اعلان 1 اعلان 1 اعلان 1 اعلان 1 اعلان 1 اعلان 1


وداعـــــاً (4000)

الموضوع في 'ملتقى إستراحة الأعضاء' بواسطة اللؤلؤ المكنون, بتاريخ ‏2008-11-14.


  1. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...

    عدنا <<< سبيس تون

    السلام عليكم ورحمة الله وبركاته

    كيفكم جميعاً

    ادري وحشتكم مووت ...وانتم كمان وحشتوووني كلياااتكم نفر نفر بدون تسمية ..

    صحيح طال انقطاعي عن المشاركة ...
    بس انتم عارفين السبب اقصد (4000) سبب ..
    الرقم هذا مميز اول مرة في حياتي احصل على رقم مميز .. حتى تاريخ ميلادي طالع نازل .. يعني ولاعندي ولارقم مميز .. قلت عاد حرام اول رقم لازم افرح فيه ..

    لكن اذا تبون الجد اصابعي صارت تشجب وتستنكر هذا الانقطاع .. وكل ماجيت اراضيهم ..وانزل مشاركة وقربت من الكيبورد وحطيت اصابعي عليه .. :36_1_37[1]:

    والتفت وشفت الرقم .. وتخيلت ان الرقم (1) بيصير جنب الصفرين ويختفي الصفر الثالث ..

    ساعتها احس بنغزة في اصابعي .. واحس بالدمعة تسقط على حروف الكيبورد .. :36_1_4[1]:

    وقتها اهون وبقوووة واعود ادراجي دون مشاركة .. واذا اصابعي زادة الحالة عندهم اجي اونسهم شوي في الوورد واسوي لهم تمارين حتى على البدليات :36_1_1[1]:

    المهم وبلاه من طول سيرة قررت اليوم وبدون تراجع اني اودع الرقم (4000) وهذي حال الدنيا لقاء وفراق مافيه بد ولاحيله :36_1_46[1]:

    وجاء على بالي احكي لكم حكاية ما بعد (4000) حكاية اتمنى تنال اعجابكم وتحوز على رضاكم وتستاهل تكون المشاركة رقم (4001) لي



    تعالوا يا احبتي نبحر معنا مع هذه القصة



    تنهد محمد بشدة و هو يقود السيارة و بجانبه زوجته ..

    وسألها :
    شفتي ذيك اللبنانية اللي في المحل وشلون تحاكي الرجال اللي معها؟؟ تهقينه زوجها ولا مخاوتيه؟؟

    اجابت زوجته بكل ثقة :
    إلا زوجها شفته يوم يلبس الولد جزمته بعد ما قاس عليه البنطلون


    تجاهل ملاحظتها بالنسبه للتلبيس و تسائل بغباء:

    وشلون؟؟

    وش قصدك ..وشلون؟؟


    ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي..

    وش يضركن يا السعوديات لو تسوون مثل الأجنبيات..لطافة و شياكة وحكين يالله من فضلك


    التفت عليه زوجته وقالت :
    اولاً :لو أقول لك ياحبيبي في المحل وطيت رجلي .. :36_1_28[1]:

    ثانيا: الحرمة لابسه بنطلون جينز قديم محكك ماشفت فيه أي بادرة شياكه

    و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت زوجته مشتريات قال هاتي اللي بإيدك حبيبتي من شان وديهم لعند الكاشيير...
    مهوب مثلك إن كانك ذاك اليوم رايق و ذابحتك الرومانسية
    قلت إذا قضيتوا تراي واقف برا أحتريكم..

    ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..
    شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين..أنا دايم أقولها من باب السخرية و التهكم و لا أقصد فيها المدح إطلاقا..

    ما أقول إلا الله كلن يخليه لعمره و أهله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا.. (أي مرضوا)


    عزيزي ياللي تقرا الحكاية وفاتح خشتك شبرين :36_1_20[1]:

    .. أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك ..


    ..صراحة ..

