اعلان 1 اعلان 1 اعلان 1 اعلان 1 اعلان 1 اعلان 1


هنا كل شخص يكتب المواقف الطريفة اللي صارت له حينما كان يدعو لإرسال البرقيات

الموضوع في 'ملتقى حقوق المعلمين والمعلمات' بواسطة أموت وتحيا السعودية, بتاريخ ‏2011-03-09.


  1. أموت وتحيا السعودية

    أموت وتحيا السعودية تربوي جديد عضو ملتقى المعلمين

    391
    0
    0
    ‏2008-09-16
    معلم
    الأخوة الأعضاء أرجو منكم كتابة المواقف الطريفة التي حدثت لكم حينما كنتم تطلبون من زملائكم وتحثونهم لإرسال برقيات


    ولعلي أبدأ بنفسي


    هي اربعة مواقف اللي اذكرها وكانت طريفة وفي نفس الوقت مزعجه


    الموقف الأول اذكره لمن أراد أن يفرفش عن نفسه شوي


    وكان مع مدير المدرسة وهو من دفعة 1420


    لكن هذا المدير والله فله خواف وجبان من الدرجه أولى جيت عنده الحصه الأولى وكلمته عن الحملة


    التي نود القيام بها فرد عليه أرجوك روح لحصتك ولا توهقنا معاك


    الرجال فكرني أمزح ولكني اصرت عليه وحاولت أقنه ولكن وكأني أنفخ في قربة مقطوعة


    المهم رحت لباقي الزملاء وكلمتهم أقتنع ووافق بعضهم والبعض الآخر رد علي بعبارات سوف اذكرها في الموقف الثاني


    والمهم علمتهم إني عناداً في المدير راح أرسل برقيه على حسابي بإسمه


    الزملاء ما كذبوا خبر وراحو يم المدير من باب المزح وعلموه وقالوا له يا حليلك يا أبو عبدالله الأستاذ علي يعزك وبيرسلك على حسابه


    المدير يوم سمعهم نزل عليه الخبر كالصاعقه


    جاء يمي ووقتها كنت جالس في المصادر انا وواحد من الزملاء وشوفي اللي صار


    يوم دخل المصادر وشفته جاء صوبي قلت الرجال ناوي الشر ويوم اقترب مني انقض علي إنقضاض الأسد على فريسته


    وقام حب فوق رأسي وقال لي أرجوك يا استاذ علي تكفى أنا في وجهه الله فكني شرك أنا معي عيال أبي اربيهم ومعي أمي مريضة والله لو يجيني شئ والله لترووووووح الوالده فيها ويقول لي إنت عزابي ما وراك أحد يخسرك


    وقام يطلع فلوس من جيبه وقال لي هذه مئة ريال حق برقيه استفيد إنت منها احسن ما تفيد الإتصالات


    وارحمني من البهذله أنا وش سويت لك


    وابشركم قال لي خذ يوم الأربعاء إجازة مني وانزل لديرتك وفكنا الأذيه


    المهم رديت عليه وأنا اضحك من قلب


    قلت له والله لأرسل بإسمك لو تعطيني ألف مو مئة


    قام يهددني ويقول لي والله لأرفع فيك للإدارة واقول إنك تحرض الزملاء وبدء يخبص بالكلام


    بس والله ما راح تتخيلوا الموقف يوم جاني في المصادر والله ما باقي إلا يبكي شفت الدموع في عينه



    الموقف الثاني وفي عجاله حتى اترك لكم الفرصة


    صار مع ثلاثة من الزملاء


    يوم كلمتهم عن البرقيات قالوا لي ما فيه مشكله أرسل من حسابك وإذا جتنا الدرجة والفروقات حاسبناك منها وقاموا يضحكوا استفزوني والله لكن الصبر


    الموقف الثالث مع واحد من الزملاء وسبق وذكرته في إحدى ردودي في الملتقى


    الموقف هو يوم جيت أكلمه عن البرقيات سألني كم تكلف قلت له انا كلفتني 54 ريال قال الله 54 ريال قلت له ليه كثيره قال والله كثيره 54 تجيب علبه نيدو


    الموقف الرابع


    ارسلت لمجموعة من الزملاء رسائل على الجوال احثهم على إرسال البرقيات


    رد علي واحد منهم برساله كتب فيها


    ( والله إنك فاضي )


    تخيلوا يوم تجيك هذه الرسالة وإنت في عز نشوة الحملة وكيف التحطيم



    آسف على الإطاله بس الموضوع الهدف منه الترويح عن النفس لا أكثر


    وإن شاء الله يجي اليوم اللي نأخذ فيها حقوقنا المسلوبه وتصير هذه المواقف من الذكريات الحلوة في رحلة المطالبة بالحقوق


