اعلان 1 اعلان 1 اعلان 1 اعلان 1 اعلان 1 اعلان 1


من اروع قصائد الحكمه **من حــكّم الــظنْ فـي الــدنيـا يـــضيّعهـا**

الموضوع في 'ملتقى بــوح الأقــلام' بواسطة نهرجاري, بتاريخ ‏2011-06-08.


  1. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم

    دنيـا ودانـي مواطيهـا ترفّعـهـا
    والقرم يرقى بعزمه عـن مواطيهـا



    القرم يفرض عليهـا أمـر واقعهـا
    يجرح دروبه لاجل يرجـع يداويهـا



    يرقى واذا ضاقت دْروبـه يوسّعهـا
    ويعق فيها مع انّه مـا طمـع فيهـا



    لان المطامـع يثيـر الشـك دافعهـا
    مثل الفَعَى يوم تسمع نـاي حاويهـا



    لا هو سمعهـا ولا قصـده يسمّعهـا
    ولا قصده إلاَّ تناظر ميـل راعيهـا



    يطلـع بطلعـه ولكـن مـا يطلّعْهـا
    بعض المظاهر تزخرف لك مراميهـا



    وشلون ألوم المظاهر والعـذر معهـا
    والعقربي ما قـدر يكشـف لياليهـا



    أهل المطامع تغطّي لـك مطامعهـا
    والوقت يقـدر يبيّـن لـك مغازيهـا



    من حكّم الظن فـي الدنيـا يضيّعهـا
    ومن حكّم العقل يكسب فـي تواليهـا



    ومن أشعل النار لا يامِنْ مواضعهـا
    (النار ما تحرق إلاَّ رجـل واطيهـا)



    والنار أطفت وانا ما اريـد أوَلّعهـا
    واذا ارجعت ولّعت أرْجَـعْ واطَفّيهـا



    والبسمه اللي لذيـذ الزيـف وزّعهـا
    أقـرا مداهـا واترجمهـا وامشّيهـا



    وِحْروف ما بين الاسطر سهل تجمعها
    لكن من الصعب تستوعـب معانيهـا



    قليل من يدرك الفرصـه ويصنعهـا
    يجـري بمبـداه والدنيـا يجاريهـا



    بعض الفرص تغتنمني لاجل أضيّعها
    واصنع فرص تغتنم من طيب راعيها




    هذا وانا اعزّ نفسي فـي تواضعهـا
    واقـدّر النـاس قاصيهـا و دانيهـا



    والناس ما تحفل اللي مـا يصانعهـا
    وتعيب في بعضها لو كـان غاليهـا



    تنسى وتذكر علـوم اللـي يطابعهـا
    واذا اختفى يختفي عن ذكر طاريهـا



    تتبع خطا من هـو يْحَـاوِلْ يمتّعهـا
    وتقول مـا لا تكنّـه فـي خوافيهـا



    والناس تشكـي لحاميهـا مواجعهـا
    وشلون لو صار حاميهـا حراميهـا

     
  2. }{ الصَّرريحـة }{

    }{ الصَّرريحـة }{ تربوي مميز عضو مميز

    27,350
    0
    0
    ‏2009-09-06
    معلمة ع وشك التقاعد
    بعض الفرص تغتنمني لاجل أضيّعها
    واصنع فرص تغتنم من طيب راعيها





    هذا وانا اعزّ نفسي فـي تواضعهـا
    واقـدّر النـاس قاصيهـا و دانيهـا



    والناس ما تحفل اللي مـا يصانعهـا
    وتعيب في بعضها لو كـان غاليهـا



    تنسى وتذكر علـوم اللـي يطابعهـا
    واذا اختفى يختفي عن ذكر طاريهـا



    تتبع خطا من هـو يْحَـاوِلْ يمتّعهـا
    وتقول مـا لا تكنّـه فـي خوافيهـا



    والناس تشكـي لحاميهـا مواجعهـا
    وشلون لو صار حاميهـا حراميهـا
    0
    0

    ماشاء الله ..قصيدة مميزة وفيها منَ الحِكم الكَثير
    بوركتَ يالنَّهر الوآآآفي ودام عطاؤكَ متجدّداً
     
  3. نهرجاري

    نهرجاري عضوية تميّز عضو مميز

    1,541
    0
    0
    ‏2011-04-01
    معلم
    الصريـحه
    اسعدني تواجدك و مرورك العذب
    لك مني خالص الود