    أشك أن السالفة سالفة أنكم بحاجة لكلام ناعم و ألقاب فقط .. وأدري أن كل الموضوع حجة لتبررون به حبكم للأجنبيات الجميلات فقط

    (خاصة بعض ناس اللي شعاره في الحياة لا للسعودية نعم للسورية ) :36_1_12[1]:

    لو صحيح انكم تبون الكلام الحلو هذي عندكم
    .. فوزية الدريع طول برنامجها وهي يا عيوني ويا عيوني ..'كن منكب فيهن رماد ' و ما شفناكم مقابلين برنامجها..

    القضية قضية وش شكل قائل الكلمة ؟؟



    للقصة بقية مع ام علي

    ' أم علي' اللي جتها جلطة عندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا ياهيش و يامره ..
    و عندما سألوا أبو علي عن سبب التغيير المفاجئ ..أجاب :
    بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني ..الله ياخذ الروح قبل المكروه

    الله يكون بعون كل سعودية على مابتلاها .. وطبعا الكلام هذا لايعمم على الكل فيه شوية رجاله مووووش بطااالين <<< تبي ترقعها



    .. كوكتيل بطعم الكيوي ..


    [​IMG]

    في إحدى الحفلات قالت أحداهن للأخرى: ألست تلبسين خاتم زواجك في الإصبع الخطأ .. ؟
    فأجابت الأخرى: نعم، لأنني تزوجت الرجل الخطأ



    علقت إحدى الآنسات إعلانا في لوحة الإعلانات كتبت فيه

    (مطلوب زوج )

    في اليوم التالي استلمت مئات الرسائل كلها احتوت على نفس الإجابة

    (يمكنك أخذ زوجي)




    عندما تسرق امرأة زوجك, لا يوجد انتقام أفضل من تركه لها


    قالت امرأة مرة: لم أعرف السعادة الحقيقية إلى أن تزوجت, وقتها, كان قد فات الأوان



    إذا أردت من زوجك الاستماع إليك باهتمام وتركيز تام في كل كلمة تقوليها, تكلمي أثناء نومك



    دعاء امرأة

    إلهي, ادعوك أن تمنحني الحكمة .. لأفهم زوجي .. لأحبه .. ولأسامحه .. وأسألك الصبر .. لتحمل مزاجه .. لأنني يا إلهي أن سألتك القوة فلن يوقفني شيء عن ضربه حتى الموت ..






    .. أخيراً ..

    يكفي اني مبسوووطة كثير اني رجعت اشااارك معكم من جديد

    والموضوع هذا ماهو الا جر شكل ومناااورة جديدة مع تماسيحنا الكرام ..

    والا الرجل السعودي لايعلا عليه :36_1_12[1]:


    ارق واعذب التحاااياا


    لـــولــي




    :)


     
  2. بدر البلوي

    بدر البلوي المدير العام إدارة الموقع

    15,733
    113
    63
    ‏2008-01-03
    اخيراً

    عوداً حميداً ونشاط متجدد لؤلؤنا المكنون

    ونقول للعداد ( جاك الاعصار )

    وماشاء الله تبارك الرحمن ( نشاط وفكر وهمه وتفاعل )
     
  3. إبراهيم أبوعبدالعزيز

    إبراهيم أبوعبدالعزيز عضو سابق في مجلس إدارة الموقع عضو مميز

    5,520
    0
    0
    ‏2008-01-13
    تربوي وكاتب


    اللؤلؤ المكنون ،،


    أهــلاً بكِ مجــدداً ،،


    لم اقرأ ما كُتب أعــلاه ،،


    لأسـباب خارجة عن النص ،،


    ولكن أحـببت أن أكون من أول المرحبين ،،

     
  4. وارث الطيب

    وارث الطيب عضوية تميّز عضو مميز

    1,530
    0
    0
    ‏2008-05-17
    معلم
    الحمد لله على رجوعك وعودا حميدا ( ولو انه بدأ بالمناورات والتلويح والتلميح والتحرش بالخصم )
    لكن اليوم نترك لك الفرصة ( على بال ما يعقد الاجتماع برآسة القائد المظفر موصاحي )
    وكذلك لإعداد الأسلحة المناسبة للمعركة القادمة ( ويلك ياللي تعادينا ياويلك ويل)
    الف حمدا لله على رجوعك اختنا الفاضلة اللؤلؤ
     
  5. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    يامرحبـــــا بحبيبة قلـــبي ورفيقــــة دربي ضد الوحوش,,,

