اعلان 1 اعلان 1 اعلان 1 اعلان 1 اعلان 1 اعلان 1


ماذا افعل ؟؟؟

الموضوع في 'ملتقى حقوق المعلمين والمعلمات' بواسطة الاختيار الصعب, بتاريخ ‏2011-05-06.


  1. الاختيار الصعب

    الاختيار الصعب تربوي جديد عضو ملتقى المعلمين

    15
    0
    0
    ‏2011-05-06
    معلمة
    السلام عليكم ورحمة الله وبركاته

    تعرضت للظلم من مديرتي ولا اعلم ماذا افعل ارجو نصيحتي

    الحكايه اني قدمت لترشيحي مشرفه في احدى المراكز التابعه لمدرستي

    في بدايه العام الدراسي وكانت امنيتي ان اصبح مشرفه

    دخلت الاختبار التحريري وانتظرت ولم ياتيني رد وعندما مرت ايام يأست وقلت شكلهم ما يبغوني وسكتت

    ولكن في تاريخ 12/5/1432 تفاجأت وحدة تسلم علي وتقول لي انا بديلتك لانهم رشحوك مشرفه

    فرحت وقلت لمديرتي يعني من بكرا بداوم كمشرفه قالت لا هي جات كذا مو بديلتك في حال رشحوك تجلس هي وتروحي انتي صدقتها على نياتي وقالت لازم ننزل نصف جدولك لهذه المعلمة

    ونزلت لها المديره 8 حصص وبقيت لي 7 حصص قلت طيب ما عارضت ولا شي وجات تقول لي لازم تمسكي شغل اداري قلت ليش مو شرط رجعي جدولي اذا لازم امسك قالت لازم تمسكي ما ناقشتها كثير ورضيت قالت تمسكي مقصف قلت طيب
    بعد ساعه ارسلت وحده من المعلمات تقول امسكي غياب وهي تمسك مقصف قلت طيب ما عارضت وصرت اشتغل بالغياب مع العلم اني اول مره امسك غياب ولا ادتني دليل الغياب

    وكل ما غلطت في شي هزئتني وانا ساكته اقول طيب ماعاد اغلط تحمد ربها اني وافقت امسك الغياب وهو مو شغلي وجات يوم تتهمني بشي ما سويته زعلت وقلت لها انقديني على كل اخطائي بس لا تحمليني غلط ما سويته تاكدي وقول اني غلطت بس ما سمعتلي مصره اني غلطانه

    بعدها بكم يوم جمعتنا وقالت مشرفتكم نقلت وما قيمتكم لازم تجي لجنه تقيمكم قلت والتقييم اللي قيمتمونا وش كان قالت محد قيم شكيت بالموضوع ونفس اليوم سالت موجهتي ليش ما قيمتنا قبل لا تروح قالت انا سلمت اداءكم الوظيفيه قبل ما اطلع كيف ما قيمتكم وتفاجأت هي كمان
    وقالت انتي لسه ما داومتي بالمركز قلت لا قالت كيف وانتي نزل اسمك في الترشيح

    قلت مديرتي تقول ما نزل واكدت لي انه نزل وحسيت بمرارة الظلم والادهى والامر بعدها باسبوع جات وحدة من زميلاتي تقول ليش اعتذرتي عن الاشراف قلت انا ما اعتذرت مين قال قالت وحدة من المشرفات اللي تعرفها تقول لها انك اعتذرتي اعتذرت بالنيابه عني من غير ما ادري

    وانا من وقتها مو عارفه وش اسوي اواجهها اخاف تقعدلي عالحبه هي الحين ما تقصر كل شوي تدور الزله عشان تجادلني عالفاضي والمليان

    ولا اسكت بس لو سكتت يضيع حقي انا جاني تقل بس كنت اتمنى اخذ خبره ولو كم شهر وانقل

    وش تشورون عليه فيه الله يجزاكم خير
     
  2. الاختيار الصعب

    الاختيار الصعب تربوي جديد عضو ملتقى المعلمين

    15
    0
    0
    ‏2011-05-06
    معلمة
    اتمنى اجد ردودا تفيدني
     
  3. الاختيار الصعب

    الاختيار الصعب تربوي جديد عضو ملتقى المعلمين

    15
    0
    0
    ‏2011-05-06
    معلمة
    ما خاب من استشار اللي عنده خبره يفيدنا الله يجزاكم خير
     
  4. أمير العشاق

    أمير العشاق تربوي جديد عضو ملتقى المعلمين

    106
    0
    0
    ‏2010-04-15
    معلم
    خذي رايي

    أرفعي شكوى لإدارة التعليم

    وراجعيهم برد الشكوى

    والله يعينك على المماطلات بس في الأخير بيوصلك حقك ..

    وعليك بالمطالبة بورقة الإعتذار اللي قدمتها مديرتك !!
     
