اعلان 1 اعلان 1 اعلان 1 اعلان 1 اعلان 1 اعلان 1


خاص للبدو00

الموضوع في 'ملتقى إستراحة الأعضاء' بواسطة مشعل, بتاريخ ‏2008-11-22.


  1. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم
    اغلبنا في السعودية ننحد من اصوول بدووية --- حلوه ننحدر


    وهناك كلمات اندثرت ومازال بعضها الى الان متداول بيننا


    فهل مرت على احدكم

    الكلمات التاالية



    ومن عنده جديد يضعه هنا




    القناع- مصون- بيرم=العباية



    منقب = برقع (للبنات)



    تصابيع- مرقوق- رغيدة - عصيدة - الرديدة- دغااابيس

    (كلها أكلات شعبية بس لاتسألوني غير عن المرقوق هو الوحيد اللي اعرفه)

    يجبد = يطلع الماء من البير (بكسر الباء)

    الفضيّة = البير الصغيرة (يطلعون منها الماء بدون دلو)

    قداحين = مواعين(قدور- صحون- طشوت)

    مشرتح = صحن بدون أطراف

    مجّمع = اللي يجمعون فيه الزبدة

    عكّه=خاص بالسمن مصنوع من الجلد

    السقا- الصميل = يحطون فيها اللبن

    القربة (كبيرة)- البدرة(صغيرة) = القربة

    المغبة- الغبيبة = يحطون فيها اللبن ليما يروب

    المعلق = سطل يحلبون فيه الغنم


    جينا للغنم
    سرّح الغنم= أرعى (مأخوذة من السرحة الصبح)

    عشوا الغنم -دكوا الغنم- قيل الغنم - مد الغنم - ضح الغنم = أرعى وقت الظهر

    اقرع الغنم = تعال قدامها وردها

    تح للغنم = امش قدامها

    عوصفة = مروحة بالسعف

    منسفة = سفرة بالسعف

    حنية – زربة =المكان اللي يحطون فيه الغنم

    الربق = حبل يربطونها فيه

    المدور = الحبل اللي يربطون فيه غنمه وحدة

    مقهاه = زبدية يحطون فيها مويه القهوة والفناجين


    الجِلم= المقص (بكسر الجيم)

    رفه = بيت المراوح اللي من السعف

    معرى- قفة- زنبيل = سلة ينحط فيها التمر من السعف

    جوال = يحطون فيها الحوت

    بالرفيّق = بهدوء

    فايه = يقولونها للشخص اللي ينسى كثير

    وثّق = امسك زين

    حدل = تعود عالشي

    قوز - عقم= عرقوب

    ماش = ماعنده سالفة

    ماذّمره - مانيّره – مقلعه = مدر عنه

    بٌصره = بكيفه أو براحته

    قط = قد يعني (ماقد شفت ليلام يتكلم)

    متفلقح – منجضع= متمدد

    منبطح = منسدح على بطنه


    مكوّع =متكي

    ذال=خايف

    ضاري=متعود



    افضخه –افقشه =اجرح راسه

    ذاني=هذا

    رقه = الحقه (بتشديد القاف)

    كلجه- متنح =مخه مقفل (بتشديد الجيم)

    مرق – قلط =دخل

    تخطر = تعدى



    الجهات
    شام = شمال

    حدر= يسار (غرب)

    فرع = يمين (شرق)

    يمن = الجنوب (كسر الياء)



    ياسيدي يا (اسم واحد من الأخوان)هذي مثل الاستغاثة يعني إذا طاح منك شي تقولها



    عانه = شوفه

    ابك - أذهنه = انتبه

    أولا بدون التنوين(قبل شوي)

    ازريت = تعبت

    القابلة = بكرة

    الابلة = بعد بكرة

    المقبلة = بعد يومين

    اوللّا أمس = قبل يومين (بتشديد اللام)

    ليت الأول = قبل فترة اصلها (ليلة الأول)



    غبشة = الصباح الباكر

    سامط= مافيه ملح

    زعق = ملحه كثير

    عيا = مارضي

    دقاقه = نحيف

    جلاله = متين

    بليّه = قليل

    تورالي (يتورالي ) = اعتقد

    تهقا = تعتقد

    ماتت نارك = للتحطيم

    عساك ماتثني = ماتجيب اثنين


    رفله = ماتعرف شي (خبز خبزتيه يارفله اكليه)

