اعلان 1 اعلان 1 اعلان 1 اعلان 1 اعلان 1 اعلان 1


واقفيت من عنده على صوت بابـه..

الموضوع في 'ملتقى بــوح الأقــلام' بواسطة أمير الليل, بتاريخ ‏2010-11-04.


  1. أمير الليل

    أمير الليل قَيدُ.. لَم يُكـسْر~.. عضو مميز

    2,295
    6
    38
    ‏2009-07-04
    ذكر
    .
    .
    .
    .
    .
    .
    .
    .
    .
    .
    سبحان من يرزق بتوع الملاييـن
    الرازق اللي ما يخيب الرجـا بـه
    لي عم عنده معـرضٍ للصواليـن
    أموت واعرف بس من وين جابـه
    وإذا سألته قـال بعـت الدكاكيـن
    ما يدري إني ما هضمت الإجابـه

    الشاهد إني رحت له قبـل يوميـن
    في قصره العامـر ودقيـت بابـه
    قال ارحب ارحب عدّ ورد البساتين
    يا مرحبا باللـي لفـا يـا هلابـه
    قلت البقا عـدّ النفـل والرياحيـن
    يا شيخ شمل اهل الكرم والذرابـه
    قال اسلم الله يحفظك لي من العين
    وآمر أوامر حضرتـك مستجابـه

    قلت الصراحة طالبٍ قرب غاليـن
    ودي تزوجنـي كريمتـك يـابـه
    ثنّى وقال اهليـن والله وسهليـن
    والكون ترخص لجل عينك رقابـه
    لكن ترا عندي شـروط وقوانيـن
    قلت اشرط اشرط يا حبيب الغلابـه

    قال أولاً مهر العروسـة ثمانيـن
    غير الرسوم وغير حق العصابـه
    والثانية عمك يبي منـك سبعيـن
    رسم الأبـوّة والنسـب والقرابـه
    وام العروسة حقها منـك ستيـن
    عشانها ست الحسـن والمهابـه
    واخوانها كلن يبي منـك خمسيـن
    عداً ونقـداً تنـدرج فـي حسابـه
    وخواتها الخمس اعطهن من ثلاثين
    عشان تتوثـق عـروق النسابـه
    وتجيب طقم عيار واحد وعشريـن
    وخاتم من الماس المصفى ترابـه
    واكياس متروسة كعوب وفساتيـن
    ألوانهـا واشكالهـا مـا تشابـه
    وموتر بسواقـه وفيـلا بدوريـن
    أثاثهـا مـن بطرتـه ينحكـابـه
    واحجز لنا قاعة بقصر السلاطيـن
    واحجز بهـا رقاصتيـن وربابـه
    وامنع دخول اهل اللحى والبزارين
    واعزم أميـر المنطقـة بالنيابـه

    هذي الشروط اللي على بالي الحين
    وذكرني اللي ما حسبنـا حسابـه
    قلت اذكر الله يا عـدو المساكيـن
    واستغفـره لا يبتلـيـك بعـذابـه
    الظاهر إنك منت عارف أنا ميـن
    أنا لو ارقا فـوق متـن السحابـه
    ما جبت حتى نص درزن مواعيـن
    واضحك بكيفك واعتبرهـا دعابـه
    شروطكم هذي شـروط المجانيـن
    شروطكم شغـل ابتـزاز ونهابـه
    شروطكم تقصم ظهـور البعاريـن
    شروطكـم همّـن وغـم وكآبـه
    شروطكم والله سيوف وسكاكيـن
    تذبح بنات المجتمع مـع شبابـه
    وين الرضا والعطف واليسر واللين
    اللي ذكرهـا الله بمحكـم كتابـه
    وين الصفات اللي أمرنا بها الديـن
    وين اختفى نهج النبي والصحابـه

    يا عم جعل اللي خلقنا من الطيـن
    يرد عقلك مـن خطـاه لصوابـه
    ويجعل نصيبي عند غيرك قل آمين
    ويحسن عزا الصابر ويجزل ثوابه
    قال انت لو فكرت تفكير صاحيـن
    ما شفت في مجمل شروطي غرابه

    حنا بعصـر العولمـة والمزاييـن
    ماهوب عصر الفلسفة والخطابـه
    الناس تسعى للرتـب والنياشيـن
    وانت اهتمامك بالشعـر والكتابـه
    والشعر ما ينفعك لو هو دواويـن
    ما دام جيبك مثـل بيـت الخرابـه
    يا بوك لا تسمع كلام المصاخيـن
    واسأل مجرب عاش في وسط غابه

    قلت الله اكبر يا محـرر فلسطيـن
    من يسمعك يحسبك ذيـب الذيابـه
    تراك شايب راس مالـك رياليـن
    والبنت ما تسوى جنـاح الذبابـه
    قال انقلع مالت على وجهك الشين
    لا عاد اشوفـك عندنـا يالزلابـه
    قلت ابشر ابشر لكن الباب من وين
    واقفيت من عنده على صوت بابـه..



    أبيااات ممتعة...
     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    صح لسان شاعرها

    عزالله حبكة شاعر

    لاهنت أخوي على

    روووووووووووووعة الانتقاء
     
    آخر تعديل: ‏2010-11-04
  3. عذبة المعاني

    عذبة المعاني مراقبة إدارية مراقبة عامة

    24,882
    40
    48
    ‏2009-01-10
    أنثى
    ..............
    هههههههه
    فعلا ممتعه
    يسلم نبضك وأحسااسك
     
  4. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    وين الرضا والعطف واليسر واللين
    اللي ذكرهـا الله بمحكـم كتابـه

    وين الصفات اللي أمرنا بها الديـن
    وين اختفى نهج النبي والصحابـه


    *
    ولو أن كل واحد طبق تعاليم ديننا الحَنيف
    لما وصل به الحال لما نراه من الإِبتزاز
    المستنكر في مجتمعنا بصفة خاصة
    يحمّلون الناس مالا طاقة لهم به والله المستعان

    ذائِقة فريدة من نوعها
    صح لسان القااائِل وسلِم لنا الناااقِل
     
  5. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    اتتقاااء رااائع
    يحمل قصة وحكم من الحياااة ..

    اطيب التحااياا والامنياات
     
  6. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    ههههههههههههه
    نهاية مؤلمة

    كلّها من أوّلها حتى آخرها معبّرة

    شروطكم هذي شـروط المجانيـن
    وهذا اللي خلّا العوانس ببيوت أهاليهم مكدّسين


    أعجبتني البداية
    طلع العمّ تاجر وما صار تاجر من بيع الدكاكين
    إلا من بيعة الأخوات الخمس اللي قبل البنت اللي يخطبها

    ولا زال ياخذْ عليهن فوائد كلّ ما زوّج واحدة جديدة

    برفيسور
    أمتعتنا بهذا النقل الممتع بحقّ
    سلمتْ
     
  7. أمير الليل

    أمير الليل قَيدُ.. لَم يُكـسْر~.. عضو مميز

    2,295
    6
    38
    ‏2009-07-04
    ذكر
    تسلمون جميعا على المرور..
     
  8. رَذَاذ

    رَذَاذ مراقبة عامة مراقبة عامة

    7,506
    0
    36
    ‏2010-01-27
    ارشادية
    والله مشكلة :)

    شكرا لك بقايا ..
     
  9. أمير الليل

    أمير الليل قَيدُ.. لَم يُكـسْر~.. عضو مميز

    2,295
    6
    38
    ‏2009-07-04
    ذكر
    العفو .. رذاذ

    جورياااات لحضورك الراائع..