اعلان 1 اعلان 1 اعلان 1 اعلان 1 اعلان 1 اعلان 1


حال الأسرة السعودية في يوم الاربعاء

الموضوع في 'ملتقى إستراحة الأعضاء' بواسطة أبلة إنجليزي, بتاريخ ‏2010-10-13.


  1. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي

    واحد يحكي معاناتة يوم الأربــعاء.


    بالبداية نص رسايل جوالي من العصر : جب خبز .. جب زبده .. جب دريم ويب .. جب وجب

    وبعد المغرب يقلب البيت استاد الملك فهد:36_7_7[1]:
    بزارين فوق الثلاجة
    بزارين فوق الخزان
    بزارين تحت السيارة
    ستة يلعبون كوره وكل ما كسروا لمبه صاحووااا .. قزاز .. قزاز .. البسوا نعال
    بزارين توهم يمشون كنهم بطاريق تلقاهم في كل مكان .. وكل شوي فاقدين واحدويدورونه

    ودك تجيب لك كرتون تايد وتحطهم فيه وتفتح لهم فتحه يتنفسون معها .. وعلى سوق الحمام سيدا تبيعهم الواحد بتسعه ونص <=== مسوي لكم عرض بعد ههههههههههه

    وكله كوم واذا جاك بزر يتفل ..
    تسلم عليه ... يتفل
    تهاوشه ....... يتفل
    تطقه ......... يتفل
    يروح لامه يصيح ... ويتفل عليها
    لعنبوووه ما تخدر براطمه ابد من التفال
    بس حليت مشكلته وبديت أحط له زنجبيل .. ومن عقبها ضبطت وزنية الدينمو حقه :>
    صار قبل لا يتفل يسأل .. عندك زنجبيل وإلا خلص ؟؟!؟ ))

    والا اذا جاك ثنين اخوان يتلاعنون ..
    الاول يلعن ابووك ..
    ويرد الثاني يلعن ابووك انت

    والا اذا شفت لك عيال مجتمعين على مقطع جوال مع واحد منهم واذا شافوك .. ماتشوفه الا غبرتهم ونعال تطاير ...
    لابووكم عيال دشييييير

    واذا دخلت للبيت .. يبدا استقبال الشكاوي << اخص يا صاحب السمو الحــركي

    اولا المبزره :
    -شف هذا يطق
    -تعال فلان يقول عسى مايفوز الهلال الليلة<<<بيتصفق
    -فلان كفشتة يتتن <<<أحلى ياللي ماقد مسك سيقارة
    _تعال شوف فلان كسر يد البلاي ستيشن<<<مشيها عاد لاتدقق:36_7_8[1]:

    ثانيا الحريم :
    شف فلان تراه سوا كذا وكذا .. وذاك يقعد يصيييح خايف
    وحدة تقول..إلا ماودكم نحط العشاء
    والثانية ترد..أبو عبدالله جاء<<تسأل عن رجلها اللي مطنشها مايرد على جواله
    وحده جاية من المطبخ ...وبيدها صحن حب..وتحط بيدك كنك شحاااات
    وحده من خالاتك والا خواتك والا عماتك تأكل ولدها وهو ما وده ياكل وتقوولك تعال شفه ما ياكل << وش دخل امي انا :36_1_4[1]:

    ذا الوقت تهيض <<<< تحس انك جلاد البيت
    والا سبع البرومبه :36_6_7[1]:

    والابو قاعد في المجلس وجادع الشماغ
    وييصارخ ... حطوووو العشاااااااا:36_1_51[1]:

    وبعد العشا
    رز في كل مكان في البيت
    حتى مخابيك تلقى فيها رز



    يبدأ يعم الهدوووووء

    سيارات تحمل من عند بابكم
    وراعين يمشون للسيارة وهم نايمين<<<حشى صارت أمراض نفسية
    :36_1_50[1]:
    وشغالات محملين بسلات وصياني

    وأنت تستنى متى يخرج أخر فووووج على شان تسكر على عمرك بالمقلط وإلا بالملحق وترتاح للساعة عشرطعش يوم الخميس:36_1_16[1]:



    ^^^^^^^^^^^ تحيااااااااتي
    وأربعــاء سعيد على الكل
     
  2. لآلئ الجُمان

    لآلئ الجُمان تربوي جديد عضو ملتقى المعلمين

    2,119
    0
    0
    ‏2009-09-26
    معلمـــــــــه
    هذا حالنا يوم الخميس عند اهلي
    والحمد لله عندي بنوتات هاديات
    اسعدك المولى اين ما كنتي ..!
     
  3. * أبو عبدالملك *

    * أبو عبدالملك * عضوية تميّز عضو مميز

    7,861
    0
    0
    ‏2009-04-23
    مــعــــلّــــم
    [frame="2 80"]
    خربطة تحكي واقع مرير لصاحب البيت ..

    كلش إلا الرجّة .. ما أقدر عليها بالمرّة ..

    أحب الهدووووووووووووووء .. ..

