اعلان 1 اعلان 1 اعلان 1 اعلان 1 اعلان 1 اعلان 1


ابشرك احنا بخير دامك بخير..!!

الموضوع في 'ملتقى حقوق المعلمين والمعلمات' بواسطة باونتي, بتاريخ ‏2011-02-23.


  1. باونتي

    باونتي تربوي جديد عضو ملتقى المعلمين

    40
    0
    0
    ‏2010-07-08
    طيار يعني؟
    ابشرك حنا بخير وسلامة ..
    إن كنت تسأل هذا جوابي حنا بخير وسلامه ..


    الشعب مبسوط ومتهنئ بـ كافة شرائحه وطبقاته كلهم بخير وسلامه.. انت وشلونك
    تبي علومنا.. ابشر طال عمرك .. وعمر كل من يحبك ..

    اقولك عن الشباب ..
    الكل متوظف ما فيه أحد عاطل من قبل يتخرج من الجامعة وهو عارف مكان وظيفته وموب أي وظيفة إلا وظيفة محترمه وأقل راتب 5 الآف ريال .. ((شيء طبيعي))
    رواتبهم عالية وحنا من اغنى دول العالم واكبر دولة مصدرهـ للبترول ..
    ومن ناحية رب الأسرة ..
    ابشرك ما عليه قروض ولا مديونيات ولا يقفل جواله آخر الشهر عشان الديانه ما
    يأخذون مصروف عياله .. تصدق عاد أنه في نهاية الشهر يكون باقي في حسابه ثلثين الراتب . ولا يمكن يجي راتب الشهر التالي وهو يصرف من السابق ..

    عن السلع والمواد ..
    مقاضي البيت رخيصه رخص التراب .. ونسمع بـ غلاء المعيشه لكن ما شفناهـ حماية المستهلك ما قصرت محددهـ الأسعار وكل من خالف تشكمه شكم وتحط عليه عقوبات وغرامات ومع كل هذا تجينا 15% .. اعلى نسبة بين كل دول العالم ومن زود الفسقه صرنا نصرف في الشهر كامل هالـ 15% والراتب الاساسي ما نلمسه ولا نجيه ..


    وعاد ما اقولك عن السعودة .. تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة لا تلومهم مشتاقين يشمون ريحة شعر الهندي آهـ على ذيك الريحه فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين
    والعقار طال عمرك .. ما ادراك ما العقار


    البيوت والشقق هذه وضعها احسن ما يكون الإيجارات رخيصه حقين العقار مساكين رخصو الإيجارات لان الشعب كله عندهـ بيوت ملك كل واحد متزوج من يوم يجيه بزر واحد بس وهو مشتري له بيت ملك بدون قرض عقاري من بنك يأخذ الفائدة 100% وبدون قرض عقاري من الدولة مع ان الدولة ما قصرت تعطيك قرض عقاري يجيبلك ثلاث فلل يارب لا تحرمنا من هالخير ..
    وابشرك عن البنية التحتيه..


    والشوارع والطرق فااااااااااضيه لدرجة أنك وانت طالع للدوام الصبح تأخذ لك غفوهـ وانت تسوق من عشر دقائق إلى ربع ساعة ثبت الطارهـ وحط راسك وارقد تصحى إلا أنت عند مخرج دوامك .. يا رجال المرور ما حط ساهر الا بسبب أن الشوارع فاضية والناس يأخذها الحماس وتشوف الطريق فاضي وتسرع وتمشي 180 وقتها قال المرور لازم نظام ساهر والمواطنين الله يهديهم ما يقدرون النعمة اللي هم فيها ويازين مخالفات المرور إذا جيت تسدد عطاك الحد الأدنى المخالفة بـ 300 ريال وتجي تسدد قال 150 ريال سددها وتطيح عنك من قالك أنهم يدبلونها دبل بالعكس ودنا أنهم يقولون دبل شرط أني لاقول ثري يستاهل المرور من يدعمه ويوقف معه


    عاد الحفريات ما تشوفها في شوارعنا نهائيا وهي شيء لا بد منه لكن سبحان الله يخلصونها في وقت قياسي طريق الملك عبد الله حطو فيه نفق تصدق ما قعد إلا خمسة أيام ثم فتحو الطريق والنفق جاهز للاستخدام البشري .. وعندك طريق ديراب هذا كله تغير 180 درجه في وقت قياسي في شهر واحد بس سريع سريع وفتحو الطريق من يقولك أن له 4 سنوات وهو ما خلص ما عليك منهم لا تصدق هذولي ناس حقودهـ واعداء الوطن ..


    وعلى طاري أعداء الوطن سمعت بالاشاعة اللي قالوها وهدفهم تشويه سمعة السعودية عند العربان قبحهم الله يقولون أن البلد كله ماشي على الواسطه وأن الفساد الإداري مسجل نسبة عالية .. وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام بالعكس إلا الجامعة ترسل له مندوب وهو في بيتهم وتقول اي كلية تختار ثم يختار الطالب وتقول خلاص تم قبولك وألف مبرووك .. حتى الوظائف ما فيه تقديم أصلا لان الطالب من يوم يوصل لآخر مستوى ووزراة الخدمة المدنية مرسله له رسالة تقول ترى تم تعيينك من التاريخ الفلاني ما يحتاج يقدم ولا يحتاج واسطه ..


