اعلان 1 اعلان 1 اعلان 1 اعلان 1 اعلان 1 اعلان 1


لا عاد تصدقون كل شئ ..!!

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2010-08-18.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الســــلامـ عليكمـ ورحمه الله وبركاته../

    من اللي قالكـ هالشي ؟
    - هاهـ , هم قالوا لي ..

    طيب , وشلون جبت هالمعلومه هذي ؟
    - وشلون ؟ ايه مدري بس يعني هم قالوا لي ..

    على اي اساس استندت ؟
    - على هذاكـ .. ياخي هم قالوا لي ..



    ياكثر مانسمع هالجمله .. او مثيلاتها ..

    بسم الله .. <-- بدري [​IMG]

    قبل كم يوم قريت شي خلاني اعيد التفكير مراراً وتكراراً في عدة مسائل ..

    قريت معلومات الكل كان متيقن انها صحيحه .. وهي والله مادلت الصح ..

    بعد ماقريتها .. جلست افكر .. غير هالمعلومات هذي ..

    كم معلومه مغلوطه يتداولها الناس على انها معلومات صحيحه ؟

    كثير .. كثير ..

    جزمت .. اني احط حد لهالخرابيط [​IMG]..

    بس قبل كل شي .. خلونا نستعرض على السريع بعض من هالمعلومات المغلوطه ../



    [​IMG]
    ( سم العقرب .. طريق القبر .. )

    يعتقد الكثيرين ان سم العقرب مايردهـ عن طريق القبر شي ..
    يعني ان سم العقرب " مميت " .. وهذا اعتقاد خاطئ ..
    حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه ..
    فإذا لدغتكـ عقرب لاسمح الله .. اعرف انكـ ماراح تموت بحول الله ..
    روّق .. وهد اعصابكـ .. وانحر اقرب مركز صحي اومستشفى ..



    [​IMG]

    ( مشينا نهظّم ؟ ) ..

    امر شائع عن اغلب الناس ..
    بعد مايضرب لكـ وجبه دسمه .. يآخذ له واحد من ربعه ..
    ويمترون المكان اللي هم فيه .. ويعدون الكيلوات ..
    طيب ليش ؟ يقولكـ ( والله ودنا نهظّم الأكل اللي تو أكلنا ) ..
    غلط !

    الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..

    فينصح بعد أكل وجبه دسمه .. انكـ تمدد رجيلاتكـ وتروق .. وتخلي الباقي على الجهاز الهظمي .. هو يعرف شغله ..

    حتى ان العلماء يقولون ان ( الأسد ) بعد مايجرش احد الفرائس يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..



    [​IMG]
    ( لا تآكل حلو وآجد , يجيكـ السكّر )

    فيه اعتقاد خاطئ .. بأن أكل السكريات هو اللي يجيب مرض السكر ..!
    يعني لو أكلت سكر كثير تراكـ بتمرض بـ مرض السكر ..
    وهو السبب الرئيسي ..
    برضو غلط .. :/
    مرض السكر سببه هو تلف في خلايا ( بيتا في البنكرياس ) ..
    او عدم فعالية الأنسولين المفرز داخل جسم الإنسان ..
    ولحدوث هالشي اسباب متعددهـ .. ولكـ ان تتخيل ان اكل السكريات ماينطوي تحت هالأسباب !




    [​IMG]

    ( إلهم بس إلهم , اذا مانفعكـ ماضركـ ! )

    وش اللي اذا مانفعني ماضرني[​IMG] .. ليش يعني وش السر في ( الاعشاب الطبيّه ) ..
    الواحد يآكلها اذا تعب .. اما انها تنفعه او مستحيل تضرهـ ..!

    المشكله ان هالشي متداول حتى في ( الصيدليات ) ..
    ياجماعه .. بعض الأعشاب (( ســـــام )) .. !
    وبعضها يسبب حساسيّه لناس معينه ..

    الاعشاب " تحوي على مواد كيميائيه " .. مثلها مثل بقيّة الأدويه , بس انها طبيعيه .. وماتم تحضيرها في المصنع !




    [​IMG]
    ( قلبكـ .. في الشق الأيسر ) ..

