اعلان 1 اعلان 1 اعلان 1 اعلان 1 اعلان 1 اعلان 1


ابن فطيس ( ماهـو بكفـو الوقـت حبـك يمحـيّـه )

الموضوع في 'ملتقى بــوح الأقــلام' بواسطة عبــدالله الشــريف, بتاريخ ‏2011-01-04.


  1. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    ماهـو بكفـو الوقـت حبـك يمحـيّـه
    ياللي تخاف صـروف الايـام تمحـاه
    ارتـاح ..مـادام المواصـل يقـوّيـه
    انت انت..وانـا انا..وقلبـي هـو ايـاه
    حتـى ولـو بتغيـب ذكـراك تكفـيـه
    ياواحـدٍ تكفـي عـن النـاس ذكــراه
    حبـك علـى رملـة خفوقـي مواطيـه
    ورياح عذلني عنك مـا تمسـح خطـاه
    واللي يعـذل القلـب عـن درب غاليـه
    الله بمـا يـبـلا الموالـيـف يـبـلاه
    اخفيـه يابالفـيـت والـحـال يبـديـه
    ادنـاة واحـد ينظـر الحـال يـقـراه
    مخفيـه فيـه ومعتنـي ٍ بـه وحاميـه
    من كـل عيـن ٍ ودهـا تنـزل حمـاه
    قلب ٍ يحبـك والهـوى الـذرب ماليـه
    كانـك مكذبنـي ؟؟ بعينـك تـحـلاه
    شـرط ٍ تشوفـك فيـه منـت بحواليـه
    ويمكن تشوف ديـار واماكـن ارعـاه
    وبتشوف بـه تمثـال والوقـت هاريـه
    وبتشـوف زرع ٍ ميـت وواقـفٍ مـاه
    وبتشوف جـرح ٍ فيـه سكيـن راعيـه
    راح ونسـى السكيـن والجـرح ينخـاه
    وبتشوف حصن ٍ عـج الاقـدار سافيـه
    وبتشوف باقـي بيـت راعيـه خـلاه
    لا تنزعـج هـذا خفـوقـي وباقـيـه
    ولا تضايـق مـن تصـدع زوايــاه
    قـد زلزلـه فرقـا وهـزت عراويـه
    والله ستـر والحـظ عـانـه وعـافـاه
    وكانه صلح لك واعجبك زيـد تبنيـه؟
    ابـنـه وجـهـز للمقابـيـل مبـنـاه
    ابغيـك بـس مـن المفـارق تداريـه
    وازهل من يـداري شعـورك ويـدراه
    وحلـل وحـرم فيـه يابـرك بلاويـه
    وحلّه وراع رضاي ورضاك ورضـاه
    جعلك بعد بعض الوجيه ... امحق وجيه
    نـاس ٍ مراتعـهـا الرفـيـق بتقـفـاه
    انـواع واخطـر نـوع مانـي بناسيـه
    نوع ٍ علـى تفريـق الاثنيـن مسعـاه
    تلقـاه دوم وكــل يــوم ٍ تلاقـيـه
    والى بغيتـه صـدق مـا عـاد تلقـاه
    ولا انت ردك كل مـا ادعيـك.. لبيـه
    انشهـد ان منتـوا بفيعيـنـي اشـبـاه
    منت بمع العالم ولا تقـول لـي.. ليـه
    انت ادرى منـي وش جوابـي وفحـواه
    كذيـه... ومـن الله يـازيـن والـيـه
    واغلا طـروش القلـب ودواه مـن داه
    الحلـم ياتينـي بـزولـك واراعـيـه
    وفـي كـل حلـم اقـوم قبـل اتحفـاه
    اعشق سميـك فـي البزاريـن وادعيـه
    واقبـل خطـاه الـى اخطـا واتلـقـاه
    واسمـك يروعنـي الـى مـر طاريـه
    واحـب ملقـوف ٍ يسولـف وطــراه
    وامـر بيتـك مـن بعيـد ٍ ولا اجيـه
    وانـا لونـه فـي يـدي مـا اتـعـداه
    حتى (توايـر) (موتـري) تلتفـت فيـه
    تبغي تلـف ويستحـي العقـل والجـاه
    وصلك يخيط الصـدر والبعـد يفريـه
    ويابري حالـي كـان صديـت بريـاه
    ويلي علـى ادري حبنـا ويـش تاليـه
    وويلي على ادري وش ورى الغيب ويلاه
    عشـان اشـوف اذا محبتـك ..ترفيـه
    والله لا اقفي عنـك استغفـر الله


    محمد بن حمد بن فطيس المري
     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    قصيده رااااااائعه

    ولاغبار على شاعرها الجزل

    الف شكر

    يابورغد على الانتقاء
     
  3. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    مشكور أخوي ماجد على مرورك ...!!

    وبن فطيس ظاهرة ...!!
     
  4. عـزف منفرد

    عـزف منفرد عضوية تميز عضو مميز

    6,697
    0
    36
    ‏2009-10-01
    مُـعلـِّمـةٌ
    بالفعل .. ابن فطيس ظاهرة شعرية راقية .. كـ أنت أخي عبدالله ..


    لذوقكِ الرفيعِ .. امتنانٌ
     
  5. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    بوح جميل لابن فطيس
    واختيااار بذائقة شعرية مترفه

    اطيب الامنياات
     
  6. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    مشكور أختي عزف على مرورك الجميل ...!!

    أختي هدوء شكراً لمرورك الجميل ...!!
     
  7. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    ابن فطيس شاعر جزل لكلماته أجراس لا يتقنها إلا هو
    انتقاء رائع أخوي أبو رغد
    طِبتْ
     
  8. رنووودي

    رنووودي عضوية تميّز عضو مميز

    3,529
    0
    0
    ‏2009-01-25
    معلمة وافتخر
    الله الله قصيدة في منتهى الروووووووعة

    ابو رغد يسلم ذوووووووووووووووووقك
     
  9. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    ابو عبدالرحمن الغامدي

    رنودي

    مشكورين على حضوركم الجميل ...!!
     
  10. أيمن السلمي

    أيمن السلمي مبدع ومتميز عضو مميز

    5,404
    1
    0
    ‏2008-10-30
    معلم متأهل
    ذوق راقي لـشاعر مرتقي

    دمت أبا رغد بهـذا وأكثر