اعلان 1 اعلان 1 اعلان 1 اعلان 1 اعلان 1 اعلان 1


قصيدة واحد متعقد من المكياج ..

الموضوع في 'الملتقى العام' بواسطة ترانيم, بتاريخ ‏2011-05-11.


  1. ترانيم

    ترانيم تربوي جديد عضو ملتقى المعلمين

    325
    0
    0
    ‏2009-10-26
    -
    قصيده كتبها واحد متعقد من المكياج يقول:


    يا صانع المكياج الله يجازيك
    خليتني مخدوع في شكل خلي

    الله يحرق مصنعك مع مبانيك
    والمعرض الموجود في بيكاديلي

    ادعي عسى تعمى وتنشل رجليك
    هذا دعائي دوم لا جيت أصلي

    خليتني اركض ورا البنت هاذيك
    واشوفها أجمل غرام ٍ حصللي

    قلبي عشقها يا(جيفنشي) توماتيك
    وان شافها قلبي يرحب يهلي

    هي رحبت بي وقالت الله يحييك
    وقالت هلا باللي عشق زين شكلي

    وقالت أنا أجمل بنت في اللي حواليك
    شف حسني الأخاذ وروجي العسلّي

    طالعتها ثم قلت هالقلب يبغيك
    ومن شاف حسنك خلى غيرك يولي

    ابغي اشوفك دون مكياج يكسيك
    وابغياشوفك بالجمال المحلي

    قالت تبيني افرك الوجه تفريك
    واشيل هالبودر وروجي وكحلي

    قلت أي نعم قومي عسى الروح تفديك
    ابغي جمالك هالطبيعي يهلّي

    قالت دقايق راجعه لك واراويك
    ذاك الجمال اللي لعينك يسلّي

    ويوم رجعت لي شربكتني الشرابيك
    وحسيت الأرض تدور وأنابمحلي

    الخد كنه يا(جيفنشي) سيراميك
    والوجه شارع مثل شارع حولي

    الوجه كنه بيت كله شبابيك
    من هالحفر في وجهها اللي يعلّي

    كله سبب مكياجك الله يجازيك
    خليتني مخدوع في شكل خلي

    ونصيحتي لكل شاب من غيرتشكيك
    لا لا تتسرع ثم تنغش مثلي

    اللي بلا مكياج خلها حواليك
    واللي تحط مكياج خلها تولي
    ...........وسلامتكم...........


    م / ن​
     
  2. MOHAKSA

    MOHAKSA تربوي جديد عضو ملتقى المعلمين

    163
    0
    0
    ‏2011-04-17
    teacher
    1000 شكر لكِ ع النقل و صح لسان قايلها :)

    المكياج الخفيف حلو يهبل و و و ... الخ

    لكن انا نفسي أفهم مكياج المناسبات والأفراح مين ضحك عليكم وقال لكم حلو
    :harhar1:
     
  3. ترانيم

    ترانيم تربوي جديد عضو ملتقى المعلمين

    325
    0
    0
    ‏2009-10-26
    -
    ههههههههههههههه .. لاتعليق ..
     
  4. سطام أبوتايه

    سطام أبوتايه تربوي جديد عضو ملتقى المعلمين

    73
    0
    0
    ‏2011-04-17
    مدرس
    صدقوني المكياج بالنسبة للمرأه مثل البنزيل للسياره اذا خلص ما تشتغل
    اتحدى شنطة بنت مافيها مكياج مستحيل بعد
     
  5. ترانيم

    ترانيم تربوي جديد عضو ملتقى المعلمين

    325
    0
    0
    ‏2009-10-26
    -
    اشكر لكم المرور العطر .... لكن رفقا بالقوارير .
     
  6. كأني هنا

    كأني هنا عضو مجلس إدارة الموقع عضو مجلس الإدارة

    12,897
    11
    38
    ‏2010-05-14
    معلم -وكيل بالواسطه
    وتبقى الروح فيها لاتشيخ
    حلو المكياج الخفيف على ملامح بارزه
     
  7. سديم فرح

    سديم فرح عضوية تميّز عضو مميز

    5,557
    0
    0
    ‏2009-03-11
    معلمة
    ويبقى لكل مقام مقال

    يعني المكياج على حسب

    المناسبة والوقت والهدف

    والزيادة كالنقصان

    وماعرفنا لكم ياهالرجال

    ان حطت مكياج قلتوا ليه اووفر
    وان ماحطت قلتوا ماتهتم

    والله حيرتونا لكن يبقى الطبيعي اجمل

    او بالادق شبه الطبيعي
     
  8. مبسوط

    مبسوط تربوي جديد عضو ملتقى المعلمين

    28
    0
    0
    ‏2011-05-10
    English Teacher
    ومسويات فيها انكن زانات , اثاريه من المكياج ههههههههه


    اختيار حلو ترانيم