اعلان 1 اعلان 1 اعلان 1 اعلان 1 اعلان 1 اعلان 1


سيدي المسؤول .. أقدم لكم معروضي وأستجديك وأستعطفك الحصول على حقوقي المشروعة

الموضوع في 'ملتقى حقوق المعلمين والمعلمات' بواسطة Mr.X, بتاريخ ‏2010-07-31.


  1. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم
    الأسبوع اللي فات رحت لمبنى الأحوال عشان أضيف أحد الأبناء .. وطبعا مريت الكتاب اللي على الأرصفة وجهزت معروضي وأوراقي .. ونسفت الشماغ عشان ندحم مع الناس


    وتفاجأت بالعسكري على البوابة يقول للمراجعين بأنه نزل بطاقة (هوية وطنية جديدة) .. ولن يتم الإضافة أو استخراج الكرت إلا بوجودها وتجديد البطاقات القديمة ... روحوا للأحوال المدنية غيروا بطاقاتكم وتعالوا !!! :36_1_2[1]::36_1_2[1]:

    لو إني داري كان رحت مسكت رقم مع الناس في الأحوال من بدري .. المهم وصلت وقمت بتفريغ الملف العلاقي من أوراق إضافة إبني واستبدلتها بأوراقي الخاصة بطلب استبدال بطاقة الأحوال .. ورحت صورت باستديو جنبهم وعبيت الطلبات بسرعة عشان ألحق آخذ رقم وأمسك سرى :36_6_7[1]::36_6_7[1]:


    أخذت رقم وأنتظرت دوري في البصمات .. ونادوني قبل الظهر بنص ساعة تقريبا .. دخلت وسلمته الملف وأتلفت على المراية أبي أشخص للصورة إلا المصيبة الكبرى !!!
    يالحبيب .. أوراقك ناقصة !!!!!! :36_1_17[1]:
    كيف ؟؟؟ شلون ناقصة ياولد !؟؟

    قال لي المعروض ماسويته !!

    أووووه !!! مع العجلة نسيته .. بس كيف اللحين بيروح دوري وبيأذن الظهر وتعرفون تسحيب الموظفين رجليهم بعد الصلاة مايجونك إلا بعد ساعة .

    قال لي لازم .. قلت طيب أقولك .. باسوي معروضي عندك هنا .. بس تكرم علينا بورقة من آلة التصوير ولا من أي درج ودقيقتين وأكون مجهزة .... ماقصر الرجال تفضل علينا مشكورا بورقة بيضاء :36_1_36[1]:


    كتبت البسملة .. ثم هنقت !! مدري وش اكتب .. بالعادة نعبيها بالشارع وأنت ماشي .. فسألته أكتبه لمين .. قال لمدير الأحوال .. قلت وش أقوله .. قام يضحك .. قال أطلب منه الموافقة على تجديدك للبطاقة لتتمكن من إضافة أبنائك ومن هالكلام ....

    والله وأكتب ذاك المعروض .. اللي يقراه حتى الأعمى .. كبرت الخط عشان أملأ الورقة لأن السالفة كلها سطرين ( سعادة مدير .......الخ الخ .... حفظه الله ... أرجو التكرم بالموافقة على طلبي تجديد بطاقة الأحوال لأتمكن من إضافة إبني )


    عطيته الموظف وحطه بالملف وهو يبتسم .. يقول لي شكلك ماقد راجعت دوائر حكومية أنت .. المعروض مهم وضروري تعرف تكتبه !!! قلت لا والله أنا متعود آخذه جاهز بعدين مصدق بأن مدير الأحوال أصلا بيقراه ؟!


    المهم خرجت من الأحوال وأنا أتساءل عن ثقافة المعروض التي تميز السعودي عن غيره ... شعوب الأرض قاطبة لا تعرف هذا المعروض الذي يستجدي فيه المواطن المسؤولين بالتكرم عليه ليحصل على حق من حقوقه ( كبطاقة هوية أو إضافة مولود أو حتى الحصول على العناية الطبية أو الالتحاق بالوظيفة !! )
    ثم يذيل ذلك المعروض بلمواطن المغلوب أو أي عبارة قد تصل لخادمكم أو ابنكم أو عبارة أخرى تدل على احتقار النفس أمام هذا المسؤول !!!

    لماذا يجب علينا أن نعلم أبناءنا ثقافة المعروض وفن كتابته .. وبلاغة عبارات الاستعطاف والترحم لنيل حق مشروع !؟؟؟

    أقترح على معلمي اللغة العربية استقطاع حصة أو حصتين من دروس التعبير لتعليم هذا الفن للتلاميذ .. لأنه ضرورة ملحة في حياتهم المستقبلية ويجب الإلمام به كي لا تضيع حقوقهم



    تحياتي .. وأعتذر على الإطالة
     
  2. ابو عبدالله999

    ابو عبدالله999 مشرف سابق عضو مميز

    3,527
    0
    0
    ‏2008-06-19
    مدرس
    لك الله يامواطن ....... بشَر البطاقة والإضافة تمت ؟؟
     
  3. شذى الورد.

    شذى الورد. عضوية تميز عضو مميز

    7,469
    0
    0
    ‏2010-05-29
    معلمة
    ما هذا الذل حتى في حقوقنا يفرض علينا ثقافة الاستجداء والاستعطاف

    متى نترفع عن تلك الممارسات متى يادوائرنا الحكومية نتحضر

    متى ينتهي عصر الورق والملف العلاقي الأخضر ؟؟
     
  4. kkaa123

    kkaa123 عضوية تميّز عضو مميز

    ‏2008-06-09
    معلم
    روتين ممل لا بد منه
    والأولى تعبئة نموذج محدد بدلا من ذلك الاسترحام المخجل

    ومبروووك أنك أنجزت عملك وصدقني إضافة وتجديد كله هم على القلب ...!
     
