اعلان 1 اعلان 1 اعلان 1 اعلان 1 اعلان 1 اعلان 1


مذكرات داشر

الموضوع في 'ملتقى إستراحة الأعضاء' بواسطة 1+1=1, بتاريخ ‏2008-12-17.


  1. 1+1=1

    1+1=1 تربوي جديد عضو ملتقى المعلمين

    9
    0
    0
    ‏2008-12-16
    أول شي الطفل الداشر راح اطلق عليه اسم [ شليويح ]
    وكل شي بقوله والله انه صدق ،، ولا تسالوني من هو هالطفل الداشر

    التعريف بالطفل:: ولد في احد قرى نجد وكان الطفل مهجن
    المهم ان الورع هذا مصرقع للنعله وكان معه شباب بعمره وكلهم
    يقربون له وكان هو القايد حقهم ومره من المرارير تهاوشو مع عيال
    جيرانهم كالعاده المهم انه كان يبي ينتقم منهم لانهم طقو ولد اخوه
    المهم انه انتظرهم انتظرهم ما طلعوا ..!
    .. وكان جيرانهم عندهم حوش غنم ورا بيتهم
    قال مالنا الا نطب في حوشهم ونلعب في غنمهم طبو الدشير الحوش
    الا وهذاك البربري المزيون قدامهم .. المهم كان معهم شروخ وصواريخ
    طلب من أخوياه الي معه يمسكون البربري حجروله ومسكوه قام هو وحط
    الصاروخ في البربري وشبه ( " أشعل النار << عشان فياض يفهم )
    والله يالربع ان البربري قام يطامر يطامر
    لين انفقع الصاروخ المهم الي معه بدو يرحمون البربري قالو حرام يا شليويح
    قال اقول امسكوه المهم مسكوه مره ثانيه لين قامت البربري تقوطر دمّان
    المهم البربري انسدح على جمبه واللي معه قامو يهاوشون شليويح
    حرام عليك خاف ربك ..!
    ,
    ,
    ,
    المهم قال لازم ننهي عليه عشان نريحه اسدحوه على جمبه سدحوه وراح
    هو اخذ بلكه ( <-- حجره كبيره ) المهم وقال بفقع راسه وفعلاً نفذ المهمه
    بكل نجاح وذبح البربري السالفه هذي صارت الساعه 7 الصبح نام
    شليويح ويوم قام المغرب لقا عيال جيرانهم يسحبون البربري المزيون
    الملطخ بالدم فـ الشارع

    ||| == ||| == ||| == ||| == |||

    السالفه الثانيه ::

    مره شليويح كالعاده قاعد بالشارع مع اخوياه وكان قدام بيتهم سكن شركه
    المهم ان فيه مصري جايب الديّنا وملبقها وهي حقت عصيرات لـ سوبر ماركت
    المهم جو يبون يزرفونها شليويح والي معه ما قدرو عليها قفل راح شليويح وجاب
    ماصوره وقال وخرو بس ويصك هذاك القفل الا هو متكسر فتح الباب ولقا انواع
    الكراتين المهم ان شليويح يسعبل على العصير اخذ انواع الكراتين عبى ثلاجة
    بيتهم وعبى الفريزر المهم يوم خذو الكراتين وشاف الوضع أوكي راح يركض
    لسكن الشركه ويقول فيه ناس سرقوا سيارتكم والله يا شباب ان المصري حق الديّنا
    معطيه كرتون يقول هذا هديه لك عشانك علمتني وشليويح المروح خذااه
    المهم جاء ابو شليويح فتح الثلاجه لقاها كلها عصيرات قال وشذي يا شليويح
    قال بارك لي يبوي انا فزت بالدوري وعطوني هالعصيرات هديه ومشاها على ابوه
    لان ابوه شايب الله يرحمه ..!


    ||| == ||| == ||| == ||| == |||

    السالفه الثالثه ::

    مره من المرات ابو شليويح جاء وقوم ولده يصلي الجمعه راح شليويح وابوه يصلون
    طلع شليويح من الصلاة طبعاً اول واحد وهو رايح المسجد قرر انه يغير حذيانه
    المهم لقا هذيك الحذيان الجديده وش زينها لبسها شليويح سريع سريع وراح بيتهم
    يوم جاء الليل اجتمعوا دشير الحاره جاكم شليويح كاشخ بالحذيان الا ولد عمه يقول
    شليويح الي عليك حذياني صار شليويح سارق حذيان ولد عمه
    وبقى شليويح بدون حذيان حافي القدمين تزحلطن عليه القديمه والجديده
    المهم شليويح كبر وسبحان مغير الأحوال شليويح الحين صار عاقل وهادي جداً
    الي كان يشوفه اول على صياعته ودشرته ما يصدق ان هذا هو شليويح القديم ‍!