  5. المنتدى المفضل

    المنتدى المفضل تربوي جديد عضو ملتقى المعلمين

    213
    0
    0
    ‏2009-11-12
    معلمة
    سلامات وين عايشين
    ليه ماتروحي للاشراف بنفسك استاذني يوم لاي سبب وروحي للاشراف او حتى غيبي وروحي للاشراف بنفسك وشفي ورقه الاعتذار انتي بتعرفي الخط والتوقيع لاتنتضري كل شي يجيك لعندك لازم تراجعي بنفسك
    واذا وجدتي المديره هي الي معتذره عنك خذي الورقه واشتكي عليها بالادراه حقتكم
     
  6. الحلم البعيد

    الحلم البعيد تربوي جديد عضو ملتقى المعلمين

    122
    0
    0
    ‏2009-01-27
    معلمه
    اخي الاختيار الصعب وش هالضعف ليه ساكته وانتي داريه انها ظالمتك وبعد معتذره عنك ان الله لايحب المؤمن الضعيف حقك لازم تأخذينه لو توصل لاكبر رأس بالعكس ازعجيها واشتكيها وروحي للاشراف تأكدي بنفسك وبعدين ارفعي شكوى وترا بعدين في نهاية الامر هي اللي راح تبعدك عنها وتوافق على اي شي يريحها منك انا وكيلة مدرسه واعرف الاعيب المديرات
     
  7. الحلم البعيد

    الحلم البعيد تربوي جديد عضو ملتقى المعلمين

    122
    0
    0
    ‏2009-01-27
    معلمه
    معليش الاختيار الصعب والله لو انا مكانك ماخليها تصبح على خير لاطربق الدنيا فوق راسها وترا المديرات اهم شيء سمعتها عند الاشراف وحبايبها لايزعلون عليها ويقولون مدرستها ام المشاكل تراها لاشفتك قويه بتحاول تكسبك وترضيك بس لاتظهرين الا القوه ومن استعان بالله نصره
     
  8. عااشق المستحيل

    عااشق المستحيل عضوية تميّز عضو مميز

    202
    0
    0
    ‏2011-03-25
    معلم
    من شفت كلمة هزئتني (طبعا مو اعتراض على الخطأ الإملائي الصحيح هزأتني) على شخصيتك وأنا غاسل يدي منك خليك في المقصف والغياب أحسن لك
     
  9. hope

    hope تربوي جديد عضو ملتقى المعلمين

    536
    0
    0
    ‏2011-03-23
    معلمة

    بسم الله علي ,,, أحس أني بأنجلط ,,, ياجمااااعه
    مو معقول اللي نقراه كل يوم ,,, لا و معطين المديرات صلاحيات إضافية ,,, عز الله راحوا فيها الضعوف
    والى الان تقولين أخاف تمسك علي زلة وتقعد لك على الحبة وهي مجرمة في حقك
    لو سمحتي :
    اولاً: تروحين الاشراف بكرة لا تأجلينها ولا يوم وتكلمين اللي رشحوك , وقولي ليه تأخر ترشيحي : سوي نفسك تنتظرين النتيجة , واذا قالوا انك اعتذرتي : طلعي كل اللي عندك وبلغيهم بالحقيقة .
    ثانياً : تقدمين شكوى رسمية خطية لمدير التعليم باللي حصل, الليلة تكتبينها.
    ثالثاً: الغياب والاعمال الادارية اتركيها من بكرة وامسكي جدولك ,,, هذي هي مهامك وفيه تعاميم بعدم تكليف المعلمات بإي عمل اداري
    رابعا: والمهم الكلام اللي بأقوله لك الان , لا تخافين الا من ربك ماراح تفصلك , وضعفك قدامها يعطيها فرصة تسيطر عليك وممكن مع الوقت تخليك فراشة اذا استمريتي على هالضعف .
    وجاك نقل وقاعدة بعد عندها :icon28:
    انقلي بعد ماتأخذين حقك, وبعدين وش الخبرة اللي تنتهي بالنقل ... انت معلمة في مدرسة حكومية؟
    أكيد هي اللي قايلة لك اقعدي عشان الخبرة

     
  10. مدرس والله يعين

    مدرس والله يعين تربوي جديد عضو ملتقى المعلمين

    154
    0
    0
    ‏2009-02-15
    معلم
    اختنا الفاضلة مع احترامي الشديد لشخصك الكريم فأنتي السبب في كل مايحدث معك

    انتي اضعفتي نفسك امامها والله يعينك على نفسك

    عموما الان ينبغي عليك مراجعة الاشرف والتأكد من الحقيقة بنفسك فكل ما ذكرته هنا بعتمد على الاخبار المنقولة ولا يوجد لديك اي شيء رسمي

    اذا صدقت الاخبار وكان فعلا الاعتذار من المديرة نيابة عنك او انها اخطرت رسمياً بخبر ترشيحك واخفت الامر عنك فينبغي عليك فوراً رفع الامر للادارة واخبارهم بأنه ان لم يكن هناك حل جذري ومعاقبة للمديرة على ما قامت به تجاهك فسوف تتوجهين مباشرة للمحكمة الادارية