  5. ابوصالح4

    ابوصالح4 تربوي جديد عضو ملتقى المعلمين

    585
    0
    0
    ‏2009-02-23
    معلم
    طيب ياعزيزي نسيت شيء مهم
    الملف العلاقي
    عند شهادة الميلاد وعند اجراءات التطعيم وعند دخول المدرسة
    وعند دخول الجامعة وعند الوظيفة وعند الوفاة
    لابد من ملف علاقي
    هل هي من مهمة من من المعلمين؟؟؟؟
     
  6. ahmad9973

    ahmad9973 تربوي جديد عضو ملتقى المعلمين

    153
    0
    0
    ‏2009-05-15
    معلم
    ولله الحمد في أحوال القصيم ( بريدة ) ماعندهم اللي ذكرت !!! الى متى الروتين الممل
    تكفون لا تعلمون أحد أخاف يسون سوات الرياض
     
  7. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم
    من زماااااااااااااان وانا أسأل نفس السؤال

    المعروض ليش ؟؟؟

    انا جاي اطالب بإجراء هو حق لي وروتينفي نفس الوقت

    طيب انا جاي اضيف مولود <<<< اجل جاي اجدد استمارة السيارة في الاحوال

    اقسم بالله قمة التخلف

    وعلى قولك والله ماحد قاري كلمة منه بس ذل وخلاص

    يسلمو
     
  8. الأخت الحنونة

    الأخت الحنونة عضوية تميّز عضو مميز

    7,981
    0
    0
    ‏2008-06-06
    معلمة
    الله المستعان والله الحياة صارت صعبة
     
  9. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم

    أي تمت يابو عبدالله .. عطوني موعد بعد أسبوعين عشان أجي أستلم الهوية الجديدة

    ثم بعدها أشك معروضي الجديد لأحوال الناصرية شاحذا فيه سعادته ليسمح لي باستبدال كرت العائلة ( الزولية ) بالكرت الجديد

    ثم أعود لأسترحمه وأسترجيه الموافقة بإضافة إبني واستخراج شهادة ميلاد لإبني الأكبر (بدل فاقد) لأني سأسجله بالمدرسة

    تو ليلي بأوله :36_1_2[1]:
    أحد الشباب راح الخرج يقول سويت هوية جديدة واستخرجت بدل فاقد وأضفت ولدي وغيرت الكرت كل هذا بظرف ساعة فقط .. لكن هو يشتغل بالخرج وخايف أطق مشوار ويقولون لي مرجعك الرياض :36_1_17[1]: يعني مافيه كمبيوتر يانااااس
     
  10. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم
    باعلمك شي جديد .. بس خايف على اللي عندهم ضغط :36_1_17[1]:
    الأجنبي إذا راح للجوازات مايكتب معروض .. والسعودي يكتب :36_6_2[1]::36_6_2[1]:

    شي ثاني .. مبنى الجوازات اللي يراجعه الأجنبي أشبه بالوزارة .. فخم وتكييف ومصاعد ونظافة

    بينما مبنى الأحوال :d:d .. تدرون وين يتم التبصيم في الأحوال للسعوديين ؟ والله بالحوش برى مدخلين باص (سابتكو) وكل من يجي دوره يدخل هالباص المجهز ويبصم ويمشي ههههههههه

    غير قسم تسليم الهوية الوطنية .. المكيفات السبلت خربانة وتقطر موية .. والغرفة مستنقع .. تشوفون كل من ينادون باسمه يروح يستلم وهو رافع ثوبة كأنه بيتجهز لوثب ثلاثي :36_1_22[1]:

    الله يعين الشيبان والحريم ياكثرهم بعد إلزامهم ببطاقات هوية عند الدخول للجامعات .. تلاقون شيبان وعجايز صافين ببناتهم بالأسياب مايدرون وش يسوون
     
  11. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم


    تقولها صادق .. هم !! إيو والله إنه هم ونكد

    وتقولي أنجزت عملك ؟! شكلك داري إني بابطي عظم ماخلصت وودك تقهرني يابو عبدالله ههههههه
     
  12. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم

    يقول لك عشان تعرف السعودي .. أرفع يده تلقى تحت إبطه فتحتين الخرامة حقت الملف العلاقي من كثر مايشيله :36_15_8[1]::36_15_8[1]:
     
  13. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم
    مستحيييل !!! هذي أغرب من السعودي اللي شافوه بعيونهم يسحب خمسمية ريال بتاريخ 23 من الشهر !!!!!!!!!!؟؟:36_1_7[1]::36_1_7[1]:

    فككم الله يا أحمد .. بس بالرياض مستحيل لأن المعاريض صارت تجارة رصيف ومهنة
     
  14. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم

    هههههه حلوة الاستمارة بالأحوال

    وأوافقك الرأي ,, تخلف تخلف تخلف
     
  15. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم
    بالنسبة لمراجعات الدوائر الحكومية هي من زمااااااااااااااااان الحياة صعبة ياخية
     
  16. العالمي1429

    العالمي1429 تربوي جديد عضو ملتقى المعلمين

    33
    0
    0
    ‏2010-07-12
    يعني الملف العلاقي الاخضر معك من الولادة حتى الوفاة :36_3_5[1]: