اعلان 1 اعلان 1 اعلان 1 اعلان 1 اعلان 1 اعلان 1


تدري وش اللي يتعب البنت ياخوي...؟!

الموضوع في 'ملتقى بــوح الأقــلام' بواسطة اللؤلؤ المكنون, بتاريخ ‏2008-11-02.


حالة الموضوع:
مغلق
  1. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    [align=center]تدري وش اللي يتعب البنت ياخوي...؟!
    رجــلٍ يخـــون اشواقـهـا و الـمــودة

    إللي إلا احتـاج الغـلا صـار نمـرود
    ولـيـــا شبـع ممـا عـطـاه إسـتـرده

    البنت ريحانة غـلا ... ناعمـة عـود
    تبــي لهـا رجــلٍ ورث طيــب جـــده

    رجلٍ فعولـة كلهـا جـود فـي جـود
    مـا يلتفـت للـي كفوفـه تمـده ...!!

    رجـلٍ إلا جـتـه الليـالـي بمنـقـود
    يتكــى لهـا مــا بيـح الوقـت سـده

    مهو بخيلٍ ما رعـى للهوى عهود
    وادنـاة مـا عـارض طريقـه يـــرده

    ولاهوب لاعلـة ... ولاهـوب ملهـود
    ولا شكــوك ... و كــلٍ طــارئٍ يـحـده

    ما اشين من الرجـال لا جـاك ببـروووووووود
    وإن قـال له تـرف القـدم شــي صـده

    تبـي لهـا بـراق طيـبٍ لـه رعــــود
    إن اجدبـت يمطـر علـى ريـف خـده

    وإن نادته تكفـى لقـت عنـده الفـود
    يشيــل عزتـهــا علــى قـــو زنـــده

    كفه نفل ... وانفاس صدره لهـا عـود
    وظلالــه الضــافـي بيــدهــا تـمــــده

    البنت خد ... وقـد ... ونواظـرٍ سـود
    وريحة غلاً ... ياسعد مـن شـم نـده


    البنـت إلا ضحكـت ثمرهـا لـك ورود
    يا خـوي مــن يقطــف نواويــر وردة

    واللي يهين البنت ناقـص ... ومقـرود
    فرس غـلا ... ماهــي حمـارة مكــــــدة




    .. قصيدة اعجبتني ولا اعرف قائلها ..
    اتمنى تعجبكم .. وانتظر تعليقاتكم


    :)[/align]
     
  2. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    أولاً أحب أن أقول أن ردي هو على صاحبة القصيدة .. وليس للناقله

    فالناقله أخت عزيزة وفاضلة .. ولا تزعل مني بسبب ردي ...


    القصيدة تدل على العنصرية لدى قائل القصيدة ..

    وهذي بعض الأبيات المتواضعه .. مع العلم أني لست بشاعر نهائياً

    وعذراً على التكسير في الأبيات .. لكن هو ما بالخاطر فقط


    يابنت ماكل سحابه لها رعود ... ولا كل رجال تجي الليالي على وده

    يابنت ترا الجود من الموجود ... لا تنقلب النفس وتصير منسده

    ابشري بمايسرك كان قصدك ورود ... وان ماسرك عليك ببحر جدة

    الوجه كله مكياج والركب سود ... والباقي خليه مستور مانبي نعده



    مع أحترامي لكل العضوات هنا وأولهن صاحبة الموضوع ..
     
  3. وارث الطيب

    وارث الطيب عضوية تميّز عضو مميز

    1,530
    0
    0
    ‏2008-05-17
    معلم
    [align=center]الاخت الفاضلة اللؤلؤ المكنون
    شكرا لذائقتك الشعرية الرائعة على نقل هذه القصيدة التي يشرح قائلها او قائلتها صفات الرجل الذي تتمناه كل فتاة ليكون فارس احلامها . وهذا حق مشروع لكل انسان ان يتمنى ما يريد اما تحقيق ذلك الحلم فليس مستحيلا ولكن فيه من الصعوبة بعضها . وعلى كل القصيدة رائعة ومميزة بذوقك الرفيع .
    تحيتي لك[/align]
     
    آخر تعديل: ‏2008-11-02
  4. ابو زيـَــاد

    ابو زيـَــاد تربوي جديد عضو ملتقى المعلمين

    1,329
    0
    0
    ‏2008-03-02
    اللؤلؤ المكنون

    قصيده جميله وتعبر عما في داخل اي فتاه من مواصفات لفارس احلامها

    لكن

    الرجل ايضا عنده مواصفات يتمناها في (فارسة احلامه) :36_1_1[1]:
     
