اعلان 1 اعلان 1 اعلان 1 اعلان 1 اعلان 1 اعلان 1


الريم اللعوب والرد الذي ازعل حــــامد زيد

الموضوع في 'ملتقى بــوح الأقــلام' بواسطة أبو لمى الغامدي, بتاريخ ‏2010-11-26.


  1. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    هذه قصيدة للشاعر حامد زيد العازمي


    (( الريم اللعوب ))

    واعيني اللي كل ما ذعذع من الغربي هبوب
    يحلى لها لون الغروب اللي يذوب أقبالها



    ويا ويل حالي كل ما يحلى لها لون الغروب
    تطري لي الريم اللعوب وسالفة ترحالها


    وعزالله اني كل ما تطري لي الريم العوب
    حرمت أمد إدي على حاجه وانا مقوا لها


    من سافرة ريم الفلا صديت عن كل الدروب
    ما هو قصور بالعذارى بس ذيك لحالها


    من فارقتني ما خطف قلبي من الحور محبوب
    ولا لقيت الجادل اللي تستحق أحيا لها


    لان القلوب اما وفت لحبابها ماهي قلوب
    والعشرة اللي ما ترد الروح ما نسعى لها


    أما الوفا اللي يستر الرجال من كل العيوب
    والا الجفى اللي يستر اعيوب العرب في رجالها


    مقسى من افراق الجنوب الا فراق اهل الجنوب
    ويلي على اللي كل ما تزعل تشد ارحالها


    اللي مذيرها العتب لا شبت بصدري شبوب
    عييت أراضيها وهي عييت تطول بالها


    كانت معي مثل النصيب يحدني من كل صوب
    كانت دروبي من متاهات الضلل لظلالها


    كانت هروبي لا شعرت إني بحاجه للهروب
    كانت سماي اللي ليا ضاقت علي الجا لها


    ليه تحداني وانا في كل الاحوال مغلوب
    ليه أحرمتني من قهر عذالي وعذالها


    ليه اتجاهلني وانا ماني جبان ولا كذوب
    ليه أرخصت دمعي وانا اللي ما بكيت الا لها


    ما ترحم اللي له سنه كنه على النار محطوب
    ما هزها دمع الفقيد اللي بكته أطلالها


    ما خافت تهدم السنين اللي بنتنا طوب طوب
    ما فكرت تشفق على حالي وترحم حالها


    قولوا لها لو ما تذوب أنا بخليها تذوب
    قولوا لها لو ما عنت لي مستعد أعنا لها


    اليا ادمحت لي هلخطاء بدمح لها كل الذنوب
    وان جابت الحسنه معي تبشر بعشر أمثالها


