اعلان 1 اعلان 1 اعلان 1 اعلان 1 اعلان 1 اعلان 1


وقطعو حبل الرجا فيني وماعاد فيه أمل...اتصال من 01

الموضوع في 'ملتقى النقل الخارجي والتعيين' بواسطة شتات, بتاريخ ‏2011-05-15.


  1. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه
    مساء الخير زميلاتي وزملائي

    في بيتنا الثاني والذي يكاد ان يكون الاول...هنا التقينا حيث تفتت امالنا على صخرة حركة النقل الغرائبيه والتي غطت عجائبيتها على حدائق بابل المعلقه
    وسور الصين العظيم

    >>>>>>>>>>>>>اخلصي علينا بس:no:

    اتذكرون عندما قررنا ان نرفع التظلمات ونشتكي من جور الحركه؟

    اتذكرون اتفاقنا بأن نقلق الوزاره حتى ترضخ لمطالبنا وتنقلنا طيب ماهو غصب؟

    تذكرون والا لا؟؟

    ياللا ردو بعدين اعلمكم:harhar1:




    مو هذي حيلة الضعيف رفعت فاكس لمعالي الوزير واشتكيت من ظلم حركة نقل خااائبه
    وكيف ماتنقلوني ياوزير؟ وتخصصي مطلوب ومرغوب وماله نظير؟>>>>هذي بس عشان القافيه والا مالها شغل:icon30:
    وذيلت الفاكس بسخرية لطيفة عابره عن ضوابط نقل ذوي الظروف الخاصه وكيف انها ظالمه وتشترط عظام المصائب لتحقيق النقل:crazy:

    بعدها بأسبوع جائني رقم غريب مبتدئا ب 01 استبشرت واسترهبت وركضت الى منأى في الشقه ابتعد عن ضوضاء سبيستون الذي لاينقطع
    ورددت بلباقه: الو نعم

    فرد علي اسيوي :هينا في سقاله اسم (.....وذكر اسم خادمتي وعيب احطه هع:bleh:)

    رددت بخيبه: ايوه هنا من انت؟

    قال: انا زوازات عشان تزديد زواز>>>>>>مجددين جوازها عشانها تبي تكمل غربتها معي في غربتي فقد قضت ثلاث وتريد ان تتبعها بثلاث اخرى:dunno:
    قلت: نعم ايش فيه؟

    قال: ممكن اكلمها؟؟

    برغم امتعاضي ...وترددي ناديتها واعطيتها جوالي لتكلم ووقفت اكمل ماكان بيدها من عمل >>>>>عشان اسمع بس يمكن افهم اندونيسي :santa_1:

    وانتهت المكالمه....ومالكم بالطوويله >>>كل هذا ومالكم بالطويله:bleh:
    ****

    وتناسيت الموضوع وايقنت انه لن يُرد على فاكسي الساخر للأبد وسيغيب في ادراج الوزاره

    الى ان اتتني زميلتي اليوم حاملة هاتفي النقال>>>>قبل شوي كان جوال والحين نقال الله يالدنيا مااسرع تغيرها؟؟:harhar1:

    وقلت بفرح وسعاده: جوالي دق؟؟:clap:>>>لأنه نادرا مايدق يااحظي:tears:

    قالت : نعم دق

    والتقف الجوال من يدها وأخرجه من جرابه بحركة جاكي تشان اللولبيه
    واذا به مكالمه لم يرد عليها
    وافتح المكالمه >>>حاسه فيه ناس تقرا معصبه هدو شوي ماله داعي:tongue:

    والاقيها تبدا ب 01....ياحبيبي يا01 يعني الرياض يعني يمكن الوزير داق علي؟؟

    وضحكت علي زميلاتي قالو يمكن داق عليك واشارو علي ان اتصل على الرقم
    واتصلت.....ولكن الرقم مشغول:dunno:


    وش بلاها الايقونات تروح يمين؟؟
    المهم

    رجعت البيت وصليت وتغديت وعينت خير واخذت لابي وجلست واذا بابنتي تركض بجوالي بيدها : ماما جوالك يدق....ياللبشائر ياللسعاده جوالي اليوم فالها

    واخذته من يدها بسرعه واذا به نفس الرقم وارد: الو نعم:bigsmile:

