اعلان 1 اعلان 1 اعلان 1 اعلان 1 اعلان 1 اعلان 1


حياة كل سعودي وسعودية .....:)‎

الموضوع في 'ملتقى إستراحة الأعضاء' بواسطة عطر الكون, بتاريخ ‏2011-05-26.


  1. عطر الكون

    عطر الكون مراقبة إدارية مراقبة عامة

    15,600
    8
    0
    ‏2009-01-17
    كل يوم نتعلم شيء جديد
    الاشياء الي تصير في السعوديه بس [​IMG]



    - دائماً مسرعين وماوراهم ولاااااا شي
    [​IMG]


    -لازم هوشه في اي لعبه جماعيه سواء كانت " كيرم " الى " بلوت " مروراً بـ " بلاي ستيشن "[​IMG]



    -شي لازم يمر بطفولة كل بزر .. انت مب ولدنا لاقينك بالشارع << تعقيد
    [​IMG]


    - الأم السعودية اذا ضاع ولدها تبكي .. وإذا لقته طقققققته هع [​IMG]



    -لازم تنكسر صينية ولا كاسة شاهي بالبيت اذا فيه ضيووف هع [​IMG]



    -كل الحريم عيالهم ما يآكلون ، حتى السمين:مسيكين وليدي مهوب يآكل أبدددد [​IMG]



    -كل الهنود و الاجانب اسمهم محمد خخخخخخ[​IMG]



    - النت مايحلى عندهم الا وقت الاختبارات والنوم[​IMG]



    -الحريم اذا اتصلوا على الرجال اول كلمه تكون : وينك؟ الرد دايم : قريّب [​IMG]



    -اي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب [​IMG]



    -في كل بيت لازم مجلس للحريم ومجلس للرجال ويشوهون مخطط البيت ومع كذا مايجيهم احد��من جد خخخ[​IMG]



    -أم توصي عيالها : اذا سألوكم اي شيء قولو مدري[​IMG]



    - الطلاب ما يذاكرون للاختبار إلا ليلة الاختبار وينجحون بأمتياز�هذا الشي حير علماء العالم هههههههه [​IMG]



    -الأم تعاتب ولدها : حرام عليك ليش طقيت أخوك الصغير وبكيته ؟؟ ... الولد : "هو اللي بادي[​IMG]



    -الولد مع اهله مايدفع ريال ومع اصحابه يحلف عليك ماتدفع ريال << اووووم النظام بسس[​IMG]



    -في البلاك بيري" طول الوقت بره واكل تايم ووكوفي تايم ومول تايم والي يسمع يقول بلندن,,من زين الاماكن[​IMG]



    -فشلتونا :كلمة يقولها الولد لأهله إذا جاء يمشّيهم > هههههههههههههه[​IMG]



    -الدولاب فيه مليون لبس و اذا جت عزيمه "ماعندي شيء البسه� ياربيه وش البس� بروح السوق ادور اخاف ما القى , ياربيييه ليتهم ماعزمونا """



    -الكبار يمسكون البزر ويحجرون له : من تحب اكثر امك ولا ابوك؟ ~> إلى الان السسؤآآل مسستمر



    -يوم الجمعه "يوم السمك العالمي >هههه



    - ما يعرفون يطلبون بالكوفي إلا : "كبتشينو" وبعد إدمان للكافيهات .. صاروا يعرفون : موكا



    - يستخدمون كأسات الجبن السايل للشرب( كرافت )



    -لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان



    -آكل الـ " آيس كريم " بشويش علشان اخوي يخلص الآيس كريم حقه قبلي و اقهره خخخخ



    - في عز الفرحة "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها و الولد يضرب اخواته خخ



    - سوالف البنات بعد البارتي=>انا اكشخ وحده-وانا احلى وحده-ويوم مريت كلهم ناظروني<حركات الشعور بالنقص ودك تلفعها وهي تسولف



    -انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونهم عين



    -لا تسلّمين خليها هي تسلّم ..لا تسلّم خله هو يسلّم ويخلص العرس وماسلموا على بعض >خخخ



    -وكل الفلان خياله عليهم رزة الراية يا زين خالد بينهم ﯙ فيصل لا تخلونه -في كل زواج يغنونها والرقص عليها حدث ولا حرج خخخخ



