اعلان 1 اعلان 1 اعلان 1 اعلان 1 اعلان 1 اعلان 1


معاناة المتزوجين

الموضوع في 'ملتقى إستراحة الأعضاء' بواسطة هتآن, بتاريخ ‏2011-01-14.


  1. هتآن

    هتآن تربوي جديد عضو ملتقى المعلمين

    210
    0
    0
    ‏2010-12-25
    معلم
    السلام عليكم ورحمة الله وبركاته

    @

    @

    @


    ياعالم قسم راحت حياتي اوراق صغيره جيوبي مليانه ..

    كل ظهريه وبعد صلاة العشا

    طيب يازوجتي العزيزه فيه شي اسمه دمج ..

    رئاسة تعليم البنات بكبرها دمجوها ..

    ماتقدري تدمجي ورقة مقاضي الظهر مع ورقة مقاضي الليل
    ونفتك من هالقلق اليومي ..

    المشكلة اني اقرا طلبات مالها داعي بس مجبور اجيبها ..

    دراق / طماط / بقسماط / برغل /

    واخرتها مانلقى على السفره الا كبسه

    وان سوينا نفوسنا كنديين حطينا فجل !


    طيب هالبقسماط والصولجان وبقية الاسامي الصعبه لمين

    طبعاً لخواتك اذا جوا يوم الربوع وانا ياغافل لك الله

    طقني الجوع مع ابوشايع وابوعبدالله
    وان سوينا فيها فجور وكاش ارسلنا حنيف يجيب ثلاثة حراق
    من البيك ونتهاوش على الثوم !!

    والمدام مع خواتها يتنعمون من خيري ومن تعبي
    والجري في البقاله مع ورقة المقاضي
    مره سويت فيها ذكي وبعد ماقضيت لزوجتي يوم الربوع

    قلت بروح للشباب ..

    واطب على المدام بدري واحصل خواتها عندها
    وتوهم حاطين العشا ...

    يلعن ام الكارثه اخيرا شفت ورقة المقاضي صدق ..

    لقيتهم حاطين سفره بدايتها في المقلط ونهايتها
    عند ساسكو اللي ورا الخط السريع !!


    الى درجة انهن حاطين سيكل جنب السفره

    علشان اذا وحده بغت صحن من طرف السفرة

    يمديها تجيبه ..

    لا ولقيت لوحه مكتوب عليها

    ( السلطه 60 كلم )

    مافيه شي ماهوب على السفره ماناقص الا وايت ببيسي ..


    المشكله ان زوجتى تعاملني على اني ابلة تدبير وعندي خبره
    وانا والله ما افرق بين الملوخيه والكزبره


    والمشكلة إنها كتبت لي مره في الورقه كيلو كنافه كذابه
    قسم تروعت وش ذا الكنافه الكذابه ,

    انا ماعرف الصادقه فيهم
    يوم اعرف الكذابه ..

    واروح البقاله مالقيتها اتصلت بصديق قال رح لمحل حلويات ..


    واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه ..

    في الاخير رحت عنده وقلت ياخي معليش انانسيت ورقة المقاضي
    بس انها كنافه ماهيب مضبوطه

    يعني كنافه كافره وبتروح النار ضحك

    قال قصدك كنافه كذابه قلت ايييييييييه ذي ذي ابي منها كيلو ..

    زحمه وكنافه كذابه واخرتها قطعة خبز لاعبين علينا

    وحاطين عليها شيره ..

    وكله كوم ويوم اخذت اختي في المدرسه طريقة

    عمل المكرونه بالبشاميل سرنا يوميا ماغير ناكلها

    الى درجة ان ابوي اضافها في كرت العايله

    لانها صارت جزء من العايله ووحده مننا


    الله يحفظ الوالده ..

    ورقة المقاضي حقتها ماتتغير علشان كذا مانرميها
    انا حاطها في المفضله

    لانها هي نفس الطلبات كل يوم
    بصل/ طماط / رز / دجاج / خبز /

    واذا بغت تسوي نفسها ( مــودرن ) استبدلت
    البصل بثوم واذا ملينا وبغت تجدد فيها حطت
    الرز قبل البصل

    والخبز قبل الطماط والله اني عشت عمري كله

    وانا نفسي اكل شي جديد وخاصةً ذا اللي يسموه اومليت

    الى درجة اني سكنت في فندق مره علشان لقيت
    في القائمة اومليت مادريت انه بيض !!

    المشكله ماعندهم رحمه ..
    درجة الحراره في عز الصيف الف وانت تناقز
    من محل الى محل وبمعية سموك ورقة المقاضي

    لو تجيب الهايبر بندة كله وتنسى شي بسيط قامت القيامه
    ولازم ترجع وانت اصلاً شرير ولاعمرنا شفنا منك شي يابخييييييييييييل ..


    وياعيني على استخدام التقنيه ..



    ورقة المقاضي صارت من العصر الحجري

    الحين تجيك المقاضي مسج على الجوال

    والله اني ابغا اصيح اذا قريت رسايل جوالي

    ورسايل جوال اخوياي العزوبيه ..

    كل رسايلهم

    ( عندما تشرق شمس يوم جديد اذكرك .. )

    ( كفاني ان جنح الليل يغشاني ويغشاك .. )

    ( الله على الجمس لولا وارد الستين ) << رسالة داخله بالغلط خطيبته بنت واحد شريطي

    وانا تعال شف رسايلي

    ( حليب سريلاك .. )

    ( ارجع بدري نبي مويه )


    ( وانت جاي جب اعواد اسنان )

    اعواد اسنان في نص الليل انتي صاحية !