    اغد = أسرع (بكسر الغين)


    سنة مسنون وسنة مجنون وسنة يجيب الماعون= مثل يقولونه للأطفال ..يعني أول سنة تطلع أسنانه

    والسنة الثانية (يهقش) = يقوم ويطيح..والسنة الثالثة يقضي مشاويرك وين ماترسله يروح

    محقّه = هذي لنفي الشي


    قسنّي(أصلها أقيس انه) = اظن أو اعتقد

    أو( قيسنّي بنام)- (قيسنه راح السوق) – (قيسناها تذاكر)

    دعيّه = بطاقة دعوة

    الصحيّه = المستشفى

    يستودمونبه =هذي اصلها عربية فصحى يعني (يضعون منه في الايدام)

    ماحقه (بتشديد القاف ) =مااشوفه

    ماأحي =مااسمع

    ازرُقه =مر عليه فطريقك (بضم الراء وتشديد القاف)

    ياحافظ ياعقيلة ربي =إذا ضيعت شي ولقيته

    ابله = خبل

    سقمان – وجعان = تعبان

    عام الأول = العام الماضي


    جحيد وعلم بعيد = للي ينكر الشي وهو مسويهكلمات التاالية




    ملطوووش
     
  2. العــطااا

    العــطااا عضوية تميّز عضو مميز

    2,506
    0
    0
    ‏2008-09-07
    معلم
    احلى لطشه

    وبصراحه البعض اعرفها والبعض علمي علمك

    مشكور على اللطشه
     
  3. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    ملطووووووووووش رائع

    كثر لنا من هالملاطيش

    أغلبها أعرفها وبعضها مضيع فيها

    يعطيك العافية أخوي مشعل
     
  4. صحاري 22

    صحاري 22 عضوية تميّز عضو مميز

    1,053
    0
    0
    ‏2008-10-16
    معلمه
    [align=center]تسلم يا مشعل ..........

    والله يعطيك العافيه ......... [/align]
     
  5. عوض الحارثي

    عوض الحارثي عضو مجلس إدارة الموقع عضو مجلس الإدارة

    4,918
    0
    36
    ‏2008-01-13
    معلم
    تسلم يا أخي مشعل وفقك الله على هذا اللطش الرائع والنقل الاختيار الحلو لكن بعضها جيد لم أسمعها أو أن الزمن نساناها .

    جزاك الله خيرا وبارك الله فيك
     
    آخر تعديل: ‏2008-11-23
  6. ضحوي آل الحارث

    ضحوي آل الحارث تربوي مميز عضو مميز

    4,676
    0
    0
    ‏2008-05-29
    English Teacher
     
  7. فيصل الغامدي

    فيصل الغامدي عضوية تميز عضو مميز

    8,412
    0
    0
    ‏2008-08-08
    معلم
    بورك فيك اخي مشعل
    والف شكر على اللطشة
     
  8. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    مشكووووووووووور مشعل والله فيه شئ نسمع فيه وأشياء لا بالسماع ولا بالقياس نعرفها الظاهر اللطش من مناطق متفرقة متحدر ؟؟؟؟
     
  9. سيف

    سيف موقوف موقوف

    978
    0
    0
    ‏2008-08-24
    معلم
    لطشات دائمة هههههههه

    ومعلومات رائعة جداً
     
  10. فهد العتيبي

    فهد العتيبي مراقب عام مراقب عام

    3,016
    8
    0
    ‏2008-01-13
    معلم
    تهقى مطلوش من منتدى ؟؟؟؟ ..

    الله يسعد ايامك يامشعل ..

    تجديد الكلمات التى تذكرنا بأصاله الماضي وذكرياته شي جميل ..
     
  11. مشعل

    مشعل عضوية تميّز عضو مميز

    4,905
    0
    0
    ‏2008-03-17
    معلم


    لا ما اهقى


    ملطوش من منتدى غير سعوودي


    يمكن لطشوا منا


    الله يسعد اياامك فهد





    وشاكر مروركم وتعقيبكم

    جميعااا
     
  12. اللؤلؤ المكنون

    اللؤلؤ المكنون مشرفة سابقة عضو ملتقى المعلمين

    7,287
    0
    0
    ‏2008-05-17
    ...
    كلمات كثير منها نعرفها .. وعدد منها نجهلها

    كل الشكر لك .. مشعل على هذا الموضوع الحلوووو

    :)