    -اذا بيعرفون الولد يحب اخته المولوده ولا يغار منها يقولون له بنأأأأأخذ اختتتك يالله هاتوا ملابسها >هههههههههههه



    -إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم كن ماتزوج ولا حمل ولا ولد ولا سافر ولا مرض غيرها خخخ الله ياكافي

    -سلام الجدات:هلا وشلونكم وشخباركم وعساكم بخير وشلون عوالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه هع



    -البنت ترجع من مناسبه ركض لآمها/ فيني ضيقه شفت نوير تطالع فيني ولا ذيك مدحتني ماقالت ماشا الله > آعع مافي الا انتي بالعرس




    -عند كل سوق لازم تلقى مجموعه شباب يبون يدخلون وهم يدرون أنه عوائل ههههه



    - سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد



    - الام كل ماشافت عيالها عند اللاب توب او معاهم البلاك بيري او الايفون/ تدعي ع اللي صنعهم



    -حالة طوارئ يوميا الساعه السابعه صباحا



    - العيله اللي عندها سواق تودي كل بزر للمدرسة لوحده ! >



    -مواضيع البنات في المدرسه:ياشين ذالابله حاقده علي.شفتي شنطة ذيك ظنك تقليد؟.يوه نسيت فسحتي معك ريال؟.ودي انحف قبل الصيف.بجلس جنبك تغششيني ؟.ترا فيه تفتيش [​IMG]



    -بعد مباراة النصر والهلال بنات المتوسط هوآش و يمعطون شعورهم [​IMG]



    -إمك وابوك من عرفتهم وهم الأوائل في كل دراستهم وأنت اللي ما طلعت عليهم



    -بناتنا معقدين من " اذا تزوجتي ، سوي اللي تبين !!



    -اول ما تتعلم السواقة و تطلع امك معاك،واحد مسوي حادث:انتبه.. واحد سقط عليك:انتبه.. واحد ماخذ يوتيرن:انتبه.. واحد جنبك:انتبه



    -متعة الطلعة بالأكل .. انت ماكليت انت ماطلعت ولا انبسطت >شعب همه بطنه لووول



    -اذا طلع البر صار عربجي وراعي هياط واذا راح البحر صار كوول� هذا اسمه التكيف مع البيئه هههه [​IMG]



    -أول يوم برمضان حزة اذان المغرب:اذن؟ لا ما اذن؟ الا كني سمعته! اطلع شف اذّن ولا لا؟ شوفوا بالتقويم متى وقت الآذان ؟ طيب حطو القناة الاولى نشوف



    -نفتح الثلاجه واحنا شبعانين ونفتح الثلاجه واحنا جوعانين كلها بداعي الفضول لا اكثر :



    - اذا خلصت بطارية الريموت يجلس يعضه ويعضه ويركبه ويشتغل الريموت ويحس انه سوا انجاز



    -الرجل السعودي : يلا انا عند الباب اطلعي وهو باقي له ربع ساعه ياصل البيت << مايتحملون الانتظار

    ~> حتتـآ السسوآآقين صـآآرو زيييهم

    -مواصفات زوجة المستقبل عند اي سعودي .. طويلة وبيضا وشعرها طويل .. في الاخير يتجوز العكس هههههه



    -اي ولد يعطيها وجه صار يحبها.. واي بنت تعطيه وجه صار احسن واحد عند اخوياه .. والله يالسعوديين فاهمين الحب غلط >من جد



    - الرجل السعودي مخلوق نفسيه !.. لايتزوج حبيبته ولا يحب زوجته .. من تبي مثلا ؟!



    -البنت والرجال قبل الزواج عيدان واغصان لبان وبعد الزواج اللهم يا كافي من السمنه



    -اذا صرت انسان واصل ودايم تسأل صرت انسان نشبه ! واذا سحبت عليهم قالو وينك ماتنشاف! فبالتالي مافيه حل عشان تتواصلون !



