اعلان 1 اعلان 1 اعلان 1 اعلان 1 اعلان 1 اعلان 1


مطلوب مرافقات لأميرة بجدة

الموضوع في 'الملتقى العام' بواسطة تــهــا111ويــل, بتاريخ ‏2010-10-04.


  1. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة
    إنتشر في الانترنت إلاعلان مشبوه والغرض منه التغرير بالنساء والفتيات الصغار خاصة شوفو الإعلان ونتبهو من هذه الاعلانات المشبوهه




    هذا نص الاعلان المشؤوم اللي منتشر في المنتديات وهذي تجربة وحدة عاااانت منهم ارجو التنبيه والحذر
    (معقولة الاميرة مالقت الا الانترنت تجيب منه موظفات لا ومن المنتديات بعد )
    عاد انتم شوفوا اسم ألأميره وتعرفون انها مقلب مالقوا الا بنت هاالحلال الله يرحم حالها بس حلو ان عمرها 80 ياشين اللي يكذب اذا صرت تعرف الحقيقه


    نص الاعلان السخيف المنتشر في المنتديات




    السلام عليكم ورحمة الله وبركاته


    مطلوب مرافقات لأميرة بجدة اهم شي تكون من جدة وانا راح اوضح الدوام والراتب


    اولا الدوام 8 ساعات تتغير اسبوعيا يعني


    اسبوع من 7 الى 3


    واسبوع من 3 الى 11


    واسبوع من 11 الى 7


    والراتب من 2500 الى 3500 يحدد بعد المقابله


    واللي جادة ترسل رقمها
    اكرر لازم تكون من جدة



    الفتاة الضحية تعترف بالموضوع

    ( حسبنا الله ونعم الوكيل )




    السلام عليكم انا كتبت الموضوع هذا عشان اي وحده تشوف اعلان وظيفة المرافقات تقرا موضوعي
    فيه وحده من العضوات اسمها ريم جده مسويه اعلان ( مطلوب مرافقات لاميرة بجده)
    وانا من ظمن اللي كلمتها على هالوظيفه وارسلتلي رقمها على الخاص
    راح احكيلكم قصتي واتمنى توقف هالمهزله والفلم هذا اللي سووه
    في البدايه كلمتها وقالتلي اللي يبي الموظفات وكيل الاميرة