    اللولو,,,,,

    والله لك وحشــــــه ,,, حرام عليك تركتيني وحـــدي ,,,

    شفت كل أنــــواع الاضطهـــاد والعنصـــريه من التماسيح,,,

    وبالذات التمســـــاح الأثــــري ( موصــــاحي):36_1_46[1]:

    ورجوع يبرد القلب ماشاء الله جايه بقنبـــــله ذريـــه,,,

    على طرف النـــص:

    اذا زاد معــــدل الرومنسيـــه عند زوجـــك,, وبدأ يكيل لك من الكــــلام الحلو ,,,

    وصار يجيبلك هدايـــا طالع نازل عمال على بطــــال,,,

    اعرفي انـــه وراه مصيبــــه وببطنــــه بلى,,,

    فهــــذا جرس انـــذار بوجــــود امرأة أخـــرى ,,,

    أو ناوي على سفــــره لاحـــدى الدول ( الله يجعلها للمريخ)

    تحيـــــاتي ,,,
     
  6. معلم ضغط عالي

    معلم ضغط عالي تربوي جديد عضو ملتقى المعلمين

    255
    0
    0
    ‏2008-07-08
    هلا والله بالولو



    ول 4000 مشاركه

    7


    7




    7

    [​IMG]
     
  7. فارس الزعيم

    فارس الزعيم قــلم حــر عضو مميز

    2,161
    0
    0
    ‏2008-06-15
    حكومي
    لؤلؤ الله يحييك والحمدلله على السلامه

    وبغض الطرف عن موضوعك لانك توك ضيفه
     
  8. ضحوي آل الحارث

    ضحوي آل الحارث تربوي مميز عضو مميز

    4,676
    0
    0
    ‏2008-05-29
    English Teacher
    هلااااااااااااااااااااااااااااا
    نحلــــــــــــــــــــــــــــــــــــــــــه الملتقــــــــــــــــــــــــــــــــــــــى
    ثلاث ايام ضيافه وباحاول اغض الطرف عن الافتراءات اعلاه
    ضغط عالي جعل عيني ما تبكيك
     
  9. ! فــ ج ــر !

    ! فــ ج ــر ! عضوية تميّز عضو مميز

    11,071
    0
    0
    ‏2008-01-17
    معلمــــة

    أهلين لولي

    منووورهـ المنتدى عسووووله

    ليكي وحشة أد الدوووونيا ماتغيبيش ثاني ياقمر دنتي رووح المنتدى وقلبه النابض بالحياة

    ودي لكـِ
     
  10. تداعيات كاتب

    تداعيات كاتب عضوية تميّز عضو مميز

    863
    0
    0
    ‏2008-08-10
    موظف حكومي
    [​IMG]
    يأأأأأأأأأأأأأأأأأمرحبا ياللؤلؤ المكنون ,,,,,,,,,,

    والله وطالت الغيبه وما بغت تنتهي الاحتفـــــــــــاليه,,,,,

    وصلتنا اخبار انك تتابعين المنتدى من بعيد لبعيد ,,,,,,,,,,,
    ,:36_1_12[1]:


    الف حمدالله على السلامـــــــه ,,,,,


    تقبلي تحياتي وبالتوفيق ,,,,,,,
     
  11. ظل الياسمين

    ظل الياسمين عضوية تميّز عضو مميز

    342
    0
    0
    ‏2008-10-02
    حمد لله على سلامتك ,, وربي أشتقنا لك

    ومبرووووك على تحطيم الرقم القياسي
    ومجاهة نفسك قدر المستطاع
    :)


    موضوعك فوق خطيـــــــر وأنا أأيده 100%
    ومع رتانيا برضو بالتأييد ,, ,,,
    :)


    كل الود
     
  12. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    شكراً لإتصالك بمركز الجوال ..ونتطلع لخدمتكم دائماً ...[​IMG]

    وعليكم السلام الرحمن الرحيم ...


    بخير ونزقح ونطامر من زود العافيه ياربي لك الحمد ....