    -توصي العالم كلهم يذكرونك بشي و ينسون هم ومايذكر الا انت .... خخخخخخ[​IMG]



    -الام تشتري حلاو و توزيه عن عيالها ... لين تنتهي صلاحيته خخخ



    -كل الطلاب اللي درجاتهم ضعيفه او عايدين السنه ..بينهم عذر مشترك ..وهو ان المدرس حاقد عليهم هههههه



    - الأم : يا وليدي ارجع للبيت بسرعه بس ( لا تسرع ) !! :-d << هههههههههه



    -جدران حارات السعوديين " a+n = قلب و فيه سهم  و الحب عذااااااب " خخخخخخ



    -الحريم يقضون 9 ساعات بصوالين المكياج وساعتين بالزواج > هههههههههههههههههههههههه



    -تحضرلزواجها قبلها بسنه وتعمل اغلى فستان وتتعب على المكياج والشعر واخرتها جالسه في الكوشه والشي الوحيد الي تسويه توقف عشان تسلم لوووووووووول



    -البنت عند شلتها: انا ولد خالتي ووالد عمتي وولد الجيران كلههم يحبوني ~ وبالاصل كل الي قالتهم ماطقولها خبر ويمكن مضيعين اسمهاا



    - عنددك واسطه ! تدخل جامعه مستشفى حكومي وزارات ! ما عندك شي ؟ اجل في بيتكم



    - يمر لمحل وجبات سريعة .. والطلب: همبرجر تريبل .. اكسترا شيز .. مايونيز وعشان الرجيم : الببسي دايت (امحق رجيم)



    -شعب يعرف عن كل شئ وله تجارب في كل شئ لو سألت احدهم حتى لو مايعرف عيب في حقه يقول ما اعرف



    -السؤال اللي مابطّلوه إذا شافوا ولد في عزيمة .. تدرس ؟؟ سنة كم ؟؟ ماشاء الله نجحت ؟؟ [​IMG]



    -اذا معانا مشروب او حلاو و نشب فينا بزر نقول " هذا دوا يابابا دوا



    - مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس/الرسيفر/واذا فيه لياقه نطفي التلفزيون بعد



    -تلاقي المتسوق عند الكاشير يحتج و يشتم فيهم لأن الأسعار عالية و بالأخير يطلع الفلوس من جيبه و يعطيه للكاشير[​IMG]



    -الزوجه لازم تكون ام وطباخه ومربيه وكهربائيه وممكن سباك اما الرجال يدوام وكثر الله خيره



    -مستحيل تأخذ سندويتش للمدرسة عشان ما يقولون عنك مصري
    ~> هههههههههه



    - أكبر بنت وولد على اسم الجد والجدة """"بنتهم الكبيرة لطيفة والثانية ميار



    -نتواعد نطلع 6 وتصير الساعه 8 ولسى ماطلعنا



    -يحبون ياكلون مفاطيح بس يحرصون على ان الببسي يكون دايت



    -اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحياناً يرشون الوجه مويه



    -البنت السعودية الصغيرة ما تطفش من لعبة "الحريم"و تمثل دور البنت الكبيرة المتزوجة اللي تسافر و تروح للسوق مع السواق[​IMG] :-d



    -الأمهات يخرشن



    -اذا جلست مع وحده وماعندكم سالفه نسولف فيها تنط بوجهي: نحفتي كثيير وبعدها ب5 دقايق تجي وحده ثانيه تقول: ماشاءالله سمنانه[​IMG]



    -الشعب الوحيد اللي ياخذ اي شيء بسعة صدر ووفله و تنكيت [​IMG]



    --عندهم مشكلة مع الجنسيات الأخرى ! يحسون أنفسهم أحسن ناس xd محد قدهم ! وباقي الشعوب زبالة



    - الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه



    -تسافر لبيت جدك و يستقبلوك من ٨ الى ١٠ بزارين ولا تدري من ذولي يطلعون عيال عمامك كلهم بنفس العمر وجو للحياه فجاه تقال شارينهم



    -نروح ننتظر الأخ المبجل لين يطلع من مدرسته أكثر من ربع ساعة ! ولو ينتظرك هو و السواق 5 دقايق قوم الدنيا ولا قعدها [​IMG]xd



    -أشهر جملة عند البنت السعودية : مشكلتي مررره مزاجية [​IMG]