    أفرش لها صدري وطن واجمع من اضلوعي شعوب
    وارقأ لها لمكانها اللي ماحدا يرقا لها


    ان كانني مخطي فنا ماني خلي من العيوب
    الذنب يغفر والبشر تجزى بقدر اعمالها


    البعد قاسي والفراق يضيق الصدر الرحوب
    وآنا تعبت أدور الحيله وارد احتالها


    قولوا لها ترجع ترى ماتي على الحزن مغصوب
    و الا ترى نذرا علي انه مهوا بشوا لها


    أما تجنبها هلهبال وتترك البعد وتتوب
    وإلا بتبشر بالهبال اللي مهو بهبالها


    كافي زعل ترا الظروف مقفله من كل صوب
    وآنا حملت من الهموم أنواعها واشكالها


    يكفيني اني كل ما هبت على صدري هبوب
    أتحن عيني للجنوب وتلتفت بالحالها


    والمشكله اني كل ما حنت عيوني للجنوب
    تطري لي الريم اللعوب وسالفة ترحالها


    وعزالله اني كل ما تطري لي الريم العوب
    حرمت أمد أيدي على حاجه وانا مقوا لها



    وهذه قصيدة الرد



    الشاعر اللي قد فتح باب المشاكل والشغوب
    واهدا لنا من جعبته حيه نشوف انيابها


    اقوى الردود يجيك ينشب لك نشوب
    هذي سحابة غيث دوك و أشرب مابها


    نسيت ياحامد وش اللي ينتظرنا في القلوب
    والنفس تمشي وتتخبط تشيل اكتابها


    لو تستحي ما يوم تطعن في الجنوب
    ما يازن الكلمة ضعيف العقل قبل يقولها


    وان كان في داخلك هرجه يا كذوب
    عندي لها الطب الذي يمنعك من شيطانها


    والله لا توبك عن هرجك الين انك تتوب
    ونك لتلعن فكرتك وتلعن اللي جابها


    واني لولع فيك بالنيران حتى انك تذوب
    واني لجازي غلطتك هذي بعشر أمثالها


    واني لبين قولك المنسوج لخداع الشعوب
    ياللي تدس السم فبياتك وتتسلى بها


    الناقصه قد جبتها واخترتها لك يالعوب
    شيدت ابيات الرذيله والخنا أطنابها


    رضيت تمشي بالخطاوي في متاهات الدروب
    رضيت تنطح ناس ما يوما ابد تقوى لها


    وين أنت رايح ياخبل اليوم تكفير الذنوب
    أذنين ما تسمع كلام وعوين تعمى ابصارها


    هذي الجنوب وش عرفك وش هي الجنوب
    أرجالها تطحن أعاديها تجر اشنابها


    معروفة بالباس والاقدام فيام الحروب
    حنا هل الطولات والنيران من شبابها


    يوم اللقا نجيك من كل حدب وكل صوب
    نارد حياض الموت ما تنجا ولا نشقى بها


    وسلاحنا يوم المعارك يضلي له شبوب
    يحرق قلوب اللي يفكر ينتهك محرابها


    والعرض يا حامد يجي دونه رجاجيلا وبوب
    فتاتنا رمز العفاف والطهر راس اموالها


    نومن بان الناس تفنى والكفن ماله جيوب
    ندرا على ضيفاننا والخير دايم فالها


    نوبا اقول انك هبل واقول ما يفهم بنوب
    وارجع اقول الله يشافي النفس مما جالها


    شعرك يبين معدنك ولانت بكفو لهل الجنوب
    من لا يعز النفس يستاهل وهو يرضا لها


    ابيات شعرك صنع ادينك طوب طوب
    جمعت انواع الفضايح دقها واجلالها


    وينك نهار الحرب ما اشوفك وثوب
    وين الطناخه والوفا يوم دق طبولها


    بالامس هذي جرتك خايف شحوب
    شارد وتارك ديرتك في حالة يرثى لها


    عارفك في يوم الشدايد دوم تختار الهروب
    القول غير الفعل والخيبة تجر اذيالها


    نسيت يوم الحرب وكل اتجاهاتك جنوب
    أصل العرب يالعازمي كانك من آصالها


    يالعازمي باعلمك المرجله ماهي بثوب
    تلبس وتنزع بي وقت ولا يدرا لها


    المرجله فعل المطنخ بيام الخطوب
    ماهي بذكر المحصنات أوصافهاو أشكالها


    تفخر بشعرك يوم تسقيه الرذايل و العيوب
    كلمه خبيثه عيبت حامد يومه قالها


    الذنب ما يغفر الا لرجالا يتوب
    ويوم القيامه تشهد ايدنك على شيالها


    هذي بدايتنا مع اللي يدور للشغوب
    الحيه اللي جبتها خلاص شلنا أنيابها


    خلك على حد التفاهه ولاغاني ياطروب
    والا الفرس لانت سايسها ولا خيالها

     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    حامد زيد

    شاعر لا يختلف عليه اثنان

    وقصيدة (( الريم اللعوب ))

    من روااااااااااااااائع حامد زيد

    شكرا ً على انتقائك الرائع يا ابالمى
     
  3. ليالي

    ليالي عضوية تميز عضو مميز

    6,301
    0
    0
    ‏2010-05-01
    إداريه
    رااااااااااائعه جداً
     
  4. §* [ شمـــوخ أنثى ]* §

    §* [ شمـــوخ أنثى ]* § عضوية تميز عضو مميز

    6,179
    0
    0
    ‏2010-05-22
    """"
    حامد زيد شاعر رائع وقصائده تشهد له...
    ومن حقه يختار قصائده كأي شاعر...
    شكرا أبو لمى..
     
  5. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره

    مهما شهدنا فشهادتنا في حامد مجروحه

    ماجد شكرا على حضورك المشرّف
    لاحرمت تواجدك