    واسمها البندري بنت سعود بن عبدالعزيز

    اعطتني رقم الوكيل اسمه ابراهيم الغامدي وكلمته وسالني عن اسمي وعمري سالته عن المواصلات قال يجيك السواق لغاية البيت وتروحين معاه لوحدك قلتله اوكي قال ابوك موافق على هالشي قلتله ايوه قال اعطيني ابوك وكلم ابويه وتاكد من ابويه انه موافق . هذا الكلام صار يوم السبت اللي فات
    يوم الاحد اتصل على المغرب قال باخذلك موعد من عند الاميرة عشان السواق يجي ياخذك ماتجيبين معاك احد قلتله طيب خلاص قال ابوك موافق قلتله ايوة قال دقي على ابوك وتاكدي منه دقيت على ابويه وقال ليش يسال وانا قلتله موافق انها تروح مع السواق قلت يبغى يتاكد رجعت دقيت عليه وقلتله موافق بعدين شرحلي الشروط اني البس بلوزه بيضا وجنز ازرق وانه الاميرة ملتزمه عمرها 80 سنه وتصوم الاثنين والخميس وتفطر في مكه واذا سافرت معاها تعطيني 200 ريال غير الراتب وانه الحين هي عندها مخطط توزع منه اراضي ويمكن يشملني التوزيع
    وخريجين الجامعه يقدمون عندي على وظائف واذا توظفو يعطوني نسبه من اول راتب طول الوقت وهو يغريني وقبل مايقفل قال انا بدخل على الاميرة عشان الموعد ارسلتله برساله قلتله اذا بتحددلي موعد خليه العصر او الصباح ماعجبته الرساله راح دق على ريم جده قالها صاحبتك تبغى الموعد الصباح او العصر الاميرة اصلن تصحى على المغرب
    اليوم الثالث اللي هو يوم الاثنين دقت ريم جده قالت انتي ماتبغين الوظيفه قلتلها الا ابغاها قالت طيب الاميرة تصحى على المغرب قلتلها اذا عنده اعتراض يقوله لي انا ويفهمني ام شي مايكون الموعد الساعه10 او 11 قالت لالا هذا اذا كان معاك احد تتاخرين لهالوقت بس انتي لوحدك
    رجعت دقيت على الوكل اللي هو ابراهيم قلتله اذا فيه مشكله بالوقت اللي اخترته ليش ماقلتلي رد علي بكل مسخره (زعلتي) قلتله خلاص احنا اتفقنا وانت كلمت ابويه قال طيب انتي موعدك بعد المغرب وكان وقتها تقريبا الساعه 6 وقال بس فيه كوافيره كمان لها موعد بس بدخل على الاميرة واقولها تاجل موعدك او تاجل موعد الكوافيره قلتله خلاص اوكي وردلي اخذ عشر دقايق ودق قال خليك جاهزه على اذان المغرب قلت اوك . طيب فكرو اليوم الاثنين والاميرة غالبا على حسب كلامه في مكه كيف دخل عليها وحدد موعد بعد المغرب بس انا ماكنت ادري انه اليوم الاثنين
    كلمت ابويه وقلتله انه جاي السواق على المغرب رجعت دقيت عشان اتاكد مين بيجي قال اعتقد مافي سواق بس انا بجيك معقوله اميرة ماعندها سواق؟؟؟؟
    قلتله طيب جيب معاك اثبات انك وكيل الاميره او تصريح ضحك باستغراب من طلبي وقال يكفي انك جايه من انسانه غاليه وعزيزه <<< يقصد ريم جده وسالني انتي تعرفينها ولالا قلتله لا عن طريق المنتدى قال كيف؟ عن طريق المنتدى وانا قلتلها تجيب بنات معروفات لكن خير انشاء الله قلتله اش فيه انا قلت بس طارت الوظيفه قلتله اجهز ولالا قال بشوف بشوف
    رجعت دقيت على ريم جده قلتلها ابراهيم يقول مايبغى بنات عن طريق المنتدى و....الخ
    طيب هو قفل من عندي عشان مايبغى بنات من المنتدى شوي كذا وريم دقت وقالت انتي قلتيله ان ابوك يبغى يشوف اثباته قلتلها ايوه قالت من حقه وانا قلتله من حقهم يتاكدون
    طلع الاخ زعل لما طلبته الاثبات موعشان اني من المنتدى بس يسوقها علي قالتلي ريم يمكن هو ماعجبه كلامك عشان اسلوبك قلتلها لا هو اعترض لاني من المنتدى قفلت من عندي
    وقلت لابويه خلاص الرجال يبغى بنات معروفات وطلع ابويه
    اذن العشا ودق عليه وقال فين ابوك قلتله طلع ليش ؟ قال عشان يشوف البطايق قلتله والله طلع قالتلي عمتي قوليه انا بشوفها قلتله البطايق انا بشوفها قال طيب دقايق وانا عندكم عند البيت قالتلي عمتي خلاص مدام معاه اثبات معناته صادق لانه احنا شاكين فيه مومرتاحين له
    لما وصل دق ونزلتله شفت البطايق وحده هويه والثانيه ممسووحه قديمه منتهيه صلاحيتها من عام 1427 قلتله منتهيه هذي قال يابنت انا قد ابوك لاتخافين وانا البطاقه ماعد جددتها والسياره قديمه من عهد جدي وكيل وسياره قديمه شكيت فيها والله شكله شكل راعي غنم حتى الثوب معفن توكلت على الله وطلعت من اول ماطلعت وانا استغفر وادعي انه اذا ناوي على شر الله يبعد شره عني وقام يتفلسف طبعا في موضوع ريم جده الراتب من 2500-3500 هو قال راتبك بيكون 5000 وسالني عن هويتي قلتله ماهي معايه واصلن معايه في الشنطه بس مابعطيه وقلتله ليش ماطلبت مني الشهاده قال مولازم انتي بتسوين مقابله بس هذي بعدين وطول الطريق يسويلي اغراءات مشي مكان اول مره اشووفه مافي ناس هدوء وشفت فيه محطه ووقف عند قصر قال هذا قصرها وسوا نفسه يكلم جوال هذا نص المكالمه ( الو السلام عليكم انا معايه البنت عشان المقابله ..كيف؟ انتو طلعتو ؟ طيب والبنت بالله اعطيني الاميره بكلمها اقولك عطيني الاميرة؟ الو السلام عليكم طال عمرك معايه البنت كم باقي وتوصولون طيب مع السلامه الله يحفظك ) طبعا انا شفت الجوال كان كذاب ماتصل ولا حاجه قال الاميرة تتمشى في مركز الجمجوم 20 دقيقه وتجي مشي بالسياره ودخل في لفه هدووووء مره وطلع طلعه زي الجبل وظلااام ماتشوفين يدك وقلبي يدق بموت من الخوف شكله كان بيوديني استراحه مليانه شباب ولا ارض فاضيه افتكرت انه فيه محطه شفتها قلتله انا عطشاانه ابغى مويه قالي ابشري وقف عند محل قهوة وطلب قهوه تركي قلتله ابغى بطاقة شحن ماعد عرفت اش اسوي ابغى اطلع من السياره موراضي يخليني اطلع قلتله ابغى بطاقه ضروري خليته لما دار ظهره فتحت الباب ونزلت ودخلت البقاله ولزقت بواحد الله يجزاه خير ووقفلي تاكسي
    رجعت البيت وكلمت ريم هذي وكنت معصبه وهي متفاجاه من اللي صار انا مابغى اضلمها يمكن متفقين مادري عنهم قالت هذا وكيل له عشرين سنه وتقول الاميرة كانت في مكه ووصلت وكان ليكي موعد قلتلها الرجال يقول في الجمجوم ويقول كان الموعد بعد المغرب كيف كذا وهي في مكه بس الحمدلله الله نجاني منه وانا تصرفت بس في الاخير
    وفيه بنات يدقون عليه واكيد راحو فيها الله لايوفقه دنياواخره وحسبي الله ونعم الوكيل




