اعلان 1 اعلان 1 اعلان 1 اعلان 1 اعلان 1 اعلان 1


إلى متى يا ضٍيْقِه الخًاطٍر عًلى مًجْرى الوَريِد . . !

الموضوع في 'ملتقى بــوح الأقــلام' بواسطة ناصر الرحيل, بتاريخ ‏2011-01-14.


  1. ناصر الرحيل

    ناصر الرحيل عضو مجلس إدارة الموقع عضو مجلس الإدارة

    ‏2009-01-16
    معلم
    إلى متى يا "ضيقه الخاطر" على مجرى الوريد
    ماعاد باقي من دمي قطره مهي مستوجعه
    !


    انا دخيلك يا وفا قلبي تسافر بي بعيييد
    طموحك " الربان " .. وجروحك بـ قلبي الامتعه !


    وجه الزمن ماعاد يغري .. وانقفل باب البريد
    وانته " وفاي " اللي لو أخدع دنيتي .. ماأخدعه !


    لا صارت الدنيا مصالح .. والوفا ؟ كم فـ الرصيد !
    انو السفر يم الأمل وأفرد جميع الأشرعه


    بس البلا لا صارت أمواج " التعاسه " من جليد
    وإن صاح جرحك مالقيت اللي يحن ويسمعه :"(


    من لا يقدّر خوتي .. فـ " أبرك سنه " فرقـاه عيد
    أما " الرفيق الغالي " إليا غاب .. خذا قلبي معه !


    البارحه هبت هواجيسي فـ صدري من جديد
    سوالف ٍ تشره على قلبي بـ حلم ٍ ضيعه


    لاهنت يا " جرح الزمن " حقق مرادك مايريد
    أهديت للخافق جروح .. وهو رفع لك قبعه !


    يا ويل حالي من شقى اللوعه ويا قطع الوريد
    على آخر جروح الصداقه ..
    والطعون الموجعه


    قلبي " مصفي نيته " لو كل من حوله ضديد
    يبقى ( الجبل ) مهما وطته الريح ماهي تزعزعه !


    من طاح من عيني ماعاد يهم ينقص أو يزيد
    اللي ينزل قدره بـ نفسه .. هو اللي يرفعه !



    " ريحت قلبي " من عنـا الدنيا وانا اللي مستفيد
    مادام قلبي مالقى في الوقت شي ٍ يقنعه

    إلا رفيق ٍ يجبر الكسر .. وعلى الشده عضيد
    هذا منى قلبي عـلى الدنيا وهذا مطمعه


    أضحك لو أن الضيقه اللي في الحنايا تستزيد
    لين أقهر الضيقه وأخليها تفارق فـ السعه !


    لا خانك الوقت الردي " وما للحديد إلا الحديد "
    اللي شراك أهده وفـا .. واللي خذل عهدك بعه


    تمشي المقادير بـ هوى الراضي وتلعب بـ العنيد
    صدق اللي قال ان طاعك " الوقت الردي " ولا طعه !



    العمر بـ أيامه قطار .. وراكب ٍ سكة حديد
    وتمر لحظاته مابين المحزنه و الممتعه


    كل الحياه دروس والدنيا عبر والمستفيد !!
    اللي خذا من ( جمله الدنيا ) دروس ٍ تنفعه

    للشاعــر المبدع / حمد البريدي
    ’،

    ..مما راق لي..
     
  2. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    اختياار راائع رغم الالم
    اطيب الامنياات
     
  3. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    صح لسان الشاعر

    وسلمت يمينك يالصديق

    على

    رووووووووووووعة الانتقاء
     
  4. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    قصيدة ارتسم الحزن فيها والآلام
    رائع أنت يا ناصر وانتقائك أروع
    شكراً


    لامست شغاف القلب هذه ورسمت الحال

    مثنى
    لك الشكر