    -الام تدلع ولدها والبنت مسحوب على خيّرها

    - اذا جو يصلون لازم يلفون شوي يسار للقبله[​IMG]

    - اذا مريت عند ناس وهم واقفين ولا سلمت قالوا شايف نفسه واذا سلمت قالوا يبي يتعرف[​IMG]

    - اذا كنتوا جالسين وقام واحد وطلع حشيتوا فيه واللي يخاف ان يحش فيه مايطلع الا آخر واحد

    - الطفل السعودي يكلم طفل ثاني ابوي اقوى من ابوك , سيارة ابوي احسن من سيارتكم ,وريني عضلاتك عضلاتي اكبر من عضلاتك...... الخ

    - الطفل السعودي اذا كان بالشارع ومرت سياره يشوت نعلته علشان تدعسها السياره

    - المرأه السعوديه تكلم صاحباتها : الاجازه اللي فاتت صيفنا بباريس والاجازه هذي متحيرين نروح لسويسرا او النمسا بس القهر ماحصلنا حجز
    والنهايه مكه الله يشرفها وجالسين بالساحه

    - العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه





    اذا كنت تحس ان كل الي ينكتب هنا يصير بحياتك
    فـمبروووووك انت سعودي <- احس اننا عائله وحده
     
  2. هدوء إمرأة

    هدوء إمرأة عضوية تميز عضو مميز

    19,372
    0
    0
    ‏2009-02-02
    مستوره والحمد لله
    ههههههههه
    قفشاات لاتخلو منها حيااة السعوديين :)

    يسعد روحك يالغلا
     
  3. قلم معلم

    قلم معلم عضو سابق في مجلس إدارة الموقع عضو مميز

    5,288
    0
    0
    ‏2009-08-02
    معلم فيزياء
    - الأم السعودية اذا ضاع ولدها تبكي .. وإذا لقته طقققققته هع

    هههههههههههههههههههه دخيلك ان لقيت اسباب ها الظاهره العجيبه وافينا بها ودي اقتنع وارتاااااااح ...
    شكراً يا فاضله..

     
  4. وكيلة 26

    وكيلة 26 مراقبة إدارية مراقبة عامة

    10,049
    35
    48
    ‏2011-02-25
    .......
    صادقة والله حاولت اطلع شي موب عندنا ماقدرت

    نعم نعم كلللللنا عائلة واحدة ههههه
     
  5. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ول .. ول .. ول ..!

    كل ذا يصير بحياتنا ولا حنا ماندري .. الي مسوي هالتقرير شكله بالإستخبارات .. ماترك شئ ماقاله ..!

    يافضيحتنا عند أخوان الخليجيين الجدد ..!

    تشكرات روح ..!
     
  6. أبو لمى الغامدي

    أبو لمى الغامدي موقوف موقوف

    11,989
    0
    0
    ‏2009-10-08
    عين ساهره
    ههههههههههههههههههههههه

    ياكثر مصايبنا

    الله يسعدك اختااه
    لاحرمنا جديدك
    طبتي بخير
     
  7. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه
    -مواصفات زوجة المستقبل عند اي سعودي .. طويلة وبيضا وشعرها طويل

    قسم ياهي صدق ونفسي اعرف وش السبب؟؟ ياناس اولهم ابوي واخواني
    طوييييييييله
    بييضا
    شعرها اسود طويل
    وعيونها وساع


    شالسالفه؟؟ فالكم حور العين ان شالله

    هههههههههههههههههههههههههههههههههههههههههه
     
  8. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    معليش .. عندي سؤال خارج النص

    على طاري الحور العين .. معروف أن الحور العين زوجات للرجال الي يدخلون الجنة ..!

    طيب النسوان الي دخلن الجنة .. يتزوجون مين ؟

    تراني أتكلم من جد .. لي فترة وأنا أفكر بالموضوع ذا ..!
     
  9. Ĝђẩ₫ắ

    Ĝђẩ₫ắ عضوية تميّز عضو مميز

    5,689
    3
    0
    ‏2011-03-02
    عاطله
    مو صاااحي توااااااارد خواااطر مو طبيعي
    الاسبوووع اللي فات انا اسأل حنا لنا حورين عيين والا لا خخخخخخخخخخخخ
    بالله عندو اجاابه يفيدنا بليييز ههههههههههههه
     
  10. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!
    ال توارد خواطر ال

    ياشين التقليد بس :tongue:

    تهقين عقولنا وضعها طبيعي ولا فينا مشكلة يوم تطري علينا هالاشياء ..!
     