  5. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    [mark=#CCFF99]صح لسان الشاعر
    ولكن يا للأسف ليس موجود هذا الرجل بهذه الصفات في الخدمة مؤقتًا
    وأرجوا من الأخوات الغير متزوجات أن لاينتظرنه ويفوووووووووووت عليهن القطار

    شكرًا لك أختي اللؤلؤ المكنون على هذا الاختيار الراائع[/mark]
     
  6. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    لولو تسلمي ياقلبي على نقل القصيــــــــده الحلوه,,

    والشاعر او الشاعره كتبت ماتتمناه في رجل المستقبل وهي ماغلطت بشي

    الواحد لما يتمنى شي يتمنى أحسنه مو يقول ابي الموجود وبس,,

    والرجال اكيد فيهم عيوب وكذلك البنات ما احد كامل,,,





     
  7. سلطان الشريف

    سلطان الشريف إدارة الملتقى إدارة الملتقى

    5,093
    1
    36
    ‏2008-01-03
    معلم
    بعيد عن القيمة الفنية للقصيدة .
    المواصفات المطلوبة تحتاج الى ابحاث حتى يجمع العلماء الجينات ويربطونها مع بعض يطلع لنا هذا الرجل .
    مبروك لموصاحي بزوغ الموهبة الشعرية . هذا وهو ما بعد دخل انجليزي يمكن يطلع شاكسبير المتنبي .
    مشكورة الؤلؤة على نقل القصيدة .
     
  8. فارس الزعيم

    فارس الزعيم قــلم حــر عضو مميز

    2,161
    0
    0
    ‏2008-06-15
    حكومي
    اختي ولايهونون الجميع صاحبة القصيده تطلب المستحيل وتصور نفسها على هيئه ملاك

    لاالرجال فيهم هالصفات ولاالبنات فيهم هالصفات يعني القصيده لك عليها
     
  9. عمر العتيبي

    عمر العتيبي تربوي جديد عضو ملتقى المعلمين

    3,089
    0
    0
    ‏2008-05-25
    معلم
    واللي يهين البنت ناقـص ... ومقـرود
    فرس غـلا ... ماهــي حمـارة مكــــــدة


    ماهي حمارة مكدة
    صح لسان القائل والناقل
    ولاحظوا تكرار الشاعر وارث الطيب
    وهي كلمة تجمع كل خصال المرجلة وتبين تشبث الرجل بها
    كلنا ذلك الرجل ان شاء الله
    وممكن نعتبر هذه دعوة للتعدد
    لان البنت ما يهمها متزوج ولا لا

    مجرد تناتيف ودمتم سالمين
     
  10. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    روعة النقل بروعة الناقل تسلمي اللولو
    هذا والله بلا أبوك يا سعود ... جابها الصاحي بأبيات في مرده
    البنت تحلم بفتى احلامها يعود ... فارس ونشمي ولا احد قده
    وهي خايبة في قيام وفي قعود ... وتطلب الكمال وهو لله وحده
     
  11. فهد العتيبي

    فهد العتيبي مراقب عام مراقب عام

    3,016
    8
    0
    ‏2008-01-13
    معلم
    هذه مواصفات خاصة ..

    وكل شخص يطلب الي بخاطره ..

    وهذه هى الحرية بالاختيار بس الواقع غير ..

    وسلامتك ياأم حسن :36_1_1[1]: ..
     
  12. ابـن جـدة

    ابـن جـدة تربوي جديد عضو ملتقى المعلمين

    1,525
    0
    0
    ‏2008-06-11
    معلم
    الأبيات جميلة ... و جميل كذلك السجال الذي قرأناه للزملاء .... تحياتي للجميع .
     
  13. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    [align=center]
    حيااك ربي .. موصاحي .. والله لايجيب الزعل بينا

    وين فيه العنصرية ..!!! القصيدة عبارة عن امنية بسيطة لاي بنت وصفات تحلم انها تكون في الرجل الذي سوف تكمل معه مشوار حياتها ..!!:36_1_12[1]:

    بارك الله في هالابيات اللي خلتنا نكتشف موهبة شعرية جديدة :36_7_8[1]:

    يازين هتان المطر بلارعود ... لاسقى فياضً ترتجيه وتعده

    بعض الرجال بروحه يجود .. وبعض الرجال كنوز ماله يرده

    الورد يبي له نشمي وبه زود .. لاهيبً صحراء ولابحر جده

    لاتفتح عليك ابواب مالها سدود .. يجيك منها شي ماتوده



    هذا وانت محترمنا .. اجل لو السالفة مافيها احترام .. وش كان سويت :36_1_1[1]:


    .. موصاحي ..

