اعلان 1 اعلان 1 اعلان 1 اعلان 1 اعلان 1 اعلان 1


الله يسامحكـ يادمعٍ من عروقي نزيفه ..

الموضوع في 'ملتقى بــوح الأقــلام' بواسطة نهرجاري, بتاريخ ‏2011-05-01.


  1. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم


    ياهجوسى كل ماصديت بك جيتي كليفه
    وارتويتي جرحى النازف وجددتى صوابــه

    هودى مافالحنايا درب والرحله مخيفه
    النهار اقفا سنا ضوة وعدّتني ركابــه

    لاتمنيني سراب اللال وعيوني كفيفه
    ولاتسوقيني على اصعب جرح وجروحي تشابــه

    مابقا في قلبي الملتاع واحاتٍ مريفه
    ذبلت اغصونه على مافيه والحزن التوابــه

    اشهد ان في خافقي من دورة الايام خيفه
    وبي من طعون الزمن شدّه وردّه وانقلابــه

    وكل جرح لاعني بردة وشتتني خريفه
    تحرق ضلوعي مشاهيبة وتطعني احرابــه

    وكل طاروقٍ من الفرقا سقا نبضى نزيفه
    والله انه من وجع قلب الحزين ومن مصابــه

    ياهجوسى مالطيف الامس قلبٍ يستضيفه
    الزمان اللي غدا في سالف ايامي غدا بــه

    والمقفي له فجوج القاع ينصفها نصيفه
    لواموت من الظما والله ما اشرب من شرابــه

    النوايا عند رب البيت والذمة نظيفه
    والله اللي قدّر المكتوب للعبد ورضا بــه

    اقتنعنا واغلقت بيبانها النفس المعيفه
    وانطوت في ليل هاجوس المعنّا واغترابــه

    وان سريتك ياهجوسى درب والخطوة ضعيفه
    وادِّعِيني نجم في عرض السما وإِلاّ سحابــه

    واوصليني (نجد) واخذيني على الدار المنيفه
    ديرةٍ هي حبي الاول وهي وصل وقرابــه

    الرسوم الي عليها وجد خفاقي وريفه
    تنبت اعروق الحيا في خافقي وتفك بابــه

    الفيافي والفضا والنود والبرق ورفيفه
    والمعزة والكرم والجود وسياج المهابــه

    وامهليني لين اسرّي عبرة النفس الصخيفه
    وانثر المكنون في سفح المكان وفي هضابــه

    والله يسامحك يادمعٍ من عروقي نزيفه
    والله يسامح حضور الجرح ويسامح غيابـه


    ...................

     
  2. صمتي ذبحني

    صمتي ذبحني تربوي جديد عضو ملتقى المعلمين

    513
    0
    0
    ‏2011-04-27
    معلمة
    واوصليني (نجد) واخذيني على الدار المنيفه
    ديرةٍ هي حبي الاول وهي وصل وقرابــه

    الرسوم الي عليها وجد خفاقي وريفه

    تنبت اعروق الحيا في خافقي وتفك بابــه

    الفيافي والفضا والنود والبرق ورفيفه
    والمعزة والكرم والجود وسياج المهابــه


    أبيات رائعه وجميله
     
  3. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    قصيدة رائِعة .. شكراً لك على ذوقك الرااااااااقي
    سلمت يالنهر الجااااارِي و لا هِنت ...
     
  4. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم



    كل الشكر لمرورك العطر
     
  5. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم


    كل الشكر لمرورك العطر