    ردت علي انثى ولكم سعدت وقالت: انتي اخت (فلانه)وقالت اسمي الصدقي مو شتات ههههههاااااي :clap:
    قلت: نعم انا هي (ٌقسما بالله انا ..بس تراني مااقسمت لها)المهم
    قالت: انتي رفعتي بشأن النقل؟
    قلت: نعم..رفعت تظلم على النقل
    قالت: انا اتصلت ابلغك انه نعتذر عن تحقيق طلبك
    قلت: ليه؟
    قالت: بس لانه النظام ..الانظمه (قامت تخبص وربي)
    قلت: طيب انا من تعينت منذ ست سنوات تم تعيين نفس تخصصي بمنطقتي قبل ان انقل كيف يتم ذلك والاوليه لي ؟
    قالت: غيرك على ثلاثين سنه وعشر سنوات...بالله وش دخل:icon28:

    قلت: اعرف ان غيري تغربو اكثر لكن كلامي على نفس تخصصي والحاجه له بمنطقتي كيف وزارة الخدمه المدنيه تعين جدد وانا وغيري نطلب نقل لنا سنين

    اخيررا اعترفت وقالت: انا والله ماادري وماعندي شي كل مافي الامر اني اتصل ابلغك ايش صار على معاملتك
    قلت: طيب شكرا جزاك الله خير

    واقفلت الخط...مقفلة معه اخر امالي
    ومستزيدة منه بخيبات الامل والاحباطات مما تحمله لنا الايام القادمه وما تخبئه لنا وزارتنا الكريمه من مفاجااات


    وانقطع وانقطع وانقطع حبل الرجا فيني وماعاد فيه امل

    لاتقولون حركه الحاقيه..ماظنيت وماهقيت

    ومو تعصبون عشان الموضوع قرقر واجد خلوني لي مده ماقرقت على روسكم تحملوني نو بروبلم:icon30:واللي يبي يقط عقاله ويرغد ويزبد بليز رح عصب بعيد مالي خلق احد
    يعصب هنا ترى على طووول اصيح:tears:اوك؟

    وعلى ذلك جرى التنويه وشوووووووكرا لحسن متابعتكم

    وقااااااااااااااااعدييييين ياديرة الغربه قاااعديييين

    اوف اوف اوف >>>>>>>قاعده تمووول:tears:
     
  2. تعبت خلاص كفايه

    تعبت خلاص كفايه تربوي جديد عضو ملتقى المعلمين

    80
    0
    0
    ‏2010-07-03
    معلم
    اعانك الله و فرج غربتك اختي الكريمه التزمي الاستغفار و ألحي في الدعاء فليس على الله بعيد و ان شاءالله تفرحين قريبا بالقرب من اهلك
    لك دعوه في ظهر الغيب ان شاءالله
     
  3. إكليل الورد

    إكليل الورد تربوي جديد عضو ملتقى المعلمين

    552
    0
    0
    ‏2011-04-26
    معلمه
    مهوب على كيفهم
    من شايف نفسه هالوزير
    خير ان شاءالله
    وبعدين من حقك تعرفين اسباب عدم نقلك مو على كيفهم ( غيركم سنين مانقلوا)
    خيييييير ان شاءالله وش يبون يعني
    لايضيق صدرك وانا اختك ( وفي السماءرزقكم وما توعدون)
    ولا الوزير ولا غيره بيده يمنع رزقنا
    لا تيأسين لازم نطالب برفع الظلم عنا
    انا ما تعشمت بإلحاقيه
    لكن من مصلحة الوزاره تحطنا في بالها عدل
    وتخلي حركة النقل فيما بعد اكبر من مسخرة السنه هذي
    لاتيأسين ولايضيق صدرك
    ( سيجعل الله بعد عسرٍ يسرا)
     
  4. لغة القرآن الكريم

    لغة القرآن الكريم تربوي جديد عضو ملتقى المعلمين

    211
    0
    0
    ‏2011-05-10
    معلم
    أقول الله يعينك ويكتب لك أجر صبرك ..
    بس لاحظت إنك مروقة جدا في حديثك , وما يدل على إحباط أو يأس.
    فأحب أقول لك : هنيئا , فهكذا نتغلب على أوجاعنا وآلامنا .
    وما قدره الله كائن مهما فعلنا .
     
