اعلان 1 اعلان 1 اعلان 1 اعلان 1 اعلان 1 اعلان 1


شاب فقير خطب بنت عمه المليونير

الموضوع في 'ملتقى بــوح الأقــلام' بواسطة عطر الكون, بتاريخ ‏2011-03-18.


  1. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    شاب فقير خطب بنت عمه المليونير



    وزود عمه طلباته عليه فقال القصيده:





    سبحان من يرزق بتوع الملاييـن


    الرازق اللي ما يخيب الرجـابـه



    لي عم عنده معـرضٍ للصواليـن


    أموت واعرف بس من وين جابـه



    وإذا سألته قـال بعـت الدكاكيـن



    ما يدري إني ما هضمت الإجابـه



    الشاهد إني رحت له قبـل يوميـن


    في قصره العامـر ودقيـت بابـه



    قال ارحب ارحب عدّ ورد البساتين


    يا مرحبا باللـي لفـا يـاهلابـه



    قلت البقا عـدّ النفـل والرياحيـن



    يا شيخ شمل اهل الكرم والذرابـه



    قال اسلم الله يحفظك لي من العين



    وآمر أوامر حضرتـك مستجابـه



    قلت الصراحة طالبٍ قرب غاليـن



    ودي تزوجنـي كريمتـك يـابـه



    ثنّى وقال اهليـن والله وسهليـن




    والكون ترخص لجل عينك رقابـه



    لكن ترى عندي شـروط وقوانيـن




    قلت اشرط اشرط يا حبيب الغلابـه



    قال أولاً مهر العروسـة ثمانيـن




    غير الرسوم وغير حق العصابه



    والثانية عمك يبي منـك سبعيـن




    رسم الأبـوّة والنسـب والقرابـه



    وام العروسة حقها منـك ستيـن





    عشانها ست الحسـن والمهابـه



    واخوانها كلن يبي منـك خمسيـن




    عداً ونقـداً تنـدرج فـي حسابـه








    وخواتها الخمس اعطهن من ثلاثين





    عشان تتوثـق عـروق النسابـه



    وتجيب طقم عيار واحد وعشريـن





    --وخاتم من الماس المصفى ترابـه



    واكياس متروسة كعوب وفساتيـن




    ألوانهـا واشكالهـا مـاتشابـه



    وموتر بسواقـه وفيـلا بدوريـن





    أثاثهـا مـن بطرتـه ينحكـابـه



    واحجز لنا قاعة بقصر السلاطيـن




    وعزم أميـر المنطقـة بالنيابـه



    هذي الشروط اللي على بالي الحين





    وذكرني اللي ما حسبنـاحسابـه



    قلت اذكر الله يا عـدو المساكيـن





    واستغفـره لا يبتلـيـك بعـذابـه



    الظاهر إنك منت عارف أنا ميـن



    أنا لو ارقا فـوق متـن السحابـه



    ماجبت حتى نص درزن مواعيـن



    واضحك بكيفك واعتبرهـا دعابـه



    شروطكم هذي شـروط المجانيـن




    -شروطكم شغـل ابتـزاز ونهابـه



    شروطكم تقصم ظهـور البعاريـن




    شروطكـم همّـن وغـم وكآبـه



    شروطكم والله سيوف وسكاكيـن




    تذبح بنات المجتمع مـع شبابـه



    وين الرضا والعطف واليسر واللين




    اللي ذكرهـا الله بمحكـم كتابـه



    وين الصفات اللي أمرنا بها الديـن




    وين اختفى نهج النبي والصحابـه



    ياعم جعل اللي خلقنا من الطيـن



    يرد عقلك مـن خطـاه لصوابـه



    ويجعل نصيبي عند غيرك قل آمين




    ويحسن عزا الصابر ويجزل ثوابه



    قال انت لو فكرت تفكير صاحيـن




    ما شفت في مجمل شروطي غرابه



    حنا بعصـر العولمـة والمزاييـن




    ماهوب عصر الفلسفة والخطابـه



    الناس تسعى للرتـب والنياشيـن


    وانت اهتمامك بالشعـروالكتابـه



    والشعر ما ينفعك لو هو دواويـن


    ما دام جيبك مثـل بيـت الخرابـه



    يابوك لا تسمع كلام المصاخيـن


    واسأل مجرب عاش في وسط غابه



    قلت الله اكبر يا محـرر فلسطيـن


    من يسمعك يحسبك ذيـب الذيابـه



    تراك شايب راس مالـك رياليـن


    والبنت ما تسوى جنـاح الذبابـه



    قال انقلع مالت على وجهك الشين



    لا عاد اشوفـك عندنـا يالزلابـه



    قلت ابشر ابشر لكن الباب من وين



    واقفيت من عنده على صوت بابـه


    راقت لذائقتِ
     
  2. شموخ ابها

    شموخ ابها تربوي جديد عضو ملتقى المعلمين

    335
    0
    0
    ‏2011-02-25
    ادارية
    الله يخارجنا من ذالشايب مارحم ولد اخوهـ
    بعدين هو بيتزوجها ولابيتزوج العايلة كلها
    الله يسعد قلبك روح علي النقل قصيدهـ تموت من الضحك
    [​IMG]
     
  3. عذبة المعاني

    عذبة المعاني مراقبة إدارية مراقبة عامة

    24,873
    40
    48
    ‏2009-01-10
    أنثى
    ..............
    يااااسااتر
    يسلموووو يااقمر
     
  4. ماجد السليمان

    ماجد السليمان عضو شرف مجلس الإدارة عضو مجلس الإدارة

    23,169
    10
    0
    ‏2009-07-11
    معلم
    الله يرحم حال الضعوف المساكين
    ويغنيهم عن صاحب السلطة والجاه
     
  5. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    الله المستعان
    أمين والجميع شكرا للمرور والتعليق