اعلان 1 اعلان 1 اعلان 1 اعلان 1 اعلان 1 اعلان 1


ام زوجي تنام معي بغرفتي

الموضوع في 'الملتقى العام' بواسطة تــهــا111ويــل, بتاريخ ‏2010-06-20.


  1. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة


    ام زوجي تنام معي بغرفتي وتشتكي من ام زوجها









    انني اكتب هذا الموضوع لاقنع كل زوجه متضايقه من ام زوجها



    اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام
    اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم



    المهم كانت ام زوجي حرمه متسلطه سليطه لسان يكرهها الجميع من اخوات زوجها وجيرانها واقاربها لان لسانها متبري منها
    عندما تزوجت تعلقت بزوجي كاي زوجه تحب زوجها000ولكن الحب يحتاج الى تضحيات واولها المواجه مع ام زوجي00 وكان الكل يحذرني منها00ولكنني قررت ان اكسب المعركه لصالحي



    في البدايه اود ان اوضح ماهو اكثر شئ اعانني على المواجهه (بعد اعانه الله سبحانه وتعالى)



    ((((كنت دائما اضع ببالي لو انها كانت امي فماالذي سوف افعله بهذا الموقف)))))الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى



    كانت تحرص ان تدخل غرفتي بدون اذن وتاخذ بعض اغراضي وتستخدمه امامي لكي تغيضني وتجبرني على الكلام (ولكن اتخيلها امي)واصمت
    كنت احرص ان لا اقفل الغرفه اذا كنت نائمه وزوجي غير موجود لانها تحب ان تفتح الباب بين فتره والثانيه(ولكن اتخيلها امي تود الاطمئنان علي)واصمت
    كان يوجد داخل غرفتي حمام لم نركب له باب لانه داخل الغرفه وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا وبعدين البس داخل الحمام(ولكن اتخيلها امي استحي اقولها اطلعي برى) المفروض هي تستحي



    كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00والبيت فيه خمس مكيفات مااختارت الا غرفتي(ولكن اتخيلها امي)واصمت



    كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لاني اتخيلها امي)واصمت



    كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا الصبر الطويل



    اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل مالح ومره باهت مره الرز لين ومره تبغاه نثري0مره تقول البهارات تسبب لي حرقان ومره الاكل ماصخ مافيه بهارات
    وطبعا في كل مره اطبخ له طبخه من جديد حسب المواصفات المطلوبه(وطبعا اتخيلها امي)ومشتهيه تاكل هالطبخه



    لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه لمعه الجسم



    وطبعا لما جاني عيال ياسلام بدات تلقى اثاره اكثر 00عيالكم سوو وعيالكم فعلو00بذكر لكم موقف واحد 00مره ولدي كب بيبسي على الموكيت حق غرفتها00قالت انا حلفت ان البيبسي ماينمسح ولازم يتغير الموكيت كله(طبعا تبغى تنرفزني وتشوف رده فعلي) المهم ولدها عيا قال هذا جبروت مهو طلب معقول 00ورحت وغيرت موكيت الغرفه على حسابي الخاص




    المهم يااخوات ان هالمعارك دامت تقريبا خمس سنوات(داحس والغبراء)وبعدها اعلنت ام زوجي استسلمها



    وصارت تفضلني على زوجات اولادها السته وصارت كل ماشافت شي جديد عند زوجات عيالها او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه
    وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ رايي
    وصارت تدعي لكل عجوز تشوفها ان الله يرزقها بحرمه ولد مثلي



    طبعا كل الناس مستغربين بما فيهم زوجي واخوانه شلون قدرت اكسب ام زوجي
    واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي (طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي هي تبغاه)كان مايدري الا بالمشكله الي يشوفها بعينه





    والله اني اكتب قصتي مع ام زوجي لكي تستفيد منها كل عروس توها باول المشوار وماهي عارفه كيف تتصرف مع ام زوجها












    منقول للفائدة
     
  2. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    أم زوجك هي في مقام أمك لذلك الوحدة تتحمل عشان زوجها بس بصراحة تنرفز الله يعينك... ولك الأجر كل ماعاملتيها بلطف واحترام تكبري في نظر زوجك ...!
    تحيتي وشكري
     
  3. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    رغم مكانة الوالدة وحرصها الا انني استغرب وجود مثل هذه الحالة

    وبالذات تنام معها ع سريرها وبغرفة نومها

    شخصية الزوج لها دور
    في الامساك بالعصا من المنتصف


    رغم التاكيد ع مراعاة مشاعر امه



    نهاية القصة كانت مختصرة جدا ولكنها تنبئ الكثير




    شكرا تهاويل


     
  4. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    قد ايش تتحمل ترا كل شي له حد
    انا لو انحط بمكانها كان اكلم زوجي واقوله يكلمها غرفتي لا تدخلها
    عادي تاخذ اللي تبي بس غرفتي فيها خصوصياتي
    واصلا هي ليش ماتقفل الباب عليها
    وش هالحرمة اللي تنام وباب غرفتها مفتوح ماتخاف تتكشف لا سمح الله

