اعلان 1 اعلان 1 اعلان 1 اعلان 1 اعلان 1 اعلان 1


مابعد التعليم القديم .. إلا التحطيم ..!

الموضوع في 'ملتقى إستراحة الأعضاء' بواسطة مـنـاحـي, بتاريخ ‏2011-03-20.


  1. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    هالووو .. هالووو .. كلكووو

    .
    .

    حياكم الله جميعاً ..

    من أول شنب .. لآخر شباصه :biggrin:

    .
    .

    يقول الأديب الفلبيني : غلام خان أجاشي ( التعليم بالصغر كالنقش على الحجر ) ..!

    وحنا نقول عداك العيب يا أبو خان .. سلام كليم << كلام سليم

    لكن يا أديبنا يا أبو عيون صغار خلنا .. نتعرف حنا وأنت على منهاجنا " وحنا صغار " .. ونشوف هي كالنقش على الحجر .. ولا نقش حناء ..!

    .
    .


    نبدأ مع أول درس :


    [​IMG]


    خلونا نبدأ بالإجابة على الأسئلة ..

    يقول السؤال الأول .. ماذا ضاع من الرجل ؟

    الي ضاع منه المسواك حقه .. نزل ثوبه وطاح المسواك منه وضاع .. :icon28:

    ياخي لو تسأل الـحمـار نفسه عن هالسؤال .. بيقول أنا الي ضعت ..!


    السؤال الثاني .. ماذا عمل بعد ضياعه ؟

    والله ياطويل العمر الي سواه قام وربط نفسه بالشماغ حقه .. وعلق نفسه بالمروحه يبي يتنحر .. لكن المروحه طاحت من السقف على راس الغبي ذا ومات ..!

    يعني الحين درس كله قصة .. مدري هو حنا أول كنا نروح للمدرسه عشان ندرس ولا عشان نسمع قصص ..!


    السؤال الثالث .. هل كان الرجل الأبله حزيناً ؟

    لا والله الرجال متشقق من الوناسه .. قام يطامر بالشوارع من زود الوناسه .. تبي تعرف ليه يامؤلف هالمناهج .. تابع الجواب على السؤال الرابع ..!

    ال الأبله ال .. الأبله والله الي مسوي هالأسئلة ..!


    السؤال الرابع .. لماذا كان الرجل الغبي مسروراً ؟

    هو الحين غبي ولا أبله .. لحسة مخ ترا هالكلام .. مره أبله .. مره غبي .. لا طايحن على راسه وهو صغير ..!

    كان مسرور لأنه طلع المناهج عندنا .. مستانس عشانه هو وحـمـاره .. صاروا من المشاهير عندنا بالمدارس ..!

    ياربي لك الحمد .. أجل هذا علم بالصغر .. الا لق لق لق لق بس .. كثرة هروج على الفاضي ..!

    .
    .

    [​IMG]

    .
    .​

    يا أمل شوفي البسبس متشعبط بحبل الغسيل .. عطيني عصا خليني ألعن خيره هالبس المروح ..!

    أجل البسبس .. شكل الي كان يحب هالدرس .. من الي يربون بساس ببيوتهم الحين .. متأثر للحين بالبسبس .!

    الي قاهرني أنه كاتب بالأخير .. " لالا يابسبس " .. يفهم البس الحين لالا .. مدري هالمؤلف شايفنا نشرب عصير السن توب مع خشومنا عشان يستهبل علينا تسذا !

    .
    .​

    [​IMG]

    .
    .​

    يموت بالبساس هالمؤلف صراحة .. مصاحب بساس الحاره أكيد .. عشان كذا ومن الوفاء عنده لهم حطهم بالمناهج ..!

    يقولك .. ارسم قطة على ورقة ملونه وقصها والصقها بكراستك ؟

    طيب ليش ما ارسمها بالكراسه على طول وخلاص .. ولا لازم اسوي خريطة البحث عن الكنز عشان أجي شاطر وأخذ الأول ..!

    قص ولصق .. حنا يالله نكتب بالمرسمه تبينا .. نجيب مقص ونقعد نقص صور البساس .. طيب وش الفايده من ذا كله .. بصير خياط مثلاً ..!