  5. معلم خارج التغطية

    معلم خارج التغطية تربوي جديد عضو ملتقى المعلمين

    104
    0
    0
    ‏2010-10-31
    معلم
    طيب أنا اعطيك ايش صار هذي السنة ،،،

    أنا الحمدلله العام الماضي جاني نقل على الليث بعد 3 سنوات ،،، وكان زملائي اثنين أرقامهم 1 و 2 على الليث

    تفجأنا بداية السنة أن في معلمين متعينين جدد في المنطقة ،،، طبعا زملائي شكوى على للوزارة ،،، ايش كان رد الوزارة ،،،

    ارفع معاملة رسمية وتابعنا ،،، طيب حقنا واضح وضوح الشمس ،،، الوزارة ردت : على شحم عشان تصير معاملة رسمية ،،،

    والشباب ما قصروا رفعوا للوزارة ،،، طبعا أخوياي يتابعون معاملتهم بالاتصال ،،، ايش صار قالوا حولنا المعاملة إلى المكتب الفلاني انتظر اسبوعيين ،،،، ومنها لمكتب ثاني وانتظر ثلاث اسابيع ،،، وعلى هذا الحال إلى اليوم ،،

    طبعا الشباب قدموا نقل على الطائف هذي السنة ونزلت اسمائهم ،،، والوزارة لسه انتظر ،،،

    الطريف في الموضوع ،،، انهم لما يتصلون على موظف تسمع انواع السذاجة ،،، يعني :

    موظف يقول : هذا رزقهم ليه تحسدونهم ،،، ( طيب يا ...... هذا حقي الاولوية لي )
    موظف ثاني : انتم تخصصكم حاسب إن شاء الله تنقلون فيه احتياج بس انتم اصبروا ،،، ( ليه حنا اصغر عيالك عشان تضحك علينا )
    موظف ثالث : اصلا كان فيه حركة الحاقية خاصة بالحاسب والعلوم بس رفض بن معمر وقال عينوهم عشوائي
    موظف رابع : يخلي الشباب يشرحون الموضوع كامل وبعدين يحولهم على موظف ثاني ويقول هذا مو اختصاصي

    يعني الظلم واضح بس وحقنا ضائع ،،، ما اقول الا :

    الله يعينك و يعيننا ،،، والا يورنا مثل ذي الامور
     
  6. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه
    الحمدلله على كل حال..وجزاك الله خير على الدعاااء:bigsmile:
    **********
    اكليل الورد
    مهوب على كيفهم
    من شايف نفسه هالوزير
    خير ان شاءالله
    وبعدين من حقك تعرفين اسباب عدم نقلك مو على كيفهم ( غيركم سنين مانقلوا)
    خيييييير ان شاءالله وش يبون يعني
    لايضيق صدرك وانا اختك ( وفي السماءرزقكم وما توعدون)
    ولا الوزير ولا غيره بيده يمنع رزقنا
    لا تيأسين لازم نطالب برفع الظلم عنا
    انا ما تعشمت بإلحاقيه
    لكن من مصلحة الوزاره تحطنا في بالها عدل
    وتخلي حركة النقل فيما بعد اكبر من مسخرة السنه هذي
    لاتيأسين ولايضيق صدرك
    ( سيجعل الله بعد عسرٍ يسرا)

    للأسف هو على كيفهم يختي ..كل شي على كيفهم...ولكن عسى انن يكون في الامر خيره
    والحمدلله راضيه وقانعه ان شاء الله وماهو بضيق صدري...الحمدلله على كل حال
    تسلمين حبيبتي عالمرور العطر
     
  7. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه

    الحمدلله على كل حال
    والله هالترويقه ماجت من فراغ..جت بعد توطين وتدريبات مكثفه من الوزاره ومن غيرها
    اصبحت استقبل احزاني بالابتسامات والضحكات والحمدلله فضل الله يؤتيه من يشاء

    شاكره مرورك الكريم
     
  8. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه

    ابي افهم وش مؤهلات موظفينهم هاللي يردون عالمكالمات من جد ابي افهم
    احد يوضح رجاءا؟؟...والله انا اللي كلمتني مدري جاني احساس من ربكتها انها اللي تصب قهوه او شي من هالقبيل والله مو استحقرها لكن من اسلوبها وربكتها وعدم مقدرتها على الرد...حدث العاقل بما يعقل..اقل شي خاطبو عقولنا ياوزاره ترى لنا عقول وهاللي بروسنا مو علب تونه تستغفلونا :icon28:
     
