اعلان 1 اعلان 1 اعلان 1 اعلان 1 اعلان 1 اعلان 1


= :::)))) جاليه لبنانيه في بر [ بــــريـــــــــــ] ...!!!

الموضوع في 'ملتقى إستراحة الأعضاء' بواسطة قهوة المنتدى, بتاريخ ‏2010-06-23.


  1. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    بسم الله الرحمن الرحيم


    قبل شهرين[​IMG] و تسع أيام [​IMG] وثلاث دقائع[​IMG] وخمس ثواني[​IMG] ولدت البنانيه مرت أخوي رقم [2] المره الثانيه وجابت ولد

    و قبل أيام أخوي سوى تميمه لولده وعزم جماعتنا كلهم بالبر وعزم خوال الولد [ البنانيين ]..، عاد مدري وش لون تجي لبنانيين وبر أحسه مثل النار الي تشب بالبحر يعني بالعربي ماتركب

    وأمي فازعتن لهم من أصبحت وهي تدهر ياما حركت بالجريش وياما طززت بهالمطازيز وأخوي رايح جاي من سوق الغنم للصلاخ[​IMG] ومن الصلاخ للطباخ يدهر عشان ولد البنانيه ولا عيال السعوديه ياحول ماتمم لهم الا يوم كبروا ومن راتب التحفيظ ويتعلث يقول [ عشان يذوقونه[​IMG] ] واتذكر أنه سبق له وأن زهم على المطوع يسأله يجوز يتمم لهم دجاج ولا حمآم
    >> ياعمري ياسعد وإخوانه


    وحنا من صبح الله قايمين أشرب حليب وأقطع خيار وطماط[​IMG][​IMG] .. وأختي ياما لبست قميص وياما لبست تنوره مره تقول وشوله مايستاهلون ماحدن شايفن أصلاً ، و ومهب دارين من أنا .. ومره ترجع للتنوره وتقول أغديهم بس يشوفونن لولدهم[​IMG] >> لبناني ماحدن يعافه بلا صويلح الي محجرينه عليه من يومه صغيره ،،
    حتى يابعد تسبدي يوم إنه بالمهاد كانت بحجر عمي وقال عمي إنهم يبونه تحجر على ولدهم صويلح ويم إنه سمعتهم فكت المهاد وغالت نفسه ويالله فكوه عند المطوع ... وربعنا يقولون يمكن إنه حسد محسودتن على ولدنا[​IMG] ... قصدكم محسودتن على رجالٍ مايعرف يمسح خشمه وهذي الصفه لوحده تقنع القاضي برفض عقد النكاح[​IMG]


    المهم وبينما أنا وإخياتي وحريم أخواني [ بإستثناء اللبنانيه[​IMG] وأم سعد[​IMG] ] بينما كنا ندهر ياما شلنا وياما حطينا تصدقون عاد سوق الخظره هاك اليوم خلصت بضاعتهم كله وأميمتي لا شعورياً تكب من هالخظره كب وهي ماتدري عن روحه ومن الخبه حطت مع المرقه منقا" منجو" تحسبه بطاطس وحطة خيار تحسبه كوسه >> دهورتهم البنانيه دهوره لا حريم ولا رجال

    ونحن مسمرين على شغلنا دخل أخيي [ رجل البنانيه[​IMG] ] ومن شافته أميمتي قبعت بوجهه كأنه فيش كهرب[​IMG] وقالت :" أيا ضعيف الشخصيه أيا مهزوز الهيبه أيا الترتمه وين حرمتك ماتجي تدهر معنا ولا نعفقة حريم "[​IMG][​IMG]

    على طول أخوي سمر بمكانه وقاله " ياميمتي من تقصدين أم شوشه ولا المنقوشه "

    ظحكت اميمتي لإنه برد تسبده بالعياره وقالت أم سعد أم عيالك على قولتك أم شوشه استغفر الله >> يقالنه ماتبي تسب

    قال ايه ياميمتي أنا قلت له الفجريه تعالي أوديتس لم الحموله عشان تعاونينهم على تميمة [علاء].. مير تمايل وتتوجع وتقول مير رجليني صايلن عليهن الروماتزم [​IMG]عقب المكيف أمس وصايرتن ما أنفع أبد ،، مير أهوشه وقلت له تجين من خشمتس وبالغصب بعد قالت : أسكت وأحمد ربك إن تساني جيت اليوم .. أنا شكلي يا بو سعد أبطمح .. انا طاح كرتي عقب هالبنانيه

