم في الجمال ولا عندك ذووووق جمالي نوع خااااااااص لا يفهمه أشكالك اللي حده في الزين هايدي .. أنا أنا ااا...:36_11_16[1]:
    قطع كلامها : اقول يازينك ساكتة يالله لك الحمد ( كلمة تنقال اذا شيء ماعجبك ) بس حبيت أجهزك للصدمة .. يالله اخلصي اوديك عسى الله يفكنا منك .. ويصير نصيب مع ان الأمل ضعيف .!!
    نظرت له صابرة بنظرات كلها كبرياء وشموخ وثقة لا نهاية لها قالت لنفسها هذا ( تقصد بها عريس الغفلة ) اذا ما انهبل من جمالي ما أكون صابرة !!:36_1_6[1]:
    راحت وركبت ونيت اخوها علي وقالت يا قدمك انت وسيارتك هذه بكرة اركب لكزس والا كامري ( على بالها انه كشخة تسمع اخوانها يفحطون به))
    انتهت من الكوفيرة وقد تمت العمليات الإصلاحية بنجاح منقطع النظير ..
    وجت البيت ولقيت الضيوف في انتظارها ..
    الموهم لبست وتكشخت وحاولت تخفف من المكياج على بالها ما تبي تغشه .. شافها اخوها علي وقام يصارخ عليها : وش فيك تمسحين وجهك ..
    قالت وهي تتدلل وبصوت كله دلع وخنج ( يعني صاير الصوت يخرج من خشمها ) : ياعلي ما ابي اغشه واخدعه لازم يشوف جمالي الحقيقي ...:36_1_8[1]:
    رد علي وهي بيفطس من الضحك : يرحم والديك غشيه بس فكينا .. ترين انتي ماخذه كف ( يعني قلم بالمصري ) في نفسك يعني من ضحك عليك قالك انك حلوة ؟؟!!
    ردت عليه باحتقار مفتعل : اوووووووووف وبعدين معك ؟؟..
    قالها علي : يالله العريس يحتري دخولك الميمون ..
    قامت لتتوجه لمكان اللقاء.... فجأة شعرت بقلبها انقبض بقوة وشعرت بخرعة قوية لدرجة انها صارت تمشي وهي تسحب رجولها سحب وتحولت مشيتها لمشية عرجاء ... وقالت في نفسها الآلآلآلآلآلآلآلآلآلآلآلآن ( حصحص الحق ) <<<< كلمة لغة عربية فصحى
    وتمشي وتهذري مع نفسها : ياصابرة هالحين ماحدن يسمعك لا علي أخوك ولا المهابيل اخوانه ياصابرة اعقلي ترا كلام علي صدق بيشرد العريس ياصابرة احفظي ماء وجهك وقولي ما ابي بكمل ماجستير دكتوراة محو امية أي شيء الموهم ولا الفشايل !! ياصابرة اعقلي ... ردت على نفسها لا بجررررررررب ويصير خير ..
    دخلت المجلس شافته شعرت ان قلبها بيوقف .. ووندبت في نفسها وقالت : ياويلي ويلاااااااااة هذا لو يحط كحل ويحلق الشنب أنا أخطبه من حلااااااااته ... يمة وش بسوي الحين هو أكيد بيشرد ويقضب الباب ... جلست على كرسي قريب منه وقامت تغمض عيونها ماتبي الفشلة أكثر ..
    وساد الصمت وقلبها يضرب ضرب تسمعه اذونها ... وهي مغمضة عيونها .. فجأة سمعت صوت هادي يقولها : صابرة ليه مغمضة عيونك ؟؟
    فتحت عيونها بقوة ونظرت اليه لترى أجمل ابتسامة في الحياة .. لا شعوريا بتبتسم رداً على ابتسامته وتذكرت التقويم بضروسها وبحركة من يدها على فمها تحولت إلى لطمة على فمها لتلحق براطمها قبل أن تكشف عن أشين ضروس ؟؟!:36_1_8[1]:
    رد بسرعة مشفقا عليها من اللطمة : ترفقي ياصابرة ..
    فجأة شعرت صابرة أنها بتذوب وتحول الذوبان إلى شعور قوي بالنعااااااس والنوم ( قمة الانفعالات النفسية ) أجل هو كماااااااااااااااان رومنصي وانا وين اروووووووووح لا لا أكيد رحت وطي ( تهذ ري في نفسها )
    ردت عليه فجأة وبدون مقدمات خلاص مافيها تتحمل اكثر .. وهي تنظر له بنظرات ناعسة ( اعتقد انها انحولت في تلك اللحظه ) : وش رأيك فيني ؟؟:36_3_13[1]:
    وهذا السؤال سرى في المجلس بكهرباء كهربت أخوها عليَ لدرجة انه فرصع فيها (أي فتح عينه بقوة ) اعلاناً منه بقرب استشهادها على يدي أخوها ..
    وهي ماهمها في أحد لأن شعورها تلك اللحظة أنها في مهمة انتحارية
    تبسم العريس ليرد الرد الذي زلزل صابرة وفهمت منه كل ما يرغب ذاك العريس في قوله :
    المهم الأخلاق ..:36_13_1[1]:
    هنا شعرت صابرة بغضب مع رغبة في البكااااااااااااااااء لا النحيب من قوة الفشلة :36_19_1[1]:واستدارت بقوة لتخرج بسرعة البرق وأثناء خروجها رمقت بطرف عيونها الصغيرونه نظرة شماته من عيون أخوها علي .. لتجري مسرعة وتعلن بصوت معلمة في ساحة المدرسة أنا ماني موافقة ..
    دخلت غرفتها وقالت وهي تناظر في فراشها على الأرض وشعرت كأن فراشها يتشمت بها ويقولها مافي مني فكة وترد صابرة عليه : هااااااااااااااااااا لا تشمت راح أغيرك بغرفة نوووووم قريباً ..:36_1_10[1]::36_19_3[1]:
    فهل ياترى تنجح مساعي صابرة في البحث عن عريس الأحلام والا انها بتهذري مع فراشها كثير والنتيجة ؟؟ معروووفة ؟؟
     
