اعلان 1 اعلان 1 اعلان 1 اعلان 1 اعلان 1 اعلان 1


قروي والا.......!

الموضوع في 'ملتقى إستراحة الأعضاء' بواسطة قهوة المنتدى, بتاريخ ‏2011-03-16.


  1. قهوة المنتدى

    قهوة المنتدى عضوية تميّز عضو مميز

    5,541
    0
    0
    ‏2009-06-01
    معلم
    Center][/center

    بصراحه ممكن سؤال مامليتوا من كثر المقدمات خصوصا انها كلها من كتاب ((المقدمات و البثارة من اجل العيارة))
    المهم اليوم راح ابدأ قصتي كالعادة عن القروي عبآدي الذي دايم يحصل على الاشادة من الخارج << موب عاقل نادي الهلال ...
    وهالمرة نتكلم عن سفرية الخارج والي كانت عن كندا المهم قرر عبآدي يكمل هناك بكالوريس رغم انه قروي ولكن كان يحمل طموح ((بيل غيتس)) ويحلم دايم بشركة كبيره مثله بيل غيتس ولكن كان مسار شركته مختلف لانه كاآن ينتج روبوتات على شكل بعارين بس الشئ الي كان دايم يشغل باله وشلون يحلبها ....؟
    ومن الاشياء او مثل مايقول انها اصبحت تمثل له هاجس كبير انه لو راح كندا ... و تعلم لغة انجليزية و اصبح بلبل انجليزي .... يصير يهوجس (يكلم ذاته) بالعربي ولا انجليزي .....ولا مرة قرر انه يصير قروي كول قال ابي اهوجس حالي انجليزي معرب زي كذ1 >>> lba alqrawa
    المهم تم قبوله ولله الحمد بالبعثات وكل شئ صار تمام ولكن اول عقبه مانقدر عقبه الا مفاجآة قولوا التعليم العالي لازم تطلع فيزا عشان تسافر هونيك ومير هو يعصب و يقول مانيب شغاله ولا عامل عشان اطلع فيزا هذ1 عمي فايز سافر البحرين ببطاقة الاحوال ولا طلبوا منه جواز وانا عشاني صغير طلبتوا جواز ومشيتها لكن فيزا معليش ..؟ تراني صغير سن ولكن ذيب << اجل بيل غيتس
    ..... وتدخلوا اهل الخير عشان يقنعوا هالدرج بالسالفه رغم الصعوبات الي واجهها اهل الخير مع العقل المتحجر و اخيرا وافق وهو يقول ترى بطلع الفيزا عشانكم موب عشانهم الكفار ...
    وبدآ اخونا في الله اجراءات الفيزا ... واقترح عليه ولد عمه انه يقضي من السوق هالاسبوعين لين ماتخلص الفيزا و مير يرد عليه عبادي يقول مايحتاج الثياب حقتي توها جديده فصلتها بالعيد وعندي كم طقم رياضه من صف سادس مالبستها توه جديد لاني ماكنت احب العب كورة <<< حرام عليكم ياوزارة التعليم العالي ترسلون زي كذ1
    بما ان ولد عمه ساكن بالرياض كان فاهم اشترى لعبآدي ملابس و قدمها لعبآدي كهدية لانه عارف ولد عمه متحجر وعاد كان من ضمن الملابس بدل رسمية و يشوفها عبآدي و يفك ضحك بشكل هستيري و يستغرب ولد عمه ويقول وش فيك ...؟ قال جايب هاللبس تحسبني بروح اشتغل في الامم المتحده تراني رايح ادرس <<< يالليل الاغبياء لاصارو يتفلسفون

    .... طبعا القروي ماعجبه شئ من الملابس رغم انها كلها ماركات ماغير يقول وراك ماجبت لي ملابس هلال و نصر و الطقم اذ1 ماجاك بالظهر مكتوب سامي الجابر او محيسن الجمعان مايسوي شى
    واخــيرا ولله الحمد ..جت الفيزا وتم حجز الرحله مشكلة اذ1 القروي راح الخارج كل ابو القبيله بالمطآر الاب و الام انواع النصايح انتبه تتزوج و انتبه تشرب و انتبه تاكل لحمهم ...ومن هالنصايح ....اما الاعمام و الاخوال كل واحد يشوفون ذ1 اللوح هو عريس بنته ... اما عيال العم و الخال هع هع ملاعين كل واحد يقولون تكفى ياعبآدي صور لنا البنات وهو يعطيهم نظره معناها ازهلوها .... وبعد ماخلص منهم وهو صار رايح لبوابة المغادرة مازال يآشر بيده مغادراً و الحشود تذرف الدموع مجسد مقوله ((عبآدي يغادر ارض الوطن))