    قالت له أمي : كان سكته وقلت له ماشفنا منتس خير لاقبل اللبنانيه ولا بعده شهباً لهبا لو تطفى لمبه ببيتنا دروا عنه كل الجماعه
    أعوذ بالله والله إني قايلتن لبوك إنه ماتصلح لنا بس وش أسويبك طعت شور أبوك وبليتنا به

    [ وإنقلبت الصبحيه ذكريات زواج أخوي أبو سعد ]


    وجت الساعه عشر الصبح وحملنا قشنا .. قدور مغلفينه بقسدير ومربطينه بسمط وحاطينه داخل كرتون من الوسوسه وخوفنا أن تنكب ،،>> يذكرونن بلعبه يلعبونه بالمراكز

    المهم وركبنا كلنا على الجمس ،، وأخيي أخذ [ البوقس ] وحط به القدور والصنايا >> ياربي تستر مايشتب الونيت من عين أم سعد

    ودق علينا أخوي وقال مروا على أم سعد العيال بالبر ومابه أحد يجيبه .. ومرينا عليه ياشقا سنيني ساعه عند الباب راصين ولا طلعت ،، ويوم ركبت السياره مسكته ومنطمه ولا قالت حتى السلام عليكم
    .. وبما أني أقل أهلي شراً بادرته بالسلام يمكن خمس مرات أقوله السلام عليكم ولا ترد حسيت أني داقتن على احد القنوات[​IMG] >> وقفت عليه أجعله للمقرصه الحاميه


    تعدينا الديره وأقبلنا على البر ويوم تعدينا المفرق وأنا أشوف من بعيد أعلام مرفوعه ويوم إننا قربنا ولاي أشوف عشرة عواميد رافعين فوقه علم السعوديه وعلم لبنان قلت لأخوي : وأنا أختك تنح عن ذالمكان شكله مؤتمر .
    قال : لا وأنا أخوتس من وين مؤتمر هذوولا الطحالب سعد وإخوانه من هبالهم وطفتهم بالبيض رازين هالأعلام تقولين طريق الجسر المعلق.

    ووصلنا للمخيم ونزلنا قشنا ويوم جيت أبدخل الخيمه ولامكتوب بالبخاخ [ بيروت في قلوبنا ] وأنا الي أستلج وأهوش على سعد وأخوانه هالمهابيل لو المباحث يطبون علينا كان يقولون سعد الحريري فاتحن له [قاعده في بر بريده] .

    وأنا أفصخ عباتي جت لمي أختي وقالت تعالي لايفوتس شكل [ أم سعد ] .. وأنا أركض وراه وقسم بالله ماتفرقون بينه وبين سروال التكرونيه ،، حتى شعره مدري وين راح أذكر إنه متعدي الشسمه ،، والحين صابغته بأصفر[​IMG] أصفر [​IMG]أصفر[​IMG] أتعب وأنا أقول أصفر وإيقالني تسمع بالسبايكي محلقه شعره على الخمسه ومدهنته بزيت دابر أملا بتاع الهنود وطافه ياعيني وخروا عنه ماحد قده شعره سبايكي[​IMG]

    وحاطه روج تقولون جايبتن فحمه وحاطه عليه شوية سعابيل وهاتي ياخشه من ذالسواد .. الظاهر إنه تسمع بالإيمو .. ولا بعد حواجبه حاطتهن دورين [ تسمع بحواجب شيطان ] ولابستن له ذهب من عظمة اليد الى عظمة الكوع .. ولابستن لي كعب تقولون لابسه بلك مدري طوب >> وده تآصل اللبنانيه











    منقوووووول لعيووونكم
    يا أحبااابي......!



    محبكم





    قهوة المنتدى!
     
  2. شذى الورد.

    شذى الورد. عضوية تميز عضو مميز

    7,469
    0
    0
    ‏2010-05-29
    معلمة
    يووووووووووووووه كان كملت دخلت جو مع القصه

    وبعدين واش صار ودي اعرف