    من قال انه في الجهه اليسرى تماماً للإنسان ؟
    القلب موجود ( بين الرئتين ) بالضبط .. لكنه يميل بشي بسيط للجههة اليسرى ..



    [​IMG]
    ( طف المكيف الحار .. تبي تمرضني انت !؟ )


    في (جونا الحالي) .. وضروسكـ تتصافق من قوة البرد ..


    راكب سيارتكـ ومشغل المكيف على الحار .. تبي الدفاء ..


    بعد ماتحس ان جسمكـ نشب في المرتبه من الحرارهـ.. وتفق كشركـ مستانس .. لأن وجهكـ بدأ يرجع طبيعي ويتحركـ ..


    يركب معكـ واحد .. تبي توصله لـ مشوار .. اول مايركب يزأر بوجهكـ .. ياخي طف المكيف !


    انا ابنزل بعد شوي لمكان بارد .. تبي تمرضني ..


    من اللي قالكـ ؟


    نظرياً .. كلامه غير صحيح ..! بس انه خايف على نفسه زيادهـ (بعذرهـ من هالبرد اللي يشق الوجه ) ..


    يعني اذا كان الأمر (متتابع) ممكن .. كلامه صحيح ..


    لكن اذا انت راعي طويله .. وبتجلس في الجو هذا وقت .. وفي الجو الثاني وقت .. لا , نظريتكـ غلط !


    - في الصيف تلقاكـ مشغل المكيف على البارد في اقصى سرعته .. تسمع صوت المكيف اقوى من صوت المكينه ..


    وتنزل للهواء الحار ..! طيب تعال انت ياللي ركبت قبل شوي .. ليش هنا ماسكرت المكيف ؟


    موب برضو فيه إنتقال من درجة حرارهـ لـ درجة اخرى ؟


    طيب ليش ماجاكـ شي ؟


    علمياً .. ونظرياً .. هذا مجرد خوف لا أكثر .. وافتراضات مالها صحه ..


    لكن .. هم ينصحون ( بتدفئة الجو العام ) , يعني المكان يكون دافئ ( السيارهـ , او الغرفه ) افضل من انه يكون بارد او متعدل على حرارة الجو الطبيعيه .. الدفاء مامنه ضرر ابد .. لكن البرودهـ تأثر على الشعب الهوائيه والجهاز التنفسي ككل .. وتسبب الحمى ..
    فيقولون .. لازم تدفئ المكان المحيط بكـ .. او إنكـ تلبس خلاقين وخاصه الصغار ..
    علشان يكون محيط جسمكـ .. دافئ لـ درجة حرارهـ ثابته ..
    - فالإنتقال من دفاء لـ برودهـ .. او العكس .. مامنه ضرر ..






    [​IMG]


    ( غسل يديكـ بالصابون , عقّمها من الجراثيم ) ..


    هذا الكلام موب زين ..
    الصابون ( يُنظف ) فقط ولا يُعقم الجراثيم (مايقتلها) ..
    فـ محتاجين لـ معقمات للجراثيم ..
    نستعملها على الأقل ثلاث مرات في اليوم ..
    عموماً فيه الحين انواع معينه من الصابون ( تنظف و تُعقم ) ..
    مثل ( ديتول , لايف بوي ) .. وخصوصاً في الاستحمام ..
    فيه صابون استحمام ديتول .. ممتاز .. شي يعني صدق زين ..




    [​IMG]
    ( الأسد , ملكـ الغابه ) ..


    لاعبين علينا ؟
    المشكله حتى في المدارس يكررون هالكلام ..! الأسد ملكـ الغابه .. ملكـ الغابه ..


    والله يا اني ضحكت لين تمزعت من القهر[​IMG] .. طول هالوقت ملعوب علينا !


    الصدمه [​IMG]:
    الأسد ماعمرهـ وطوط عند طريف الغابه !
    ماعمرهـ طب شي اسمه غابه !!
    الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..


    الله يهديـ من كتب قصة الأسد .. يوم يعالجه الثعلب ويصير صديقه ولا يآكله ..
    طيب تدرون وش الصدمه الثانيــ[​IMG]ه !
    ان الاسد مايآكل الثعالب ! ههههههههههههههههههه


    ملعوب علينا قسم بالله ..