    ومير يركب عبآدي الطائرة طبعا الخطوط كانت المانيه عبآدي لايفهم أي شئ ماغير اول ضحكوا عليه الشعب بما انه اول مرة يركب طائرة ولا يفهم الكلام بالانجليزي اربط الحزام مع اقلاع الطائرة على طول راح يسلم على المقعد الي قدامه بالخشم هع هع
    و كانت الرحله طويله فتذكر عبادي كلام اصحاب عيال عمه بالرياض يقولون له اشتري آيبود يضيع الوقت وهو كان ذكي اشترى واحد ... بس الصدمه كان جديد مانزل لا برامج ولا مقاطع ولا أي شئ يعني ماغير يشغله يلعب بالاعدادات و يطفيه و الحمدلله وصل لكندا وكانت العائلة الي يبي يسكن عندها في استقباله طبعا هو انصدم في واقع الحياة هناك على باله عندهم بيت شعر و علوم رجال بس الحمدلله تآقلم و بدا مشوار المثابره ..... بس كان مشوار الدشرة الي يكون كل يوم سبت و احد يسبب له نكسه خاصة لاشاف سعوديات كاشفات قال يالبيه ياذ1 الديرة سعودياتهم احسن من سعودياتنا ... ويتذبذب مستواه من دشرة الويك وفي مرة من المرات الرجال يسمع ان في كندا مطاعم عربيه وكان مشتهي الرجال كبدة .. ويبي العائلة تفهمه و لاهو قادر يوصل المعنى بسبب ان اللغه عنده باقي مو تمام ... كان يقول له i want good meat ((اريد لحم جيد))ويبي يوضح لهم اكثر ((good meat baby camels))((لحم جيد بيبي الجمل )) و المسكين يقصد كبدة حآشي
    وبعد 11 شهر من التخبط حصل على التوفل ولله الحمد ولكن الان عنده مشاكل مع الملحقيه لم يتم حلها للان و المشكلة ان هو ابتعث على اساس تخصصه الكتريك ((الكترونيات)) وهو يبي ((الكتريك ربوت كاميلس)) بعارين الالكترونيه طبعا مافي هالتخصص بس هو ملعوب عليه و فاهم سالفة ان السعودي محارب غلط

    مايستفاد \
    1-لاترسل قروي للخارج قبل ماتهيآه للسفر تمام
    2-لازم وزارة التعليم العالي تختبر الطلاب فكريا قبل ترسلهم لتطورهم علميا
    3-اللحم الجيد هو الكبدة


    محبكم



    قهوة المنتدي!
     
  2. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    وش هالعنصريه بالموضوع ..!
     
  3. الشمال شرقي

    الشمال شرقي مراقب عام مراقب عام

    3,543
    0
    36
    ‏2010-11-20
    معلم
    قهوة المنتدى دائما رائع في طرحك...وان لك من اسمك نصيب , فمواضيعك تضبط المزاج
    فقط هناك ملاحظة بسيطه في قولك
    ( قرر عبآدي يكمل هناك بكالوريس رغم انه قروي ولكن كان يحمل طموح ((بيل غيتس)) ويحلم دايم بشركة كبيره مثله بيل )

    اخي الكريم الحياة تجارب ومن تجربتي التي استفدتها في هذا الملتقى الراقي هوتحديد الاهداف ومحاولة الوصول اليها دون المساس بمشاعر احد..
    بل انها منهج نبوي كان يقول الحبيب صلى الله عليه وسلم اذا لاحظ الخطأ
    ( مابال اقوام يفعلون كذا وكذا...) دون ذكر ولا اشاره الى احد لأسباب اهمها
    مراعاة المشاعر و ضمان التأثير بالمتلقي
    قهوة المنتدى..فعلا موضوعك رائع واعلم انك ارقى من هذا المستوى فقد تعودنا عليك وعرفت بذلك
    ولكن حاجة في نفسي..دمت بخير

    كائن من كان