اعلان 1 اعلان 1 اعلان 1 اعلان 1 اعلان 1 اعلان 1


رساله إلى الوزير

الموضوع في 'ملتقى حقوق المعلمين والمعلمات' بواسطة التسبد والريه, بتاريخ ‏2011-04-28.


  1. التسبد والريه

    التسبد والريه تربوي جديد عضو ملتقى المعلمين

    66
    0
    0
    ‏2011-02-11
    معلم

    كل عام في التعليم واحنا لنا زي( ن) جديد
    ماثبتنا على منهج وماعندنا غير التخبط
    نبغي نواكب العالم ونلحق بركب المنجزات
    الشعوب التي من غابر الدهر عاشت في حضاره
    واحنا قمنا نقلدها وفي قصدنا نلحق بها
    غير ماعندنا تخطيط متهورين بلا بصيره
    نحسب المجد والتطوير ياجي بزيف وكلمتين
    الطموح اجمل احساسن ويابخت مخلوقن يشيله
    مير لابد له من كلمة الحق والمستبصرين
    لازم نواجه انفسنا ونبدى بتوضيح الحقايق
    والمشاكل ضروري حلها قبل تغيير الكتاب
    ياطويل العمر بعض المدارس خراب في خرابه
    والله ماتنفع الا للمواشي وتسمين العجول
    احلف ان ابنك الغالي يهمك وهو جل اهتمامك
    اتمنى تفضل ياطويل العمر وتزورنا
    والله لو يدري المنصور عن مدرسه حطوا بها اسمه
    بعد مجدن بناه بوسط بغداد غير يهدها
    راعي المستديره صار في المنتزه مثل اليتيمه
    في خرابه عليها عشش البوم وامسى بومها
    وجنبه الشيخ ابو تمام في مدرسه ماهي بعيده
    بعد ذيك القلايد من قصايد جمال ومن حماس
    طاح حظه بحي ن ماعرف شي من معنى حياته
    غيرها يعجز التعبير ياسيدي والحال ماال
    من ثلاثين عام وهمنا نرضي اصحاب المباني
    واللجان اهتنت ماهمها غير تجديد العقود
    العقول اصبحت ماهمها غير تجميع الدراهم
    والذي مابينفع للبشر كلهم ينفع لنا
    ليش صرنا بهذا الحال واحنا على البترول قامه
    والأمانه لنا واحنا مع الدين واهله مخلصين
    الهدف ماهو انا نفتتح مدرسه وبلا ضوابط
    المدارس لها أهداف عظيمه وشي منها جليل
    والمناهج كذلك لازم تكون عن بحث ودراسه
    ماهو انا نغير صورة الجحش ونرده غزال
    المقرر تكبر واي تلاميذناصارواحيارى
    والوسايل ضروريه ولكن مايجدونها
    والعبيكان من ضمن اتفاقه وعدنا بالوسايل
    قرر انه يوفر كمبيوتر لكل الدارسين
    والمعلم وعده انه يوفر له دليل المعلم
    لاجل يقضي على روتين تحضير من خمسين عام
    وابتدى العام لاون المعلم كماالتلميذ حاير
    بين منهج حديث اكبر من الطفل واسلوب قديم
    والمديراشترط تحضير زاد المعلم وابن سينا
    والموجه تناقض في كلامه مع المتناقضين
    قال يااستاذي التحضير مايشترط في سلسلتنا
    بس حكم الوزره فوقنا غصب واحنا طايعين
    والشروط التي كانت في العقد صارت مستباحه
    والمعلم على حاله كماكنت والحال اقشرا
    والتلاميذ جوني مثل ماجيت انا للصف الاول
    من ثلاثين عام وكنت جاهل بترتيب الحروف
    رحت للصف الاول مامعي من كتاب الله سوره
    سبعة اعوام وانا مااعرف الا البهم وبلاد ابي
    للأسف ياخساره بعد الالفين والتلميذ مثلي
    ياجي المدرسه يبكي وخايف وحاله حال ابوه
    ماعرف قبل سن المدرسه لارياض ولاحضانه
    كيف يدرس وهي من خمسةالاف والوالد فقير
    يسمع الطفل بان اولاد جاره بروضات البراعم
    بين علم وترفيهن ورحلات لعب وجايزه
    واقبل الطفل عند امه حزين ويمسح في دموعه
    قال يمه دخيلك سجليني مع باقي الصغار
    ودي اروح للروضه مع فهد والعب واتعلم
    والا ماهوب من حقي ولاحن كماباقي البشر
    قالت اسكت ترى الروضات ماهيب لعيال الغلابا
    من وانا طفلة مثلك وهي حكر لاولاد الذوات
    مير ماقول غير ان الله يعين ويعوض علينا
    ياعسى الله يفرجها وتاجيلنا روضه بلاش
    التأخرفي التعليم هو عقدة الطفل السعودي
    والكتاب الجديد اكبر من الطفل ومن الوالدين
    الله اكبر وانامحتاروياالولد في منهج اولى
    بين الانماط وكتاب التمارين في درس العلوم
    يامعالي وزير التربيه ليتك تشوف المناهج
    طالب (ن) ماعرف يقرا يطالب بحل المسأله


    شعر : سعد العدواني
     
  2. التسبد والريه

    التسبد والريه تربوي جديد عضو ملتقى المعلمين

    66
    0
    0
    ‏2011-02-11
    معلم
    ودي يكون جبت طاري الحقوق والغبن اللي فينا يا سعد
    عموما صح لسانك وبيض الله وجهك يالذيب