اعلان 1 اعلان 1 اعلان 1 اعلان 1 اعلان 1 اعلان 1


العوائل السعوديه في السوبرماركت :

الموضوع في 'ملتقى إستراحة الأعضاء' بواسطة شمااااليه, بتاريخ ‏2011-02-13.


  1. شمااااليه

    شمااااليه عضوية تميز عضو مميز

    1,065
    0
    0
    ‏2011-01-29
    معلمه
    العوائل السعوديه في السوبرماركت :


    1- أنا بدف العربية.

    2- لا تصدمون خلق الله.

    3- وخر وطيت عباتي بالكفر.

    4- أبي ذا أبي ذا.

    5- وين اخوك رح دوره.

    6- لاتضفون الدنيا الله لا يسخط علينا.

    7- انتبهو للشغاله لاتكلم لها عامل.

    8- وش ذا اللي يوزعونه بلاش خل ناخذ لنا.

    9- روحو مره ثانيه كود يعطيكم مرتين.

    10- أبي مويه.

    11- أخلصو مشينا.

    12- رجع نص المقاضي مامعنا فلوس

    ههههههههههههههه

    أتمنى تنال أعجابكم..
     
  2. ‏.•:❀‎ζـکـآيَــہْ صَمــتْ❀:•.

    ‏.•:❀‎ζـکـآيَــہْ صَمــتْ❀:•. تربوي جديد عضو ملتقى المعلمين

    4,186
    0
    0
    ‏2010-12-27
    معلمــــــه ورائـــــــدة نشــــاط بمحــــــو اميـ
    هههههههههههه
    اللـــــــــــه يسعــــــد شمااااليـــــــــه
    عن جــــــــد هذا إلي نشوفــــــه بالسوبر ..
    والا الحيــــــن صايرن العيال بالسكوتر والدرجات يلعبون بالســـــوبر
    يضيعــــــــوا وقت لين يخلصوا أهليهـــــــم من السوبر ومنها يسوا أزعاج أقصد ميوزيك سعودي لنا ..
     
    آخر تعديل: ‏2011-02-13
  3. ناصر الرحيل

    ناصر الرحيل عضو مجلس إدارة الموقع عضو مجلس الإدارة

    ‏2009-01-16
    معلم
    3- وخر وطيت عباتي بالكفر.


    يا كثرها هذه :harhar1:
     
  4. (سالم حمود العطوي)

    (سالم حمود العطوي) أديب مميز عضو مميز

    4,252
    0
    0
    ‏2010-02-14
    مُعلِم .
    ههههههههه
    حلوووة
    والمتضرر الأكبر الزوج
     
  5. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    ملطوش يخدم النص أعلاه

    مع الشكر لصاحبة الموضوع

    اترككم مع النقل












    " هيه ...أنت....تعال شوف ">>>>هذي الحرمه تنادي زوجها<<<<يمديكم على الدلع بس:D


    " هاه...وش تبين؟؟ " <<<مااردى من ذا إلا ذا....

    " شوف فيه تخفيض بأسواق........"<<<< تم تشفيرالاسم من قبل الرقابة<<<من زمااااااان وأنا ودي أقول هالجمله :cool:


    ويتفقون إنهم يروحون للأسواق بعد صلاة العشاء إذا ناموا العيال<<<شوف النذاله على أصولها ههههههههه

    طبعا يجيبون ورقة يكتبون عليها الأغراض اللي يبونها>>>يسمعون بالتخطيط الاقتصادي...


    " ما نبي إلا شوية خضرة وتسع حبات دجاج "<<<<<وش دعوه...تسع؟؟؟....على عدد أفراد العائلة خخخخخخخخخخ



    المهم يطيحون عليهم العيال وينشبون في حلوقهم إلا بيروحون<<<خابرين عيالنا ...ياحبهم للدوجان خخخخخخ


    وبعد ما يوافقون....يتصلون على عيال خالتهم...وعيال عمهم....وعيال جيرانهم <<<<خوذوا الحاره كلها أحسن.......زواج جماعي صار :eek:

    ويروح الأبو ياخذ سيارة الفان من أخوه <<<< ماألومه...قبيله جايه معه....



    يركب الجميع....وهاك يا طراقات وتجرير شعور <<<<للبنات فقط....ياحبي للنعومه خخخخخخخ

    وعقب ما يوصلون تنزل القبيلة....وياخذون عربيتين.....وحده للأغراض....




    والثانيه لزوم التفحيط :D




    " ها ياعيال....مثل ما قلنا....كلها ربع ساعه ونطلع...وأغراضنا محدده"


    توه ما كمل الجمله إلا واحد منهم متعلق بالكورن فليكس...والثاني يجمع له كم علبة دانيت ( ترى مااحبه ابد ههههههه)
    واللي تناظر الألعاب محتاره أي وحده تاخذ<<<<<بس هذا اللي هامها....


    والعيال الكبار يلعبون مليحق بين الرفوف....ويصوتون لبعض تقول جالسين يشربون حليب في مطبخهم<<<<<يا علي تشبيهات تجيب الهم خخخخخخخخخخخ



    والأم والأبو حالتهم حاله....يبون يطلعون بسرعه...وتبدا تاخذ الأغراض بدون شعور..