    ||| == ||| == ||| == ||| == |||

    السالفه الرابعه

    مره شليويح تهاوش مع ولد اخته [ فـهـد ] المهم ان ولد اخته هذا فزع
    معه ولد عمه وطقو المسكين شليويح لانهم جوه غدر مع انه اول ماكان
    ينطق وسطرو الضعيف شليويح كان متأثر مره من شي اسمه افــلام
    المهم راح عنده اخوه الكبير قال فهدوولد عمه طقوني وانا باخذ حقي
    قال اخوه الكبير سطرهم ، راح شليويح غرفة أخوه الكبير عاد أخوه الكبير
    حق قنص وعنده دربـيـل صغير خذاه شليويح واخذ معه سلسلة وماصوره
    وقعد يسحب رجلينه بالشارع يدورهم بالاخير حصلهم بالحديقه كان فيها
    ملاهي يروحون يلعبون شوفو اشلون شليويح متأثر بالأفلام دخل وقعد
    ورا الشجر وقعد يـدربـل عليهم يقاله ذيب ينتظر الفرصه عشان
    يـهجـم عليهم المهم هجم عليهم شليويح ومغطهم تمغيط بالحديقه راح
    يصيحون بالبيت وحاقدين على شليويح لما جاء الليل متاخر جاء
    [ شـلـيـويـح ] بيدخل البيت وتفاجأ ان العائله قالبه عليه كلهم ليه يطق
    فهد لانه سطره تسطير الضعيف وقعد شليويح بالشارع قام اخذ بلكه
    ورجمها ع البيت قسم بالله يا شباب انها جت براس [ فـهـد ] يقول
    شليويح ماكان قصدي اطق احد بس ابي اروعهم ابهذلهم يقول مادريت
    الا فـهـد طالع علي مفلوق يصيح

    وانتهت الحتوته من مذكرات داشر

    مسرووووق
     
  2. Reemal

    Reemal عضوية تميّز عضو مميز

    723
    0
    0
    ‏2008-06-02
    معلمة
    الله على زمان ولى .... أذكر في حارتنا القديمة ( شليويح ) آخر ..


    وكانت له من القصص العجب العجاب ..


    جزيت خيرا على الموضوع ...
     
  3. رتانيا

    رتانيا مشرفة سابقة عضو ملتقى المعلمين

    4,662
    0
    0
    ‏2008-01-13

    يالطيف اللطف يارب,,,

    هــذا مو شليويـــح الا كائن فضـــائي من اللي نشوفهم بافلام كرتون,,و

    الحمدلله ,,,

    بس والله ذكرتني باثنين من الشلاويـــح من عيال جيراننا’’’

    في عيـــد الحج شافوا الضحيـــه معلقه راحـــوا طبق اللي صار على بســـه ( قطوه)

    وعلقوها ونزلوا فيهـــا سلخ,,,

    منظـــر ما أنســـاه,,,

    يعطيك العافيــة,, يامعادله 1+1=1


     
  4. بدر البلوي

    بدر البلوي المدير العام إدارة الموقع

    15,733
    113
    63
    ‏2008-01-03
    شكراً لك اخي الكريم على النقل
     
  5. !¤~`][الشامخ][`~¤!

    !¤~`][الشامخ][`~¤! عضو سابق في مجلس إدارة الموقع عضو مميز

    12,924
    0
    0
    ‏2008-01-19
    أشرف مهنة
    شكرا ع السرقة قصدي اللطش ولسان حال الشلاويح الا ليت الزمن يرجع
     
  6. خالد السلمي

    خالد السلمي عضو سابق في مجلس إدارة الموقع عضو مميز

    10,828
    0
    0
    ‏2008-01-13
    معلم
    ياويلي ويلاه

    أبك الورع هذه وين أهله ما يربونه

    مطلقينه فالشوارع يذي خلق الله

    أخي الغالي 1+1=1

    شـكــ وبارك الله فيك ـــرا لك ... لك مني أجمل تحية .
     
  7. kkaa123

    kkaa123 عضوية تميّز عضو مميز

    ‏2008-06-09
    معلم
    ههههههههههههههههههههههههههه

    لاتكون انت شليويح يا المديح
     
  8. ضحوي آل الحارث

    ضحوي آل الحارث تربوي مميز عضو مميز

    4,676
    0
    0
    ‏2008-05-29
    English Teacher
    موفق بإذن الله ... لك مني أجمل تحية .
     
  9. صحاري 22

    صحاري 22 عضوية تميّز عضو مميز

    1,053
    0
    0
    ‏2008-10-16
    معلمه
    [​IMG][/url][/align][/IMG]

    مشكور اخوي 1+1=1
     
  10. teacher2006

    teacher2006 أبــو فهـد .. عضو مميز

    9,954
    0
    0
    ‏2008-09-12
    teacher
    مشكور أخوي 1 + 1 = 1
     
  11. 1+1=1

    1+1=1 تربوي جديد عضو ملتقى المعلمين

    9
    0
    0
    ‏2008-12-16
    بعد تبون واحد نفسه بسرق لكم تامرون امر