    ومن قال أنك وحشتينا مووووت من الي لاعبن عليك وقالك هالكلام .... [​IMG]

    بعدين وش هاللغة مدري اللهجة الجديده .. ( كلياتكم .. ونفر نفر ) أنتي لبنانيه ولا هندية ولا سعودية[​IMG]

    ماشاء الله .. مبروووك ... وش رايك بعد تصورينه وتحطين أعلان بالجريدة أنه للبيع لأعلى سعر ....!

    يعني صار الرقم أغلى منا ... شفتوا وقريتوا كلامها الحين ... أحمدي ربك أني مانيب بالإدارة ولا كان صفرت عداد مشاركاتك .. أل 4000 أل .... والله لو أنك الي لحالك بالنت كله جايبه 4000 مشاركة

    ياربييييييييييييييييييييييييييييييييه ... قطعتي أسلاك قلبي والله .... [​IMG]

    لالا طالبنك خليها بعد الرقم المميز الجديد ( 4004 ) ولا ( 4040 ) ولا ( 4444 ) ... تكفين طالبينك

    ياحياااااااااااااااااااااااااااااااااااام والله ... تفرقتوا بعد كل هالعشرة ...... [​IMG]

    أجل صرتي حكواتية يا ام شباصة ... ماشاء الله تبارك الله .. زين حصلنا أحد يقولنا قصص ماقبل النوم[​IMG]

    أوووخص يا أحبتي ... لالالا رجوعك غريب صراحة بعد كلياتكم ونفر نفر صاير شئ فيك خخخخخخخخ

    طيب ليه بعض السعوديات مايستحون الا من السعودي يعني الأجنبي عادي عندها تكلمه وتسولف وتضحك بعض وياصديق ... ياصديق .... وتقط الميانه بعد وش رايك ياصديق باللون هذا ولا إذا صار العامل الي بالمحل وافد عربي تحصلها تقول إذا كان سوري تقوله معروف عنكم يالشوام ذووقكم حلو وش رايك أخذ هذي ولا هذي .. وإذا دخل سعودي عليها تغطت وأنحشرت بزاوية المحل لين يطلع ..

    وبرايك هذا غباء ولا قلة حياء لأن الي يستحي يستحي من الكل ( وهذا طبعا مو تعميم على كل النسوان قلت البعض ) .....!!!

    يا أبو علي اينشتاين يقول .. شيئان لا حدود لهما الكون وغباء المرأة .....!!![​IMG]

    ويقولك بعد ( خلقة المرأة بكل هذا الجمال لكي يحبها الرجل وبكل هذا الغباء لكي تحبه !! )


    لكن عتبي على التماسيح الي ردوا ويقولون أنتي ضيفه وأم شباصة تشترشح فيكم بالموضوع

    أفااااااااااااااااااا بس ماهقيتها منكم بس ...

    بس هذا دليل على قلوبكم الطيبة ونياتكم الصافيه يامعشر الرجال ... :36_1_1[1]:


    هالمره داخل النص :

    [​IMG]

    الي على اليمين ام خماس ( رتانيا ) انعن ام السلهمه بس مسويه فيها تتدلع وتتغنج قدام الكاميرا
    ولا ام شباصة ( اللؤلؤ المكنون ) ماتدري وين الله حاطها فيه مغمضه على بالها بتطلع خشتها حلوه

    ياربي لك الحمد والشكر بس ( صدق ناقصات عقل ودين ) يادفع البلا .... أحمدوا ربكم ياعيال والله .

    بالله عليكم مثل هالاشكال وشلون تتعامل معها .. لا رومانسية ولا جمال ولا لبس ولا حتى مكياج زي الناس ... ومتصورات ووراهن جهاز الكمبيوتر يعني شوفونا متطورات وموكبات العصر خخخخخخخخ


    يعني حاميها حراميه ... مايسرق الزوج غير الحرمه ... كيدهن عظم ... الله ياكفينا شركن ...!