    تسلمين حبيبتي ع المداخلة

    لاهنتِ
     
  5. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    لا تستغرب لانها بالفعل تصير
    وهذي من الحالات اللي حصلت
    وظنتي ماكتبت البنت الا وطقت روحها
    ويقال انها تبي تنصح الباقيات

    وعلى قولتك المفروض الزوج ينظر في الامر
    بس اعتقد ماقالت له لانها لو قالت له او هو شاف بعينه
    ماراح يرضى لانها مملكة خاصة فيه وفي زوجته


    عافاك ربي ع المداخلة

    لاهنت
     
  6. بنت مثل الحلم

    بنت مثل الحلم تربوي جديد عضو ملتقى المعلمين

    13
    0
    0
    ‏2010-05-26
    قصه رائعه وياليت كل زوجه تعتبر ام زوجها امها لأن الحياه سلف ودين وكما تدين تدان
    يسلمووو ع هالنقل الرائع


     
  7. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    يسلمك ربي حبيبتي

    لاهنتِ
     
  8. سمو الروح

    سمو الروح <font color="#0066FF">حكاية قلم </font> عضو مميز

    5,887
    0
    0
    ‏2009-07-27
    تيــتـشــــر
    والله مو مستوعب حركات الأم هذي ..

    لكن الزوجه كانت خير زوجه ..

    صبرت ونالت ..

    شكراً تهاويل ...
     
  9. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    الصبر له حدود
    ولو كنت مكانها مستحيل ارضى ان اكون ساذجة
    ام زوجي على عيني وعلى رآسي
    لكن ان الغي وجودي وشخصيتي بهالشكل لا طبعا
    كل الشكر تهاويل
     
  10. خ ـــيـــال

    خ ـــيـــال تربوي جديد عضو ملتقى المعلمين

    409
    0
    0
    ‏2009-05-06
    معلم
    غريبه وش هذا ،،

    معقولة ،،

    أم تسوي كذا ،،

    ((الي يستحي من عمته ماراح يجيه عيال ))

    كل الشكر ،،
     
  11. البدووور

    البدووور مراقبة عامة مراقبة عامة

    10,494
    0
    0
    ‏2009-02-21
    معلمة ..
    الصبر له حدود ....ومن المفترض كل شخص يعرف حدودة ويلتزم بها.
    كل الشكر والتقدير لك...
     
  12. ابن الزبير

    ابن الزبير تربوي جديد عضو ملتقى المعلمين

    196
    0
    0
    ‏2009-04-22
    معلم
    لا لا مو معقوله هذي الحرمه .. [​IMG]
    كل شي ولا التعبث بالخصوصيه وغرفة النوم ..

    ماشاء الله عليها صبوره مين يتحمل زي كذا .. [​IMG]
    اللهم لا شماته
     
  13. al-amal

    al-amal عضوية تميّز عضو مميز

    757
    0
    0
    ‏2010-02-23
    معلمة
    ياليت كل الناس بها التعامل والصبر الاّ محدود

    يسلموووووووو تهاويل
     
  14. nbdalamal

    nbdalamal مراقبة عامة مراقبة عامة

    2,797
    1
    38
    ‏2009-07-02
    أفادك الله مثل ما أفدتينا
     
  15. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    صحيح ان ام الزوج تصير والده للزوجة ..
    احتراماً للزوج وتقديراً لعشرة السنين الطويلة
    والمشاكل تنغص العيشة ......
    لذلك الزوجة لابد على الزوجة تقدر غيرة ام الزوج ...
    وتتغاضى عن الكثير من المجادلات لان احترام ام الزوج من احترام الزوج
    اما انها توصل لخصوصيااات غرفة النوم فهذي لابد من وضع حدود لها بعدم ترك فرصة تسرح وتمرح فيها على كيفها من البداية .. خاصة وقت النوم من الذوق ماتدخل حتى لوالزوج مو موجود ..

    تسلمين تهاويل موضوع رائع لنموذج زوجة صبورة ورائعة ..
     
  16. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة


    لا فيه من هالاشكال بس قليل
    لا تستغرب من هالامور انا سمعت افضع من كذا

    يسلموو ع المداخلة

    لاهنت
     
  17. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة



    هذا الكلام اللي يبرد القلب
    والله انا مثلك ماراح ارضى
    وبكلم زوجي يتفاهم معاها بطريقته
    او اخلي احد ينصحها من بعيد لبعيد
    واذا زودتها عز الله اني طقيتها بالوجه خخخخخخخخ
     
  18. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة


    تسلم يالغالي ع المداخله

    لاهنت
     
  19. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    الشكر لمرورك العطر

    لاهنتِ
     
  20. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    يعطيك العافيه ع المداخلة

    لاهنت