    وهالحركات صارت منتشره هالايام في المنتديات والايميلات لاصطياد الفتيات وابتزازهن من خلال الحاجة
    (حسبي الله ونعم الوكيل )


    منقوووول للحذر
     
  2. رَذَاذ

    رَذَاذ مراقبة عامة مراقبة عامة

    7,506
    0
    36
    ‏2010-01-27
    ارشادية
    /

    //

    ///

    لا حول ولا قوة إلا بالله ...

    حسبنا الله ونعم الوكيل في كل مبتز لأعراض فتياتنا ...

    جزاك الله خير يالغلا
     
  3. kkaa123

    kkaa123 عضوية تميّز عضو مميز

    ‏2008-06-09
    معلم
    يقولون القانون لا يحمي المغفلين
    وكذلك يقولون القانون ما وضع إلا من أجل المغفلين

    !!!
     
  4. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة


    يجزاني ويجزاك الخير

    لاهنتِ
     
  5. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    وش مغفله الله يهديك
    لو ما الحاجة ماضنتي تنقز وتنسى انها ممكن تكون خدعة
     
  6. عيوون ساجدة

    عيوون ساجدة مراقبة إدارية مراقبة عامة

    9,225
    0
    36
    ‏2010-03-02
    مـ ع ــــلمه


    حسبنا الله ونعم الوكيل في كل مبتز لأعراض فتياتنا ...