    تتكلم وهي نايمه ... وشلون بصبر عليها جعلها ماتقوم إن شاء الله .. مريضة ذي الله يشفيها ..
    اما ملبوسه ولا موسوسه ... والله طلعت فضايحكن يالسحالي بالموضوع ذا ...خخخخخخخخخخخ

    صار تتكلم أثناء نومها ... وعلى بالها مسويه ذكية تبي رجالها يستمع لها ههههههههههههههههههه

    إدري بتقولن .. هو وانا صاحية ما يسمع لي ... بقولك من زين هرجكن عاد ... غثيث وكلها حش بخلق الله ( تصدق يابو فلان انه فلانه مسوية عملية تجميل بـ20 الف وهي شينه وععععععععععع ياربي لك الحمد اسغفر الله .. وشهو عقبه تقولين ياربي لك الحمد واستغفر الله بعد ماقطعتي فيها ...!! )

    وهي لو تطالع بنفسها بالمراية لمدة 10 دقايق استفرغت .. مثل الي يقول شين وقوي عين ...!!!


    تمنحني الحكمة يعني داجه مافي راسة وتبي ربي يمنحها الحكمة ....!!!

    وكله عشان تفهم زوجها .. طيب عدلي أسلوبك الداج وخليك سنعه وتكلمي عدل مو تلوين الكلام لوي وعلى بالها تتغنج ووتدلع قدامه .. وتكسر بالحروف وتعلج لبان ... وكشتها فوقها اربعة متر ياكافي
    كيف تتدلعين وشكلك كانك بياعة شروخ وطراطيع ... ولابسه دراعه ولا ثوب روز ومطلعه سيقانها وتحصل كعب رجليها سودا من كثر ماتدخل المطبخ ولا تلبس حذيان ولا حتى زنوبه اقل شئ ...!!

    بتقولين هو مايشتري لي ملابس الا يشتري ويشتري بعد احسن الملابس مابتلبسونها الا بالمناسبات ولا تتزينن الا بالمناسبات ولا قدام الزوج لا جلابيه الي 3 قطع بعشرة ولا ثوب روز خخخخخخخخخخخ

    وتبي زوجها يفهم كلامها ولا يفهم عليها .............!!!!

    لأحبه .... شف أخي العزيز أيه الرجل المظلوم تدعي ربها وتقول لأحبه ( طيب دامك مغصوبه عليه ليش جالسه عنده للحين ... وهذا طبعكن .. حيالات .. تحبينه عشان مصلحة واذا قضت حطيتي فيه الشين كله ) ...!

    لأسامحه ... رجعت تقول لأسامحه وشوي تقول لأحبه ... قمة التناقض والانفصام بالشخصية ..!!!

    اسالك الصبر .. على وشو على انه صابرن عليك أنتي وغبرتك ولا على شكلك الي يروع الغافلين...!!

    لتحمل مزاجه .. مزاجه أنتي الي باعصتن جوه معكرتن حياته بكل تصرفاتك ولا فيه زوجة تقول لزوجها ليلة الدخلة .. متى بنسافر لشهر العسل .. يعني لا حياء ولا مقدمات على طول متى بنسافر اهم شئ عندها السفر طيب الليلة اول ليلة لنا مافكرتي فيها على طول سفر .. وتبين مزاجه يصير زين .. عجيب والله ....!!!

    تكفين يا Gail Kim << هذي مصارعة بس حلوه بنت اللذين ...خخخخخخخخخخخ

    وحنا بعد مبسوطين ومستنانسين أنك رجعتي .. والله تبين الصدق خفت ليكون صاير فيك شئ أشوفك تدخلين ولا تشاركين قلت ليكون أصابعها مكسوره لا سمح الله ولا شئ ... لكن الحمدلله أنك طيبة وبخير


    وهذا هو رد أحد التماسيح الكرام ... ( وترا الزعل ممنوع والرزق على الله ) ....

    رقع يامرقع .. أقول ( خبز خبزتيه يالرفلا أكليه ) خخخخخخخخخخخخخخخخخخخ

    أتمنى لك .. أحلى الأماني .. وأطيب الأوقات ..




    خويكم


    موصاحي



    [​IMG]
     
  13. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    أهلاً وسهلاً بك أختي اللؤلؤ المكنون

    افتقدك الملتقى في غيبتك

    افتقد مواضيعك الرائعة وردودك الصادقة

    ننتظر مواصلة الإبداع
     
  14. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    معلم ضغط عالي الله يرجك ع الصورة وريتنا مقاسات ملابسه الخارجية من حلقه ههههههههههه


    موصاحي كلامي عن الصورة : أخربتها بصور الطقاقات والظل راكب ع أم خماس تناسق ألوان ولا أم شباصة ع قولتك يبيلها ظل بنفسجي بنكهة الجزر.