  11. سعيد آل شاكر

    سعيد آل شاكر عضو مجلس إدارة الموقع عضو مجلس الإدارة

    3,369
    4
    38
    ‏2011-04-08
    معلم
    فعلاً ،،،، ليه ونفسي اعرف السبب ،،، حتى اسمع كلمة قريب قريب ،، كثير وانا في جلسة ههههههههههههههههههههههههههههههههاااي

    يعطيك العاااافية رووح الياسمين ،، من وين جبتي كل هالمعلومااااات ،،،،
     
  12. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه

    اعوذ بالله ان افتي من رأسي لكن قرأت موضوع طوييل عريض في ذلك ((مو ادور ولاشي:bleh:))ونعم للنساء الغير متزوجات حور عين بالجنه باذن الله وهم من اهل الجنه من شباب الدنيا الذين لم يتزوجو فيها

    وفيه عزاب كثير من الشهداء من عهد الصحابه الى اليوم...وعلى فكره المؤمنه اللي زوجها كافر مادخل معها الجنه تزوج بشاب من اهل الجنه واللي كان لها زوجان بالدنيا او اكثر ((الله يخلف عاللي ماعندها ولاواحد)) يعني مثلا ترملت من الاول وتزوجت الثاني تخير بينهما في الجنه...طبعا تختار الاعلى منزله بالجنه سبحان الله حتى بالجنه لنا زوج واحد...:icon30:سبحانك ربي مااعظم شانك...هذا والله اعلم
     
  13. لمسة فنان

    لمسة فنان عضوية تميّز عضو مميز

    414
    0
    0
    ‏2009-03-15
    معلم
    استوقفني الموضوع

    خصوصا حير العلماء هههههههههههههههههه
     
  14. مـنـاحـي

    مـنـاحـي عضوية تميّز عضو مميز

    9,407
    60
    48
    ‏2008-01-18
    ذكر
    رحم الله من مات مني ..!

    هنا لحسة مخ صراحة ..!

    الحين وقت الصلاة على المرأة معروف الدعاء ( اللهم أبدلها زوجاً خيرا ً من زوجها )

    إذا كانت متزوجة كيف ندعو لها بهذا الدعاء ونحن نعلم أن زوجها بالدنيا هو زوجها بالجنة ..!

    وإذا كانت غير متزوجة .. فأين زوجها ..؟
     
  15. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه

    ولا لحسة مخ ولا لحسة كوع

    الحين انت ضمنت لها انها بالجنه؟؟هذا اولا..ثانيا...ابدلها زوجا خيرا من زوجها دعاء اول مره اسمع فيه لكن اذا سلمنا انه صحيح فأهل الجنه خير من اهل الدنيا يعني ياصاحي الله يجعلك من اهل الجنه فأنت بالجنه خير منك انت الان...ربي يرفعك بالجنه ..في معلوم الحين او لا؟؟
    واذا كانت غير متزوجه فاعتقد انه الدعاء اساسا بهالدعاء غير صحيح..وزوجها بالجنه مثل ماقلت تُخيّر بين شباب الدنيا الذين أُدخلو الجنه ...مثلها وشرواها يعني...


    معلوم والا باقي كوعك ملحوس؟؟انتظر هنا الين ادور لك الموضوع واعطيك اياه خصوصي ...وانلحس انت وياه براحتكم :harhar1::harhar1:
     
  16. شتات

    شتات تربوي جديد عضو ملتقى المعلمين

    1,254
    0
    0
    ‏2010-05-05
    معلمه
  17. كأني هنا

    كأني هنا عضو مجلس إدارة الموقع عضو مجلس الإدارة

    12,897
    11
    38
    ‏2010-05-14
    معلم -وكيل بالواسطه
    -أم توصي عيالها : اذا سألوكم اي شيء قولو مدري[​IMG]

    لها ذكرى هالعباره

    شكرا لك