    وجزاكـِ الله خيراّ

     
  7. شذى الورد.

    شذى الورد. عضوية تميز عضو مميز

    7,469
    0
    0
    ‏2010-05-29
    معلمة
    يالله معقول كذا وصل فيهم الحال في التضليل والخداع واستغلال حاجات الناس

    والله قصة تخوووووووووووف

    يسلموووووووووو تهاويل
     
  8. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    يجزاني ويجزاك الخير

    لاهنتِ
     
  9. تــهــا111ويــل

    تــهــا111ويــل تربوي مميز عضو مميز

    6,990
    0
    0
    ‏2008-01-27
    طالبة

    يسلمك ربي من كل شر

    لاهنتِ
     
  10. مذهله

    مذهله مراقبة عامة مراقبة عامة

    7,201
    0
    36
    ‏2009-02-12
    معلمة
    لاحول ولاقوة الابالله العلي العظيم
    معقول وصلو بالدناءة لهذا الحد
    والله قلبي عورني على بنات الناس
    الله يستر على اعراضنا
     
  11. وردة الربيع

    وردة الربيع تربوي جديد عضو ملتقى المعلمين

    57
    0
    0
    ‏2009-05-13
    معلمه
    الموضوع باين من بدايته لا تجبين معاك أحد !

    ليش ما تجيب أحد يضايقون الأميره !!!!!!!!!

    ما أدري ناس كيف يفكرون

    الله لا يبتلينا
     
  12. kkaa123

    kkaa123 عضوية تميّز عضو مميز

    ‏2008-06-09
    معلم
    لا نعلم صدق تلك القصة من كذبها
    ولكن تبقى أن المرأة معرضة للإبتزاز في أي مجتمع
    ولكن بهذه الصورة الواضحة فعلا أستغرب ذلك التفكير بل حتى من أبوها
    وأكاد لا أصدق القصة وذلك من سرد الأحداث فيها

    لذلك فعلا أنا عند قولي كانت حماقة منها وغباء
    ومعذرة لوضوح رأي

    وشكرا لك على النقل
     
  13. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    لاحول ولا قوة الا بالله


    الله يستر على محارم المسلمين

    من كيد الاشراااااااااااااااااااااااار
     
  14. سحرالعتيبي

    سحرالعتيبي تربوي جديد عضو ملتقى المعلمين

    240
    0
    0
    ‏2008-11-29
    معلمة
    الأنترنت اسهل مصيده لضعفاء النفوس
    والحاجه قد تجعل بعض الفتيات يقبلن عمل دون تفكير
    الله يستر على كل مسلم ومسله
     
  15. أمـ نــــواف

    أمـ نــــواف تربوي جديد عضو ملتقى المعلمين

    182
    0
    0
    ‏2010-07-16
    معلمه
    الله يهديها هي وابوها معطين عقولهم إجازه إن كانت فعلاً القصه واقعيه ..
    مع اني احسها تأليف
     
  16. دلوعة

    دلوعة تربوي جديد عضو ملتقى المعلمين

    16
    0
    0
    ‏2010-09-30
    معلمة مع وقف التنفيذ
    حسبي الله عليهم...معقولة فيه ناس بذا التفكير..
    وفيه وحدة تركب مع واااحد كذاا ........لاحول ولاقوة الا بالله
    لو انا زيها بقولة انت ليش ماتجي انت والاميرة تشتغلون عندي
    سواق وشغالة...واعطيكم راااتب افضل ..واوفر عليكم البحث في المنتديات ..
    (قال اميرة قال)..الله اكبر
     
  17. أم فدوى

    أم فدوى عضوية تميّز عضو مميز

    2,135
    0
    0
    ‏2010-03-22
    معلمه
    شكرررررررررررررررررا
     
  18. kkaa123

    kkaa123 عضوية تميّز عضو مميز

    ‏2008-06-09
    معلم
    أم فدوى
    لا يكون النية
    تقدمي للوظيفة :)