    بس مو صاحي المحامي الاول والدعوجي المعتبر جبت الفضايح هذا ومالك بكلية النسوان شهر زمان بس يا خوفي اللولو يصير لها اكتئاب عقب هالهجوم العنيف اللي ما توقعته ويصير له رعشة بالاطراف هذا ان سلمت ما نحتها ابو ضغط عالي على مشاركاتها 4000 تقول طبلون فورد خمسة طن موديل ستة وستين . يبيلها شيخ يقرأ عليها .
    اللؤلؤ : مرحبا بعودتك والحماس بوجودك حتى وانتي راجعه من الاجازة ،،، حـــــــيـــــــــــاكــــ الله.
     
  15. عبــدالله الشــريف

    عبــدالله الشــريف إدارة الملتقى إدارة الملتقى

    3,471
    1
    0
    ‏2008-01-03
    معلم
    هلا والله لولي ....!!

    منورة الملتقى بطلتك البهية ..!!

    التمااااااسيح على قولتك صابتهم عين ..!! وتفرق شملهم ..!! فمنهم من أصابه أنفصام في الشخصية ومنهم من يعاني من أكتئاب حاد ..!!


    والله ما عرفنا لكم يالسحالي ...!!

    أذا الواحد كان في حاله قلتوا مايعطينا وجه ماهو رومنسي و ... ,,,, .... ..!!

    وأذا عطاكم وجه قلتوا وش عنده شكله جايب مصيبة ..!!
     
  16. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    يسلموو يااذووق على الترحيب والاطراء ..
    وطريقة دبلوماسية للهروب من خوض المعركة والرد على ماورد في الموضوع اعلاه
    :36_1_12[1]:


    حياااك ربي ويسلمووو على ذوووقك وشرفني حضورك .. ورقي اسلوبك ..
    لكن ياترى ماهي الاسباب الخارجة عن النص التي جعلت تتجنب قرأة ماكتب اعلاه ..
    ليكون بس الرقم 4001 ذكرك بشي غثيث بس
    :36_1_1[1]:


    حياااك ربي وارث .. وشاكرة لك ردك الحلووو ..
    لكن ماني مصدقة اكيد صاير شي ..
    وارث اكثر واحد حيادي وبعيد عن المناورات قرر يشمر عن انامله ويخوض المعركة .. :36_5_11[1]:

    ومع منو مع موصاحي .. اكيد صاير شي .. وموصاحي شكله مرسل لك كم واحد من اعوانه غيروا عندك التوجه :36_1_1[1]:

    من جد انا سعيدة بهذا التغير .. لكن نصيحة من اخت .. احذر تسلم :36_1_12[1]:
     
  17. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    هلا وغلاا فيك يااااحياااتي انتي .. ولايهمك يالغالية هذا انا رجعت وبقووووة ..

    وان شاءالله نكمل مشوارنا ضد التماسيح وبقوووووة ..

    خاصة اني سمعت ان فيه ناس هاجرت وناس تعاني من حالة نفسية ..

    يعني شوي وشوي وتصفي على واحد ..

    وان ماطلعانا في راسه نخل مانكون فراشات الملتقى :36_1_1[1]:
     
  18. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    اهلين معلم ضغط عالي ... منور انت وسنونك وكشرتك .. وعسى هالضحكة دووووم ماهي يووووم .. وعقبال ياارب ماتضحك وتنبسط يوم نكسب الفروقات ...

    بصراحة عقب هالصورة الروووعة .. والمنظر الخطير .. حسيت انك بوووادي والتماسيح في الموقع بوووادي ثاااني .. يعني معذووور وبقوة اذا ماعلقت على الموضوع اعلاااه :36_1_12[1]:


    ربي يحيييك ويبقيك .. ويسلمك ..

    شدعوه من قال اني ضيفة .. انا راعية محل .. وبالعكس الموضوع مقصود وفي الصميم .. :36_1_1[1]:

    لكن شكلي بديت اشك انه صاير في غيابي شي .. :36_1_5[1]:

    ليكون نائب المدير مسوي دورة للتماسيح في فن العلاقات الانسانية والتعامل مع الفراشات بدبلوماسية :36_1_12[1]:


    المهلي مايولي .. ارحب

    نفس الرد اعلاه على فارس الزعيم ..