    من جد نوورت .. واسعدني ردك .. والسالفة كلها سهووود ومهووود :36_1_12[1]:

    :)[/align]
     
  14. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    [align=center]
    .. وارث الطيب ..

    كل الشكر لك على هذا المرور العطر .. وكما اسلفت .. هذه القصيدة تعبر عن ماتحلم به اي فتاة من صفات لشريك حياتها ..
    ومافيه شي صعب على الله او مستحيل ..
    وما اكثر الرجال الذين يحملون من الصفات والخصال الحميدة ماتعجز القصائد عن وصفها او عدها


    :)[/align]
     
  15. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    [align=center]
    حيااك الله .. ابو زياد .. مرورك اجمل

    من حقه .. وماحد قاله لايتمنى ..

    ولكن

    على قدر اهل العزم تأتي العزائم
    :36_1_12[1]:[/align]
     
  16. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    [align=center]
    هلا حياااك الله .. خالد .. وصح بدنك نيابة عن الشاعر .. مدري الشاعرة


    ليه يااكاافي .. علامه ماهو موجود بالخدمة .. :confused:
    اكيد عليه فاتورة ..
    ودام السالفة مؤقتاً يعني الحمدلله فيه رجاء يسدد الفاتورة .. ويحل ازمة العنووسة
    :36_1_1[1]:


    كل الشكر لك على مرورك الاروع


    :)[/align]
     
  17. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    [align=center]
    هلا وغلا فيك رتوونه .. ويسلمك ربي دووووم


    هذا هو الكلام .. على قولة المثل .. لاسرقة اسرق جمل :36_1_1[1]:


    الكمال لله .. ولكن لاضير من السعي للكمال ..

    ..رتانيا ..

    اسعدني كثيراً مرورك الجميل .. وحزنت لانك الفراشة الوحيدة بين التماسيح .. :( مدري وين باقي الفراشاات :36_1_1[1]:[/align]
     
  18. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    [align=center]
    افااا بس افااا .. :36_1_25[1]:

    ماكنش العشم .. ولاتوقعت ان هالصفات نادرة .. وتحتاج لابحاث وعلماء وعمليات :36_1_1[1]:

    اجل دام السالفة كذا .. كل واحد متزوج يعين من الله خير ويركد ويتعوذ من بليس ويحمد ربه انه مر من تحت المجهر سليم .. وان ام العيال ماشافت هالقصيدة .. والا كان علوم :36_1_12[1]:


    صح بزغ شاعر .. لكن للاسف شاعر متأثر باللغة الانجليزية .. يعني نسى البداوة .. واعلن افلاس بني جيله من هذه الصفات :36_1_1[1]:

    .. ابو عبدالمحسن ..

    حياااك ربي نوووورت .. وكل الشكر لك على ردك الحلوووووو


    :)[/align]
     
  19. ضحوي آل الحارث

    ضحوي آل الحارث تربوي مميز عضو مميز

    4,676
    0
    0
    ‏2008-05-29
    English Teacher
    رائعه ومن المهم ان نطلع على مايجول داخل الطرف الاخر من مشاعر لعلنا نرتقى و نصل الى ذائقتهم
     
  20. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    رد جال بخاطري ولا اقصد به الا مجرد الرد,,,

    الله على اللي برق برق ورعـــــود
    هز السحـــاب و عـــد للحرب عـــده

    البنت ماقالت من القول منقـــود
    حلو الصفــــات بقولهـــا والمـــوده

    تلقى رجـــال لهـــا قول وعهــــود
    وتلقى بنـــات خذوا من الحســـن حده

    ولوكان للبنت من الركب ســـود
    بعض الرجـــال من البشـــر ماتعـــده

    في الســـوق له عين تروح وتعود
    ورى بنات الناس مالقي من يـــرده

    الزين والشــين بيننا لابد موجود
    ما حد كمل خــل الكمال لله وحــــده

    بناتنــا طيب ووفـــا ماله حدود
    والطيب حبــــلٍ ماينقطع لو تشـــده


     
حالة الموضوع:
مغلق