    وماقطع قلبي ونكد علي حياتي الا اذا طلبوا تسالي ..

    تجيب برنقلز قالوا نبي جحا ..

    تجيب بنكهة الكاتشب قالوا نبي بالخل والليمون ..

    تجيب رقاق الورده قالوا نبي رقاق غوار ..


    تجيب صلصه قالوا نبي ماجي ..



    بس والله صار عندي خبره رابحه
    وانا والله من اول كنت احسب البندوره هي البطاطس !



    ههههههههههههههههههااي سار عنده خبرة
     
  2. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    هههههههههههههه

    يا كثر طلباتهم لكن يا حلوها من طلبات

    أنا استمتع وأنا رايح للسوق ومعي النوتة :nosweat:
    ولا أزعل إلا إذا وصلت عند الكاشير :schmoll:
    ينفض كلّ اللي في الجيب
    ويوم تجي تطلع بالأغراض
    تنادي كل العمال يشيلون معك :santa_1:
    وفي الأخير
    يطلع كيسين كلّها حلا وحليب وحاجات علبتها ما تشبع :tears:
     
  3. اشرف شيخ

    اشرف شيخ عضو سابق في مجلس إدارة الموقع عضو مميز

    12,100
    0
    0
    ‏2009-01-14
    معلم
    الرد بعد 30 كيلو














    25 ك



















    20ك

















    10ك

























    يسلمووو شوف صحن السلطة عندي ما دام وصلت هههههههههههه
    الله يسعدك هتان ضحكت من قلبي
     
  4. سعدsad

    سعدsad عضو سابق في مجلس إدارة الموقع عضو مميز

    3,941
    0
    0
    ‏2009-01-28
    معلم
    :tears:
    ::::::::::::::::::::::::::::::
    ::::::
    ::::::
    :: ::
    :: ::
     
  5. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    هههههههههههههه

    الله يسعدك

    موضوع نقلة من نوع آآآآخر

    دمه عسل ورايق

    هالكاتب


    ولا يهون الناقل


    حياااااااااااااك ولا تحرمنا جديدك
     
  6. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    السفرة ذي من المفروض ... يحط في نصّها براادة سبيل
     
  7. ناصر الرحيل

    ناصر الرحيل عضو مجلس إدارة الموقع عضو مجلس الإدارة

    ‏2009-01-16
    معلم
    الله يعيين على كثر طلباااتهم

    بس الشكوى لله مالك الا تتحمل

     
  8. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    يسعدك ربي على هالموضوع الذي صار صيحة العصر
    ههههههههههههههههههههههههه


    تقول انك تطالع بي توي جاي من السوبر
     
  9. !! الـريم !!

    !! الـريم !! عطاء بلا حدود عضو مميز

    8,737
    0
    0
    ‏2010-02-23
    ماحصلش الشرف
    تشكرااات خيووووو موضوع حلو كتيررررررررر


    [​IMG]
     
  10. لآلئ الجُمان

    لآلئ الجُمان تربوي جديد عضو ملتقى المعلمين

    2,119
    0
    0
    ‏2009-09-26
    معلمـــــــــه
    اعواد اسنان في نص الليل انتي صاحية ! ياا حليلها وش تبي بها
    كلمة شرير موب غريبة علي يقولونها بناتي ...... بس حنا مانقولها يمكن الصغار يقولونها لانهم متأثرين بـ افلام كرتون
    اهم شي اكتسب خبره اخونا في الله
    شكرا اخي الكريم هتان
     
  11. فيث

    فيث تربوي جديد عضو ملتقى المعلمين

    884
    0
    0
    ‏2010-03-25
    معلمة
    هيه والله انك نكته بجد
    انا العكس من يوم اتزوجت الغالي
    وانا اتفننله يوم هندي ويم تشاينييز ويوم ايراني ويوم شامي وسيدنا البدوي وكلنا قبايل مايبغى الاكبسة ورز ولحم ولا رز ودجاج
    طقيت وزهقت وصرت اخلي الشغالة تطبخ ارجل ...بلا زفر ولاقرف طالما كبسة ومندي وبخاري
    ماابغى اطبخ
    اطبخ لاهلي واخواني في الاجازة احسن
     
  12. ليالي

    ليالي عضوية تميز عضو مميز

    6,301
    0
    0
    ‏2010-05-01
    إداريه
    لا حول ولا قوة إلا بالله .........
    كلاً يغني على ويلاااااااااااااااااااااااااااه وبلاااااااااااااااااااااااوااااااااه .........

     
  13. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الحين تطورن النسوان .. يرسلون قائمة الطلبات برسالة على الجوال ..!

    والطبخ شف الكتب بالمطبخ .. تقول وش هالحرمه المثقفه .. وتحصل بوسط بعض الكتب اوراق دفتر مكتوب فيها طريقة حلى ولا طبخه معينه .. كاتبها من برنامج طبخ بالتلفزيون ..!

    واخرتها ماتعرف تسوي غير كبسه .. واذا بغت تتفن وتسوي فيها مطبخ منال العالم .. سوت لك كبسة وحطت عليه إيدام ..!