    يقول .. ماذا يشبه القط ؟ وكيف يمشي ؟ وأين أداعب هري ؟

    القط يشبه الفنانه أحلام بعد عملية التجميل .. يعني وش يشبه أكيد يشبه قطو مثله .. لازم اسوي ذكي واقول يشبه النمر ..!

    عاد كيف يمشي القطو .. والله يناقز مناقز .. هذا إذا كان مستانس .. ويزحف زحف إذا كان بطنه يعوره ..!

    المداعبه أني أشيله وأحذفه من فوق السطح .. عشان يموت ذا البس الي غاثنا بالمناهج ..!


    ماذا يفعل الهر رأى فأراً ؟ وماهو طبع الهر ؟

    أبد ينادي الفأر ويقلطه بالمجلس .. ويتصل على المطعم ويطلب حبة دجاج على الفحم وواحد ببسي ووحد عصير راني .. " طلع الفأر مايحب الغازيات "..!

    المؤلف يبينا نقول لا والله .. البس إذا شاف الفأر لعن والديه .. وتوطى ببطنه .. ويصير بينهم مطارد بالبيت .. " كافي علينا توم وجيري ومشاكلهم " ..!

    طبع الهر طال عمر .. هرٍ سنافي راعي واجب .. دايم حارس برميل الزباله الي قدام البيت عشان ما أحد يسرقه ..!

    .
    .

    [​IMG]

    .
    .​

    ناجحون .. إلا ضائعون .. وداجون .. !

    كلها أجتهدنا ونجتهد .. باقي يقول روحوا جاهدوا بعد ..!

    هنا فيه جملة لحسة مخ منذ 30 عام مافهمتها للحين الي هي " نعمل الواجب ونضيع الأستاذ " بالله الي يفهمها منكم يعلمني وش المقصود منها ..!

    وبالأخير كاتب " نجتهد كثيراً كي ننجح كل سنة ، في الثاني والثالث والرابع والخامس والسادس ، ان شاء الله ، ان شاء الله " ..!

    صارت حصة رياضيات .. وش الثاني والثالث ومدري وشو .. ماحصل شئ يقوله كتب هالكلام وخلاص .. لأنه عارف أن الي يقرون هالدرس ماحولك أحد ..!


    طيب وبعد هالمناهج .. كيف بيكون مستوى الطالب .. تبيون تعرفون كيف صار .. تابعوا هالمقطع وشوفوا مخرجات هالمناهج ..!



    مرسمو ـ قلمو ـ مغطانيسو ـ وآحلى شئ كلمة " بعدين " ..!

    ضاع الولد .. كله من ذا المناهج ..

    هذا الي ماخلاني أصير دختور مخ وأعصاب << انزلع بس :tongue:

    .
    .



    خارج النص:



    تكروني ومحشش طالعين مع بعض للبر
    التكروني يقول للمحشش (اقرب) المحشش يقرب للتكروني
    قاله التكروني مره ثانيه ( اقرب ) قرب المحشش لتكروني
    قاله التكروني :غبيه انتي هماره فيه أقرب تحت إنتا( تحتك عقرب )
    .
    .

    تكرونية تسال واحد : ايش إسمك ؟
    قال : همام .
    قالت التكرونية :لآ قولي متبخ احسن:biggrin:

    .

    .


    خويكم

    موصاحي
     
  2. Ĝђẩ₫ắ

    Ĝђẩ₫ắ عضوية تميّز عضو مميز

    5,689
    3
    0
    ‏2011-03-02
    عاطله
    [​IMG]

    < هذي ضحكه عشان التكروني اللي قلت عنو ههههههههههههه
    مناهج زمان وان كانت غبيه الا انها خرجت اجيال يشار اليها بالبنان
    لكن تعال لمناهج الحين واجيالها < شتان والله

    الموضوع كلو كوم والتكروني كوم ثاني ههههههههههههه
     
  3. ليالي

    ليالي عضوية تميز عضو مميز

    6,301
    0
    0
    ‏2010-05-01
    إداريه
    لاحووووووول ياااااابو صاااااااااحي ماضي وانتهى ليه تقلب صفحاته .......
    انزلع <<انقلع <<تقلع <<اقلب وجهك <<ضف وجهك <<سري ....:tongue::tongue:

