اعلان 1 اعلان 1 اعلان 1 اعلان 1 اعلان 1 اعلان 1


الفرق بين حوار الولد و البنت بعد رجوع من العزيمه‏‎

الموضوع في 'ملتقى إستراحة الأعضاء' بواسطة اشرف شيخ, بتاريخ ‏2010-06-26.


  1. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم
    البنت بعد الرجوع من العزيمة



    هي: يوووه فاتك نص عمرك.. توني جايه من العزيمة



    أختها: وش حطوا؟



    هي: يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييييه يهبببببل(يستمر وصف الاكل ساعة ونصف)


    أختها: جت نوف؟



    هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل



    أختها: لايكون نفس اللي لبسته قبل 5 سنوات؟



    هي : لا لا ذيك المره لابسه فستان أحمر مو وردي ولا كان فيه كرستالات


    ،


    اختها: أجل شكلها لابسه فستان بنت عمها أريج لاني شايفه اللبس هذا عليها


    .


    هي: اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين



    أختها: وجزمتها؟



    هي: ما أدري ماشفتها، تصدقين طول العزيمه وانا احاول اتشوف للجزمة لكن ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،ال***ة لبسها كان طويل مرة ومغطي رجولها



    اختها: اكيد جزمتها مثل لبسها يحوم الكبد .. هي دايم كذا ذوقها خايس ...طيب ومكياجها كيف كان؟



    هي: وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها االمكياج ، شكلها زوجة ابوها



    اختها: طيب وتسريحة الشعر



    هي:حقت مين؟ نوف والا اريج؟



    اختها: كلهم


    .


    هي: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،



    اختها: كحكحي؟ يعني ايش؟



    اختها: ماتعرفين الكحكحي يالقروية؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط



    اختها: على طاري الخدامة؟ خدامة اريج وش لابسه


    ..


    هي: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية



    اختها: صدق والله؟ هذي مو جزمة اريج؟



    هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.



    (ويستمر الحش إلى صلاة الفجر)



    ------------



    الولد بعد الرجوع من العزيمة



    هو: السلام عليكم، توني جاي من العزيمة وترا كل الشباب يسلمون عليك


    اخوه: عليك وعليهم السلام



    انتهت المحادثة

     
  2. a TeaCher

    a TeaCher تربوي جديد عضو ملتقى المعلمين

    151
    0
    0
    ‏2010-06-18
    Junior student
    هههههههههههههه .. عزا !
    اكو هيج لون :p
    ما خلت شي ما سألت عنه


     
  3. الجـنـوبــي

    الجـنـوبــي عضوية تميّز عضو مميز

    14,081
    0
    0
    ‏2009-12-17
    معلم
    وش قصدك

    يعني الحريم يحبين (0الهدره ) كثرة الكلام

    والاولاد كلمه وغطاها

    تشكراتي اشرف
     
  4. ليالي

    ليالي عضوية تميز عضو مميز

    6,301
    0
    0
    ‏2010-05-01
    إداريه
    اشرف شكلك منت جاايبها البر ..شكلك بثورهن عليك ..ليه حاط حطوطك عليهن ؟؟
    تلميحاااااااااتك امممممممممممممممممممم
    ياااااااويلك ..
     
  5. عـزف منفرد

    عـزف منفرد عضوية تميز عضو مميز

    6,697
    0
    36
    ‏2009-10-01
    مُـعلـِّمـةٌ

    نجسة فعلاً كش عليها ^^

    أما المكسرات اللي كل كسرة في كيس :)


    تشكرات أشرف ~
     
  6. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    ههههههههه
    وتستمر المحاادثة لمدة اسبوع
    يستحقون التوظيف في اقسام المباااحث والتحقيقااات ..
    اتوقع بيوصلون للمجرم في سااعة :p

    فضحتنا يااشرف الله يهديك
    الله يسعد اياامك
     
  7. !! الـريم !!

