اعلان 1 اعلان 1 اعلان 1 اعلان 1 اعلان 1 اعلان 1


بخيت السناني يعتزل المحاوره ويوجه قصيدتين لجمهوره

الموضوع في 'ملتقى بــوح الأقــلام' بواسطة ولد النباهين, بتاريخ ‏2010-09-07.


  1. ولد النباهين

    ولد النباهين عضوية تميّز عضو مميز

    3,387
    0
    0
    ‏2009-02-10
    معلم
    [​IMG]

    أعلن شاعر المحاوره / بخيت السناني إعتزاله من شعر المحاوره وذلك بعد تعرضه لحادث مروري قبل سنه عانا فيها الشاعر وسافر خارج المملكه لتلقي العلاج , ويأتي هذا القرار من السناني بعد أن ذاق الأمرين وتذكر الشعراء الذين غادروا الساحه دون رجعه أمثال الرياحي والعير, ووجه السناني قصيدتين ليعلن من خلالها إعتزاله للمحاوره


    القصيده الاولى:




    قولو لجمهوري تمسوا على خيـر
    كثر الملاعب ويش حصلت منها.؟
    غير السهر والآثم وامحق دنانيـر
    لآبـد تأكلهـا وتدفـع ثمنـهـا
    تعيش وقتك والنهايـه زمهريـر
    الله مامـن جمرتـاً تحتظنـهـا
    واللي معه عقلاً وعنـده تفاكيـر
    يكبـهـا والله يغنـيـه عنـهـا
    وين الرياحي ؟ووين عبدالله العير؟
    الكل منهـم جثتـه مـن دفنهـا؟
    تبك البقوم ومثلها تبكـي مطيـر
    الوقت الاقشر بس يأمـر وينهـى
    منهم ومنهم من كبـار المشاهيـر
    تحت الحديد اللي عظامه عجنهـا
    اطفالهـم يبكـون همـاً وتفكيـر
    والكل منهم عينه بس يابس جفنها
    وأمه ماغير تبشر الورع تبشيـر
    والصبر والفرصه تعـدا زمنهـا
    كلاً محزن ينتظـر منـت الغيـر
    والناس خدمتهـم يكيـدك ثمنهـا
    خلآص هذا الموت مافيه تبريـر
    والادمي يشقـى ونفسـه رهنهـا




    والقصيده الثانيه

    ياورع لاتبكي على شئ بالجيـب
    مضمون والدنيا سمـاح وسهالـه



    حتى لو انا ناس مانعلـم الغيـب
    ابشر وتلقـى حاجتـك بالبقالـه




    انا بكيت ان كان كثر البكاء عيب
    .صدام قبلـي مابكـاء الا عيالـه



    بكيت يوم اقفو عيالي مع السيـب
    لاعـادك الله يازمـان النكـالـه



    بكيت في جده بعيدن عن الريـب
    ووسط المدينه كان فيهـا شكالـه



    الوقت هذا مثـل فـر الدواليـب
    يلعنك من شعراً ويلعـن مجالـه



    خلآص توبه عنك ماعاد بك طيب
    حتى لو الآنسان يجلـس لحالـه



    دنيا وفيها يخطي الظن ويصيـب
    حتى الردي فيها منكـس عقالـه



    من عادت الدنيا ضروف ومكاتيب
    لاوين عيشتنـا بوقـت الجهالـه



    اول هرفنا مثل مايهـرف الذيـب
    دنيا الشقى ماظـن فيهـا جمالـه



    الشعر منصب من كبار المناصيب
    لاكـن لاثابـت ولابـه زمالـه



    والله ولا قاصر فبعض الاصاحيب
    كلن على قول المثل (مثل خالـه)

    http://www.ranyaonline.com/news-action-show-id-1567.htm
     
  2. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    [​IMG]
     
  3. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    خير ما فعل
    فالمحاورات والمساجلات الشعرية لا يأتي من وراء الغالبية منها سوى المشاكل والمهاترات العقيمة

    سلمت أخوي ولد النباهين على نقلك