    [​IMG]

    يالله صبااااح خير .......اصطبحنا بهالوجه .....:icon30::icon30::crazy:
     
  4. الرزة

    الرزة تربوي جديد عضو ملتقى المعلمين

    162
    0
    0
    ‏2010-01-11
    معلم
    هههههههههههههههههههههههههههههههههههه
    يسعد قلبك الصاحي
     
  5. الشمال شرقي

    الشمال شرقي مراقب عام مراقب عام

    3,543
    0
    36
    ‏2010-11-20
    معلم
    (خروج عن النص)
    موصاحي :
    دع عنك التعليم ياأخي وركز معي , اريد ان أسألك سؤال
    هل تعرف معنى ( الأسى :sadwalk: ) ؟؟؟؟؟؟؟



    انها العصى بالتكروووني..ههههههههههههههه أدري قديمه بس أظحك الولد ينكت

    اما بالنسبه للتعليم ففضلا عن المناهج..فكنا نعاني من المعلمين
    الذين يمارسون انواع (الارهاب التعليمي )ان صح التعبير..انواع الاهانات والجلد بسبب وبغير سبب

    دمت بخير
     
  6. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    الي انتي حاطته هذا تكروني صغير .. انا اقصد التكروني الكبير مثل هاللملوح

    [​IMG]

    :tongue:


    عاد مناهج اول ماتفرق عن مناهج الحين .. " ما أخس من قديد غير عسفان " ..!


    تشكرات كيميائيه ..!
     
  7. أبلة إنجليزي

    أبلة إنجليزي مشرفة سابقة عضو مميز

    2,739
    0
    0
    ‏2009-05-02
    أبلة إنجليزي
    ياليت أحد يفهم بس
    هالحين وقبل أحس التعليم الله بالخير
    تخيلوا مرة عند طبيبة اسنان سورية تسألن وش تدرسين؟
    قلت انجليش
    قالت ابني بيدرس صف ثاني متوسط (الثامن عندهم) وتهاوشة دوم تبية يذاكر..
    يقول ياماما <بلهجتها لشو ازاكر
    هي الدروس اختا بسوريا وانا بصف رابع<<مادرت الحبيبة ان هالمنهج اللي تقول حق سنة رابع مطور بعد ياهمي



    طبعآ حسيت انها نصابه <وبغض النظر عن صحة كلامها فأنا اتوقع فعلا ان تعليمنا اقل عمق من اقرب الدول المجاورة لنا ماعدا الحبايب اللي بالخليج الحال من بعضه

    يسلمو اخوي الصاحي عالجرررح


    <<من جد احس بكل مكان يالمدرسين نتلطش عن اي شي حتى المناهج مالنا شغل بها لقينا مزح برزح
     
  8. نغم ح ـساس

    نغم ح ـساس عضوية تميز عضو مميز

    8,597
    9
    36
    ‏2009-05-06
    معلمة ريآض أطفآل ~

    المغطآنيسووو.. :tongue:
    هالولد من مخرجآت تعليم اول ولآ المطور..:bleh:
    صرآحة رغم ان منآهج اول لك عليها لكن على قولة كيميآئية
    خرجت لنآ اجيآل صح ..:icon30:
    مآندري سبب التنآحة ويييييين..!!
    بالطآلب
    ولآ المدرس
    ولآ المنهج
    يسلمووووو صآآآآحي ،،،
     
  9. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    والله يا صاحبي

    سلامك كليم :icon30:

    رغم المضمون الركيك قديما وبدائيته
    لكن التعليم كان بخير

    الحين جيل الله يرحم زمان أول ( خلونا ساكتين )

    ما حولك احد



    بانتظار قادمك داخل النص وخارجه
     
  10. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    الله يسعدك يالصااحي بجد
    مواضيعك رائعه
    لاتحرمنا من حضورك

    وصدقني لو تغيب بعد اليوووووم
    قطعت رجولك
     
  11. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!




    لابد نتذكر الماضي وخصوصا ايام الدراسه .. وأنواع المناهج الداجه .. وزود عليها مصطلحات المعلمين أول .. قوة سب وتهزيء ..!