    ولا الفساد الإداري قالو ايش قالو جده غرقت من الفساد الإداري وإن البيوت في مجرى سيول طيب وش دخل الفساد الإداري أنت يا مواطن ياحقير قبل تشتري لك بيت المفروض تروح تدرس هندسه وتعرف هل موقع بيتك سليم وله تصريف سيول وأمورهـ طيبه .. أنت من جهلك ماتو عيالك في سيول جده وجاي تطالب بكل بجاحه بحقك ومع هذا ما قصرت الحكومة صرفت لكم على كل رأس مليون ريال وتم صرف هالمليون من وقت تقديم شهادة الوفاة على طول من يقول قعدت سنة ما شمو ريحتها .. وشكلت لجنة لمكافحة الفساد الإداري ومن أول اسبوع لهم اكتشفو الجاني والمتسبب مع أن الخطأ منكم وقدموهـ للمحاكمة وكلنا سمعنا بخبر القاضي والرجال رأسه طار في الصفاة ..
    وبكل بجاحة يقولون الحكومة قصرت معنا يا خي انتم مواطنين ما عليكم شرهه ..

    شوف هالصور طال عمرك ..
    [​IMG]

    [​IMG]

    [​IMG]


    شفتها .. شفتها زين
    هذي الله مير يسلم قلبك .. ويعافيك ويردك سالم
    هذي مفربكه بالفوتوشوب ..
    او هذي بقرية في بنجلاديش .. وهالعضوه اللي نزلت الصور
    اكيد طال عمرك عميلة .. متواطأة .. اصل(ن) كل الشعب عميل وحقير ودنيئ اذا صدقها
    لا طال عمرك تصريف السيول صلحوه من السنه الماضيه ..
    وماعليك طال عمرك بنحاسبها .. ونعطيها باند .. ونرسل لها صاروخ ارض جو
    عن طريق رقم الآيبي تبع النت حقها .. وراح طال عمرك .. نسوي لجنة تحقيق
    واعضاءها نفس اعضاء لجنة تحقيق جده .. ونقدمها لك بعد سويعات ((تصغير )) ساعات ...

    الفقراء والمحتاجين هذه قووويه عاد لانه كل ما جاء رمضان وجاء وقت تطلع زكاتك وصدقتك في كل سنة اتذكر كتاب التاريخ حق رابع ابتدائي واتذكر الخليفة عمر بن عبد العزيز يوم كان الزكاة في الطرقات ولا يحصلون أحد تستحق عليه الزكاة الناس كلها شبعانه والحمدلله .. وهذا صاير معنا لدرجة اننا من زود الفسقه عندنا وتغطية كل المحتاجين هنا وصرنا ندور ما نلقى محتاج رحنا نتبرع لـ الدول المجاورة .. حتى امريكا وهي امريكا يوم اعصار كاترينا تبرعنا لهم ..
    وهذا دليل أن ما فيه في هالدولة لا فقير ولا محتاج الشعب كله شبعان ويتاغر امهات خمس


    باختصار الشعب كله يقول الحمد لله اللذي لا يحمد على مكروهـ سوآهـ
    باختصار حنا بخير وسلامه .. انت شلونك بشرنا عنك ؟؟؟؟
     
    آخر تعديل بواسطة المشرف: ‏2011-02-23
  2. أبوعبدالرحمن الغامدي

    أبوعبدالرحمن الغامدي عضوية تميز عضو مميز

    9,812
    0
    0
    ‏2009-05-08
    معلم
    فضفضة مجروحٍ مكلوم

    هذا حالنا يا ملكنا
    وقد يكون حال البعض أردى من ذلك
     
  3. صاحبــــة مبــدأ

    صاحبــــة مبــدأ تربوي جديد عضو ملتقى المعلمين

    925
    0
    0
    ‏2009-01-28
    معلمــــه
    ماادري اضحك أو ابكي على حالنــــــــــا
    شفتوا وين وصل بنا الحاااااااااااااال !
    نتوقع انا نلاقي ابو متعب بينا يتصفح ويقرأ مآسينا !!
    ماشاء الله ماعطانا وقت واحنا متعلقين في موكبه فما بالكم بيعطينا وقت يتصفح ملتقاااااانا
    هذي حيلتنا لحد الملتقى ونوقف !


    طبعاً استثني من كلاااااااااااااامي ابطال القضيه ووقفاتهم فقط !
     