    [​IMG]


    ( الأم تخاطب الأب وهو يشوّت القطوهـ في الحوش نآحر بها باب البيت : خلها , خلها يابوسليمان في البيت , تآكل الفيران ) ..


    ملعوب عليتس يا حرام ..
    حتى كلنا ملعوب علينا ..!
    الصدمه الأخرى[​IMG]:
    القط لا يأكل الفئران !
    القط يلاحق الفار من باب التسليه واللعب بس ..
    - سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه وآصلن ظهرهـ ..


    نفس الوضع .. الآدمي اذا اضطر وذبحه الجوع .. يآكل الجيفه ..
    يصير الآدمي أكآل الجيف؟؟



    [​IMG]


    ( إن كان حبيبكـ ثور , إلبس لوهـ أحمر )


    الصدمه الـ 78 :
    الثور , مثله مثل باقي الحيوانات .. يشوف اللون الأحمر رمادي ..
    حتى الحين تشوفون المدربين .. مسوين فيها يعني اننا نعرف للثيران .. !
    يمسكـ له طربال أحمر .. ويمرمرهـ على خشة الثور ..
    مسوي يعني انا جالس الحين اثير غريزته الحمراويه[​IMG] .





    [​IMG]


    ( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي يامرهـ عن الريموووووت ! تبين الولد يطلع مشوّهـ ! )


    ( أب آخر مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : احا احا لا يابابا كخا , بعدين تموت ! )


    غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..
    - ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..
    وتقع في طرف الطيف المرئي بجانب اللون الأحمر ..
    * اي جسم حار تنبعث منه الأشعه تحت الحمراء في مرحله من مراحل التسخين ..
    * أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..
    * كاميرات الفيديو تنبعث منها الأشعه تحت الحمراء وخاصة في التصوير الليلي .. ( ليش ماقال وخري البطنه الكبيرهـ ؟ .. طيب ليش مستانس بخشة ولدهـ وهو خانق القطوهـ وجالس يصورهـ بكاميرة الفيديو , رغم انه تبعث اشعه حمراء ) .. ليش بس الريموت المسكين هو اللي ينكرش ؟ علشان الريموت يتيم وماله احد ؟
    * بعض الثعابين , تستخدم نفس التقنيّه ..
    معليش يالريموت[​IMG].. حقكـ علي ..




    سولفت كثير [​IMG]؟


    مدري احس اني اخذت راحتي بالحيل ..
    بس اختم بشي صراحه مهم ..


    إن العلم , والثقافه .. ماتطرق الابواب ..
    من الواجب على كل شخص .. تهمه الثقافه العامه او حتى الثقافه في أي مجال يهواهـ .. البحث عنها دون ملل أول كلل ..


    يرضيكم اللي سواهـ فينا ابو القصص ؟


    خلونا نحط حد لمثل هالإعتقادات الخاطئه .. عن طريق البحث والتأكد عن أي معلومه توصلنا .. حتى ولو طغى عليها الدهر ..


    وهالشي يكون تركيزهـ اكبر للمعلومات اللي توصل الصغار ( ابنكـ ’ اخوكـ ’ اختكـ , والمحيط اللي انت عايش فيه ويقع تحت مسئوليتكـ ) .. لأن فيه في هالزمن كثير من شاكلة ابو قصه وأخوهـ ..


    <-- ماودكـ تضغط ( أعتمد المشاركه ) وتمسكـ الباب ؟


    لا , بس باقي شي مهم ..
    من باب .. الشي بالشي .. يُذكر ..





    [​IMG]
    ( الهديه , لا تُهدى ولا تُباع ) ..


    الطامه الكبرى , كلام شائع بين الناس بشكل كبير بأن هناكـ حديث للرسول بأن الهديّه لا تُهدى ولا تُباع !
    مافيه اي صحه للحديث هذا ..
    بل انه من خلال بحثي .. وجدت حديث مخالف للحديث هذا ..


