اعلان 1 اعلان 1 اعلان 1 اعلان 1 اعلان 1 اعلان 1


قصيدة الشاعر بركات الشريف في النصح

الموضوع في 'ملتقى بــوح الأقــلام' بواسطة الجـنـوبــي, بتاريخ ‏2011-01-11.


  1. الجـنـوبــي

    الجـنـوبــي عضوية تميّز عضو مميز

    14,081
    0
    0
    ‏2009-12-17
    معلم
    قصيدة الشاعر بركات الشريف :

    [​IMG]


    يا مرقب بالصبح نطيت راقيه = ما واحدً قبلي خبرته تعلاك
    وليّت ياذا الدهر ماكثر بلاويك = الله يزودنا السلامه من اتلاك
    واليوم هالكانون غادن شبابيك = تلعب به الارياح من كل شباك
    يا مالك اسمع جابتي يوم اوصيك = واعرف ترى يابوك بأمرك وانهاك
    وصيةً من والـــــــــــدً طامعً فيك = تسبق على الساقه اللسانه العلياك
    أوصيك بالتقوى عسى الله يهديك = الها وتدركها بتوفيق مولاك
    الله بحق اجدادك الغر يعطيك = مرضاته مع ما تمنا من امناك
    احفظ دبشك اللي عن الناس مغنيك = اللي الى بان الخلل فيك يرفاك
    وعرف ترى مكه والاها بناخيك = لو تطلبه خمسة ملاليم ما عطاك
    اجعل دروب المرجله من معانيك = واحذر تميل عن درجها بمرقاك
    لا تنسدح عنها وتبغيني اعطيك = جميع ما يكفيك ما حاصل ذاك
    أدب ولدك ان كان تبغيه يشفيك = واستسعفه من بعد مر باه يالاك
    أما سمج وستسمجك عند شانيك = ويغر من فعله صديقك وشرواك
    وإلا بعد جهله تراه بيـــــــاذيك = لو زعلت أمــــــه لا تخليه يالاك
    واحذر تضّيع كل منهو ذخر فيك = معروفه لا تنساه واوفه بعرفاك
    ترا الصنايع بين الاجواد تشريك = اليا طمعت بغرسها لا تعداك
    واحذر سرور بغبة البحر يرميك = ولا عنده أملس من تشكيك وبكاك
    وأوف الرجال حقوقهم قبل تعنيك = والا تعتمد بالقول والحق يقفاك
    وهرج النميمه والقفا لا يجي فيك = واياك عرض الغافل اياي واياك
    تبدي حديثً للملا فيه تشكيك = وتهيم عند الناس بالكذب وشراك
    واليا نويت احذر تعلم بطاريك = كم واحدً تبغى منه عرف وغواك
    واحذر شماتة صاحبً لك مصافيك = اليا جرا لك جاريً قال لولاك
    و لاتحسب ان الله قطوع يخليك = ولا تفرح أن الله على جملة الناس بداك
    الضيف قدم واجبه حين يلقيك = مما تنــــــــوله يافتى الجـــــــود يمناك
    اكرم اقباله فانها من شوانيك = وابذك له المجهــــود مادام يعنـــاك
    احذر تلقي الضيف مقرن علابيك = خله محب لك صديقً اذا جاك
    واوصيك زلات الصديق ان عثا فيك = ما دام يغطاك الشعر فاحتمل ذاك
    راعه ولو ما شفت انه يراعيك = عساك تكسر نيته عن معاداك
    واحذر عدوك لو ظهر بي يصافيك = خلك نبيه وراقبه وين ما جاك
    لا تامنه واطلب من الله ينجيك = ويكفيك ربك شر ذولا وذولاك
    شفني انا يابوك ابأمرك وانهيك = عن التعرض بين الاثنين حذراك
    اذا حضرت طلابةً مع شرابيك = اسع لهم بالصلح والاش يفداك
    ابذل لهم بالطيب ربك ينجيك = ولا تجضع الميزان مع ذا ولا ذاك
    اما الشهاده فأدها أن أدعوا فيك = بين عمود الدين لاعميت ارياك
    بالك تماشئ واحدً لك يرديك = طالع بني جنسك وفكر بممشاك
    رافق أصيلً في زمانك يشاكيك = لاشاف خملاتك عن الناس غطاك
    واحذر عن طرد المقفي حذاريك = عليك بالمقبل واترك اللي تعداك
    ثم العن الشيطان لياه يغويك = ترى أن تبعته للشرابيك وداك
    وأوصيك لا تشكي علينا بلاويك = انت السبب طرفك عيونك بيمناك
    واعرف ترى ماقد وطا الغير واطيك = ولانت اعز من الجماعه هذولاك
    المسك ياراسي من الذل واخطيك = واحذر تكلم يالساني وحذراك
    والطف بجارك وقم دون عانيك = وافطن لما يعنيك عن ربعة اخواك
    ياذيب وان جتك الغنم في مفاليك = فاكمن لين ان الرعايا تعداك
    امنول ياذيب تفرس باياديك = واليوم جا ذيب عن الفرس عداك
    ياذيب عاهدني وعاهدك مرميك = مرميك انا يا ذيب لو زان مرماك
    والنفس خالف رايها قبل ترميك = ترى لها الشيطان يرمي بالاهلاك
    ومن بعد ذا لا تصحب النذل يعديك = وعن صحبة الانذال حاشاك حاشاك
    ترى العشير النذل يخلف طواريك = وانا ارجي انك ماتجي غير اباك
    والهقوه انك ما تجي دون اهاليك = و لا ظن عود الورد يثمر بتنباك
    والحر مثلك يستحي يصحب الديك = وان صاحبه عاعا معاعات الادياك
    لا تستمع قول الطرف يوم يلفيك = بالكذب يقضي حاجته كل ما جاك
    من نم لك نم ابك ما فيه تشكيك = ويلاه قد زرا رفيقك وزراك
    عندك حكا فينا وعندي حكا فيك = واصبحت كارهنا وحنا كرهناك
    ما اخطاك ما صابك ولو كان راميك = والي يصيبك لو تتقيت ما خطاك
    مير استمع مني عسى الله يهديك = انصحك يامالك لك الله المولاك
    عندي مظنه ما تمثلتها فيك = واطلب لك التوفيق من عند مولاك


    [​IMG]
     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    قصيدة رااااااااائعه

    تحمل من الحكم والعبر الكثير

    صح لسان شاعرها

    وسلمت يمين ناقلها
     
  3. الجـنـوبــي

    الجـنـوبــي عضوية تميّز عضو مميز

    14,081
    0
    0
    ‏2009-12-17
    معلم


    [​IMG]
     
  4. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    ماشاء الله قصيدة تحوي الكثير من الحكم والعبر
    سلمت ياأخي على ذوقك الراقي