  9. لا مكان لا وطن

    لا مكان لا وطن تربوي جديد عضو ملتقى المعلمين

    111
    0
    0
    ‏2011-05-05
    معلم
    اختي الغالية : شتات هذا هو حال كل المعلمات والمعلمين مع الغربة

    لكن.............. يبقا رجاءنا بالحي القيوم


    الوزارة كل شي فيها حظ ........................يعني موبكيفنا
     
  10. blackcherry

    blackcherry تربوي جديد عضو ملتقى المعلمين

    79
    0
    0
    ‏2011-04-11
    teacher
    آللـَّہ يوفقك.حبيبتي شتات واكيد لك يوم اكيد وانا عندي يقين إنــہ بيجي اليوم ?لليـّے جوالك مايوقف من الاتصالات
    عشان يباركون لك نقلك مثل ماحصل معي سبع سنوات انتظر هاليوم والحمدلله ربي حققه لي
    وصار جوالي يرن يرن يرن يرن والكل يقول مبروو. ووووووووووووو ك اخيرا اااااااااااا
    هههههههههههههههههههه
    خلي عندك يقين انك مش محرومة وكل المعلمات آللـَّہ يوفقنا ويوفق الجميع يارب
     
  11. عبيرالوادي

    عبيرالوادي تربوي جديد عضو ملتقى المعلمين

    91
    0
    0
    ‏2011-03-04
    معلمة
    عزيزتي شتات عن تجربة إن البعض يرد سواء في الوزارة أو إدارات التعليم وعامل نفسه فاهم في التعميم وقد يتسبب في ضياع مصلحة المراجع!!
    خلي أملك بالله كبير ورحمته قريبة من المحسنين وأقوى قوة لن تقف أمام قدرة الله..!!
    قولي اللهم استر من الجاي وودي أفر "من معمل التجارب البشرية "بالوزارة..؟!
     
  12. LOYAL

    LOYAL تربوي جديد عضو ملتقى المعلمين

    289
    0
    0
    ‏2011-04-26
    معلم حاسب
    إذا فيه ظلم ( متعمد ) أسأل الله اللي زحزح حسني وزين العابدين يزحزح المسؤولين عن النقل في ليلة غايب قمرها .....


    قصتك ياشتات حلوة وفيها أسلوب سردي ممتع اتمنى أن أشاهد أسمك في مكتبات العبيكان لتنافسي الروايات الأخريات ..

    ويا أخت شتات والله كل ماأشوف معرفك يحكي عن النقل أحس الدنيا بخير خخخخخخخخخ الله يوفقنا وياك وجميع المعلمين والمعلمات وننقل لأهلنا على خيرررررر

    وياناس ودي أثور على الإبل اللي في الخط وخايف من أهلها الله يكفينا شرها
     
  13. الصابرة المحتسبة

    الصابرة المحتسبة تربوي جديد عضو ملتقى المعلمين

    837
    0
    0
    ‏2011-03-08
    معلمة
    اسلوبك ممتع...وشخصيتك حلوة مآشاءالله

    الله يوفقك يارب




    طيب ممكن تعطيني رقم الحرمة اللي اتصلت عليك...عشان ارفع زيك تظلم......علميني الطريقة اللي سويتيها عشان اسويها
     
  14. نجمة في سماي

    نجمة في سماي تربوي جديد عضو ملتقى المعلمين

    1,128
    0
    0
    ‏2011-03-10
    معلمة مغتربة
    الوزارة ماينفع معها اوراق ينفع معها اللسان وتجمع
    اليوم اشوي اتهاوش مع سكرتير هالحميدي يقولي في اجتماع وكل يوم في اجتماع وهو المسؤول عن تثبيت البديلات
    عشان عارف وش انا ابقول والله مافية الا نقابله في الوزارة ومو على كيفة عقب مع حط مع البديلات الواسطات يثبتهن في المدن واحنا نقعد للتقاعد
    لازم من

    التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع التجمع
     
  15. غازي العتيبي

    غازي العتيبي مراقب عام مراقب عام

    468
    0
    16
    ‏2009-01-18
    معلم
    ههههههههههههه ياحليلك ياشتات انتي و01
     