    يسلمو أبلة .. متألقة كالعادة ..
    [/frame]
     
  4. شامخه رغم الانكسار

    شامخه رغم الانكسار عضوية تميّز عضو مميز

    1,227
    0
    0
    ‏2010-09-23
    على باب الله
    أنشهد أنه حااالنا مو الاربعاء بس الخميس والجمعة بعد

    مانصدق يجي السبت الهدوووء

    يعطيك العافية ابلة
     
  5. عزوة أهلها

    عزوة أهلها عضوية تميّز عضو مميز

    981
    0
    0
    ‏2010-08-20
    تجاربي في الحياااة
    عز الله صااادقة هذا هو الحااال
     
  6. حرف آآخ ـــر

    حرف آآخ ـــر <p><font color="#008080"><span lang="ar-sa">الراقي عضو ملتقى المعلمين

    19
    0
    0
    ‏2010-07-16
    عفْسَة x عفْسَة
    يعني الشغلة كلّها معفوسة فوق حدر
    شكرآآآ ...
    ..
     
  7. فيصل الجهني

    فيصل الجهني المشرف العام عضو مجلس الإدارة

    5,862
    0
    36
    ‏2008-07-07
    معلم
    وكله كوم واذا جاك بزر يتفل ..
    تسلم عليه ... يتفل
    تهاوشه ....... يتفل
    تطقه ......... يتفل
    يروح لامه يصيح ... ويتفل عليها


    يسلمو مي على الموضوع النايس

    عاد العيال دوبهم متجهزين للهجوم على بيت جدهم

    توي حسيت معاناتهم لا ولا جاء عصر الثلاثاء كل اسبوع يدقون

    لا تنسون بكرة ننتظركم
     
  8. !! الـريم !!

    !! الـريم !! عطاء بلا حدود عضو مميز

    8,737
    0
    0
    ‏2010-02-23
    ماحصلش الشرف
    بلاهم من كثر الاماكن الترفيهيه

    يسلمووو ابلة موضوع حلو
     
  9. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    عاد الله يعين اللي عنده ثنتين بجد يتبهذل
    من يرضي ومن يخلي

    الله يعينه


    بجد هذا حال الكثير تسلمي الريم
     
  10. عشق بدوي

    عشق بدوي تربوي جديد عضو ملتقى المعلمين

    277
    0
    0
    ‏2010-10-11
    معلم
    مو على كل حال

    تنطبق على المتزوجين

    لكن حالاتي مافيه
     
  11. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    معااناة وصخب توجع القلب وتصدع الرآآآس
    مشكلة بعض البيوت يحتاج فيها بعض الكباار لتهذيب السلوك
    علشاان الاطفاال يسلكون منهجهم...

    تسعد روحك عنجليزيه
     
  12. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~
    الوضع مأسآوي يا ميوش مآفيش امل يتعدل.. [​IMG]
    يسلمووو يالغلا
     
  13. أمـ نــــواف

    أمـ نــــواف تربوي جديد عضو ملتقى المعلمين

    182
    0
    0
    ‏2010-07-16
    معلمه
    يازينها اتمناها عسى الله يجمعني بااخواني وحريمهم ويرحم امي وابوي ويجعل الجنه مثواهم
    تراها نعمه ياللي مسمينها وضع مأساوي ومايحس بها الا اللي فاقدها ..
     
  14. عيوون ساجدة

    عيوون ساجدة مراقبة إدارية مراقبة عامة

    9,225
    0
    36
    ‏2010-03-02
    مـ ع ــــلمه



    الله لايخليناااااا
    من لمّة الأهل والأحبااااااااب
    ويجمعناااااا فيهم قريب...
    يسلموووووو
    عسووووووووولهـ...
     
  15. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ول .. وش هالبيت الي فيه كل هالحويسه والرجه .. هذولي حتى مجلس الأمن مايقدر يحل مشاكلهم ..!

    تشكرات أبله e
     
  16. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    ألف تحية وشكر لكل من مر هنا 111
    لاهنتو جميعآ عالردود الحلوة
     
  17. البدووور

    البدووور مراقبة عامة مراقبة عامة

    10,494
    0
    0
    ‏2009-02-21
    معلمة ..
    والله ان الاجتماعات ونااااسه :36_7_8[1]:
    الله يديم المحبه بين الأهل:36_3_1[1]:
    تشكرااات موضوع رائع بروعتك أبلة:36_15_4[1]:
     
  18. ناصر الرحيل

    ناصر الرحيل عضو مجلس إدارة الموقع عضو مجلس الإدارة

    ‏2009-01-16
    معلم
    يا زين ايام الاسبوع

     
  19. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    بلا حسيب و لا رقيب للبزران المهيطية هدهم الله
    يسلمووووووووووا أبلتنااا على الموووضوع النااايس
    وعوودتي علينااا أيااام أولا يا بــعــــــــ..............!
     
  20. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    وبعد العشا
    رز في كل مكان في البيت

    حتى مخابيك تلقى فيها رز



    يبدأ يعم الهدوووووء

    سيارات تحمل من عند بابكم
    وراعين يمشون للسيارة وهم نايمين<<<حشى صارت أمراض نفسية
    :36_1_50[1]:
    وشغالات محملين بسلات وصياني





    مؤسفة ومتكرره
    ومع هذا يا حووووبي للشعب السعودي ومبزرتهم وعفستهم
    عشان كذا ربوعنا غير وفلة