اعلان 1 اعلان 1 اعلان 1 اعلان 1 اعلان 1 اعلان 1


قصيدة عن الوداع

الموضوع في 'ملتقى بــوح الأقــلام' بواسطة أبو لمى الغامدي, بتاريخ ‏2010-07-26.


  1. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    قلت الوداع .. وجاوبت دمعة العين
    تجرح بساتين الخدود النديـــه ..


    وأغضت وشفت بعينها .. الحزن .. حزنين ..
    وصاحت على الفرقى أنا مو .. قويـــه ..


    وجاوبتها أرجوك تكفيـن .. تكفيــن ..
    والله دمعــك .. يشعل النار ... فيــه ..


    وقالت تعاهدنـــي ,, عهــاد .. المحبين ..
    الله يهين اللي يــــخون بخويـــه ..


    قلت أبشري واللي خلق لاتظنــيــن ..
    حراام ماغيــرك .. عشقت .. آدمــيــه ..


    قصت شعرهــا قلت انا وش تسويـــن ..
    قالت أبي من غرتــي ,., لك هديـــه ...


    ونادتــنــي الغربــه .. على الهــم ... والليــن ...
    أحسـب .. ألأيام .. روووحــه .. وجيــه ..


    في كــل ليله ترتسم ..بين رمشين ..
    خيالها ,., بين الرمووش .. الشقيــه..


    غربة سنــه .. في ذمتـــي غربة سنين ..
    متــى على الله يلتقي .. الحــي .. حيــه ..


    خلاص هانت .. مابقــى .. غير يوميــن ...
    خلاص ..قفت غربـــةٍ .. جرهديــه ..


    رجعت .. شوقي في خفوقي .. براكين ..
    ورجعت .. أنا .. كــلــي .. لــها .. جاذبيــه ..


    وسألــت ماردوا ..؟ وأنا .. أصيح .. هي ويــن ..؟
    وكلن .. نثر من داخل العــين ميـــه


    وفي معمعة .. حزنــي تلقيت رمحيــن ..
    قالوا : توفت غافلتها المنيــــــــه ..


    وفي غرغرتها ماذكرت غيــر .. حرفيــن ,.,
    تلفظت بإسمك شفاة البــنــيــه ..


    وتزاحمت في داخلي .. ألــف سكيـــن ..
    والحزن يطويني .. ثمانين طيـــه ....


    صدمه وجابتني على الارض نصفين ,,
    وشلون راحت دون ذنــب .. وخطيــه ..


    تكفون دلــونـي .. على القبر ,,, هالحيـــن ..
    ماعاد .. فيني للصبــر .. مقدريـــه ..


    وقفت أطالع ,,, قبرها .. بين نصبين ..
    وجلست أضم .. أغلى النصايب .. عليه ..


    وأصيح وش بك ..؟ ياغلاي ماترديــن ..
    اشتقت همس شفاتك النرجسيـــه ..


    وش فيك ..؟ جيـت من السفر ماتهليــن ..
    ماهي بلك .. عاده .. ولا إنتي رديـــه ..


    وحاولت .. في لحظة غضب أجرح الديــن ..
    وأزيح .. تربــة قبرها.. في يديـه ....


    وبالغصب شالونــــي .. حشى .. تقــل ..مسكيــن ..
    وأصرخ بهم والله والله .. حيـــه ..


    وقفت وتاهت .. بي جميع .. العناويـــن ..
    والحزن يلعب بداخلي .. سامـــريـــه ...


    ورجعت لدرووب الشقــى .. قبل عاميــن ...
    مدري من اللي صار .. فيــنا .. الضحيــــــه ...؟؟!!
     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    لاهنت يـ أبولمى

    على النقل المميززززززززززززز
     
  3. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره

    تسلم وتسلم يمينك
    كل التقدير لك ولمرورك العطر
     
  4. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    ماأصعب الوداااع ولحظاات التوديع
    لاحرمت محبيك ابو لمى
    اكليل البنفسج لروحك النقيه
     
  5. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    جميعاً بأذن الرب
    كل الشكر لمرورك العطر