    !! الـريم !! عطاء بلا حدود عضو مميز

    8,737
    0
    0
    ‏2010-02-23
    ماحصلش الشرف
    اشرف بالله وشوله الناس تسوي عزيمة وتتعب وتخسر

    عشان بالاخير يجي ويقولوا يسلمون عليك

    يسلمون عليه بالتليفون بلاخساير بلاوجع راس

    مافي احد يقدر العزيمة ويعرف قيمتها مثلنا فديتنا ,, ننتبه لكل شي ونعطي كل شي قيمته واهميته
     
  8. كأني هنا

    كأني هنا عضو مجلس إدارة الموقع عضو مجلس الإدارة

    12,897
    11
    38
    ‏2010-05-14
    معلم -وكيل بالواسطه
    الانثى تهتم بالتفاصيل كفطره ..والرجل يميل الى الاجمال..واظن المرأة لو لم تهتم بالتفاصيل لتناست مفاصل صغيره بحياة زوجها ربما تتكامل مع عظيم مافي الرجل من مفاصل شعور فيحس بأنها لاتهتم به ..لربما مثل ماقلت ..
    لله بخلقه شؤون...
     
  9. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم
    شاكر مرورك
    كأن السالفة تحريش هههههه خليك محضر خير
    لا بس للأسف هذي الحقيقة ولا حطوط ولا شي طال عمرك
    عشان ما قالت صارت نجسة

    كيدكن ....

    سجل اعتراف رسمي هههههه يسعدك هدوء

    لا لا المفروض اذا احد سوى عزيمة لازم نعرف كل شي حتى عدد اللمبات ولون الستاير وبكم سواها ومن فين

    شاكر مرورك

    تحليل علمي بحت
    يسلموووو
     
  10. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره

    والله لو نوضفكم في المباحث والتحقيقات مابتنتجون تدرين ليش
    الله يوفقكم من كثر سوالفكم بتعلمون بأسرار العمل وبيصبح الوضع مكشوف المجرم بيوصله الخبر قبل القبض عليه
    وفي التحقيقات بتفشو نتايج التحقيق للطرف الاخر



    أشرف الله يسعدك بجد قسم سوالفهم اسبوع كامل ماتنتهي

    بس عاد انا المحامي حقهم لان منهم الام والبنت والاخت والزوجه ولهم مكانه هم الاصل بكل شي

    اسوي حليل وحنين يارب الريم تقرا كلاامي
     
  11. سمو الروح

    سمو الروح <font color="#0066FF">حكاية قلم </font> عضو مميز

    5,887
    0
    0
    ‏2009-07-27
    تيــتـشــــر
    بس السعودياااااااااااات هذرهــن كثيرر رر :)

    شكرياااااااار أشرفياااااااااار
     
  12. £ựĵậịŋ

    £ựĵậịŋ تربوي جديد عضو ملتقى المعلمين

    323
    0
    0
    ‏2009-07-06
    معلمة
    اشرف ليه كذا ........
     
  13. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم
    انتبه ترا الحنان ينقط منك جيب لك سباك يابو لمى

    عفويااااااار سموياااااار روحيااااااار

    اذا غلطان قولي لي ههههههه

    يسلمو على المرور ومرحبا بك
     
  14. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    انعن اوووم الفضووول عندها

    كل ذا عشان تشوف الجزمه بس

    والمشكلة ماخلت شئ ماوصفته هذي شكلها جايه تكتب تقرير
    مو تحضر العزيمة

    ياحليلنا بس ماهمنا هذا كله نحضر ونطلع بدون تدقيق

     
  15. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم

    اي والله واخرتها يسلمون عليك الشباب ...وخلصنا

    تخيل عاد انك في زواج وجالس تطالع يمين يسار وش نوع الشماغ ..حاط قلم باركر ...سروال سنة وسيع...محلق اليوم ولا لا....هههههههه بالهم وسيع
    مرورك أسعدني وعودتك أسعدتني أكثر