    جاء فيما معنى الحديث .. ان الرسول صلى الله عليه وسلم اهداهـ شخص هديه وكانت عبارهـ عن بُردهـ , فكانت البُردهـ المهداهـ صغيرهـ على الرسول , فقام بإهدائها إلى علي بن أبي طالب رضي الله عنه ..


    الهديه هي ملكـ للشخص المُهدى , يسوي فيها اللي يبي .. يهديها يبيعها .. لكـ كامل التصرف فيها مثلها مثل باقي أملاكه ..
    - احاديث كثيرهـ " موضوعه " , شائعه عند الناس ..
    تحتاج وقفه وتدبر منا , هذا ديننا .. ومن الواجب علينا حفظه كما جاء ..


    فيه موقع اسمه ( الدرر السنيّه ) , للي يشكل عليه حديث .. وله رغبه في التأكد منه .. يدخل هالموقع ويتأكد من صحة الحديث .. بمجرد البحث عن كلمه فيه ..

    الخوووولاصة ياحبايبي ( لا تصدقون كل شئ على طول .. أبحثوا من هنا وهنا وتحصلون العلم الأكيد عن كل شئ .. )




    خارج النص:


    [​IMG]

    هذا هو المعنى الحقيقي ( للذراقه ) من خاف سلم ..!!

    .

    .

    .





    خويكم

    موصاحي




     
  2. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم
    راااقت لي المعلومات

    تسلم مو صاحي
     
  3. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    معلومااات قيمه مصحصح
    لكن اول مره اعرف ان الاسد مايآكل الثعلب
    لازم اتأكد من هالمعلومه لانك قلتها
    مو كل شئ نسمعه نصدقها ~~

    (والله يا اني ضحكت لين تمزعت من القهر[​IMG] )

    توحفه هالجمله ..

    دمت بسعااده
     
  4. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    صدق ضرسك يا أبو صاحي معلومات قيّمة تسلم عليها ما ننحرمش يا بيه من ابداعك
     
  5. $الحنين$

    $الحنين$ عضو مجلس إدارة الموقع عضو مجلس الإدارة

    6,725
    0
    36
    ‏2009-01-19
    معــــــلم
    هههههههههههههههههه

    بصراحه اذا بغيت استانس اشقر على مواضيعك يا غالي

    تسلم على الموضوع
     
  6. سمو الروح

    سمو الروح <font color="#0066FF">حكاية قلم </font> عضو مميز

    5,887
    0
    0
    ‏2009-07-27
    تيــتـشــــر
    والله وفضحتهــــم يالصــــآآآآحي ...

    يــآآقووووي ... وعصبه منلــوووووي :)

    ألف شكر لمعلومآآآتك الحديثــــة وحالة عمار والدرب وسلوى خخخخخخخ :)

    يسلمووو مو صآآحي ..
     
  7. شذى الورد.

    شذى الورد. عضوية تميز عضو مميز

    7,469
    0
    0
    ‏2010-05-29
    معلمة
    بصراحة معلومات حلوه وكانت مغلوطة عندي

    يسلمووووووووووووووووو مو صاحي
     
  8. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    بسم الله عليك أما انته يعني انته توك يابه تقول ماتصدقون اي شي تسمعونه كيف تبغيني اصدقك وش الدليل عندك أن الاسد ماياكلش الثعلب هل عندك دليل لاتقول نجرب مافي حيل على البراااان ههههههههه
    سلمت ياواد أنه صدز لسانك
     