  4. معلم من الخبر _ 1417

    معلم من الخبر _ 1417 تربوي جديد عضو ملتقى المعلمين

    3,218
    0
    0
    ‏2009-10-05
    معلم
    ارفع رأسك انت سعودي :clap:
    غيرك ينقص وأنت تزودي:icon30:

    ______________________________
     
  5. Abu Hasan03

    Abu Hasan03 تربوي جديد عضو ملتقى المعلمين

    341
    0
    0
    ‏2008-10-01
    معلم
    هذه مخططات البطانة الفاسدة ضد الشعب
    والله أعلم بمقاصدهم التي ربما تكون عواقبها وخيمة على الطرفين
     
  6. سعدsad

    سعدsad عضو سابق في مجلس إدارة الموقع عضو مميز

    3,941
    0
    0
    ‏2009-01-28
    معلم
    اتركوني فحالي :tears:​
     
  7. يا ليل ما اطولك

    يا ليل ما اطولك تربوي جديد عضو ملتقى المعلمين

    269
    0
    0
    ‏2008-10-13
    معلم
    لا أحد يكلمني :tears:
     
  8. زيدالشمري

    زيدالشمري عضوية تميّز عضو مميز

    2,496
    0
    0
    ‏2009-05-05
    معلم
    لا حول ولا قوة إلا بالله العلي العظيم ..
     
  9. معلم مديون ومظلوم

    معلم مديون ومظلوم تربوي جديد عضو ملتقى المعلمين

    260
    0
    0
    ‏2011-01-31
    معلم ولكن0000
    بخير لكن حقوقنا ماحصلت وحسابنا بالسالب
     
  10. علي البراهيم

    علي البراهيم تربوي فعال عضو ملتقى المعلمين

    1,287
    0
    36
    ‏2009-01-11
    مدير مدرسة
    المشاكل معروفة ولكن ننتظر الحلول
     
  11. عقوبة لهمُ

    عقوبة لهمُ تربوي جديد عضو ملتقى المعلمين

    400
    0
    0
    ‏2009-03-08
    معلم
    المضحك المبكي
     
  12. المجد7

    المجد7 تربوي جديد عضو ملتقى المعلمين

    600
    0
    0
    ‏2008-11-23
    معلم
    وسع صدرك وانا اخوك

    وسع صدرك وعليك بسهام الليل
     
  13. ألماس عبود

    ألماس عبود تربوي جديد عضو ملتقى المعلمين

    91
    0
    0
    ‏2009-04-02
    معلمة
    أخشى إن البطانة مقتنعين بجووووع ***ك يتبعك
     
  14. سنتربوينت

    سنتربوينت تربوي جديد عضو ملتقى المعلمين

    577
    0
    0
    ‏2010-12-28
    معلمة
    كيف كتبت كل هذا؟؟؟

    بس مادرى عنك ... تخيل انك مدير في مكان ما ومشغول

    ومكلف واحد يجيب الاخبار ... وهالواحد يكذب ودايم يقول مانقدر وماعندنا شي

    وعندنا مسؤوليات وخلهم ينطقون وياكلون تبن تراهم مايحبونك ويحشون فيك بكذا

    وكذا وماهم بكفووو ..وكل النعم عندهم والخيرات وفسقانين .. وكل شيء تمااااام

    واحنا درسنا كل المواضيع وهذا اللي يصلح فقط وهذي الامكانية

    انت بتصدق .
     
  15. مستشار قانوني

    مستشار قانوني تربوي جديد عضو ملتقى المعلمين

    57
    0
    0
    ‏2010-07-03
    معلم
    اهنيك من كل قلبي
     
  16. آل علي

    آل علي تربوي فعال عضو ملتقى المعلمين

    1,182
    0
    36
    ‏2009-03-11
    معلم
    لا أبشرك حنا بخير
    اهم شي لا تشيل همنا
     
  17. الموهوبـ

    الموهوبـ تربوي جديد عضو ملتقى المعلمين

    164
    0
    0
    ‏2008-01-18
    معلم
    والله انا لست بخير

    حتى يعود حقي كاملاً غير منقوص
     
  18. فيصل الجهني

    فيصل الجهني المشرف العام عضو مجلس الإدارة

    5,862
    0
    36
    ‏2008-07-07
    معلم
    أبشرك ماحنا بخير وسلامة
    والعلم جانا والفقر زاد الافراح
    لا يكذبون ماحنا بعز وكرامة
    الا طلايب ووضعنا يريد جراح
     
    آخر تعديل: ‏2011-02-24
  19. طيف 2009

    طيف 2009 تربوي جديد عضو ملتقى المعلمين

    13
    0
    0
    ‏2011-02-22
    مرشد طلابي
    :bleh::bleh::bleh::bleh: القرارات خيبة امل لكل السعوديين
     
  20. الطارق2

    الطارق2 تربوي جديد عضو ملتقى المعلمين

    348
    0
    0
    ‏2010-03-05
    معلم
    لا أبشرك الشعب السعودي آكل تبن وراضي بس تراهم زودوا سعرالتبن شوي بس مو كثير
    على قولتهم أنت ياطويل العمر ما عليك منا لا تشيل همنا دامك بخير حنا بخير

    حسبنا الله ونعم الوكيل