    تقبلوا تحياتي
     
  2. kkaa123

    kkaa123 عضوية تميّز عضو مميز

    ‏2008-06-09
    معلم
    هههههه
    أما قصة المدير غييير

    بيض الله وجهك
     
  3. أموت وتحيا السعودية

    أموت وتحيا السعودية تربوي جديد عضو ملتقى المعلمين

    391
    0
    0
    ‏2008-09-16
    معلم
    أرجوكم شاركونا بمواقفكم أكيد كل واحد له موقف
    واشكرك على المرور
     
  4. مطلق غنام العنزي

    مطلق غنام العنزي مراقب عام مراقب عام

    861
    1
    18
    ‏2011-01-18
    معلم
    ههههههههههههههه

    ياخي والله عندنا ناس تقول أنهم مو بالسعودية .. كأنهم في ليبيا


    الله يديم حكومتنا ويوفقهم لما فيه الخير
    خصوصاً قريشاتنا :bigsmile:
     
  5. kkaa123

    kkaa123 عضوية تميّز عضو مميز

    ‏2008-06-09
    معلم
    أبد

    مع تجاربي السابقة

    أصبحت فقط أراسلهم لعل وعسى

    وقبل قليل كلمني أحد الزملاء وقد نقل لمدرسة أخرى
    أنه ينوي الإبراق وسألني عن كيفية ذلك
     
  6. مطلق غنام العنزي

    مطلق غنام العنزي مراقب عام مراقب عام

    861
    1
    18
    ‏2011-01-18
    معلم

    والله أنا عندي موقف محرج وأكيد يبي يحرجني معاكم لكن ,, يالله نقوله

    أنا جالس مرة مع مدرسين وجبنا طاري الحقوق

    قلت لهم : حتى البرقيات للأسف المعلمين متهاونين فيها

    قام نطق أشقاهم وقال : أنت أرسلت ؟؟؟ :tongue:


    طبعاً أنا بالأول كان جوالي على الاتصالات وشاركت بالحملة الأولى (أرسلت من موقع الشركة الإلكتروني) ,, لكن ألغيت رقمي وطلعت رقم على زين ..
    يعني إذا أبي أرسل إلا أروح للأتصالات فقلنا نعوضها بالتحريض ههههههههههههه

    طبعاً التحريض على إرسال البرقيات :bigsmile:
     
  7. أموت وتحيا السعودية

    أموت وتحيا السعودية تربوي جديد عضو ملتقى المعلمين

    391
    0
    0
    ‏2008-09-16
    معلم

    حلوووووووووووووه بس لا تعيدها
     
  8. أموت وتحيا السعودية

    أموت وتحيا السعودية تربوي جديد عضو ملتقى المعلمين

    391
    0
    0
    ‏2008-09-16
    معلم
    تكفون يا شباب لا تستكثروا علينا الضحك خلونا نتسلى شوي بالمواقف اللي صارت معكم
    ما زلنا ننتظر المزيد من تفاعلكم
    لا تلوموني طفشان وأبي اتسلى شوي
    الأخبار كلها تضيق الصدر وتكدر الخاطر
    حروب من جهه وأخبار بالصحف الكاذبة عن عودة حقوقنا من جهه آخرى
    تفاعلوا يا شباب
     
  9. Mr.X

    Mr.X تربوي جديد عضو ملتقى المعلمين

    705
    0
    0
    ‏2009-01-12
    معلم
    هذا ماكتبته في الفيسبوك لدعوة الشباب زملائي للحملة :)


    تكفون يالربع حملة برقيات المطالبة بالحقوق بناء على طلب رئيس الديوان الملكي
    البرقية خمسين ريال بس :
    يحيى .. خمسين ريال ماتجيب لك شنطة للكاميرا ( هوايته مصور )
    سلطان .. خمسين ماتطبع لك لوحة أو تسوي لك شعار بقالة في منفوحة ( هوايته مصمم )
    وسامي .. خمسين ماتفلل لك اللكزس بنزين 95 ( يحب سيارته )
    وفهد القحطاني .. خمسين ماتشري لك كيس علف ( وافي ) للبل ( راعي مزاين )
    خالد ترى خمسين ريال برقية ويزيد راتبك أصرف من خمسين تذكرة كورة عشان تستانس بسيقان اللعيبة في الاستاد ( هلالي )



     
  10. أموت وتحيا السعودية

    أموت وتحيا السعودية تربوي جديد عضو ملتقى المعلمين

    391
    0
    0
    ‏2008-09-16
    معلم
    ولا ننتظر تفاعلكم
     
  11. fantasi

    fantasi تربوي جديد عضو ملتقى المعلمين

    50
    0
    0
    ‏2011-01-04
    teacher
    بالنسبه لي المواقف ما تضحك قد ما تحطم
    زميلاتي بس ماسكين كلمة بيحطونا بابو زعبل
    راح يفتكرونا محرضات بثورة حنين
    وعلى هذا فقدت الامل
    واعتمدت على رب العزه