  16. معلم 1429

    معلم 1429 تربوي جديد عضو ملتقى المعلمين

    36
    0
    0
    ‏2011-04-29
    معلم
    والله يا اخوان ................الغربة مقرفة لاخر درجه كل اسبوع وانا رايح جاءي 800 كيلو خلاص طفشنا

    شوفي أختي شتات لو كل المسؤلين حسوا طعم الغربة عرفوا ليش نطالب ونرسل ونتعب لكن للاسف لايوجد نزول

    الى أرض الميدان كل جالس في مكتب عامل نفسة مدير والله ثم والله آمالنا في ربنا كبيرر

    صدقوا الشيبان لما يقولون ( اذا ما طاعك الزمن طيعه ## والرزق على ربنا انة مايخيب املنا))
     
  17. wsm

    wsm تربوي جديد عضو ملتقى المعلمين

    163
    0
    0
    ‏2009-10-17
    معلمة
    اللهم عجل نقل جميع المغتربات
     
  18. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه
    والله انا شبه متأكده انها حتة مراسله لاتهش ولاتنش...الله المستعان
    اكيد الامل بالله وحده والا هم ماوراهم الا الدمار
    الله يسهل امورنا كلها مع هالوزاره ويسخرهم لنا ياارب
    الله يجزاك خيير وكلك ذوق ياخوي احرجتني ..ماتصدق لو قلت لك ان فكرة الكتابه موجوده وسأسجل معاناة اغترابي ان شاء الله بمساعدة زميلاتي لأن لي ذاكره مؤقته وشديدة النسيان...واذا رأى ماكتبته النور ستكونون اول من يبلغ بذلك ان الله اعطانا عمر نقول كذا خمس سنين؟؟:clap:
    وللابل معنا قصص وحكايات...لك الحق ان تثور وليس لها حق ان تزعل...والشرهه على الراعي الغايب عن رعيته...دمت بود ويسر الله لنا ولكم النقل والاستقرار:bigsmile:
    تسلمين حبيبتي الصابره من ذوووقك ورقيك والله..وابشري حبيبتي ماطلبتي شي ..انا ارسلت تظلم على فاكس الوزير ذكرت ظروفي ومرئياتي للحركه
    رقم الفاكس/014050477
    الرقم اللي دقت علي ورديت/014025392
    والرقم اللي مارديت عليه/014033022>>>>>ماسكه الجوال تطلع الارقام:icon30:
    وكنت ابي اسألك كيف ابنك المريض الله يشفيه وايش صار على حالته طمنيني؟
    ياعوومري انتي والله ماالومك احسك من جد الحزن اللي فينا انتي ترجمتيه لغضب على الوزاره وربي ماتنلامين..لكن التجمع مو سهل علينا كلنا..طيب وش رايك لو نسويه بفترة العوده اللي مافيها طالبات حتى مايكون لهم حجه علينا واشوف انا وضعي ان شالله هلي مايردوني..والله سفر وحاله...اذا انتي بالرياض ربما تكون لنا جيه فيها اذا صرت باجي اتفق معك لو ماندخل الا انا وانتي اهم شي نروح ونتكلم فيس تو فيس:icon30:

    01 مااعرف احد الا الوزاره لكن مقلبتني الجوازات :icon30:
    يجيهم يوووم صدقني يجيييهم...اليوم لك وباكر عليك...الله ييسر لنا جميعا النقل ونقر باهالينا وقرون بنا ونجمع قريشاتنا ونركد>>هذا اهم شي:icon30:
    االلهم امييييييييين
    الله المستعان وعليه التكلان ولاحول ولاقوة الا بالله...الله يكبر حظنا بالدنيا والاخره امين....والنعم بالله وشاااكره مرورك العطر
    وااااااااااااااو عيشتيني جو...ابستعد من الحين واطلع لي شريحتين غير هاللي عندي عشان ضغط الاتصالات علي تخبرين كل بيدق علي :clap:
    تدرين لما طلعت الحركه صديقاتي بالجنوب دقو علي يسألون اذا نقلت او لا:tears: فديتهن فداءا جماجما

    يارب يارب يارب ييسر لي ولجميع المغتربين النقل

    والله مرورك عذب ورائع كالنسيم...قولي امين نبشرك كلنا بهالقسم بنقلنا وكلها كم شهر ويااامسرع الايام:icon30: