اعلان 1 اعلان 1 اعلان 1 اعلان 1 اعلان 1 اعلان 1


من قائل هذه القصيدة

الموضوع في 'ملتقى بــوح الأقــلام' بواسطة سلطان الشريف, بتاريخ ‏2011-01-19.


  1. سلطان الشريف

    سلطان الشريف إدارة الملتقى إدارة الملتقى

    5,093
    1
    36
    ‏2008-01-03
    معلم



    يمرّ المنـازل خاليـة خـاطـره مكـسـور. . . وكبـده علـى ماشـاف بالحـزن مـمـرورة



    بيوت السّعف والطين والمسجـد المهجـور . . . مٌُـجـرد شـواهـد مـاضـيٍ أنتـهـى دوره


    هنا وجار أبوه اللّي عليـه الحطـب مسجـور. . . وصفر الدلال اللّـي علـى الجمـر منحـورة


    هنـا فيّـة أمـه مـع عفيفـات تلـك الـدّور. . . جـوار النقـا مـع كـل حـرّة ومسـتـورة


    هنـا عرشـة الدكـان ومشغّـل المـاطـور. . . يشيـخ العطـش ماسمعـوا الحـي ماطـوره


    هنا " صندقـة رشـدان " والكهربـة والنـور. . . بعـد مايـؤذن للعـشـىَ ينطـفـي نــوره


    هنا اول مـدارس محـو ؛ أميّـة الجمهـور. . . ولا ثقفـت جمهـور والجهـل فـي طـوره


    هنا " منزل الحجّام " ؛ فـي عرفهـم دكتـور . . . من الفجر ؛ وامواسـه علـى نـار دافـوره


    شيابيـن ذاك الحـي مــرّوه دور بــدور. . . وكنّـه يرسّلهـم إلـى المـوت فــي دورة


    هنا ساحة الترحيـل اضحـت قفـر مدثـور. . . ولا عـاد ابـو سلمـان يُسـمـع لحنـتـوره


    هنـا ملعـب الصبيـة ؛ هنـا دوّة التـنـور. . . هنا اول مصوّر في القُرى يضبـط الصّـورة


    هنا ملعب الحلـوات ؛ فلـوة ؛ هيـا ؛ منّـور . . . جواهر ؛ عفاري ؛ مزنة ؛ وخزنـة ؛ ونـورة


    هنـا زاويـة منهـا ينـط الصّبـي للـسـور. . . ويكشف خصايـص بنـت بالحيـل مغـرورة


    يطالـع جبيـنٍ ضـو نـوره صفـا بـلّـور. . . تعلـىَ جمـر ؛ وثلـوج ؛ وورود منـثـورة


    لها في المرايا شغل ؛ تاقف ؛ تميـل ؛ تـدور. . . تُحاكي أمهـا ؛ "يمـه أنـا صـح أمُـوّرة ؟"


    يتابـع دلعهـا ليـن وقّـف علـى المحـذور. . . غـدت نبـض صـدره وانبلاجـه وديجـوره


    وهي ما خفاها شعورهـا مـا عـلاه شعـور. . . تصيّـد دروبـه لا طلـع يلـعـب الـكـورة


    حريصة على انها الصبح تُهدي " صباح النور. . . "وعلى كـل صبـح ساقتـه يمطـر إسـروره


    إذا مر بـاب البيـت والعـذر صيـد طيـور. . . تقول العذر : بالعـب مـع الجـار بطيـوره


    وَكبروا علـى ذا بيـن عصفـورة وعصفـور . . . وكـلٍ يـعـرف أن العصافـيـر مـعـذورة


    يرسّل عليهـا شعـر مكسـور فـي مجبـور . . . وكان الهدف تعـرف لظـىَ ثـورة شعـوره


    يهمّـه تسمّـع ماكتـب لـوّ ثـلاث سطـور . . . لأنـه يـراهـا كــل نـاسـه وجمـهـوره


    ولكن صدوف الوقـت مـا تتـرك المسـرور. . . تجي لـه جـزاف ليـن تاقـف علـى زوره


    مثل موقف بـن العـم والحاجـر المسعـور. . . تهـد الاحَـلام اللّـي مـن سنيـن معـمـورة