  2. !! الـريم !!

    !! الـريم !! عطاء بلا حدود عضو مميز

    8,737
    0
    0
    ‏2010-02-23
    ماحصلش الشرف
    اذا عرف السبب بطل العجب


    عشان كذا يوم شافت البنت في السوق تتمخطر قدام زوجها رمت عليها الايسكريم :36_1_1[1]:




    تشكرات مواطنة




    انني سعيدة جدا وانا اقرأ مثل هذه القصة الجميلة << وشعندها قلبت فصحى :36_11_9[1]:
     
  3. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    اجدتي الحبكة والحدث لدرجة اني ما رجعت اقرأ القصة مرة ثانية ( مدري هي مدح ولا ذم)

    يمكن لانها طويلة أو لأنها متكاملة الفصول وواضحة المعالم والاهداف ورسخت ع طول

    اسلوبك رائع نعيش القصة ( الحدث) لحظة بلحظة

    يسعد ايامك انتي وصابرتك


    لا زلنا بشوق لما تكتبيه ع جدار هذا النوع من متصفحك
     
  4. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    يسلمووووووا على ها الحكاااية
    و نأمل المزيد من ذلك
    و با أنتظااار الفصول الساااطعة و القااادمة برعيتـــــــ



    وينك يا زمن أول ايااام الأبــــــ........!
     
  5. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    الله يعطيك العاافيه


    زماان يا فن
     
  6. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    أشوى أحسبن مافيه أحد يرقد على فراش إلا أنا .. والله أنه أحسن ما السرير الي ماعرفت أضبط جسمي عليه إلا بعد سنة .. كل ليلة وأنا طايح مع جهة .. [​IMG]


    من يقوله .. قسم .. قسم أنه الحين .. بعض الشباب ينافس الحريم الا ازين من الحريم

    تحصلين الخدود الورديه والوجه البرطماني ..[​IMG]

    وش هالخشه الي من الصباح لين العصر يضبطون فيها .. يالوم علي ...[​IMG]

    ياذنب علي اي والله .. هذا جزاه يوم أنه يوصلك .. أجل تبين لكزس .. [​IMG] مالك الا الونيت ...!

    لا واضح من الساعة 9 لين العصر وانتي عند الكوفيرة .. واخرتها تقولين ما ابي اغشه ..
    وين حماية المستهلك عنك يعطونك غرامة ...! [​IMG]

    اوووووما حصحص الحق .. هذي لحالها قصة .. هههههههههههه

    صابك العلم أجل .. خلي التفحيط من صباح الله .. ينفعك الحين .. [​IMG]

    لالالا قوية صراحة ياصابره .. بعد كل ذا .. ودخلتي عليهم .. بس وراك ماسلمتي يوم دخلتي ..

    هااااه .. اشوف كلامك تغير .. قبل شوي تقولين الشاب السعودي ومدري وشو .. والحين تطايرت عيونك بالرجال .. حركات نسوان ..![​IMG]

    أنتي أشوى مسويه تقويم ولا بعد تزوجتي ..