  9. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    كلها ممكن نقول صح الا

    الاسد


    الاسد الاسد يا موصااحي ---

    لو يدرون عنك الاسود

    في ادغال افرقيا وغاباات امريكا

    يا انهم لينتحرون او يهدرون دمك


    قبل كم يوم وانا طالع من منزلي ادوج في الشوارع

    ومعي ولدي الصغيرر المهتم بقصص الحيوانات والافلام في عدة قنواات


    قاال بابا تصدق ان الاسد ماهو ملك الغاابة

    قلت سلامات وش صاار حطو ا ملك الجديد

    قاال لا


    الافعى المفروض انها تكون ملك الغاابة


    قلت ليش

    قال لان الاسد ما يقدر على الافعى


    قلت كلامك مردوود عليك

    الا الاسد

    الحين صرت شااك في كل الاسوود



    وما خلوا شي ما تكلموا فيه



    كش ملك الغاابه
     
  10. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    تسلم ع مواضيعك

    اجل مقولة اتعشى واتمشى خاطئة

    تعشى ومدد رجيلاتك ودع المعدة تطحن ع نار هادئة

    الباقي بنعديها لك الا هذه يا مو صاحي ما اظن بتوهق ربعنا وتزيد نسبة الكروش



     
  11. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    رهيب والله رهيب

    تسلم من الاعمااااااااااااااااااااااق

    على هالمعلومات القيمة
     
  12. الشيخ ابن عدوان

    الشيخ ابن عدوان موقوف موقوف

    37
    0
    0
    ‏2010-08-16
    تشكرات موصاحي

    تحدثت فأجدت فانحشت فأصبحت

    تحيات فخامتنا لفخامتكم
     
  13. الدور الثاني

    الدور الثاني تربوي جديد عضو ملتقى المعلمين

    5,019
    0
    0
    ‏2009-05-07
    .......
    موصاحي يعطيك العااافية على التمغيطة ,,
    اجل لا عبين علينا بملك الغاابة ,
    المشكلة ان عندنا معلومات من يوم حنا صغار اصبحت اعتقادات لا يمكن بسهولة تغييرها

    الف تشكرااات موصاااحي

     
  14. كأني هنا

    كأني هنا عضو مجلس إدارة الموقع عضو مجلس الإدارة

    12,897
    11
    38
    ‏2010-05-14
    معلم -وكيل بالواسطه
    ياعيني يامو صاحي لما تكون خطير بالنقل بقول فصل..ومعنى ثاقب كضربة نصل..

    تسلم حبيب البي..
     
  15. غالب عسيري

    غالب عسيري عضوية تميّز عضو مميز

    2,890
    0
    0
    ‏2010-03-14
    معلّم
    المو صاحي ...

    أبصم بالعشر وبالجبهة وبالعيون والمسامع وكل شيء يخالف باقي البشر إنك صآآآآآآآآآآآاحي من جد ...

    لا وأتحدى بعد إذا فيه واحد ضحك عليك .... هع هع هع هع هع


    تسلم وياما مرّت السوالف هذي علينا ...
    بس مشكلتنا ما نفكر لحظة ونتأكد من صحتها ...
     
  16. غروك ياقلبي

    غروك ياقلبي تربوي جديد عضو ملتقى المعلمين

    1
    0
    0
    ‏2010-08-09
    طالبهـ
    يسلمووووووووووو ع هالموضوع
    تقبل مرووووري
     
  17. الدور الثاني

    الدور الثاني تربوي جديد عضو ملتقى المعلمين

    5,019
    0
    0
    ‏2009-05-07
    .......
    مين قدك يا الموصاااحي اول مشاركة صارت في موضوووعك
    اللهم لا حسد
     
  18. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    الا احنا اللي بنروح بستين دآهية
    لو صدقنآك..:36_1_17[1]:​

    يعني عآدي لو شفت العقرب كأني شآيفة فرآشة
    ما منها خوف ابد..:36_11_14[1]:

    لااا وتلدغني بعد واكون ريلآكس ومستآنسة
    يا فرحتي.. [​IMG]

    صآحي اليوم مانت صآحي ابد
    مرة ثآنية لا تصوم بدون سحور.. [​IMG]
     
  19. رَذَاذ

    رَذَاذ مراقبة عامة مراقبة عامة

    7,506
    0
    36
    ‏2010-01-27
    ارشادية
    سبحان الله معلومات قيمة جدا ..

    مشكلتنا أننا شعب لا نقرأ ولا نفكر !

    بس عجبني ملك الغابة طاح سوقه :)

    شكرا لك ..
     
  20. عـزف منفرد

    عـزف منفرد عضوية تميز عضو مميز

    6,697
    0
    36
    ‏2009-10-01
    مُـعلـِّمـةٌ
    طَيِب!!

    على هالأساس حتى موضوعك كله المفروض ما نصدقه :)

    وين الأدلة ؟؟ ^^