    وراح الزمان ولا بقى كـون حـزن صـدور. . . سكنهـا حنيـن خـادره ضــو سعـمـورة


    يعيـد الشريـط بذاكـره فكـره المـذخـور. . . يحرّض خفوقـه مـن سُباتـه علـى الثـورة


    لـوّ أن الدمـوع تعيـد مافـات للمـمـرور. . . بكا فـي المكـان يليـن تعشوشـب ازهـوره


    تعرّف كثير ؛ وحب ؛ والحـب لـه موفـور. . . ولكـن قلبـه ماسكـن بـه سـوى (نــورة)
     
  2. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    قصيدة في قمة الروووووعة

    واعتقد بل واجزم انها للشاعر محمد السالم
     
  3. عذبة المعاني

    عذبة المعاني مراقبة إدارية مراقبة عامة

    24,860
    40
    48
    ‏2009-01-10
    أنثى
    ..............
    واناا مع أخي مااجد وأسم القصيده ((نوره))
    ومن قصاائده

    كلمتين اعتاب





    نقشتك على وجه السهر كلمتيـن عتـاب
    ابي انتصف لي منْك/ لكنْـك تدهشنـي
    أحضّرك لا صارت لاماني سما واسراب
    احاول اعيشك ظن والقـاك عـا يشنـي
    مثل وردة عاشت علـى دفّتيـن كتـاب
    قطفهـا الذبـول ومـدّ كفّـة تناوشنـي
    انا في غيابك نورسٍ ما ارتضاه تـراب
    نفتـه الموانـي وأنـت مثلـه معيشنـي
    إذا مرّني ريح الصبا صحـت للغيـاب
    حطبت الضلوع لريحهم بـرد ينهشنـي
    يموت الجَمر فوق المباخر ثنى الترحاب
    وتحيا تراحيـب الجمـر دون ينعشنـي
    مثل مالنخل يصمت على غيلة الكـراب
    غدى البوح لي عـاذل لحـوحٍ مبلشنـي
    احاول اردّ الريـح مايصـدق الكـذاب
    وإذا جيت صادق جات ريحك توشوشني
    من أوّل هبوب الريح تخلّعـت لابـواب
    وانا أصغر نوافذ من هبايبـك تقرشنـي
     
  4. ζ︵͡ الاصـــيل

    ζ︵͡ الاصـــيل أصالة حرف وترنيمة عازف عضو مميز

    2,600
    2
    36
    ‏2009-03-04
    مدرس
    أخي سلطــان
    رووعه بعض القصــائد
    تجبركــ لمعرفة صاحبهــا
    اكراما له واحقاقا لفكره وحرفه



    هنــا ذائقتكــ
    كــانت مترفــه جــدا
    والله قرأتها اكثر من مررره
    يالشقــاوة آدم
    ويالنعومة حــواء
     
  5. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    قصيدة جزلة لشاعر جزل وانتقاء جزل

    سلمت يا أبو عبد المحسن
     
  6. صوت الشعر

    صوت الشعر ابتسامة بلا حدود عضو مميز

    7,839
    2
    38
    ‏2008-11-08
    إنسان بسيط
    سبقونا الأخوة والأخوات

    لكن القصيدة جزلة يبوعبدالمحسن ....


    وروعة ...
     
  7. سلطان الشريف

    سلطان الشريف إدارة الملتقى إدارة الملتقى

    5,093
    1
    36
    ‏2008-01-03
    معلم
    اشكرك ماجد وكل الأخوة ولأخوات
     
  8. سلطان الشريف

    سلطان الشريف إدارة الملتقى إدارة الملتقى

    5,093
    1
    36
    ‏2008-01-03
    معلم
    شكرك عذبة على الأسم