    لكن المشكلة الحين .. الوحده من يوم تتملك على زوجها ويدفع المهر لها .. نص الفلوس تروح بسمكرة وصيانة الاسنان .. ماتصلح سنونها الا قبل الزواج .. وهذا بعد من الغش ياصابره [​IMG]

    هههههههههههههههههههههههههههههههههههههههههههه

    اوووما وش رايك فيني .. قووووووووووووية ... نعبنو ابليس الركاده زينه .. وش الي وش رايك فيني

    مقدم على شغاله هو ولا يبي يتزوج .. والله هقوتي انه ماهج الا من هالسؤال وتعابير الوجه مع التقويم .. [​IMG]

    ترقعين أجل .. ماعاد يمديك .. الرجال يقولك أهم شئ الأخلاق .. يعني عطاك مخرج 13 .. تصريفه[​IMG]

    ياترى ولا ماترى .. عريس الأحلام ماتحصلينه الا بالاحلام . ..!!


    الله يسعدك .. وسعتي صدري بسالفتك أنتي وأهم شئ الأخلاق ..ههههههههههههههههه​
     
  7. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    الله يكون بعونها هالصابرة
    بزمنا الاغبر الاخلاق لوحدها ما تنفع
    مواطنة
    الله يسعدك ع القصة الرائعة
    امتعتينا باسلوبك المميز الف شكر
     
  8. مواطنة

    مواطنة تربوي جديد عضو ملتقى المعلمين

    668
    0
    0
    ‏2008-06-13
    معلمة
    الأخوة والأخوات ............. الريم والشامخ وقهوة المنتدى ومشعل نغم حساس اشكركم على التفاعل اهم شي تنبسطوا وتوسعووووووووون صدوركم .. أهلا بيكم

    اخوي مو صاحي ... ويسعدك اجل كيفت على صابرة وموقفها يوم الشوفة والله انها تكسر الخاطر بسسسسس تراه تزوجته يابوووووووي الدرررررررراهم كالمراااااااااااااهم ..
     
  9. أم الفهود

    أم الفهود طاقم الإدارة مراقبة عامة

    2,624
    0
    0
    ‏2009-11-06
    مشرفة تربويه في قسم رعاية الموهوبات
    تسلمين مواطنة دائما مبدعة من جد كسبتي فيني أجر وسعتي صدري بعد توتر الاختبارات
     
  10. مواطنة

    مواطنة تربوي جديد عضو ملتقى المعلمين

    668
    0
    0
    ‏2008-06-13
    معلمة
    أم فهود يسعدك ربي ويوسع صدرك ويبعد عنك الضيقة أجل اليوم ملاحظة وامتحانات وقرف
    أختك في الله عندها اجازة امومة يعني أول مرررررررة احسسسسسس بطعم الاجازة:36_7_7[1]:

    اشكرك عل المرور:36_3_19[1]:
     
  11. أم الفهود

    أم الفهود طاقم الإدارة مراقبة عامة

    2,624
    0
    0
    ‏2009-11-06
    مشرفة تربويه في قسم رعاية الموهوبات
    أن شاء الله تتهنين في الإجازة وألف مبروك ماجاك ويتربى في عزك على فكرة انا مشرفة مالي علاقة بالملاحظة
     
  12. مواطنة

    مواطنة تربوي جديد عضو ملتقى المعلمين

    668
    0
    0
    ‏2008-06-13
    معلمة
    الله يعينك حتى المشرفت الله يعينهن على اللفة على المدارس

    اشكرك للمرة الثانية
     
  13. مواطنة

    مواطنة تربوي جديد عضو ملتقى المعلمين

    668
    0
    0
    ‏2008-06-13
    معلمة
    ادخل ولا ما ادخل ؟؟

    شكله المكان فاضي
    ماحدن عندي وحولي ااااااااااااااااااااااااااااااااااااااااااااااااااااااااااااااااااااااااااا

    اجرب صوتي
     
  14. تحت ظلال الزيزفون

    تحت ظلال الزيزفون عضوية تميّز عضو مميز

    1,024
    14
    38
    ‏2013-12-31
    -
    الله يسعدك مواطنة
    هل للحكاية بقية :bigsmile:

    فيه ردود رائعة اضحكتني بصراحة
    وينهم هالاعضاء مو متواجدين
    كان بيكون للإستراحة طعم ولون آخر بتواجدهم
    ليتهم يردون
    تكفون ارجعوا :tears: