اعلان 1 اعلان 1 اعلان 1 اعلان 1 اعلان 1 اعلان 1


جراءتي وراء فضاء معدتي . . . !!!!

الموضوع في 'ملتقى حقوق المعلمين والمعلمات' بواسطة white_angel, بتاريخ ‏2011-05-09.


  1. white_angel

    white_angel عضوية تميّز عضو مميز

    1,583
    0
    0
    ‏2008-01-12
    معلم
    جراءتي وراء فضاء معدتي . . . !!!!

    داومت يوم الاثنين الساعة السابعة صباحا وقبل إغلاق دفتر التحضير بربع ساعة لمزاولة

    المناوبة العسكرية لملاحقة الطلاب والطالبات وادخالهم جبرا للمدرسة حتى أنني أصبحت

    ألبس جزمة رياضة ( كرمتم ) بدلا من الحذاء والبس شراب مارادونا المخطط لونه اخضر

    - تذكرونه بالطبع - على ثوبي ناصع البياض ليتحقق الهدف المنشود بامساك اكبر قدر من

    الطلاب والطالبات بسرعة ووقت وجيز - حتى في مدرب يوصل ابنه عندنا بالمدرسة

    وشافني وطلبني للمراثون بعد تزكية ابنه لي والذي طاردته يوما من الأيام -

    ومن ثم أقبلت على الطابور العسكري وشاهدت التمارين الرياضة واقسم اني غضيت الطرف

    عن سميرة بنت غسان وهي تمارس الرياضية - طبعا ما يسوون سواتي الطلاب وطالبات

    بمراثون الصباح - واستمعت للاذاعة بالمدرسية ويا حليلها أبلة سماح مسوية اذاعة

    بالانجليزي ومحد حولها وانتهى كل معلم ومعلمة الى فصله

    ووقفت حائرا بعد الجهد الذي وقع مني صباحا . . ما هذا الذي يصوصو في بطني ؟!

    يا الله إنه الجوع نعم إنه الجوع . . أيعقل أن أفطر وحيدا ؟ هل أشارك زملائي الفطور ؟

    ووسوس لي ابليس أن دق على زملاك وفلها وربك يحلها

    طبعا أبلة غادة دايم تجي متأخرة للدوام زوجها يداوم متأخر وهي تجي معه عالساعة 9

    دقيت عليها :

    أنا : السلام عليكم

    أبلة غادة : عليكم السلام وش عندك على هالصباح

    أنا : لحوول وش هالاستقبال الشين

    أبلة غادة : زوجي زعلان مني وقافلة معي

    أنا : اسمعي لا جيتي نشوف وش السالفة المهم جيبي معك فطور ودنا نفطر بالمدرسة

    أبلة غادة : شكلك ودك تخربها

    أنا : إي ذبحني الجوع وما أحب أطلب أحد سيارته

    أبلة غادة : زين وش تبي بالضبط

    أنا : كلك نظر عددنا 20 معلم ومعلمة وانت تداومين متأخر جيبي ألي يكفي ويوفي ولا تنسين كرسون الجبنة تكفين

    أبلة غادة : طيب طيب سلام زوجي صحي وخلني ألحق أقول للخدامة

    أنا : زين سلام

    على الموعد جت أبلة غادة الساعة 9 ومعها الفطور واجتمعنا بالفسحة وبعض المعلمات الله يوفقهن جابن معهن حلا وقهوة وشاي حتى أبلة منى القعيطية جابت علبة جبنة أبو ولد الله يكثر خيرها

    وحنا يالمعلمين ما غير ناكل ونحدد وش أزين طبق ونتشرط بعد حلو زين شين


    وحنا على وجبة الفطور ولا هذي لجنة المتابعة

    والكل واقف شاخص العينين . . حتى أستاذ فارس سوا نفسه ما ياكل

    أمرت لجنة المتابعة بالتحقيق مع الجميع لمزاولة الفطور الجماعي ومن وراء هذا التجمع الذميم ؟

    وقلت لنفسي . . الله يلعنك يابليس انت وشورتك !

    طبعا لشهامتي ونخوتي قلت أنا ألي جبت الفطور وعزمت المعلمين والمعلمات . . وابلة غادة محشورة تبي تبكي لاني شلت عنها هالمصيبة . .

    رحت ادارة التعليم وصار التحقيق :

    المحقق مطلق : وش اسمك ؟

    أنا : المعلم فيصل

    المحقق : انت عارف وش سويت ؟

    أنا : لا والله مدري وش بالضبط ( عارف بس استهبل )

    المحقق : زين زين . . انت يا معلم ( باستخفاف ) سويت تجمع ممقوت داخل المدرسة . . واحضرت الفطور بل وعزمت عليه المعلمين والمعلمات

    أنا : يا استاذ مطلق كنت جيعان بعد المناوبة الصباحية ولا افطرت بالبيت و . . . .

    المحقق : لا يكثر التعليمات واضحة . .

    أنا : طيب خلاص آخر مرة ما عودها . .

    المحقق : ما تعودها هاا . . يعني معترف بكل جرائمك

    أنا : جريمة @-@ !!!!

    المحقق : وش تسمي الفطور الجماعي أجل . . ؟ تجمع تعليمي . . . !!!

    أنا : (قفلت الأخلاق) . . اسمع يا مطلق سوي الي تبي واعلى ما بخيرك اركبه لابوكم لابو الي جابكم يا عيال .... طــــــــوط ..............

    بعد اجتماع اللجنة واعترافي واثبات الجريمة الواقعة علي قرروا ما هو آت :

    1-

    2-

    3-

    4-

    5-


    أيها القاريء العزيز . . ماذا تتوقع العقوبة التي وقعت علي ؟

    املأ الفراغ السابق بما يناسبك . . .

    المساحة مفتوحة للجميع


    No تمت
     
  2. العائض

    العائض تربوي جديد عضو ملتقى المعلمين

    393
    0
    0
    ‏2011-01-04
    معلم لغة عربية
    1- تبوس غادة وتتأسف منها
    2- تفطر المسؤولين بالتعليم على حسابك
    3- تصوم ثلاث أيام وقت الدوام
    4- نقلك من المدرسة
    5- خلك عنك اللي راح تفصل لأنك أرهابي تعليم
     
  3. أبوخشيم

    أبوخشيم عضوية تميّز عضو مميز

    1,740
    0
    0
    ‏2009-10-14
    مــعلم
    ههههههههههههههههههه الله يسعدك
    والله يسعد العائض هههههه

    اتوقع نقل تأديبي للخرخير .. وانصحك تغير الجزمة (تكرمون) وواصل العمل الماراثوني حافي نظرا لانها مليئة بالطعوس

    وفقك الله اخي الكريم .. وبإذن الله سنجد من يقف للتصدي لكل هذه القرارات التي تتخلل القصة
     
  4. عبدالناصر المالكي

    عبدالناصر المالكي تربوي عضو ملتقى المعلمين

    463
    0
    16
    ‏2010-06-25
    معلم
    ياعمي ... اقبل العقوبة , وخذ معك اثنين عضلات وكاميرا ...روح لمكتبهم وقت ماتعرف ساعة فطورهم وطق بصورة واطلع .. ولاتخلي ابن امه في البلد ماتوريه العقوبة اللي عليك وصورتهم وهم يفطرون , والشهود اللي معاك يثتون الكلام + مايخلون احد ياخذ الكاميرا منك ^_^

    واطلب تظلم , واذا ماحد انصفك بالعقال ومحطهم واحد واحد .
     
  5. معلمه من زمان

    معلمه من زمان تربوي جديد عضو ملتقى المعلمين

    168
    0
    0
    ‏2009-01-28
    معلمه
    ماأعتقد ان المحقق مطلق يقصد جريمة الفطور الجماعي
    شكلة استغرب ترك المعلمين لمراقبة الطلاب والطالبات وقت الفسحة
    فيما يحتسين المعلمات قهوة الصباح والفطور الصباحي لاستعادة نشاطهن
    بس لاتخاف الله العالم شكلة بينزلك من معلم خبير الى معلم أول
     
  6. شهد الحروف

    شهد الحروف تربوي جديد عضو ملتقى المعلمين

    569
    1
    0
    ‏2008-04-05
    معلمة
    1 - يحطوك مراقب .. تراقب المعلمين والمعلمات وتمنعهم من أي تجمع غير تعليمي كالفطور الجماعي _ زي الطالب المشاغب لما يبغوا يخلصوا من مشاغبته يحطوه عريف على الفصل -.

    2 - يحطوك مشرف متابعة بالفسحة على الطلاب والطالبات للتأكد من أن جميعهم قد أفطر .

    3 - يكلفوك بعمل فطور صباحي للطاقم الإداري بالمدرسة يعني تحط لهم الفطور وتشوفهم يفطرون ولعابك يسيل يعني أنواع التعذيب النفسي طبعا مع منعك من الفطور بالمدرسه لمدة سنة دراسيه .

    4 - يكتفى بهالعقوبات حاليا وفي حال تكرار الأمر يتم معاقبتك في حينه بما تراه لجنه التحقيق مناسبا .



    موضوع مضحك مبكي بنفس الوقت ..
    الله المستعان ..
     
  7. ~همس الورد~

    ~همس الورد~ تربوي جديد عضو ملتقى المعلمين

    93
    0
    0
    ‏2011-03-09
    معلمة
    اضحك الله سنك ,,, لكن الله لا يجيب هاليوم اللي بتكون المدارس خليطي هذا اللي نقص
     
  8. white_angel

    white_angel عضوية تميّز عضو مميز

    1,583
    0
    0
    ‏2008-01-12
    معلم
    الرد باللون الاخضر
     
  9. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه
    هههههههههههههههههههههه....والله حالي حال اللي فوق اتخيل معلمين ومعلمات قسم ان تصير علوم ويل حالي الحمدلله على نعمة العقل والاسلام اوه صح ربعنا يبون يحللونه؟؟

    عموما اتوقع عقوبتك كالتالي:

    1- فصل ثلاث ايام...بخصم الراتب

    2-تعميم على جميع المطاعم والبقالات اللي حول مدرستكم يمنعونكم من المؤونه اسبوعين

    3- تعهد خطي بعدم تكرار هذي الفعله المشينه

    3- ترجع المدرسه بعد الثلاث ايام لتعمل كاداري

    4- تجبر برفع تقرير يومي بنوع الافطار وكيفيته بالمدرسه
     
  10. قلم زائر

    قلم زائر تربوي جديد عضو ملتقى المعلمين

    770
    0
    0
    ‏2009-03-15
    معلمه
    ليه الزحمة هاذي كلها .... افطر ببيتكم ..
     
  11. kkaa123

    kkaa123 عضوية تميّز عضو مميز

    ‏2008-06-09
    معلم
    يعني جات ع الفطور الجماعي
    وهناك ما يمرر من الطوام مخالف للعادات والعرف قد نراه مطبق في المدارس


    أااااااااااااااه
    نسيت قد يكون ما تتحدث عنه بعد تمرير ذلك الفكر الغريب بزمن ليس بالقليل وربما القليل
    لذلك
    الحل بسيط جب واسطة ولو تكون ذا المنظر الوسيم
    يحل جميع الإشكالات ......
     
  12. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه


    اتوقع ان المقصد يااختي التوضيح ان الوزاره قاعده ترتكب مخالفات كبييره ومطنشتها وجالسه تدقق علينا في صغائر وتوافه

    من باب اولى تنتبه لما هو اعظم فالعبره ليست بمنع الفطور الجماعي العبره بالفكره ان الوزاره انشغلت عن ماهو اهم بماهو لاااايهم بتاتا البته


    والا الصدق ماحنا ميتين من الجوع لكن الاعتراض على مبدأ الوزاره الغريب في التصيد والترصد للمعلمين والمعلمات ...اتمنى وصلتك الفكره

    :bigsmile:​
     
  13. سعدsad

    سعدsad عضو سابق في مجلس إدارة الموقع عضو مميز

    3,941
    0
    0
    ‏2009-01-28
    معلم
    يصحوونك من النووم !! :biggrin:
     
  14. مـــاهـــر

    مـــاهـــر تربوي جديد عضو ملتقى المعلمين

    67
    0
    0
    ‏2009-10-05
    معلم
    يأكلونك كل يوم تونه بثوم مع عصير حبحب (جح )
     
  15. عبدالله الحريري

    عبدالله الحريري عضوية تميّز عضو مميز

    6,489
    0
    36
    ‏2008-09-16
    قــائــد مـدرسـة
    يحيلونك الى التقاعد المبكرررررررر

    ويعينوا بدالك بديل او بديله :harhar1:​
     
  16. white_angel

    white_angel عضوية تميّز عضو مميز

    1,583
    0
    0
    ‏2008-01-12
    معلم
    الرد باللون الاخضر
     
  17. قلم زائر

    قلم زائر تربوي جديد عضو ملتقى المعلمين

    770
    0
    0
    ‏2009-03-15
    معلمه
    وما اقصده علينا احترام الانظمة والتعليمات ...
    ليحترمنا الغير .. النت مفتوح وجميع الطلاب الآن علموا ان الفطور الجماعي ممنوع
    فاذا المعلم لا يحترم ولا يطبق قرارات الوزراة فهل سيحترمه الطالب ..:no:
    هذا اقل تقدير .. ثم اذا نحن لا نطبق قرارات الوزارة كيف سنطالب الوزارة بمنحنا حقوقنا..؟؟؟
    اما التصيد والترصد غير صحيح .. الظاهرة اصبحت منتشرة للحد ان تحولت المدارس الى مطاعم
    وسفر ممدودة وكانه بوفيه مفتوح في فتدق .. هذا غير الكثير من المشكلات على القطة وعلى غيره
    وكذلك الامراض والتلوث والتسمم اللى حصل ببعض المدارس ..
    وأنا ارى مضار الفطور الجماعي ومشاكله اكثر بكثير من منافعه.
     
  18. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه

    والله انا ماشوف له شغل بالاحترام بتاتا...والطالب اللي مايحترم معلمينه من نفسه وطيب تربيته واخلاقه مارح يحترمهم عشان ماطبق المعلم قرار وزاري ...من جدك تربطين احترام المعلم بتطبيق قرارات الوزاره؟؟؟:no:

    وانا اتعجب من كلامك ان الفطور الجماعي سبب تسمم متى ووين وكيف؟؟ مدري يمكن انا افاهمه الفطور الجماعي غلط او يمكن اللي نسويه بمدرستنا مايعتبر فطور جماعي!!!

    كل مافي الموضوع المجموعه اللي فاضيه تتحلق حول سفره كل وحده معها كاستها وساندويشتها خربت الدنيا يعني:crazy:

    وياليت تنزلين لنا موضوع تنورينا فيه..بعنوان سلبيات الفطور الجماعي..يمكن خبرتك تختلف عن بقيتنا

    بمدرستنا عمر فطورنا ماأخرنا عن الحصص
    عمر فطورنا ماسبب تسمم لأحد
    عمر فطورنا ماكان مظهر غير حضاري
    الا هالغير حضاري ذي ابي افهمها عجزت؟ انتم كل شي دسيتوه باسم الحضاره..حتى بعض السنن دعستو عليها وصارت غير حضاريه...

    اخاف انك مديره يختي...الله يعين معلمات المدرسه اللي انتي فيها


    فطوووور لاراح ولاجا

    اهتز وتخلخل احترام المعلم يومنه افطر مع زملاءه


    ويح قلبي:no:
     
  19. white_angel

    white_angel عضوية تميّز عضو مميز

    1,583
    0
    0
    ‏2008-01-12
    معلم
    المشكلة ان التهديد والوعيد للمعلمين والمعلمات فقط . . مو لادارة التعليم
     
  20. كَلِمَاتْ

    كَلِمَاتْ موقوف موقوف

    321
    0
    0
    ‏2009-09-22
    معلمه
    ليه مصرين تثبتون للعالم أنكم وحوش و غير العالم !


    اغلب دول العالم التعليم عندهم مختلط و دمج و لا سووا هالأكشن اللي جالسين تسوونه

    وش صار حتى تسوون كل هالدراما ؟!

    اللي كتب قصيده و اللي سوى فلم و اللي نزل مقطع ..


    طبعاً ما أأيد الدمج ولا الاختلاط وضدها تماماً ..


    لكن اهدى من كذا الله يهديكم