    عاد يوم تصبحتي بذا الخشه .. عندك كيميائيه .. أحشريها .. هي الي صبحتك ماهوب أنا << يبي يشوف هوش حريم هنا :tongue:


    تشكرات ليالي ..!​
     
  12. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    هلا وغلا يالرزه .. والحمدلله على السلامة ..!

    ويسعدك أكثر ..!

    تشكرات الرزة ..!
     
  13. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    الحمدلله ماكان يدرسنا وقتها .. تكروني .. ولا كان .. بتشتغل " الأسى " بكل حصه .. :tongue:

    المناهج ياعزيزي بالوقت الماضي .. كانت مجرد حشو كلام .. وأغلبها قصص .. غبيه .. لا تمت للتعليم بصله .. إذا ما الفائده منها بذاك الوقت ..!

    إضافةً على ذلك .. ومثل ما قلت .. الارهاب التعليمي .. من قبل بعض المعلمين .. وخصوصا الغير سعوديين .. فكانوا يمارسون دور الوصايه علينا ..!

    والسبب مقولة الأباء وقتها " لكم اللحم ولنا العظام " .. وبالتالي .. أصبحت لحومنا .. طعام للعصا ..!

    تشكرات الشمال شرقي ..!
     
  14. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    وهي صادقة الدكتورة التعليم بالدول العربيه مكثف مره .. مناهجهم .. تكون شامله .. وذات معنى تعليمي بحت ..!

    بدليل أنه بعض العماله إلى تجي تشتغل المهن الحرفيه عندنا .. مثل النجار والحداد والحلاق وخلافه .. تحصلينهم يتكلمون لو شئ بسيط أنقلش ..!

    عندنا .. تطوير المناهج .. أظن .. ماله أسس أو دراسات جديه تحقق المؤمول منه هذه المناهج .. مجرد .. كتب تمشي مسيرة التعليم فقط ..!


    تشكرات أبلة أنجليزي ..!
     
  15. "وارث الطيب"

    "وارث الطيب" طاقم الإدارة مراقب عام

    1,815
    0
    0
    ‏2010-06-29
    مدير
    تصدق

    الواحد يبي له يتابع مواضيعك


    من جد
    فشة خلق



    الله يعطيك العافية

    ما قصرت
     
    آخر تعديل: ‏2011-03-22
  16. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    هالتلميذ النجيب .. من مخرجات وزارة التربية والتعليم بكل مناهجها :tongue:

    والله يانغم .. أشوف أن المناهج سوا قديمه أو جديده .. أو مطوره على قولتهم .. مازلت بحاجه للتعديل والتصحيح ..!

    المعلم + الطالب .. هم ضحايا لهذه المناهج ..!


    تشكرات نغم ..!
     
  17. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    صحيح يالشامخ .. كانت بعض المواد سيئة الموضوعيه ..!

    لكن ماكان يميز التعليم بالماضي .. هو حرص المعلمين على التعليم وعلى التحصيل العلمي للطلاب ..!

    الجيل الحالي بالعكس هم بألف خير .. وسائل التعليم كثيره .. ولا تقتصر على شرح المعلم أو المنهج الدراسي .. بإمكان الطلاب الآن التعلم عن بعد ..!

    لكن لا حياة لمن تنادي .. !

    تشكرات الشامخ ..!
     
  18. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    أنت يا أبو لمى .. من ضحايا التعليم القديم :tongue::biggrin:

    لبى روحك بس :tongue:
     
  19. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    تابع فديتك يا الغالي ..!

    هذا ممايسعدني ويشرفني وانا اخوك .!

    وعسى ايامك كلها سعادة ووناسه ..!

    تشكرات وارث الطيب ..!
     
  20. عمر العتيبي

    عمر العتيبي تربوي جديد عضو ملتقى المعلمين

    3,089
    0
    0
    ‏2008-05-25
    معلم
    [​IMG]


    والله اذكرها وكتبناها كم مرة وجلد بعد كل كتابة أصلا ما سمعت بشيء اسمه جوائز الا بالمتوسط
    الابتدائي كان شيء غير !! واضح إني تعقدت .....!

    طرح راقي كرقيك يالغالي