    ( مكرونه.....مايونيز.....فول مدمس.....صابون سايل>>>>ياخذونه العيال ويكبونه ويتزحلقون فيه..

    سيريلاك<<<<ماعندهم بزر بس هي تحبه ;) <<< تراي ما ألمح هههههههه

    زيت قلي<<<تبي تقلى عيالها...قصدي تقلى لعيالها...

    معجون طماطم <<< بتسوي فيه المكرونه السابق ذكرها>>>>ياشيني وأنا أتميلح خخخخ )



    كل شي أخذته.... ما عدا الخضره <<<<أحسن أعداء للأكل المفيد حنا....محد ينافسنا....





    وبعد ساعتين ونص بيحاسبون....ويبدون يجمعون عيالهم....اللي يدورون جزمته>>>مصفق فيها واحد من اصدقائه متهاوش معه بالمدرسه ولقاه هناك...



    واللي ناشب بالثلاجه<<< مسكرين على شوشته خخخخخخخخ....



    واللي راكبه بعربة ناس سوريين ....طايره عيونها بشعر بنيتهم الأشقر>>>>>متعوده على الشهابه خخخخخخخخخ




    وبعد ساعه الا ربع ياقفون عند المحاسب.....


    تذكرون العربتين؟؟....صاروا أربع هاهاهاهاها...



    والعالم زحمه .....ويشوف الأبو واحد من خوياه في الصف الثاني وتبدا السواليف...

    واخر شي يقول : " وش رايك تجي تحاسب معنا؟؟"

    وهذا ما صدق خبر....يجي ويصف معهم <<<<<لا تعليق للي واقفين ورى....




    ساعه يحاسبون....وينهد حيل المحاسب....وعقب ما يخلص....تقول الأم:

    " وش عندهم الناس معهم كوبونات؟؟"

    المحاسب:

    " فيه سحب على سيارة ...تكتبين اسمك ورقم جوالك"



    الأم:

    " عطنا اشوف....معك قلم؟؟"

    ويجي المشرف على المحاسبين....طويل ما شاء الله<<<<شايفته؟؟؟؟؟ [​IMG]

    ويعطيها قلمه....وتجلس تكتب....والأبو ياخذ الأغراض ويقول للعيال :

    " اللي يركب بسرعه بعطيه عشرة ريال" <<<< عز الله أفلس....

    العيال:

    " بس عشرة؟؟!!" <<<<<بطرانين هالفساقى.....

    ويمشي وهو يسحب وراه ورقه طولها خمسة متر>>>>> الفاتورة




    وبعد ما تخلص الأم تلتفت تدور اللي عطاها القلم....ماتلقاه....وآخر شي تروح للمحاسب وتعطيه القلم وتقول:

    " لو سمحت...عطه هذاك الطويل......اللي ماعنده شغل...بس يدور " :eek: <<< ياشين التحطيم :D

     
  6. !! الـريم !!

    !! الـريم !! عطاء بلا حدود عضو مميز

    8,737
    0
    0
    ‏2010-02-23
    ماحصلش الشرف

    وانا اقول وش هالريح الطيبة اللي تملاء الاستراااحة


    هلا وغلا بالشمااالية منوورة الاستراااحة


    المووضوووع روووعة ويصير في احسن العااائلاات السعودية هههههههههه

    تشكرااات ياااقمر ولاتحرمينا من هواء الشمال
     
  7. لآلئ الجُمان

    لآلئ الجُمان تربوي جديد عضو ملتقى المعلمين

    2,119
    0
    0
    ‏2009-09-26
    معلمـــــــــه
    توه ما كمل الجمله إلا واحد منهم متعلق بالكورن فليكس...والثاني يجمع له كم علبة دانيت واللي تناظر الألعاب محتاره أي وحده تاخذ
    ما يسوى علينا روحت السوبر من جد يجيبون لنا الصداع ويقرفونا
    يعطيك العافية شماليه
     
  8. شمااااليه

    شمااااليه عضوية تميز عضو مميز

    1,065
    0
    0
    ‏2011-01-29
    معلمه


    مشكورة أم وسومي على المرور
    لاعدمنا تواجدك..
     
  9. شمااااليه

    شمااااليه عضوية تميز عضو مميز

    1,065
    0
    0
    ‏2011-01-29
    معلمه

    شآآكره لك مرورك آلرآآئع أخي ناصر..
     
  10. شمااااليه

    شمااااليه عضوية تميز عضو مميز

    1,065
    0
    0
    ‏2011-01-29
    معلمه


    شاكره لك أخي مرورك الكريم..
     
  11. شمااااليه

    شمااااليه عضوية تميز عضو مميز

    1,065
    0
    0
    ‏2011-01-29
    معلمه

    حياك الله أستاذنا الشامخ
    نور المتصفح المتواضع بوجوك ..
     
  12. شمااااليه

    شمااااليه عضوية تميز عضو مميز

    1,065
    0
    0
    ‏2011-01-29
    معلمه
    الأستراحة منورة بوجودك ريومة ...وأتشرف بوجودي بينكم في هذا الصرح الشامخ...
    سعدت بوجووودك في متصفحي..
     
  13. شمااااليه

    شمااااليه عضوية تميز عضو مميز

    1,065
    0
    0
    ‏2011-01-29
    معلمه
    يعافيك ربي لألى الجمان
    سعدت بتواجدك..