    وفعلا ان لم يستجب لك احد فتوجهي للمحكمة الادارية وارفعي دعوى ضد مديرتك في المدرسة ولكن لابد من وجود كل ما يثبت سلامة وصحة موقفك

    وبالنسبة لي وما لمسته منك من ضعف خلال طرحك للموضوع فأقول لك معلمة وكثير بعد وخلي الاشراف مانتي مؤهله له بمثل هذه الشخصية الضعيفة == اعتذر منك ولكن هذا هو واقعك اذا كان الامر كما ذكرتي بارك الله فيك
     
  11. أبو فهد018

    أبو فهد018 تربوي جديد عضو ملتقى المعلمين

    63
    0
    0
    ‏2011-03-19
    معلم
    أنتي في اي ادارة تعليم؟؟

    واي مركز اشراف ؟؟
     
  12. الاستاذ السعودي

    الاستاذ السعودي تربوي عضو ملتقى المعلمين

    181
    0
    16
    ‏2009-01-17
    معلم
    وليش هالخوف كله
    والله لالو يصير لي كذا قسما بالله لاخليه يجي ترجاني واسحب اقضيه عنه

    شوفي هيا شافتك خوافه مع احترامي لك وريها العين الحمراء وانتي صاحبة حق ماطلبتي الا حقك ارفعي شكوى عليها لاقرب مركز اشراف منك
     
  13. أمير العشاق

    أمير العشاق تربوي جديد عضو ملتقى المعلمين

    106
    0
    0
    ‏2010-04-15
    معلم
    خوفي يكون أحد كاذب عليك وتتطربق فوق راسك

    تأكدي من المعلومات قبل أي خطوة
     
  14. طموحة بلاحدود

    طموحة بلاحدود تربوي جديد عضو ملتقى المعلمين

    576
    0
    0
    ‏2011-04-13
    معلمة
    حبيبتي لا تسكتين عن حقك روحي للاشراف وقولي لهم عن كل شئ اهي مالها حق انها تمنعك المفروض
    تسهل عليك الموضوع مو تتعامل معك بهالطريقة وانا ماراح اقول عنك انك ضعيفة شخصية مثل ماقالو الأخوان
    بس بقول ان قلبك طيب علشان كذا استغلت طيبتك واشوف انك معطية مديرتك اكبر من حجمها
    علشان كذا اهي تستقوي عليك ,, اخر شئ اقوله لك ارفعي خطاب باللي صار لمدير التعليم
    تقبلي مروري اختي الكريمة ,,, دمتي بود
     
  15. ظافر آل فراج

    ظافر آل فراج <p><font color="#008080"><span lang="ar-sa">متبني عضو مميز

    1,433
    0
    0
    ‏2008-12-22
    معلم
    والله مالكم الا يحطكم تحت ادارة مديرتها انصحوها وفهموها بشويش وهدؤ وبحكمه وحلم الله يسعدكم كلن يصقع من جهه والله مدري لا يكون الواحد يوقع الصبح وعينه في الارض لا تجيه الدباسه ماشيه مليون على خشته هههههههههههههههههههههه
    اتكلم عن البعض فقط اسلوب عجيب غريب :tongue:
     
  16. ياسر2009

    ياسر2009 تربوي جديد عضو ملتقى المعلمين

    608
    0
    0
    ‏2008-12-18
    معلم
    العيار الا ما يصيب يدوش
    اذهبي وابحثي وتحرى كيف تم التنازل هذا ومن هي التي قامت بالنيابة عنك في التنازل عن الترشيح ؟ طبعاً التنازل ليس بالكلام وضعي مليون علامة استفهام هنا التنازل ليس بالكلام ؟ التنازل يتم بصفة رسمية وهي اقرار تقومي انتي بكتابته بخط يدك مع التوقيع عليه انك لا ترغب في الاشراف ؟ وتريد البقاء في مهنتك كمعلم مثل السابق ؟ اختي الخوف من الله عز وجل فقط ؟اما المديرة او المشرفة .................الخ اذا كنتي على حق فلماذا الخوف في تحرى الحقائق والمطالبة بحقوقك ؟ ما عليكي فيهم اتوكل على الله وربك سوف يقف معاك اذا كنت على حق وسوف ترجع لك حقوقك كاملة وتنكشف امور غامضة لك لمن قام بعمل ذلك واراد ان يجعل غيرك في مكانك من دون وجه حق .
     
  17. فيث

    فيث تربوي جديد عضو ملتقى المعلمين

    884
    0
    0
    ‏2010-03-25
    معلمة
    مو من حق احد يتطاول على شخص الآخر
    تبغى الأخت النصيحة من التعليق اللي ماله داعي...الله يهدينا وبس
     
  18. الحلم البعيد

    الحلم البعيد تربوي جديد عضو ملتقى المعلمين

    122
    0
    0
    ‏2009-01-27
    معلمه
    الاختيار الصعب وش سويتي بلغينا عسا امورك طيبه وعساك كشرتي عن انيابك
    والله ماقصروا الجميع نفخ وبلف مضبوط ههههههههههههه