    يعني بديت اتأكد انه صاير شي للتامسيح .. من متى وانتم ذووق :36_1_1[1]:
     
  19. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    هلا فيك يالغلااا .. النور نوورك يااقمر

    وانتي كمان حبيبة قلبي وحشتني مووووت .. يعل ربي يسعدك دوووم يااذووق ..​








    حيااك ربي تداعيات .. ويسلموو ياااذووق على الهدية النااايس .. وعلى الكلام الحلوو ... والملتقى في قلبي دوووم .. وان غبت عنه ساعة ماغاب عن بالي ثانية

    ويسلمك ربي ويووفقك دائما

    لكن لابد من تعليق بسيط .. يتم ضمك لقائمة التماسيح المشكوك في امرهم
    :36_1_1[1]:




    حياااك ربي يالغالية .. ويسلموو على الكلاام الحلو .. والرد الاحلى .. وان شاءالله دوووم الفراشات يد بيد ضد التتار :36_1_1[1]:


    :)


     
  20. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    عساااه دوووم مو يووووم

    ماحد لعب علي .. انا كذا واثقة منكم ومن نفسي .. واللي ماوحشته .. يشرب من البحر :36_1_1[1]:

    انا كوكتيل لغات .. وان بغيت جنسيات .. واذا تبي ثقافات ..

    تصدق فكرت انزله في سبق او الوئام خبر وتحته كم خط .. بس عاد تعرف العين حق .. وخفت واحد شرواك يصكني عين احرم ادخل الانترنت خير شر


    تدري ودي يسمعون منك الادارة ويصفرون الرقم .. وبعين اللي ماتنام عينه ولاتغفل بتلاقيني في الصدارة بعد ..
    يعني ريح اعصابك مافيه منافسة ولا مقارنه بينا .. وبطل غيرة .. ولاتصير ورع على قولتهم :36_1_1[1]:

    ول ماهو قلب هذا .. بدال الشرايين صارت اسلاك .. الله يستر لاتصير اسلاك مضروبه ... وتصير موصاحي قلبا وقالباً :36_1_12[1]:



    لا تقول .. ان شاءالله عن قريب راح تشوف حركة جديدة وتميز جديد .. والمرة هذي مو من عندي انا .. المرة هذي من جهات عليا

    شوي شوي على احساسك المرهف .. مدري سلك قلبك المشروخ


    صح انا احكي حكايات .. لكن للناس العادية اللي مثلي .. اللي تنام وهي مسمية بالرحمن و قارية المعوذات .. ماهي مثل بعض ناس .. اللي اللهم ياكافي بس

    قلت لك تعدد ثقافات .. وانت وش عرفك .. حدك ثقافة وحده .. واتمنى بعد كلية النسوان يتعدل وضعك :36_1_12[1]:



    شوف الموضوع هذا كبير .. والحكي فيه ياخذ وقت ويبي له صفحات .. وانت طرحت مشكلة بصراحة تقهر وتغث وبقوووة .. لكن تدري وين العلة .. العلة في ولي امرها .. ليه مهيتها .. ليه يخليها تروح للسوق لحالها .. وين دوره .. وين مسؤليته .. لكن الظاهر هو لاهي بعالمه الخاص .. وينطنط من استراحة لبر .. لصيد ضبان .. يعني ماهو فاضي لها ..

    لكن تدري لو انا مكان الرجال اللي دخل المحل وشاف هالموقف .. لانزل العقال .. ومن يوجعك فيها وفي البائع .. <<<< شديدة وماترضى بالغلط


    هذا برأي سو تربية .. وقلة ادب .. وغياب دور الراعي عن رعيته

    اينشتاين هذا من اي عالم جاي .. اكيد من عالم موصاحي

    في هذي معك حق .. يعني اذا فهمت الرأة الرجل تبي تكرهه .. عشان كذا ضروري تكون غبية .. وماتكتشف بلاويه

    انا قلت مثلك بعد فيه شي صاير .. لكن دام فيه تمساح مثلك جاي ويمشي الطبولن
    ومولع السوفتي ..وش عليهم ... يطبقون المثل .. ارقد وامن


    ركز زين في الصورة .. وراح تعرف ان هالصورة .. ماهي الا صورة تمساحين يتميلحون .. مسوين فيها حريم .. مالت بس مالت .. بصراحة ينطبق عليهم المثل .. ان لم تستح افعل ماتشاء ..
    ومابي اسميهم هالثنين لانهم واضحين مايبي لها كلام اكثر ثنين تحمسوا للموضوع وعلقوا


    ليكون تبي يسرقه رجال بس ..!!!!

    لاملبوسة ولاموسوسة .. الا من هدت الحيل طول اليوم شغل وكرف ونكد واخر الليل تبي تفضي شوي اللي في قلبها .. لكن هو ماصدق جدع اذنه وقام يتسمع


    العادة هذي موجودة عند بعض النساء لا مجال ننكرها .. لكن المصيبة انها اصبحت متفشية وبشكل كبير بين الرجال اللهم يكااافي

    احسن من اللي يتهرب ولايشوف المراية خير شر .. يخاف اذا شافها يقول وش هالقرد اللي مر من هنا :36_1_1[1]:


    اول شي هي تدعي ربها .. وهذا حق مشروع ان الانسان حتى لو كان اغنى الاغنياء او اذكى الاذكياء يطلب المزيد من الله سبحانه وتعالى .. واذا سالتوا اسالوا الفردوس الاعلى من الجنة .. يعني لمى تطلب الحكمة من الله مو معناه انها ماهي حكيمة .. لكن تسال الله من فضله اكثر

    مشاءالله تبارك الله .. شكلك تشتري كثير من الحجات اللي في الحرم .. ومطلع على وصفهم وبدقة .. وياخوفي كل روحاتك من عند محبس الجن هناك

    اذا هو اللي يشتري الملابس .. ياترى من وين جت الجلابية الي 3 قطع وبعشرة وثوب الروز ..!!!!!


    هذا دعاء .. تسال الله من فضله .. تبي تحب زوجها اكثر .. وتبي تفهمه وتبي وتبي .. كله من الله الوهاب .. ماراحت تدور واحد ثاني .. وقامت تسوي مقارنه بينه وبين زوجها :36_1_12[1]:

    اكيد السبب تصرفات الزوج ... من كثر مايغلط ويهبب مصايب .. من طيبة قلب الزوجه .. الجأت لله عز وجل لتسامح زوجها .. يعني ماراحت تشكي لفلان وعلان ... او سوت معه مشكلة ..

    لاتفتح على نفسك باب .. والا بخصوص الصبر .. ياما وياما حريم صابرات .. على بلاوي .. يعني بالله عندي لك سؤال .... عمرك سمعت رجال صابر على زوجته وهي راعية مغازلات ..؟؟ او تشرب اللهم ياكافي ..؟؟ او تسهر ولاترجع الا اخر الليل ..؟؟ او تدخن ..؟؟ او تاخذ راتبه ..؟؟ او ... او .... يكفي او تبي اكمل

    بصراحة الزوجة اللي تقول لزوجها ليلة الدخلة وين نبي نسافر شهر العسل بقرة ولاتفهم .. موضوع السفر منتهي من ايام الملكة .. يعني ليلة الدخلة تذاكر شهر العسل موجوده قدامها جهازه ومفيزه بعد :36_1_12[1]:


    حتى المصارعة طلعت حلوة .. يعني تبقى حواء جميلة حتى وهي تمارس الشوت والركل وبعيدة عن جميع مظاهر الزينة والاتكيك والدلع :36_1_12[1]:


    لاتخاف علي .. اذا اصابع يديني صاير فيهم شي لاسمح الله عندي الله يعزك اصابع رجولي .. يعني مشاركة مشاركة الله لايعوق بشر :36_1_1[1]:


    منوووور انت وردك .. والزعل حوالينا ولاهو علينا ان شاءالله


    لاترقيع ولاشي .. انا قلت مو الكل البعض .. وبخصوص الخبز .. معاد فيه احد يخبز كل شي صار اتوماتيكي



    ولك مثلها واكثر